Recording Artist @ BAKERIE MUISC PRODUCTIONS

生於80年初，細細個就鍾意唱歌，可惜一直都唱唔好！後尾接觸到BeyonD嘅音樂之後，開始對於搖滾音樂喜愛無比，之後同細佬喺網上聽到LMF嘅第一張專輯，跟住就開始愛上咗說唱！

啱啱接觸嘅時候，淨係識得去Rap人哋嘅作品，一直咁樣玩咗好多年，當細佬經已開始寫歌，自己就一直都未曾嘗試，因為驚寫唔好俾人笑！直至舊年2011年，同香港嘅Homies喺網上交談一番之後，俾佢激起心中把火，就開始敢敢去做，去寫...

結果又開始發表到而家，寫咗好多好多即興嘅歌詞，出咗幾首自己親自寫同Rap嘅小品，仲有同啲跨海嘅Homies一齊玩featuring玩diss！老實講，我真係好遺憾，點解我係生存喺呢個國家，因為我鍾意嘅呢個音樂，喺呢度真係好難俾人接受，而且好少人聽，兼少人支持！

但係點樣都好，我都會Keep住自己心中嘅火，繼續努力嘗試，繼續玩落去！即使到咗自己生命嘅最後一刻，我都希望我係一直Hip-Hop咁去！我鍾意說唱，並非為咗出位或者乜，因為我覺得說唱，係一種好真實嘅表達方式，我哋都可以用好多簡單嘅beat嚟唱出身邊嘅，自己嘅所有真人真事！我一直唔放棄，因為我想要用呢種真實嘅聲音，嚟唱俾所有會聽，想聽，甚至想尋找真實嘅人聽，我希望可以藉著呢種簡單嘅音樂，可以宣揚自己一直秉持嘅愛與和平嘅精神俾身邊所有嘅人！

Love@Peace_KidD

有時候鍾意cover唱唱歌，但係自己主力始終都係寫詞同埋玩Rap，呢個係我唱歌嘅收藏站！而Rap啲創作都會喺>> https://soundcloud.com/kiddlee1982

Kidd傑 is following