iqbal

uploaded by me

maher_zain.mp3

Dr Israr Ahmed Life Changing Bayan - How To Control Your Mind, Thoughts, Nafs - Self Control, Sabr

How To Control Your Mind, Thoughts, Nafs - Self Control - Dr Israr Ahmed Life Changing Bayan.mp3

I have lost my Son not Haya Emotional bayan by Dr Israr Ahmed.mp3

Ertugrul ghazi by allama iqbal poetry jawab e shikwa...   جواب شکوہ علامہ اقبال.mp3

sweet_azan

Shikwa Jawab-E-Shikwa (Allama Iqbal) by Amjed Sabri and Naeem Abbas- Complete

Jawab e Shikwa Part 01 || Dirilis Ertugrul || Allama Iqbal

صفحۂ دہر سے باطل کو مٹایا کس نے 

نوع انساں کو غلامی سے چھڑایا کس نے 

میرے کعبے کو جبینوں سے بسایا کس نے 

میرے قرآن کو سینوں سے لگایا کس نے 

تھے تو آبا وہ تمہارے ہی مگر تم کیا ہو 

ہاتھ پر ہاتھ دھرے منتظر فردا ہو 

کیا کہا بہر مسلماں ہے فقط وعدۂ حور 

شکوہ بے جا بھی کرے کوئی تو لازم ہے شعور 

عدل ہے فاطر ہستی کا ازل سے دستور 

مسلم آئیں ہوا کافر تو ملے حور و قصور 

تم میں حوروں کا کوئی چاہنے والا ہی نہیں 

جلوۂ طور تو موجود ہے موسیٰ ہی نہیں 

منفعت ایک ہے اس قوم کا نقصان بھی ایک 

ایک ہی سب کا نبی دین بھی ایمان بھی ایک 

حرم پاک بھی اللہ بھی قرآن بھی ایک 

کچھ بڑی بات تھی ہوتے جو مسلمان بھی ایک 

فرقہ بندی ہے کہیں اور کہیں ذاتیں ہیں 

کیا زمانے میں پنپنے کی یہی باتیں ہیں 

کون ہے تارک آئین رسول مختار 

مصلحت وقت کی ہے کس کے عمل کا معیار 

کس کی آنکھوں میں سمایا ہے شعار اغیار 

ہو گئی کس کی نگہ طرز سلف سے بے زار 

قلب میں سوز نہیں روح میں احساس نہیں 

کچھ بھی پیغام محمد کا تمہیں پاس نہیں 

جا کے ہوتے ہیں مساجد میں صف آرا تو غریب 

زحمت روزہ جو کرتے ہیں گوارا تو غریب 

نام لیتا ہے اگر کوئی ہمارا تو غریب 

پردہ رکھتا ہے اگر کوئی تمہارا تو غریب 

امرا نشۂ دولت میں ہیں غافل ہم سے 

زندہ ہے ملت بیضا غربا کے دم سے 

واعظ قوم کی وہ پختہ خیالی نہ رہی 

برق طبعی نہ رہی شعلہ مقالی نہ رہی 

رہ گئی رسم اذاں روح بلالی نہ رہی 

فلسفہ رہ گیا تلقین غزالی نہ رہی 

مسجدیں مرثیہ خواں ہیں کہ نمازی نہ رہے 

یعنی وہ صاحب اوصاف حجازی نہ رہے 

شور ہے ہو گئے دنیا سے مسلماں نابود 

ہم یہ کہتے ہیں کہ تھے بھی کہیں مسلم موجود 

وضع میں تم ہو نصاریٰ تو تمدن میں ہنود 

یہ مسلماں ہیں جنہیں دیکھ کے شرمائیں یہود 

یوں تو سید بھی ہو مرزا بھی ہو افغان بھی ہو 

تم سبھی کچھ ہو بتاؤ تو مسلمان بھی ہو 

دم تقریر تھی مسلم کی صداقت بیباک 

عدل اس کا تھا قوی لوث مراعات سے پاک 

شجر فطرت مسلم تھا حیا سے نمناک 

تھا شجاعت میں وہ اک ہستی فوق الادراک 

خود گدازی نم کیفیت صہبایش بود 

خالی از خویش شدن صورت مینا یش بود 

ہر مسلماں رگ باطل کے لیے نشتر تھا 

اس کے آئینۂ ہستی میں عمل جوہر تھا 

جو بھروسا تھا اسے قوت بازو پر تھا 

ہے تمہیں موت کا ڈر اس کو خدا کا ڈر تھا 

باپ کا علم نہ بیٹے کو اگر ازبر ہو 

پھر پسر قابل میراث پدر کیونکر ہو 

ہر کوئی مست مئے ذوق تن آسانی ہے 

تم مسلماں ہو یہ انداز مسلمانی ہے 

حیدری فقر ہے نے دولت عثمانی ہے 

تم کو اسلاف سے کیا نسبت روحانی ہے 

وہ زمانے میں معزز تھے مسلماں ہو کر 

اور تم خوار ہوئے تارک قرآں ہو کر 

تم ہو آپس میں غضب ناک وہ آپس میں رحیم 

تم خطا کار و خطا بیں وہ خطا پوش و کریم 

چاہتے سب ہیں کہ ہوں اوج ثریا پہ مقیم 

پہلے ویسا کوئی پیدا تو کرے قلب سلیم 

تخت فغفور بھی ان کا تھا سریر کے بھی 

یوں ہی باتیں ہیں کہ تم میں وہ حمیت ہے بھی 

خودکشی شیوہ تمہارا وہ غیور و خوددار 

تم اخوت سے گریزاں وہ اخوت پہ نثار 

تم ہو گفتار سراپا وہ سراپا کردار 

تم ترستے ہو کلی کو وہ گلستاں بکنار 

اب تلک یاد ہے قوموں کو حکایت ان کی 

نقش ہے صفحۂ ہستی پہ صداقت ان کی 

مثل انجم افق قوم پہ روشن بھی ہوئے 

بت ہندی کی محبت میں برہمن بھی ہوئے 

شوق پرواز میں مہجور نشیمن بھی ہوئے 

بے عمل تھے ہی جواں دین سے بدظن بھی ہوئے 

ان کو تہذیب نے ہر بند سے آزاد کیا 

لا کے کعبے سے صنم خانے میں آباد کیا 

قیس زحمت کش تنہائی صحرا نہ رہے 

شہر کی کھائے ہوا بادیہ پیما نہ رہے 

وہ تو دیوانہ ہے بستی میں رہے یا نہ رہے 

یہ ضروری ہے حجاب رخ لیلا نہ رہے 

گلۂ جور نہ ہو شکوۂ بیداد نہ ہو 

عشق آزاد ہے کیوں حسن بھی آزاد نہ ہو 

عہد نو برق ہے آتش زن ہر خرمن ہے 

ایمن اس سے کوئی صحرا نہ کوئی گلشن ہے 

اس نئی آگ کا اقوام کہن ایندھن ہے 

ملت ختم رسل شعلہ بہ پیراہن ہے 

آج بھی ہو جو براہیم کا ایماں پیدا

Jawab e Shikwa Part 02 || Dirilis Ertugrul || Allama Iqbal

Ertugrul ghazi by allama iqbal poetry jawab e shikwa... جواب شکوہ علامہ اقبال.mp3

Junaid Xheikh Ahmed