Name: زينب _ احمد الطحان by Karim Ali
Duration: 6 min 43 s
Description: قصيدة زينب للشاعر احمد الطحان القاء كريم على

أنا هاسألِك.. جاوبيني بصراحة
هل يعني وإنتي بعيدة مرتاحة؟
طب فيه مساحة تسألي (واحشاك؟)
طب فيه مساحة تخلقي مساحة؟
الورد لونه رمادي في غيابِك
والوضع مِتلعبك ومُتَشَابِك
مش باطلب إنِّك ترجعي لكن
باطلب تحاولي تراجعي أسبابِك
هوَّ الغياب ده حِباله واصلة لفين؟
شايفِك في نظرة كل قلب لـ عين
وفـ كل عين باقابلها في الشارع
إحنا افترقنا ولّا متخاصمين؟
لسه العيون بتتوه مع التفاصيل؟
لسه الجميل بيقول عليا جميل؟
طب عارفة أكتر حاجة محتاجها؟
كتفِك في كتفي عشان بدأت أميل
قلبي الغريب عني بيسألني
كان قصدك إيه يعني في يوم ما مشيت
وعينيا في المرايات بتقتلني
إزاي قدرت أقول أنا استغنيت!
سايباني وحدي، ووحدي ناقص روح
بانزف، ومش شايف أثر لجروح
كاتب على القلب (مُغلَق للأبد)
لكن هتيجي هتلاقيه مفتوح
#ناقص_روح

ناقص روح - أحمد الراوي

المرة الجاية هموت واقف

دمى من طلق القناصة لساه نازف

مضروب برصاصة غدر ماتوجعشى

وصاحبها جبان

لو وشه يبان..

جوه عدسات اللى يصور

هيبات خايف

مرعوب فى طبنجة فيها حوالى كام طلقة

هتموت كام؟!

هتموت واحد

أو خمسين واحد ليهم تار

لو فاكر فى رصاص الدنيا هيسكت شعب

يبقى أنت حمار

بتجرجر عربية السادة

خطوة زيادة فى خطوة زيادة

ولحد النار

ولحد ما تلقى فى زنزانتك

دوناً عن كل مكان فى الكون..

رحمة وبراح

المرة الجاية هموت ساكت علشان ترتاح

فاكر فى الكنبة الملعونة راح تلقى حياة

وامعتصماه

عينك بتدمع على مشهد

فى مسلسل تركى بقاله كتير

وفى آخر السهرة تقول بضمير

اللعنة على ولاد التحرير

ما هو دول لو كانوا محترمين

كانوا هيباتوا فى بيوتهم

يتدفوا بمج كاكاو فى الليل

ويمصمص فى شفايفه بحسرة

«لو يبقى وطننا فى لحظة جميل»

ويهون أمانيه على نفسه بإحساس زايف..

إنه مشارك

بفلوسه لأطفال مقديشيو

وبصوته للقدس وسوريا

وينام فى سريره ويطمن

على نور الشمس فى إيد مجهول

المرة الجاية هموت مسحول

لاحس فى الأرض وأسفلته

عريان من بطش ضابط مأجور

متحامى فى جنده وسفالته

بيجيب الثاير من شعره

ويهين الصامد فى مشاعره

ويخرج عضوه المتنجس من بنطاله.. ويبول ع الناس

والكف المرفوع فوق سينا بعلامة النصر

مرفوع فى وشوشنا بالوسطى

المرة الجاية هموت على وطنى بدون واسطة

ما العايش راضى بشكل صريح

لهبات العيلة اللى بتحكم

والعضمة المرمية فى بقه

والميت رابض على حقه.. وحق التانيين

المرة الجاية هموت م الغيظ

ساعة ما تصرح فوق الجثة بضبط النفس

بتجيبوا برود الدم منين؟!

ساعة ما تعيطوا على مبنى

على ريس فاسد ليه سابنا

ساعة ما تبان أنياب الخلق

من شيخ مسبحته كراسى السلطة وقوانينها

على كام قسيس قال وأنا مالى

المرة الجاية هموت وبطاقتى مهيش فى الجيب

علشان تحتاروا فى جنازتى

تخرج من مسجد أو من دير

فتلفوا الجثة بالأعلام..

والخلق بيخرج ويعزى أفواج أفواج

أكتر ما هتطلع يوم ما يموت ريس سابق..

