T!T0'$

Sara lulu

Amr Hassan

honda

البائس

Amr Hassen

الدرويش

Amr Hasan

mody

تتر مسلسل حكاية حياة للنجم (محمد رحيم) اغنية بخاف من الغروب

كلمات: رووان صقر

اداء صوتي: زينة قُطري

عارف ساعات..

كتابة :
 @A_3adl
@Rowan_Suqr
@ZeinaCoutry

 أداء صوتي : 
@ZeinaCoutry

فاكرة!

محمد محسن وواحده من احلى اغانيه 
نشبه لايه - وبحبك من زمان جدا 
من كلمات الرائع مصطفى ابراهيم 
والحان وغناء محمد محسن 
من حفل ساقية الصاوى
الكلمات 
 
نشبه لايه
نشبة لاى اتنين يحبوا وما يقولوش
نشبه لايه 
للى خايفين يحلموا فمبعيشوش
وملقوش طريق يتقابلوا فيه 
نشبه لايه 
نشبه حكايات عشتها او حلم ناقص وانتهى 
نشبه حاجات مش وقتها 
او جرح متعود عليه
 نشبه لايه
برغم ان الكلام عن الحب من نظره كلام متعاد
وبان الصدفه احيانا بتبقى بالف الف ميعاد 
ورغم ان الكلام اصلا بينقص حاجه كل ما زاد 
ورغم انى جدع وتقيل وعمرى ما اقولها بالساهل
 انا نفسى اقولهالك فى اول مره نتقابل 
فلو كان المكان يسمح وست الكل لو تاذن 
انا عايز اقول انى بحبك من زمان جدا

محمد محسن -   نشبه لايه - بحبك من زمان جدا

كلمات: @ZeinaCoutry
أداء صوتي: @ZeinaCoutry

تصميم: مجدي حُزين

الكلمات: 
رغم إني لسة فاكرة
وعدك ليا من زمان
لما قلت مش هتمشي
مهما ضاقت الأيام
كنت ساعتها لسة هابلة
مصدقة كل الوعود
رغم إني كنت شاكّة
إن راح تخلف عهود
مجاش على بالي عمري
اصحى يوم القاك بعيد
زي يومها لما عرفت
انه مش راح يبقى عيد
قلت عادي ده اختبار
مسيره يرجعلي تاني
مش معقول يعني انهار!
واظلمه واقول اناني
يومين عدوا فاتوا
والوقت بقى يجري
لا انت رجعتلي
ولا يوم هترجعلي
رغم إني لسة فاكرة
لما قلت "
وإيدك لما تلمسني
في عز الزحمة بطمّن
ولو قلبك زعل مني
ببقى ممكن اتجنّن
ومهما بعدت ومهما بغيب
برجع لجل نتلاقى
ومهما سافرتي ورحتي بعيد
مستحيل تباتي مشتاقة
هبعتلك كل ليلة جواب
وانسيكي اللي فات كله
كل ليلة سكنها عذاب
وحبيب سقاكي من مرّه
وكل ليلة هكتبلك
قصيدة شعر وازينّها
بحروف اسمك والفلفهم
واخدها في حضني وانيّما
حتى باقي الاسامي تغير
اشمعنا هي حبّتها؟
حبيبتي هي ساكنة القلب
وحاسة بيا وبحالي
حبيبتي مهما اخدت جمب
متابعة هي اخباري
حبيبتي لو لفيتها بلاد
ما هلاقي زيها حبيبة
حبيبتي مهما بعدت عني
عمرها ما تبقى "غريبة"
"
رغم إني نفسي انسى
وعودك ليا من زمان
نفسي لما احط راسي
على المخدة اوام انام
اصل كل يوم تجيلي
وتقولي "صدقيني"
وترجع ذكريات
وتوهمني بحاجات
مكانش لازم اصلا تفضل
وامحي كل اللي فات
انا بس عايزة اقولك
بالمفيد المُختصَر
جرحك ليا اكيد وجعني
ومش هنكر ساب اثر
بس لازم تبقى واعي
مستحيل إني اتكسر
رجوعك معادش داعي
قلبي مبقاش راضي
بواحد سابني في سكة سفر!!
من النهردة انا حد تاني
مش هقول بيّاع اناني
بس اكتشفت فيا عيب
مستحيل انكره تاني
كان كل ما حد يسيب
انا اللي قوام اضعف واشد
وكان لما حبيبي يتعب
فجأة في نص الطريق
كنت بجري اوام عليه
واخده من إيده نمدّ
كنت هابلة وكنت ساذجة
كنت غصب عني ساكتة
كنت طفلة عبيطة جداّ
وفي حياته انا كنت ساكنة

