هشام الجخ - عشان غنى

كلمات واداء : الشاعر محمد عبد العال
(https://www.facebook.com/77Melsayed)

هندسة صوتية: أحمد مسعد عدلي
(https://www.facebook.com/anaahmedmosad?fref=ts)

~*~*~*~*~*~*~*~*~*~*~*~*~

قلب خشب

سكتت .. سكت
غابت .. فغاب
و قلبه من خوفه بيحضن
ذكرى ف كفوف قلبها
مشيت .. مشي
سابت .. فساب
و روحه كافرة بالفراق
و لا عمره تاب عن حبها
بعدوا أوي
تاهوا و طريقهم مُلتوي
نسيت قوام و هُو نِسي
قلبه .. يُدق عَندها
هل يستوي ؟
إحساس فــ قلبه و قلبها
دقات حَنين
دقات شجَن
دقاته أصلاً كُلها
كانِت إليها و مِنَّها
 
كان كُل يُوم بتموِّته
فيها بِدون ما تحذَّره
إن الفُراق هَيكون طَريق
و عِنيها مِش بيهزَّروا
فجأة الزَمن عَدا قَوام
حتى مَلامحه اتغيَّروا
فاتِت سِنين تُلضم سِنين
و الذكريات بتصبَّروا
كان نفسه يعرف عنها
حاجة تصبر وحدته
وقفِت حَياتُه عندها
مشيت حياتها ونسيته
 
و هو تايه ف اللي فات
شاف طفلة أوي تشبهلها
ضِحكتله بَص ضِحكلها
و قبل ضِحكه ميكتمِل
الصَدمة فَرَضِت نفسَها
مكنش بالصُدفة الشَبه
حبيبتُه كَانِت أمَّها
 
قاوِم دُموعه و ابتسم
بَص لحبيبتُه و قالها
بنتِك جَميلة تِشبِهك
يحفظها لِيكي ربنا
طبطب على البِنت بحَنان
بإيد رَقيقة حِنينة
و سَابلها قَلب خَشَب
يَدوب في حَجم كفَّها
كان ذِكرى حُب مِن زَمَن
و أمانة حالاً .. رَدَّها !

قلب خشب - محمد عبدالعال I Mohamed Abdelaal - Wooden heart

(الشاعر عمرو حسن (تمن اللجوء للقاهرة Amr Hassan

" القهوة ، 
من كُتر الكتابة عنّها / باخت 
فيه حاجات زيادة مَدْحها لعنة 
يارب هَبنا قهوة تشبه حُزننا 
واوهبنا شخص أصمّ يسمعنا 
وادينا قلب نبوحله مايخونناش 
وادينا حضن نروحله ، فيساعنا "
....................
صدرك شوارع ذكريات تايهين 
والحزن شاعر له هدوءه وحكمته
سألوا الكمان ياهل ترى بتحب مين ؟
ضاق - المكان - مافضلش غيرها ف رنِّته 
اتنين ف حرب وخرجوا الاتنين مقتولين 
وحضنها هربت منه ،، رجعت حضنته !
مين اللي سلِّم للشتا المفتاح 
طعم الحاجات الدافية ف الليل والمطر 
زُهدك ف كل الهربانين من جنّتك 
البنت كانت حبِّتك ياعبيط 
حبِّتها ليه ساعة ماكانت كرهتك !؟
وازاي بتعمل من سجايرك بالونات 
بتسيبها تطلع للسما دخان 
البنت مشيّت وانت مُتّ عشان 
دخّنت نفسك ف الصحاب سرطان 
وعطشت من شُرب السما ف البحر 
والبحر من كتر الغرق عطشان 
فبلاش تفكّر كل ماء يرويك 
وبلاش تفكّر كل حضن شاريك 
فكّرت يومياً ف كل الناس 
ونسيت تفكّر ف اللي فكّر فيك

القهوه. الجندى

بقيت عادي/الشاعر:محمود-حسن

قصيدة الطناش لهشام الجخ (القصيدة الجديدة) حفل الإسكندرية 2017

هشام الجخ/ اللي زيك (جديد)  / حفل مكتبة الاسكندرية-اغسطس 2018

هشام الجخ /  اللي زيك (جديد)  / حفل مكتبة الاسكندرية-اغسطس 2018

أول كلامي لجدتي : ازيك !
الدنيا من غيرك بدون فرحة
وحشني جداً كلامك ضحكتك ليّا
جلابيّتك والسبحة والطرحة
حِجرك ياتيتا اللي كان مفتوح علي الدنيا
حواديت ولعب وكلام أنا مستحيل انساه
تصحي ف نور الفجر باللحظة والثانية
تتوضي وتصلي وتقومي تبني حياة
كنتي كإنك شجر وصل السما التانية
أو كنتي زي المطر نازل بأمر الله

وحشاني ياجدتي
فيه كلام كتير متحاش
كبر الأمير واتهزم
وأميرته ماقابلهاش
والديب هجم ع الغنم
مافضلش فيهم سوى
واحد ضعيف هو أنا
قرر يموت قام عاش

الراديو لما اترمى
عيّطت ييجي يومين
صندوق بحجم السما
شايل غناوي دورين
فوازير وحكي وأمل
بنوتة بضفيرتين
وبراءة عاشت زمن
ماتت ف غمضة عين !

آخر كلامي لجدتي : سلامات
ياللي انتي فوق انما لساكي ف عنينا
عُمر النفر مننا مش كونه عاش أو مات
لكن بطول قعدته ف السيرة حوالينا
وحشاني ياجدتي ، ماتكفنيش كلمات
لكني لو هارسمك .. هارسم كذا جنينة

https://m.facebook.com/kemiakarim?refid=7&ref=m_notif&notif_t=like

آخر كلامي لجدتي | عمرو حسن

عمرو حسن - هشام الجخ

عمرو حسن|الدفتر

مرسال لا يمت الواقع بأي صلة ، أو يمكن مستوحى من قصص واقعيه .. كتابتي و أدائي: آلاء وهبه ..

عمرو حسن - هشام الجخ

mohammed ashraf lashen