أداء صوتى : كريم قاسم 
شعر : مصطفى ابراهيم 

فرافيت تذاكر سفر

أداء صوتى : كريم قاسم 
أشعار : ميدو زهير

دقة الأختام

عزف إرتجالى 
عود : سعد العود
كلارينت : محمد طارق 
ايقاع : ادهم السايح 
هندسة صوتية : كريم قاسم
وإحنا آسفين على الكواليتى يا صلاح 
من إنتاج الكهف ;) 

Oreintal Red Wine

كلمات : أدهم السايح
أداء صوتى : كريم قاسم سرور
.....................
الخوف جبان
الخوف تملي بيشبه الضوء اللي خايف ينكسر من فتحه في الشباك
الخوف
عباره عن القلم بين الصوابع من مدرس عقله فاشل في العقاب
الخوف
صلاه .. الخوف ..صيام ..الخوف ..قيام الخوف فروض لو تتعمل منغير سبب تبقي شجاعه .الحب واجب للإله ..الخوف خضوع...خلي الخشوع أجمل ما فيه انك مصدق مش جبان ..يا كل حاجه بتنحصر بين الأكيد واللا نهائي .. من اللي عمره ما كان صواب انا ميت محاوله قررت ...اتمردت علي كل شي فحياتي زيف كره السراب كره الحقيقه المطلقه وكلمه اكيد
مع اخر شفطه بيره كتبت..الخوف مالكبت والكبت مدمر بيدمر صوره جوانا ..وننام خايفين من الخوف نفسه ونقوم خايفيين
أنا ميت مليون واحد كداب .. من الخوف خايفين

شئ من الخوف

كلمات : نبيل عبد الحميد 
أداء صوتى :كريم قاسم سرور 
--------------------------
ساب المُنشار
دق المسمار
بَص على زبُونُه
متردد
ينطق أو يسكُت
محتار ..
- أؤمُر
- شُكراً
- ترابيزه / دولاب ؟
- لا أبداً .. أنا عايز باب ..
جربت كتير أبواب لكن
ولا واحد كان نافع بيننا ..
و إن جِه مظبوط لازم برضُه
في الآخر يطلع فيه سِنّه ..
لو كنا واربنا الباب يمكن
كان يفضل م الهوا سرسوب ..
كان ممكن أتوب ..
كان ممكن يبقى المكتوب
إن إحنا نحافظ على بابنا ..
كان ممكن نتعب
و نكمّل
و هنوصل
على أد تعبنا ..
سرسوب الهوا قَفَلُه و سابنا
إتنين و مابينهم
باب مقفول ..
أنا يعني بقول
لو ينفع أجرّب باب تاني
يفتح على كل اللي ما بيننا
لو حتى هيطلع فيه سِنّه
وانا هقفل و افتح بحساب ..
- كان نفسي أساعدك صدقني
أنا آسف
كان آخر باب ...

آخر باب

انا مش مؤمن - أدهم السايح

كلمات وأداء : كريم قاسم سرور 






قل للذين اجرموا فى حقنا .. 
الله يسامحك ..
قل للذين اجرموا فى حقنا .. 
مبقتش تفرق ..
قل للذين اجرموا فى حقنا .. 
داين تدان ..
قل للذين اجرموا فى حقنا .. 
انا لسة بضحك ..  
ومش فارق 
لا نورك 
ولا ضيك 
ولا ضحكتك 
ولا وسع فستانك كما لبيتى رغبتى ولون شنطتك 
انا سيبتك 
وسيبت الشكوى للى 
لسة 
عقله غايب 
وانا 
هترمى فى حضن 
الحبايب 
اللى ماتوا بعد منك 
جزء جزء 
كله ميت 
جايز كان يعيش لو لمس 
خصلة منك 
بس انا هدفنه 
حتى لو كان حى 
حتى لو فيه امل بالشفا 
انا من عصارة دمع جرح اتخان واتساب مكشوف لحد ما بعد عنك  و اكتفى
فكفى 
هروح امضى ورفتين بالدفن 
واخد تصريح 
وانصحك 
تتضحكى 
حتى لو قالوا ان موتك مش هيهزنى 
اضحكى 
وقل للذين اجرموا فى حقنا 
انا لسة بضحك 
من اثر ضحتك

قل للذين أجرموا فى حقنا .. انا لسة بضحك

كلمات وأداء : كريم قاسم سرور 
 .............................
تأثير المسكن 
المسكنات
التمييز بين الحاجات 
القدرة على الشفاء 
انا 
مش محتاجلك
مجتاج لناس 
مش زى الناس 
عايز اسمع صراخ 
قوى 
يكسر 
الحواجز والمسافات 
بين الناس 
فيبدو كلهم شخص واحد قادر على السيطرة على انفعالاته 
فى مباريات النهاية 
ويقدر يجسب خط طول عرض ارتفاع 
بدون اندفاع 

انا عارف انتى عندك كام سنة
وعارف مين اللى قتل كينيدى 
وعارف مين اللى مضى قرار تعيين تامر امين فى الفضائيات 
وعارف نتيجة المباراه من قبل ما نلعبها
هنموت فى النهاية 
زى اللى حلفوا يموتوا قبلنا 

مفيش امل 
فى محاولة شراء فلاتر لتنقية الروح 
لكن لو فكرنا شوية 
ازاى نخلي الحياه مرة
بطعمهم 
بسيطة 
هات ورقة وقلم واكتب ورايا المقادير 
ست عروق شداد يستحملونا 
هات ناس كتير بتكدب  
دعوة للخروج من جلدك 
شهود زور 
دبابات 
مدرعات
خريطة قديمة 
ميادين فاضية 
صبغة يود 
ريحة موت 

مفيش امل 
كلنا هنموت

نتيجة المباراه .. هنموت كلنا

لا تخرج قبل أن تقول سبحان الله :D



Kareem Qasem

Popular tracks