عصفووووووووور اه علي ده عصفور

ياما ملينا وملينا لغيرنا وعطشنا ساقينا

اول اغنيه للشيخ امام اسمعها بسببك

صابرين وبحر ما يروينا .. شايلين بدال العِلة عِلَل

مساكين بنضحك من البلوة والله  !

رب العالمين الشيخ امام

الامل نفسه الي بيعذبنا ده ؟ اه هو هو

الزمن الجميل

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّ طويل ..
وأنا العليل ..
موجود دوا بس الطبيب ما رضاشي
والصبر فين ؟!
الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقة
يا كاشفه من شوقك خطوط مشقوقة
لما حضنتك والبذور مرشوقه
غنيت وفي المغنى فرضي للسمرا أرضي ..
هيَّ اللي باقيه ع الزمن معشوقه
والعشق زين
العشق زين بس الهموم سبّاقة
والشوف حديد بس الغيوم خنّاقة
والانتظار للوعد نار حرّاقة
امتى تطول العيدان دا من زمان ..
مشتاق أنا والحلوه مش مشتاقة
والذل شين
الذل شين والأرض بكر عفية
يوم الحصاد وعروسه متحنية
لو شفتها بالقمح متغطية
ح افرش عبايتي واقابل
أم السنابل
وح اضم أملي بعد شوق بعيني
وبالإيدين
وبالإيدين المعروقين يا مناجل
أطوي ضلامي بالصباح العاجل
وانزل بشومتي ع الغراب الحاجل
ويا يبقى شغل وغنا ..
طول السنة ..
يا تبقى ثورة في الصدور ومراجل
والوعد دين
الوعد دين

وهبت عمري للأمل

محمد عبد الوهاب - امتى الزمان

أغنية سلمى تأليف فؤاد حداد ألحان وغناء أحمد منيب

سلمى   ..... فؤاد حداد وأحمد منيب

Najat Al Saghira (Ana B3sh2 El-Ba7r) أنا بعشق البحر نجاة الصغيرة

الشيخ امام _ بستنظرك

الشيخ إمام  يا حبايبنا فين وحشتونا

نجاة الصغيرة - عيون القلب

البحر بيضحك ليه-كلمات نجيب سرور
لحن و غناء الشيخ إمام 

البحر بيضحك ليه-الشيخ إمام

وهبت عمري للأمل - الشيخ إمام

من كلمات أحمد فؤاد نجم .

أنا اصلي حاســــب موعدك  
وعارف اللي بيبعدك
وأنا اللي خابر تبقي مين 
وأنا اللي صابر من سنين
وباعدّ لك مطرح ف بســــتان الامل 
وبامدّ لك وف كل خطوة 
أمدّ لك ايدي اللي شققها العمل

بستنظرك - الشيخ إمام

إذا الشمس غرقت في بحر الغمام
ومدت على الدنــيا مــوجة ظــــلام 
ومات البصر في العيـون والبصايــــر
وغاب الطريق في الخطوط  والدواير 
يا ساير يا دايــر يا ابــو المفهومــــية
ما فيش لك دليـل غير عيون الكلام 

