الكلماااات تحفة فعلا فنان مبدع ,,, بس الاداء مش لايق خالص

لا عااش انا لاقته بالصدفه بس جامد 

كلمات : نبيل عبد الحميد 
أداء صوتى :كريم قاسم سرور 
--------------------------
ساب المُنشار
دق المسمار
بَص على زبُونُه
متردد
ينطق أو يسكُت
محتار ..
- أؤمُر
- شُكراً
- ترابيزه / دولاب ؟
- لا أبداً .. أنا عايز باب ..
جربت كتير أبواب لكن
ولا واحد كان نافع بيننا ..
و إن جِه مظبوط لازم برضُه
في الآخر يطلع فيه سِنّه ..
لو كنا واربنا الباب يمكن
كان يفضل م الهوا سرسوب ..
كان ممكن أتوب ..
كان ممكن يبقى المكتوب
إن إحنا نحافظ على بابنا ..
كان ممكن نتعب
و نكمّل
و هنوصل
على أد تعبنا ..
سرسوب الهوا قَفَلُه و سابنا
إتنين و مابينهم
باب مقفول ..
أنا يعني بقول
لو ينفع أجرّب باب تاني
يفتح على كل اللي ما بيننا
لو حتى هيطلع فيه سِنّه
وانا هقفل و افتح بحساب ..
- كان نفسي أساعدك صدقني
أنا آسف
كان آخر باب ...

Comments

mostafa sharaf

Nano Badie

Yahia Ibrahim

Sara Messallam

Charles Ghobrial

Nabil Abd El Hamed

Nabil Abd El Hamed