Ez şehîdek bê nav im
tirba min ne xuya ye
şevê teqîn û nalîn
stêrka min rijiya ye

belkî li serê çiyakî
belkî li ser zinarekî
li ser darek kizwarê
min navê xwe kolayî
mirina bi mêranî
xweş tir e ji bindestayî

ez şehîdekî bê nav im
hwin warê min nizanin
li bajarê Cizîr'ê
li qeraxa wê avê

carna sûka Liçê me
ku agir da bû navê
li bajarê Amed'ê
li binê dara çinarê
sî û sê sipîndar im
carna li gola Wan'ê

ez şehîdek bê nav im
ez im termê hwinda ye
ez im çemê qesaban
dil û gurçik firîya ye

li bajarê Amed'ê
agir li xwe pêça ye
ez im çîyayê Agirî
ligel namlûyên çirya ye
li bajarê Amed'ê
agir li xwe pêça ye
ez im derya Mêrdîn'ê
xezala çav rijiya ye
ez im Sîpan'ê Xelat'ê
Xecê li ser girîya ye

ez şehîdekî bê nav im
hwin warê min nizanin
li bajarê Helepçe
zarokê li ser desta me

li bajarê Mehabad
şehîdê çarçira me
li bajarê Amûd'ê
nav agirê sînema me
li welatê xerîbîyê
Birader im ez ....

Birader - Şehîdê Bê Nav ( Kurdish ) Tev Helbest

Keyxusrew Madî