The Upload

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
 يدوسه عَجَل الميكروباص
 النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
 مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
 "العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
 القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
 أبو طلق من غير صوت
فيه الجيوش ما بقوش
 لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
 ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
 و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا



www.facebook.com/Mostfa.Ibrahim

هندسة صوتية : رفيق عدلى
One Take Studio

البنكنوت - مصطفى إبراهيم

هذا الوجع ليهم - آدم أيمن عيد

Mon petit hommage à un grand maître de la musique chaabi. Sur l'air de Ochaq ezzine chanté par Amar Ezzahi.
Illustration : miniature de Mohammed Racim

Doux Amer

الحقيقة النهائية رقم واحد The first  ultimate truth

كلمات الاموي الاخيره - آدم أيمن عيد

فيلم فوتوكوبي - ليال وطفه / layalwatfeh - PHOTOCOPY mix ميكس

Dhafer Youssef, Paolo Fresu & Eivind Aarset - La Sivigliana

منآجاه الروح - Kareem Devo

جواب من مشرد في آخر نصف ساعه من ٢٠١٧ - آدم أيمن عيد

كلام فاضي - آدم أيمن عيد

انا مش هبيع الأمل للناس
ولا هقدر أبيع اليأس
ولا هقدر أبيع فكرة 
ممكن تتقلب بكره و تبقى العكس
ولا هقدر
أسكّت صوتي في دماغي و أقول له خلاص
ما عادتش مستاهلة
الدنيا صعبة ..إلعب السهلة
انت اللي بس مكبر الموضوع
بلاش تكرر خيبتي و غبائي
بطّل تصدّق و انت هتلاقي
عينيك الغرقانين من بكره قاطعين الدموع
بطّل كتابة
و بطّل كآبة
و بطّل تقول عالعبط إخلاص
مش كل صاحب حلم يبقى صاحب حق
....
بس تفضل حتة فيا تقول لي لأ
قلت مش زي ما قلتش
مش كل طرح الدنيا كلام
ولا كلنا ولاد النسيان
لازم هتفضل
ف الدنيا حاجة نقطفها 
بحاول اوصفها
كأني بوصف لواحد أعمى ايه الألوان 
نهنهات الامهات من آخر الطرقة في المستشفيات بالليل
ريحة الطبيخ على السلّم  و ريحة اللب جوه الفصل
عرض جوي لخمسمية حمامة في السما من غير ما يتفقوا
 صوت اليمام في المناور ويّا اول خيط نهار
ريحة كولونيات الغلابة في المواصلة الصبح
صرفيات الاكسوجين لمعلبات المترو مع كل فتحة باب
اول ظهور للملح في طريق المصيف
فرحتك بالنفق و انتا عيّل صغير
و فرحتك بالنوم و انت عيّل كبير
مش كل حاجة بنعرف نحط كلمة مطرحها
الدنيا لسه فيها حاجات ما بنعرفش نشرحها
طول ما موجودة.. الدنيا ما اتهدتش
ما يصحّش آجي للدنيا كأني ماجتش
فيه شفرة جوانا لسه ما اتفكتش
و قدامها لسه كتير

لسه كتير - مصطفى إبراهيم

انا وكريم - آدم أيمن عيد

الناس اللي أيامها بتشبه بعضها 
وحياتها حاجة بين المسلسل المتعاد
والكوميديا الفارص ..
مزيج بين الأمل و الصبر
حاجة ما بين السواقة 
و بين ركوب القطر
بين المعافرة و التسليم
خلطة مابين آمال بكرة 
علي أماني عودة إمبارح
علي محاولات إنك تعدي من النهاردة سليم
حاجة بتخليهم يقوموا كل يوم الصبح
يقاوحوا في الدنيا لمدة يوم كمان
ويقولوا يمكن
النهارده..
الدنيا تلمحنا
الناس دي هم احنا
في فيلم طويل 
..أبطاله كلهم كومبارس

-----------------------
لينك فيديو
https://goo.gl/UPoESJ

فيلم طويل - مصطفى إبراهيم

كريم
23 سنه على الورق بس
ناشر للإكتئاب ....
اي معلومات تاني تقدر تسأل عليها 
https://www.facebook.com/kareem.devo

منآجاه الروح - Kareem Devo

kareem m mahmoud

Related tracks