البوم كمنجة ... عام ١٩٨٦
ـــــــــــــــــــــــــــــــــــــــ
سافر في ارتفاع الصواري
وانا شرعك اداري .. عنك ريح الزمان
ارجع لي بحبك تراني
مثل صدر المواني .. للمراكب امان

عمري لك اذا طال عمري
احترق لك واضوي .. في ظلامك نهار
صبري لك اذا طال صبري
انطرك طول عمري .. واستوي لك ديار ..
يا فرحي اذا بعد غيبه .. التقينا بضحكه
وابتدينا الرحيل ..
خطوه نبتعد بالمراكب .. عن حبال المواني
للسفر في النخيل ..

يا فرحي اذا بعد غيبه .. التقينا بضحكه
وابتدينا الرحيل ..
خطوه نبتعد بالمراكب .. عن حبال المواني
للسفر في النخيل ..
غابت فرحتي عن عيوني
من بعادك حبيبي .. والامل والوعود
سافر لو تسافر بترجع
مثل شوقي اللي ودّع .. شمس ولازم تعود

يا غايب اذا ضاق صدرك
والدروب انتهت بك .. في مكان غريب
اصرخ بالزمن وانا اسمع
صرختك في فؤادي .. حسّها لي قريب
صدري والامل والجزيره
يحلمونك تجيهم .. حتى طيف وخيال
ارجع تلقى كل السواحل
في بلادك تغنيّ .. يا حبيبي تعال

سافر في ارتفاع الصواري
وانا شرعك اداري .. عنك ريح الزمان
ارجع لي بحبك تراني
مثل صدر المواني .. للمراكب امان


سافر | خالد الشيح

هذا الحساب لا يمت بصلة للفنان خالد الشيخ شخصياً، إنما حساب نحاول أن نجمع فيه أعماله الكاملة

‏أفشوا الموسيقى بينكم 
إبق حيث الموسيقى، فرجال الدين ليسوا هناك
“Without music, life would be a mistake.”
بين الجاز و المجاز

|مدوَّر الهيَّن شخصيًا|
رئيسة خُبراء الألحان

المحبّان يفكران
‏حتى بالأغنية نفسها ..!

سافر | خالد الشيح

KhalidAlShaikh