يختلف أسلوب الإنتقاد من شخص لشخص، وانتقاد الأعمال لا يعني بالضرورة انك الآن بمسمى "ناقِد"!
مشاركة الآراء وانتقاد الأعمال ضرورة لتطوّر مجال الصناعة… في حلقة اليوم تناقشنا عن موضوع شائك ألا وهو إنتقاد الأعمال العربية وأيضاً موضوع "أولي و ثوني“... حتفهموا لمن تسمعوا الحلقة :)

تقييمكم يهمنا جداً…
وتقدروا تلاقونا وتكلمونا على مواقع التواصل الاجتماعي: @KartoonKarton
وتقتنوا منتجاتنا من رفّنا الالكتروني على موقع RafRafaah.com 

روابط يمكن تهمك:
-ما اتذكر ايش قلنا في الحلقة ويارب ماقلنا شي يجيب العيد.

بودكاست كرتون كرتون

١٥٧: أول احد سوا نمبر تو

بمشاركة [ خيرة بندقجي ] 

بالنسبة لنا كسعوديين اللغة العربية تعتبر لغة الحوار اللي المفترض كلنا نتقنها… لكن الواقع ممكن يكون مختلف شوية بالذات للناس اللي كبروا في بيئة كانت تستخدم لغة ثانية في الحوار زي ضيفتنا اليوم اللي لقت نفسها في بيئة تستخدم الإنجليزي كلغة رئيسية بالذات مع والدتها الأمريكية وكان مالها أي ذنب في الموضوع. ولما كبرت بدأت تاخذ دورات في اللغة العربية لكن المشكلة اللي واجهتها انها لما تحاول تتكلم عربي ”تكلج“ وبالتالي كل اللي حولها يا يضحكوا عليها أو يوبخوها… وهذا زاد الموضوع سوء ووقف تطور لغتها لأنها صارت تخاف تستخدم العربي في كلامها.

ضيفتنا اليوم هي أحد الدوافير الأصليين اللي كانت كمان أحد مقدمي البرنامج في السنوات الأولى… صديقتنا خيرة بندقجي زارتنا عشان تناقش الموضوع وتوضح معاناتها للجميع عشان نعرف كيف ردة فعلنا للناس اللي ما تتقن اللغة أحياناً تكون العائق أمامهم لإتقانها.

#280: النحو فيه كرف والكلجة ألف

في حلقة اليوم، حبينا نراجع العام الماضي، ونرتب للعام الحالي بالصوت عشان يكون ختم علينا نبني معاكم تاريخ الكرتون أول بأول… كنا نحسب اننا نبالغ، بس وجودكم خلانا نستوعب واقع الوضع! نحبكم ومتحمسين لهذه السنه مره!

روابط يمكن تهمك:
-رف منتجات كرتون كرتون: https://rafrafaah.com/ar/category/qGggyW

١٧٠: أول حلقة في 2023

في حلقة هذا الأسبوع تكلمنا عن الفيلم الممنوع (ستيرنج وورلد) من وجهة نظر الكرتون، الفيلم ممنوع من العرض السينمائي وأيضاً ممنوع تسويقياً في المنصات فـ… انتم شطار تعرفون كيف تشوفونه… هيهي

وكمان تكلمنا عن رحلة عمار للرياض لحضور العرض الأول لفيلم (سليق) للمخرجة أفنان باويّان!

روابط يمكن تهمك:
-منتجات كرتون كرتون: https://rafrafaah.com/ar/category/qGggyW
إعلان فيلم (سترينج وورلد) : https://www.youtube.com/watch?v=bKh2G73gCCs

١٧١: عالم غريب جداً جداً جداً

على أي أساس يتم اختيار النجوم للأعمال السينمائية في الآنيميشن وايش ممكن يضيف هذا النجم للعمل من قصة وتطوير شخصية؟
وكيف تستغل وجود نجم بشخصية صوتية معاك بأي عمل آنيميشن!

روابط يمكن تهمك:
-كواليس كونغ فو باندا:  
https://youtu.be/REltkLm2y9g

-اعلان آل شمشون: 
https://youtu.be/_Z2DQLo_imU

-منتجات كرتون كرتون: 
https://rafrafaah.com/ar/category/qGggyW

١٧٢: نجوم مثلوا صوت

حلقة سوالف مابين التمثيل الصوتي وايش ينتظرنا في شهر مارس وشوية حديث عن شي-هولك.

روابط يمكن تهمك:
الرابط الوحيد المهم هو رابط قلبك مع روحك

١٧٣: عندي فكرة

ضيفتنا بهذي الحلقة هي رُزانا البنوي، اللي ثقتنا برؤيتها وخبرتها الطويله بالنفس البشرية خلتنا نتأكد ان وجودها بينتج تغيير في محتوى النقاش في كرتون كرتون… وهذا فعلاً اللي صار!

