محمد ابراهيم

mohamed Ibrahem

Sheren

اسماء

<3 فضفضه <3

Ãmona

محمد ابراهيم ♥

جناح الدنيا شالك فوق .. ورزعك تحت .. بكيت وفرحت .. بكيت فإرتاحت .. وطعمك طعم أول بنت تقابلها .. فـ أول يوم فـ إعدادى .. وقلبك لسه لون صفحه فـ كشكول سلك لسه جديد .. مكنش ساعتها فيك لمعه .. وشكلك منتهى العادى .. فضلت تحبها لواحدك .. وأبعد مـ البعيد بـ بعيد .. كإن العمر حقنة بنج .. تنام عيل تقوم تلقى .. ملامحك كلها تجاعيد 

كلمات الشاعر : محمد ابراهيم
ارتجال و غناء .. أمنية حسن

حقنة بنج لــ محمد ابراهيم

مين بيكمل مين - هاني عادل & أمينه - 2013

لا تتعجَّب إنها إرادة الله :D

كلمات : محمد هشام رجب 
موسيقى : مش عارف الصراحه

---------------------------------------
و ماتحبّيش فـ يوم شاعر
هيبني البيت من الكلمات 
و عفشِك شعر متزوّق 
لا يوم هـ يفِن فـ المطبخ 
ولا للشقه هـ يروّق 
هيعمل للعتاب قافيه 
فـ يوم ماتكوني سايبه البيت 
يصالحِك بالكلام عادي 
ما بلنسبالُه أمر بسيط 
هيكدب كدب يتصدق 
هيلعَب بالمشاعر لعِب 
هيوعِد وعد متحقق 
يخلي السهل أصعب صعب 
مفلس صعب يغنيكي 
كلامو كتير ما بيكفِش 
غداكي هيبقى تفعيله 
و مرضِك بيه ما بيخفِش 
كلامُه بيسحِر الساحر 
يا ريت تنتبهي مـ الإدمان 
بيبقى بعيد أوي عنِك 
و بيبانلِك فـ كُل مكان 
هيكتِب فيكي شعر كتير
بنات غيرِك كتب فيهُم 
 ولو حبّاه عشان شاعر 
يا ريت أشعارُه تنسيهُم 
فـ يا تحبيه عشان حبِّك
يا إما بلاش تعيشي عذاب 
عشان الشعر من أصلُه 
مكوّن من كلام كدّاب  
-------------------------------------
My Page : https://www.facebook.com/MohamedHeshamRagab
Account : https://www.facebook.com/lllHlll
-----------------------------------
لو عجبَك " أعمل شير " و إدعم العمل :)

إدمان - محمد هشام رجب

انا البنت اللي مرتبطتش-محمد ابراهيم

الاغنية ب مزيكا 
https://soundcloud.com/omnia-hassan-2/original



ليه الكمانجا بقلب إسود .. عمره ما بيصفى لـ بيانو ؟! .. ليه هنفضل زى 
مـ إحنا .. صوره وكتابه ورهان .. ليه الشتا كان وشه غامق .. والحنين واقف مكانوا .. لسه تايه بين عنيا وبين عنيكى فـ المكان ؟! .. ليه هسيبك .. ليه هقرب ؟! .. ليه بحب ساعات أجرب .. إنى امشى فـ سكه أصلا مش باينلى ايه آخرها .. وأما فجأه تضيعى منى .. أعمل انى نسيت وأقول .. عادى يعنى زى غيرها ! .. احضنينى قبل اما تمشى .. لو ضرورى تودعينى ..وإحفرى صورتك فـ عينى .. وإبكى على كتف اللى بينا لو خلاص هتضيعينى .. وإدى ضهرك ليا وامشى .. فـ المطر ومترجعيش .. يمكن انسى ان انتى مُتى وأقتنع انى هعيش 
>>>>>>
كلمات : محمد ابراهيم
الحان : أمنية حسن

ليـــــه الكمانجا

ده حاجة تانية خالص غير اللي كنت منزلاهم..اتمنى تعجبكم :)


أداء صوتي : زينة قطري
 وده لينك التويتر https://twitter.com/ZeinaCoutry
و الفيسبوك :https://www.facebook.com/zeina.coutry

كلمات: ندى الشبراوى
تقدروا تتابعوها هنا 
فيسبوك : https://www.facebook.com/pages/Nada-El-Shabrawi-Fan-Club/202309503158042?ref=hl
وهنا :https://twitter.com/iMasrya

صوت مرعوش..

أنا مش منهم - Cairokee ft Zap Tharwat

اثبت مكانك - Cairokee ft Zap Tharwat "LIVE"

محمد ابراهيم - اسف ياعم فلانتين

محمد ابراهيم- البنت السنجل

محمد ابراهيم - رسايل السما السبعه

انا الواد اللى عاش سنجل بيغسل قلبه بالأومو :) حفلة Teamwork

محمد ابراهيم - الواد السنجل

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كأنك كلمات اغنية

"أنا لسه هبتسم.. مش هسيب اليأس يموتني.
أنا بحب السعادة..بحب الضحك و الفرح و التفاؤل و الحب و الأمل.. و هعيش و أحب الناس اللي حواليا..
عيش حياتك بروح الطفل اللي جواك... و خلي الابتسامة حاجة مش مفارقاك"

(TEDxCairo) السعــادة _ زاب ثروت

حاجة كدة زي الشعر ..
أداء صوتي لـ : محمد فاروق ..
ومونتاجه وتظبيطه أيضا

وكتبها حاتم عرفة
تقدر تقراها على صفحته على الفيس بوك من هنا :
http://www.facebook.com/note.php?note_id=251117048232826

للأعمال الأخرى لـ محمد فاروق ممكن تتابعها من هنا
https://soundcloud.com/mfmaegy-1


فاكرة لما كنتي حلوة أوي

محمد ابراهيم بتحبها

مغرم -عبد الرحمن محمد

عبد الرحمن محمد - قولوا لها

يامن هواه اعزه واذلني
كيف السبيل الى وصالك دلني
أنت الذي حلفتني وحلفت لي
وحلفت أنك لا تخون فخنتني

و حلفت أنك لا تميل مع الهوي 
أين اليمين وأين ماعاهدتني
تركتني حيران صبّا هائما
أرعى النجوم وأنت في عيش هني

لأقعدن على الطريق وأشتكي 
وأقول مظلوم وأنت ظلمتني 
ولأدعون عليك في غسق الدجى 
يبليك ربي مثل ما أبليتني

يامن هواه اعزه واذلني
كيف السبيل الى وصالك دلني
أنت الذي حلفتني وحلفت لي 
وحلفت أنك لا تخون فخنتني

يا من هواه اعزه واذلني

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


محمد ابراهيم- البنت السنجل

Ka R Em