أو حتى مشير

عارف يا جنابو يوم ما تموت

الناس هتكون فى عزاك بالأمر

والجند هيصرف بدلاته فى آخر المعزى

زى المقرئ

ساعة ما هيختم بالفاتحة

فى جند كتير راح يتلفت

ويقولوا القادة ما حفظوناش

وتلاقى تعازى فى الجرنان

تدعى بالجنة للمرحوم

لكن ملايين اللى اتظلموا

لافين القوت اللى بياكلوه فى ورق الجرنان

والزيت السخن على الصورة

فتافيت الأكل على الآية

وبواقى اللقمة على الجنة

فى قلوبهم يتمنولك نار

المرة الجاية هموت م العار

علشان لسّانى قاعد أكتب

وأنت لساك عمال تقرا

والشارع بيموت قدامنا

هتموت إزاى؟

حد قالك  || محمد عنتر

معايا ف الشنطة الغربة 
وكفن من الليل والاحزان 
وصوان وضلمة من التربة 
وكاسات ملاها الناس اموات
حكاية عن الفات والصحبة 
ومعايا ايامي الصعبة 
جربها ودوق 
مين بات بطل وصبح مشنوق 
او فات ف ريق الناس سكران واستنى يفوق 
من فوق هويت وكواني الشوق 
وبقيت كما عينك شايفه
بياع وداع لبشر.خايفة 
والجوع بينهش ف الرقبة 
ومعايا اكتر من لعبة
دمي اللي سايل ع الاسفلت 
قلبي ف يوم حبيت واتسبت 
عيني اللي مش بتشوف الوقت 
الا ف حفر تجاعيد وشي 
نفع جدع داسه المشوار 
وبقاله عمرين ماكلشي 
وراضيني حته بنص جنيه 
طب صلي عليه 
معايا حلم فلت مني فصحيت مفزوع 
وطريق كاسيته بملح دموع 
يكوي الجراح ويسد الجوع 
ويراضي روحك بالايام 
معايا احلام متحلمتش 
اكمني مبقتش اعرف انام 
برمي العشم لسنين قدام 
يرجعلي مفتوح الكفين 
وفتحت بدل البيت اتنين 
والحمل زايد ع الكتفين 
وحروح لفين او مين او ليه 
راضيني  حتى بنص جنيه 
طب صلي عليه 
انا كنت اطول من توبي 
بفرد كفوفي الم الريح 
واتباها للناس بعيوبي 
بلعتني اوجاع مكتوبي 
وبقيت ببيع للناس فيا 
معايا اخر اغنية 
غنيتها لابويا فسابني 
غنيتها للدنيا ف قسيت 
الوقت فات والناس نسيت 
وانا نفسي مش فاكر نفسي 
الفاظي ابطء من حسي 
متع عينيك بمتاع عمري 
قبل اما يطفي الوقت عينيه 
وراضيني حته بنص جنيه 
طب صلي عليه 



للبيع - محمود صابر

احمد الطحان / زينب

يا عذاب النفس - محمد منير

يا عذاب النفس واخدنى لفين
قضيت واياك .. الليلة بسنين
ياعذاب نفسى .. مرايتى وهمسى .. يومى وغدى
آلامى أمسى .. واخدنى لفين
ياعذاب نفسى

مصطفي ابراهيم - تفرانيل

أنا بفضل دايماً للآخر
فى جيمات الكونكان والشايب
و ف كشف الحاضر و الغايب
و ف حجز شقق مصيف بلطيم
أنا آخر تايب في اصحابي
و آخرهم ف الصلاة ف التسليم
و ف دور المدرسة في التطعيم
و في وقت السين
أنا آخر جيم
أنا جرح قديم...كان متغطي
إكمني مشتي...و لابس كم
سبّتني الدنيا بستين أم
وسبتلها ميت ملة و دين
ولحد ماتميت ست سنين
أنا كنت بحب البني آدمين
و كرهت الناس من بعديها
علشان نسّوني أنا اصلاً مين

مصطفي ابراهيم - مفيهاش حاجات ببلاش

في حاجات كتير عايزاك.....
تفضل كده مسافر.....
ف طريق ملوش اخر ….
اكمنها حتموت....
ف الرحله من غيرك....
فيه حاجات كتير عايشاك....
خايفاك تبطلها ….
وحاجات كتير عايزاك....
لاكن معطلها...
ان إنتا مش عايز....
جايز...
حاجات منها....
حتعيش وتستناك ….
جايز حاجات تانيه...
ف الزحمه راح تنساك....
زي اللي راحوا زمان....
حتبطل الدخان ؟...
ولاعتك السخان ….
وسجايرك البوسطن...
حيموتوا من غيرك …
حتبطل الاحزان ؟...
كشكولك المليان...
بـقصايدك الجايه....
حيعيش لمين غيرك ؟...