نقاشنا عن القلب الخيّر والقلب الشرير من فيلم #بسبس_ببوت انتقل من فيلم آنيميشن الى حياة واقعيه وناس عايشناهم وحكايات غيّرتنا وصنعت هويّتنا… شاركونا رأيكم بالحلقة… يهمنا مره نقرأ كل شي!

روابط يمكن تهمك:
إعلان فيلم puss in boots: 
https://youtu.be/RqrXhwS33yc

١٧٤: الخير والشرّ والقلب والنفس

طيب عشان عمار نسي موعد تسجيل واحدة من الحلقات عبدالله قرر يعاقبه ويخليه يسجل حلقة لوحده عن توصيات من زمن الطيبين واللي هو الثمانينات، وكمان شرط عليه انه ما يقل طول الحلقة عن خمسة وخمسين دقيقة. فعمار وافق وسجل الحلقة لكن بطريقته… حب ينفذ كلام عبدالله بس بشوية فزلكة! إيش هي؟ أسمعه الحلقة للآخر وانتم تعرفوا.

وكمان حابين نقول لكم انه حلقة اليوم برعاية متجر يم! متجر يَـمّ "بمعنى البحر" متجر فني يخوضوا فيه على عدة أعمال يدوية متنوعة ويرسموا فيه على عدة مستلزمات تخدم كل أنواع العملاء وتنفذ حسب طلبهم ( توت باق - بلوفرات - تيشرتات - أكواب شاي أو قهوة ضد الماء - فواصل كتب - تجهيز بوكسات متنوعة ) وغير ذلك من المنتات اللي تجدد حسب الموسم. وكمان يتوفر لديهم حقائب مصنوعة يدويا من الكروشية ودمى تنفذ حسب الطلب وعندهم خياطة شراشف صلاة يدويًا في مواسم رمضان. التوصيل متاح لجميع مناطق المملكة والطلب متاح على حسابهم في انستقرام : 

ym.sea.sa

١٧٥: حلقة العقاب: توصيات من الثمانينات

وبعد ما أخذنا إجازة سريعة الأسبوع الماضي رجعنا لكم اليوم بحلقة دردشة أتكلمنا فيها عن أشياء كثير من ضمنها إعلان ديزني عن أفلامهم الجديدة ”حكاية لعبة ٥“ و ”فروزن ٣“ و ”زوتوبيا ٢“ وعن ما إذا كانت هذه قرارات في محلها أو انها ممكن تكون عواقبها سلبية.

١٧٦: ميكي ماوس والمدير القديم الجديد

نقاشات عمار وعبدالله اخذت منحى بعيد عن الكرتون شوي، لكن موج الكرتون يرجعهم دايماً لبرّ الكراتين .. حلقة جديدة ناقشنا فيها اعتذار الاهل لابنائهم وفرق التمثيل عن التقمّص!

استمتعوا وشاركونا ارائكم وايش نفسكم تسمعوا مواضيع؟

روابط يمكن تهمك:
-ادعم منتجات كرتون كرتون: RafRafaah.com
-تابعنا على السوشال ميديا: 
انستغرام/تويتر/ تيكتوك: KartoonKarton

١٧٧: هل ولّا ماهلّ؟

بمشاركة [ عمير طيبة و فيصل عسيري و هاشم الزين ]

وبالسلامة وصلنا حلقة رقم ٣٠٠ من بودكاست مستدفر! صراحة ما أتخيلنا إننا نوصل للي وصلنا له خلال السبعة سنوات اللي راحت، بس الفضل بعد الله يعود لكم يا مستمعيننا الدوافير اللي صمدتوا معانا عبر السنوات ودعمتونا وصبرتوا علينا :)

وقفتكم جنبنا وحماسكم المتواصل هو اللي يدفعنا لأننا نقدم أكثر وأكثر… وعشانكم قررنا نسوي حلقة اليوم بصيغة حلقاتنا الأولى واستضفنا الدوافير الأصليين إللي بدأوا معانا المشوار في أول حلقة من البرنامج عمير طيبة و فيصل عسيري وزي الحلقة الأولى صديقنا هاشم الزين دخل علينا في وسط الحلقة وشاركنا التسجيل… الحلقة كانت عفوية واتكلمنا فيها على الأفلام والسينما في السعودية وعلى الذكاء الاصطناعي و شات جي بي تي وغيرها من المواضيع المختلفة اللي إن شاء الله تعجبكم.

#300: هل أحد عارف إيش بنسوي؟

كرتون كرتون هو بودكاست اسبوعي من تقديم عبدالله رافعة وعمار صبان. نتحدث فيه عن آخر التطورات في عالم الرسوم المتحركة والعلوم المختلفة اللازمة لإنتاجها من رسم وتحريك للتمثيل الصوتي والدبلجة. و نستضيف مختصين من عالم الرسوم المتحركة لنقل خبراتهم للعالم العربي.

١٧٧: هل ولّا ماهلّ؟

بودكاست كرتون كرتون

Related tracks