ترنيمة إلهنا عظيم 
ترنيم : مارى مرقس - كيرلس صبحى 
بيانو : ريمون رضا 
تم التسجيل والمكساج : بأستوديو هارمونى كنيسة السيدة العذراء ومارجرجس بغبريال 
هندسة صوتية : مهندس / ريمون رضا
صلوا لأجل استمرار الخدمة والترنيم لمجد اسم ربنا يسوع

إلهنا عظيم

كلمات الترنيمة :
اصليله تحير عقلى تدابيره
بيقفل باب ويفتح الف باب غيره
يادوب يلمح إيديا امامه مرفوعه
بحب عجيب عليا يفيض جزيل خيره

مبفهمهوش ساعات يمكن وبتذمر
واشوفه بعيد فى وقت الضيق ومتأخر
يقولى اصبر متستعجلش على فرحك
انا بأيدى بجهزلك فرح اكبر

بيبعت رحمه للسهران فى ليل قاسى
ويبعت نعمة للغفلان وللناسى
وبيطبطب على المهموم وبيواسى
ويفتح طاقة للمسجون فى احزانه

حنين واللى داق منه اكيد عارفه
يحوط ع اللى ماشى فى سكته وشايفه
ويصبر ع اللى ماشى بعيد وبيخالفه
ويوفى العهد لو كل البشر خانوا

أروح عنده احط الحمل واسيبه
وانام مرتاح مانا واثق فى ترتيبه
ولا يشغلنى خوف من جاى وليه وازاى
بقول الخير يارب انت اللى هتجيبه

سخيه ايديه وجوة عنيه انا متشال
وفى حضوره بحس بكل راحة بال
ده قال ف وعده هيعوضنى عن اتعاب
سنين عدت وبكرة هيبقى احسن حال

ترنيمة أصليله  فريق قلب داود

ترنيمة أصليله _ فريق قلب داود
➕ترنيمة "أصليله"➕
#الصلاة
"إن الوقوف المتواتر للصلاة أمام الله جعل وجه موسى يضيء، وإيليا يطير للسماء، ودانيال يقوى على الأسود. (القمص بيشوى كامل) 
† أصليله تحير عقلي تدابيره ... بيقفل باب ويفتح ألف باب غيره
#فريق_قلب_داود ❤️💛💚💜

ترنيمة أصليله _ فريق قلب داود

قولوا للصديق خير
 

 

ربك في ايديه السلطان
 

مهما إن كان الأمر خطير

 

تحت جناح الرب أمان

قرار :

 

 

باعت حالا تلغراف

 

بيقولك ليه يا ابني تخاف

دا إنت رعية في وسط خراف

 

هي قطيعي اللى أنا باحميه



 

 

قولو للصديق رنم

 

وإرفع راسك كده فرحان

تحت صليبك لو متألم

 

فجر قيامتك بكره يبان



 

 

قولوا للصديق عود

 

وإتذكر ماضي الإحسان

هل من مرة إتمنع الجود

 

أو بيّت في يوم جوعان



 

 

قولوا للصديق خير

 

وإنت في مرضك أو تعبان

ظرفك لو كان صعب مرير

 

شوف الخير جواه بإيمان

ME Sat ترنيمه قولو للصديق خير

دعوة للإنطلاق الروحي والتمتع بالبركات الكائنة في كلمة الله والتمسك بحياة الرجاء

كلمات وألحان وترنيم: برسوم القمص إسحق
توزيغ موسيقى: جون اسطفانوس

02.بتتصرف In البوم وانا وياك - هايدى منتصر 2016

karam3id II