محمد منير - شبابيك

سرقت عمرى من احزانى سرقتة لكن ماجانى
ولا حد شاف فين مكانى ورى الشبابيك
دى عنيك شبابيك والدنيا كلها شبابيك

عبدالرحمن الابنودي - احزانى العاديه

بصيت واحسب نفسى بين خلان
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والعناكب ومذله الرغيف
شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

محمد منير - شتا

..الى قضى العمر هزار والى قضى العمر بجد شد لحاف الشتا من البرد..
..حط الدبلة وحط الساعة 
حط سجايرة والولاعة 
علق حلمه على الشماعة
..شد لحاف الشتا من البرد..

علي طالباب - روايات العاصي

انا الشعب انا حوراى النظام
انا الرأسماليه ,, انا الشيوعى اللى جيوبه متدفيه
 يسقط الاستقرار انا الحورا والسلام
انا وهم رأى الامثل انا منظومة الكبت والاعدام
 انا الوااو فى امن الدوله حرف الجيم فى التعتيم 
وانا الداال على النور برغم بجلهى بيه
انا العدم انا الفضاء
( لكنها تتباعد شئ فشئ ) 
انا اهم وافضل فصل فى الروايا
انا بداية النهايه انا الشباك اللى اتقفل
انا نكته بايخه بيتضحك عليها بملل
 انا قانون الطوارئ وثوانى حظر التجوال 
انا واقع عالم الانفتاح الانحلال
 انا السياسه الشرعيه ,, انا تقى الدين احمد ابن التمية 
انا الفراغ وتعدد الهوايه,, انا كلب من كلاب الحزب الحاكم المغلووب
 افهم ,, انا مش فرن العيش انا الدقيق المضروب
 انا ساعة التسليه ,, انا الالهاء , وانا الاب اللى بيتحرق لما يعلن اكتفاء
انا العالم الجديد انا الدهب الارخص من الحديد
 انا اللى بيقولك الفقير فقير بضعفه
 وانا اللى مفهمك ان القوى يستحيل تستغنى عنه
 انا ابتسامتك ,, ابتسامة خوف بدون صوت
انا احساسك بالامان ,, لحظة قبل الموت

محمد منير - بعتب عليكي

مهما عيون الناس بتعرفنى
غيرك ما يعرفنى
مهما ليالى الوعد توعدنى
قلبى بيوعدنى
ضحكتك بتندهلى نظرتك بتعرفنى

عبدالرحمن الابنودي - حبيبتي كل ما بنسي

حبيبتي كل ما بنسى تفكرني الحاجات بيكي
أئنك تدمعك عيني كأني مش هغنيكي
دمايا ماتستاهلش تكون كحلة ليله لعينيكي
وأنا الدرويش
أنا السابح بمسبحتي ومبخرتي وتوب الخيش
أغنيلك وامولك مواويلك ماتسمعينيش ولا تشوفينيش
ومش لازم ما دام عايشه ما دمت بعيش

محمد منير - عطشان

عطشان يا صبايا
درب الهوى صعيب
والصحرا مديدة بعيدة
عطشان والمي قريب
عطشان.. عطشان.. عطشان

مزيج الوجع (محمد منير - مصطفي ابراهيم - الابنودي - على طالباب)

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّا طويل ..
وأنا العليل ..
موجود دوا بس الطبيب ما رضاشي
والصبر فين؟!
الصبر فين يا سنين طوال وليالي
عيني على الجمل الأصيل العالي
لمّا يهز بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين ..
يا ليل يا عين يا أرض يا معزوقه
يا كاشفه من شوقك خطوط مشقوقه
لما حضنتك والبذور مرشوقه
غنيت وفي المغنى فرضي ..
للسمره أرضي ..
هيَّ اللي باقيه ع الزمن معشوقه
والعشق زين ..
العشق زين بس الهموم سبّاقه
والشوف حديد بس الغيوم خنّاقه
والانتظار للوعد نار حرّاقه
امتى تطول العيدان ..
دا من زمان ..
مشتاق أنا والحلوه مش مشتاقه
والذل شين ..
الذل شين والأرض بنت عفيه
يوم الحصاد وعروسه متحنيه
وإن شفتها بالقمح متغطيه
ح افرش عبايتي واقابل ..
أم السنابل ..
وح اضم أملي بعد شوق بعنيه
وبالإيدين ..
وبالإيدين المعروقين يا مناجل
أطوي ظلامي بالصباح العاجل
وانزل بشومتي ع الغراب الحاجل
ويا يبقى شغل وغنا ..
طول السنه ..
يا تبقى ثوره في البلاد ومراجل
والوعد دين ..
الوعد دين ..
____
كلمات فؤاد قاعود

وهبت عمري للأمل - مريم صالح

قصيدة زينب للشاعر احمد الطحان القاء كريم على

زينب _ احمد الطحان

Karim Ali

Recent comments

فبراير

Related tracks