شِعر

عبد الرحمن محمد -حبيبى على الدنيا

نص مشترك:ريم وجيه وزينب فرحات
هندسة صوتية:عمرو شاهين
أداء صوتي:زينب فرحات


في فيلم أحلى الأوقات : سلمى بتقول :" ده انا كنت عايزة اتجوز بس عشان اتحضن "
فبترد عليها يسرية :"إن الحضن هو اللى بيخلى الست تحس إنها ست فعلا..حاجة صغيرة كده وضعيفة، بس مالكة كل حاجة ."

** حواء اتخلقت من ضلع آدم...يعنى اتخلقت حاضنة قلبه وبيحاوطها لحمه ودمه وايديه .

**الحضن اللى بجد هو إنك مش بس ايديك تضم شخص او ان ضلوعك تمس ضلوعه
الحضن الحقيقى هو إن كل الحواجز النفسية اللى بينك وبين الشخص ده تقع ..إن حواري قلبك وشوارعه تكون مفتوحة للشخص اللى بتحضنه ، يقدر يتمشى فيها براحته
وعشان كده مش اى شخص بيعرف يحضن او يتحضن حضن حقيقى ... حضن يشبع
أما "كيري راسل" بطلة فيلم The waitress فبتوجه رسالة لطفلها المنتظر بتقوله فيها فيما معناه
" طفلي العزيز.. أتمنى إنك تلاقي اللي يحضنك 20 دقيقة كاملة متواصلة.. يحضنك وبس.. من غير ما يحاول يبوسك.. أو حتى يبص لوشك"

**عند قدر معين من البؤس ،الحضن بيكون مقدمة لعملية ميكانيكية فاقدة للمعنى والإحساس..مالوش أي معنى على الإطلاق
بيبقى من الصعب جدا جدا انك تسمح لنفسك تتحضن ..انك تزيل كل الحواجز التى اتبنت بطول العمر والمعاناة
وقتها بتصبح أعظم أمنياتك حضن..حضن طويل يدوّب طبقات الهم اللى غلفت القلب من كل اتجاه وتسمح له إنه يتنفس بحرية ويعرف يحس

**إنت تقدر تحتوى حد تانيً ..لكن مش زي ما ينبغى ، لإن مافيش عطاء مكتمل من غير أخذ ..الحنان له وجهة مزدوجة وصعب قوى يكون احادى الجهة وإلا هيتحول لاستنزاف

**إن روحك تتحاوط وتحتوى بحنية ..إن قلبك يتطمن ويستكين إن روحك تستنشق عبير الدفا
إنك ترتاح ببساطة بين ايدين إنسان وعلى دقة قلبه ..
حاجة كده عاملة زى تعشيقة الخشب فى بعضه

**فى ناس طبطبتها حضن
وناس حضنها غربة

** أحلى حضن فى الدنيا هو حضن الاطفال ..لما يجروا عليك ويترموا بين ايديك ويرتاحوا على دقات قلبك
ما بتبقاش عارف .. ياترى هما اللي بيدفوا ضلعوك ولا إنت اللي بتحمي برائتهم

** الدبدوب هو وسيلة لاحتضان ذاتك..دفاه بيتاخد من حرارة جسمك ..و تفاعله من محاوطة ايديك له..وعطره بياخده من حضنك..وصمته الأزلى بيغرى بالحكى الآمن
حنية الإنسان على نفسه مهمة جدا ...خاصة لو ماكنش عنده غيرها
ما تستخصرش حنيتك في نفسك مهما كنت حاسس بالدونية وإنك ما تستاهلش ، في الغالب الإحساس ده بيبقى غلط
وما تمنعهاش في حد محتاجها ، المشاعر لما بتتكتم بتتخنق وتصدي، الصدى ده بيبقى سم بيسري جواك ويمنعك تحس بأي حاجة حلوة
خلي عندك يقين بأن مهما حصل ربنا برده هيفضل يطبطب عليك.. ورحمته هتحاوطك وتحضنك



الحضن

Adele - Make You Feel My Love

GeorGe NaSeF - عانقيني ثم ايه ثم تبقي ثم ابقي ثم حلوه عنيكي ليه

عانقيني ثم ايه ثم تبقي ثم ابقي ثم حلوه عنيكي ليه

احضن قلبك

احمد فوزي واخد علي خاطرك من الدنيا مشتاق لحاجات تاهت جواك

أحمد فوزى - واخد على خاطرك Amr Hassan _ Ahmed Fawzy

‘‘ الجميلات هنَّ القصيراتُ   " يُشرَبْنَ في كأس ماء   
 
محمود درويش .. 