‫اذا الشمس غرقت‬ - الشيخ إمام  و الشاعر أحمد فؤاد نجم

بلاش تبوسني في عينيا دي البوسة في العين تفرق

يمكن في يوم ترجع ليا و القلب حلم و يتحقق

خلي الوداع من غير قبل علشان يكون عندي أمل

و بلاش تبوسني فى عينيا

كل الستات جمالات و جمالهم ساحر فتان

عايشين فى الكون أزهار بنقطف منها ألوان

اللى جمالها فى إبتسامة محتارة بين لولى و مرجان

و لا الشفايف الحلوة ياما روت عليل و سقت عطشان

لكن اللى جمالها فى عينيها النظرة ما بتهونش عليها

من بعدما تشغل قلبك إن جيت ناحيتها تقول لك

بلاش تبوسنى فى عينيا

و انت يا سايقة فى دلالك كتر الدلال زاد فى جمالك

خطوتك ألحان فى قوام سكران

له دلال فتان يخجل الأغصان

و انت يا نور العين وصفك أجيبه منين

الورد و الياسمين اتقاتلوا على الخدين

لكن اللى جمالها فى عينيها النظرة ما تهونش عليها

من بعدما تشغل قلبك إن جيت ناحيتها تقول لك

بلاش تبوسنى فى عينيا

بلاش تبوسني في عينيا - محمد عبد الوهاب

البحر بيضحك ليه
وانا نازله ادلع املا القلل
البحر غضبان ما بيضحكش
اصل الحكاية ما تضحكش
البحر جرحه ما بيدبلش
وجرحنا ولا عمره دبل
مساكين بنضحك من البلوة
زي الديوك و الروح حلوة
سارقاها من السكين حموة
و لسة جوا القلب أمل
قللنا فخارها إناوي
بتقول حكاوي و غناوي
يا قلة الذل أنا ناوي
ما شرب و لو فى المية عسل
والبحر بيضحك ليه … ليه
وانا نازلة ادلع املا القلل
ياما ملينا وملينا
لغيرنا وعطشنا ساقينا
صابرين وبحر ما يروينا
شايلين بدال العلة علل
والبحر بيضحك ليه … ليه
وانا نازلة ادلع املا القلل
فى بالي ياما وعلى بالي
واللي بيعشق ما يبالي
ما يهمنيش من عزالي
يا حلوة لو مرسالي وصل
والبحر بيضحك ليه ليه
وانا نازلة ادلع املا القلل
بيني وبينك سور ورا سور
وانا لا مارد ولا عصفور
فى إيدي عود قوال وجسور
وصبحت انا فى العشق مثل
والبحر بيضحك ليه
وانا نازله ادلع املا القلل

الشيخ امام - البحر بيضحك ليه

كان من البديهي أن تُمنع أغاني الشيخ إمام وأحمد فؤاد نجم من الإذاعة، وأن تتم محاربتهما من قبل نظام جمال عبد الناصر وأنور السّادات، إضافة إلى مشاكستهما التي طالت أيقونةً مثل أم كلثوم. في هذه الأغنية، يهاجم الثنائيّ العضويّ نظام "الضبّاط الأحرار"، الذي أتى بعبد الناصر إلى الحُكم، على هزيمة حرب سنة 1967، وأم كلثوم التي حاربتهما بعد أن سجّل أحمد فؤاد نجم قصيدة "كلب الستّ" المشهورة، بعد أن عقر كلب "سومة" طفلاً فقيراً مرّ بالصدفة من قصرها.

http://ma3azef.com/%D9%A1%D9%A0-%D8%A3%D8%BA%D8%A7%D9%86%D9%8A-%D9%85%D8%AD%D8%B1%D9%91%D9%85%D8%A9/

أنا الأديب ولا تعرفنيش
تقرالي لكن ما تشوفنيش
كلامي لا هو مدهون ورنيش
ولا المعاني عليها غبار
شقع بقع يا ديل الفار

يا شعب مصر يا خم النوم
ما تفوق بقى وتشوف لك يوم
دى الثورة قامت في الخرطوم
وانت اللي نايم بالمندار
شقع بقع يا ديل الفار

يا شعب ثور داهية تسمك
وشيل أصول أسباب غمك
عصابة بتمص في دمك
والاسم قال ظباط أحرار
شقع بقع يا ديل الفار

شيلوا القطيع النكساوى
اللى لا عايز ولا ناوى
يرحل ويتفادى بلاوى
من تحت راسه ذل وعار
شقع بقع يا ديل الفار

أخدوا اليهود غزة وسينا
وبكره يبقوا وسطينا
والراديوهات بتغدينا
خطب ونتعشى اشعار
شقع بقع يا ديل الفار

الشيخ إمام قال كلمة حق
جت الحكومة (المباحث) (سومة) قالته لأ
الشيخ إمام قال كلمة حق
جت المباحث قالت لأ
وأبو النجوم على ودنه اندق
في المعتقل والدنيا نهار
شقع بقع يا ديل الفار

معالجة صوتيّة: مصطفى مفتاح

البحر بيضحك ليه-الشيخ إمام

Just.Sharif

Recent comments

نَيِّرَة

ltaief

مُحَمَّد الدُرَّ

فَهَدْ

Related tracks