Artwork: Amaal Younes 

خورس:
غيرك مش لاقي
حضنك مكاني 
و كل لما ببعد 
بتشدني تاني

ڤيرس ١:
في الضلمة بفكر 
لو هي مستهلة
هي مش سهلة
و انا بستغبى

بصيت في المراية انت كده ليه؟
يا ريت ابقي احسن السنة دي
محتاج ابطل ابقى همجي
همسك نيتي و هصفي

واقعتنا ماكنتش ذنبك
اضطريت انزل تحت و اسلك 
مش عارف احدد ايه اللي احسنلك
واقف قصادك في الطرقة بهجمك 

الوقت اكيد هيساعد 
الساعة بتدق انا لسه في الشغل 
علي الاقل هتكون هي ارتاحت 
وقعت في الحُق سمحيني على العطل

طلعت اعمى مش شايف
مش لقيك حسيت اني خايف
في تصرفاتي هايف 
فبحاول اعمل فن هادف 

الموضوع بالنسبالي يحير
يمكن انا لسه صغير
لحظت متأخر مكنتش مقدر 
مش حاطت مجهود انا كنت مستخسر 

ڤيرس ٢:
فكرت ابعتلك تاني 
من ساعتها و انت على بالي
انهرت هو انت نسياني 
الظاهرلك اني لا أُبالي

لساني بيهنج كل لما بنتكلم
اصبري عليا انا لسه بتعلم

باصِص على البحر من اليخت 
و لاقيت ان فجاة فيكي انا سرحت 
حسيت ان يمكن كدة اكون ارتحت 
نطيت في المية و وقعت في الفخ

ببص مالقيتش اي حاجه تحتي 
في الاول كان نفسي في مساحتي 
قلت على الاقل الايام دي بتعدي 
مش فارق معايا سعادتي 

واخدك معايا مكان ما باروح
بايته في عقلي شايفك بوضوح
من كتر التفكير فيكي أنا بدوخ 
من بعد ما مشيتي مبقاش عندي طموح 

مستني ييجي اليوم إللي هنسى فيه 
يمكن هو ده نصيبي 
عيشتني حياتي في ترفيه 
كان معايا كل حاجة في إيدي  

اوترو:
قلبي مليان خوف
والرعب واكِل دماغي
حاسِس إني لسه بادئ
قاعد بفكر في الماضي

ظهرالي حتي في منامي
طلعالي في كل أحلامي
انتي الوحيدة اللي فهماني 
كنتي بعداني عن أحزاني
سايبالي فجوة

مبتعلمش ببلاش
قرصة في الودن قبل ما أنام
كنتي كلِّك حنان خلتيني انسان
محدش غيري هَيُدان
مَرضيتش أسمع الكلام
كان زماني مرتاح

Eldab3 - Leila w Hat3ady (Prod. Eldab3) الضبع - ليلة و هتعدي

Self-taught producer and emerging rapper, Eldab3 introduces a refreshing hip-hop hybrid sound that stays true to his Egyptian context while setting the groundwork for innovation. Evolving his sound independently and paving a way for future artists to follow, his work pushes the genre to bloom and rejuvenates the regional themes.

Eldab3 - Leila w Hat3ady (Prod. Eldab3) الضبع - ليلة و هتعدي

Eldab3 | الضبع