www.facebook.com/asoma.sb

الجميلات هنَّ الجميلاتُ

- هو في أيه؟
.انا بحبك يا شادي
أيه؟-
.بحبك
و ده فجأه كده يعني ولا أيه؟-
لأ مش فجأه، من ساعة ما كنت غيرانة من وانت مع هيلدا، وكنت حاسه ان أنا مش قادرة  أكون مع حد  تاني غيرك، ولما قفشت نفسي كدابة وانا بقنعك نبقى اصحاب.
- لأ ما هو انتي لازم تكوني بتكدبي، عشان احنا المفروض ان احنا متفقين نكون اصحاب بس، اي حد هيحس اي حاجه ناحية التاني كان المفروض يقوله.
.طيب، وانا بقولك، انا أهو بقول
-من الأول بقى، طالما أنتي حاسه بكده من الاول كان المفروض تقوليلي من الاول يا ايه.
مره واحد صاحبي قالي انه بيحبني وانا كنت واضحه معاه ومرضتش ألعب بمشاعره وقولتله مش هينفع، فكدب هو كمان على نفسه و قالي نبقي اصحاب، كده بقينا واحده بواحده.
فـ لما ربنا استجاب لدعاه القديم وحبتيه فـ كنتي فاكره طبعًا انه هيقولك وانا -كمان بحبك وبموت فيكي وعمري ما بطلت يوم احبك، مش كده؟
لأ مش كده.
لأ ماهو اكيد مش كده، عشان عمرها ما كانت كده يا ايه، انتي بالنسبالي -صاحبتي، عمرك ما تكوني أي حاجه اكتر من كده، لما تراجعي نفسك هتعرفي انك كنتي بتكدبي ع نفسك لما قولتيلي انك بتحبيني، انتي بس عايزة تشوفيني بحبك و عايزة تشوفيني العاشق الولهان وتقوليلي لا يا حبيبي لا مكانك خليك في الفريند زون بتاعتك انت متعود عليها.
انا اسفه يا شادي، اعتبرني مقولتش حاجه
لأ بس انتي قولتي-

أيه و شادي - لاتطفىء الشمس I أنا بحبك يا شادي

تفرانيل مصطفى ابراهيم

من حقنا نحلم
نحلم بس و خلاص
و نقوم الصبح عادي
و نقابل نفس الناس
من حقنا نحلم
نحلم حتى في سكات
و نشوف حاجات حاجات
مثلا 
مثلا الناس سعيدة
و شاطرة مش بليدة
و قريبة و بعيدة
بتحضن بعضها
مثلا
مثلا مفيش جراح
و الخنقة بقيت براح
و انا لو تعبت ارتاح
في حضن قلبها
مثلا
مثلا الكون جميل
و النيل بقي الف نيل
وطن ملوش مثيل
في الدنيا كلها
مثلا

كلمات: علي سلامة 

‫من حقنا نحلم ولو كده وكده ,, وجيه عزيز‬‎

العشم

زي كل سنة ..

‎⁨هل ستغيرُ فكرَتكَ عني⁩

لفبراير &February 
Pop song 
غناء ابراهيم الخمارى 
كلمات 
عماد عامر 
الحان ابراهيم الخمارى &المغربي 
توزيع وميكس الخمارى
تسجيل فوكل عبدالوهاب  
ديجيتال ماسترينج عبد الرحمن يحى 
عود هشام محمد 
كلارنيت يوسف وحيد 
لييد جيتار الخمارى 
تصوير اسلام حماده 
بوستر يانى 
اتمنى تعجبكم 💙
لفبراير 

لفبراير واحلام الدفا الطاير 
لأصغر شهر زى العمر بيعدى 

لبنت جميله بضفيره وقلبي 

ياما اتعود على الحيره 

لايد امى على كتافى وتطبيقتها للحافى 
بخاف افضل فى الغازى واضيع منى 
لحزن مكنش يوم كافى يفيض منى 

لصوت مطره على قزازى وعين جدى فى بروازى 
لحزن مكنش يوم كافى يفيض منى 
بخاف افضل فى الغازى واضيع منى

لفبراير &February

الواقع بقي مزري بشكل مخلي الواحد بقي هو شخصيا مزري فنفسه
فلازم شوية المزيكا اللي بتدخل جوة الواحد تردله روحه من تاني 
المزيكا النضيفة هي اللي مساعدانا نكمل حياتنا ع الكوكب ده 

احضن قلبك

Kareem Hisham

Recent comments

Eman Ahmed 🇵🇸

Georgina Gehad Gamil

fatmamohsen

Fatma elemam1

Related tracks