(1) أغنية المقدمة
يا وابور الليل.. يا رايح
ومجبّل ع الصعيد..
عاود لينا بروايح
زمن الفرحة البعيد
***
زمان لاحزان رمانا
غُربا.. ولا دريانين
الغربة دى ف دمانا؟!
ولاّ جاتنا منين؟!
تايهين ما بين غُمانا
وليل مالهوش عنين
فينك يا نجوم سمانا
دايبين لهفة وحنين
والخوف فى جلوبنا طايح
ولا عاد بياحينا عيد
يا وابور الليل يا رايح
ومجل ع الصعيد
***
جايمة علينا الجِيامة
وايامنا مغيَّمين
وان عشناها بَجتامة
رح نفضل جيَّمين
وانا فى الريح والغيامة
باحلف لكو ميت يمين
دنيتنا خيرها ياما
ومين اللى مانعُه مين؟!
والناى فى جلبى نايح
بس انا واعى وشديد
يا وابور الليل يا رايح
ومجبل ع الصعيد
(2) أغنية النهاية
النار على الناس بتحمَى
والدرب آخره بعيد
والجلب ع الجلب رحمة
والعيد معاود أكيد
***
يا دنيا وايش بعدهالك
زارعة ف دروبنا المهالك
واللهى لا نردها لك
ولو تزيدى.. نزيد
***
ولاحد م الهم خالى
حتى الَجمَر فى العلالى
حتى اما دهرى سخَى لى
ما فارجش همى الوريد
***
ولاحد ع الشين غاصبنا
ما يصيبنا إلا نصيبنا
وبكره تترجَّصى بْنا
يا دنيا.. وياحينا عيد
**
دنا عشجى يا دنيا تاجى
والحَجْ كيفى ومزاجى
والجلب عشمان وراجى
عن ده وعن ده ما احيد

حلم الجنوبي- تتر البداية - محمد الحلو - عمار الشريعي

Karim salah el-din