بالمفيد المُختصر

Add Me on Facebook : فيسوك بتاعي
https://www.facebook.com/diab.live


. بيدج مزيكاتي  .. شرفونا هتنبسطوا

www.facebook.com/Mazzikaty2




. بيدج مزيكاتي ع الفيس بوك .. شرفونا هتنبسطوا 

https://www.facebook.com/Mazzikaty2

 
***


بِرُوْحِي فَتَاة بِالْعَفْاف تَجَمَّلَت وَفِي خَدِّهَا حَب مِن الْمِسْك قَد نَبَت

وَقَد ضَاع عَقْلِي وَقَد ضَاع رُشْدِي مذ أَقْبَلَت
وَلَمَّا طُلِبَت الْوَصْل مِنْهَا تَمَنَّعْت 




***

بَلِّغُوْهَا إِذَا أَتَيْتُم حِمَاهَا أَنَّنِي مُت فِي الْغَرَام فِدَاهَا
وَأُذَكُرُوْنِي لَهَا بِكُل جَمِيْل فَعَسَاهَا تَحِن عَلَي عَسَاهَا
وَإصحبوْهَا لِتُرْبَتِي فَعِظَامِي تَشْتَهِي أَن تَدُوْسَهَا قَدَمَاهَا
إِن رُوْحِي  تُنَاجِيْهَا وَعَيْنِي تَسِيْر إِثْر خُطَاهَا
لَم يَشُقْنَي سوى أَمَلِي أَنَّنِي يوما أَرَاهَا 

..

ميكس لكل اغاني عبد الرحمن محمد 

https://soundcloud.com/mohamadhasan/mnzv9pj2yqdb

Abdulrahman Mohammed l  Berohy Fatah_عبد الرحمن محمد ومهاب عمر _بروحي فتاه

عاوزة أفرح بيك
لما أفرح بيكي انتي الأول
اتلم ياواد بتكلم جد
انا عاوزه اتطمن ليك وعليك
والنبي فكّك 
والله عبيط
انا يابني هاروح مش هاقعدلك 
محتاجة اشوفك ساكن بيت
هو انا يعني بنام ف الشارع ؟
ياحمار اديني عقاد نافع 
مش هتجوز انا كده مرتاح
أنا أمي كمنجة وحضن متاح 
ومشاعر معرفش احكيها
أنا متجوز أمي أساساً 
متطمن وانا عايش بيها
أنا كل ما بهرب منها واغيب 
بكتشف إن انا بهرب فيها 
الست دي حالة ماتتكررش
نتغير ..... هي ماتتغيرش
الدنيا تشيلها وتهبدها 
تطلع تنزل
تكسرها تقوم 
أنا أمي أنوثة بـ100 راجل
ورجولة بدرجة ناي مكتوم 
ساعة ماتوفى أبويا وراح 
شوفت ف نظرتها كلام وجراح
من يومها وهي عمود البيت
والآمر دايماً / والناهي 
الدوا جيبته ؟
فاكراني نسيت ؟؟
انا عارفه ان الدنيا تلاهي
احضنها تقوللي امشي يانصاب
بتغيب أيام زي الاغراب 
وتقولي مشاغل وأبصر ايه
انا أصلي بقيت شاعر معروف
قالك معروف .. بأمارة إيه 
كوافيلك تشهد يامهزأ
ف رضاكي يامزة أنا بتلزق 
واخرج على أوضتي شوية وانام 
واسمعها تصلي وتدعيلي
الواد تلفان
انما طيب .. وانت قريب
ارزقه رزق بحجم السماوات 
وارزقه بالخلفة ولاد وبنات
وتنام وتقوم تلاقيني مشيت
فتقوم تبدأ ترويق ف البيت 
أنا اسف جداً ياحبيبتي
علي سفري الدايم والاشغال 
علي كل كلام ضايقك واتقال 
انا مهما بدور وباعيش ف الدور 
باطلع وانزل واجي عليكي 
أنا راجل جداً 
ورجولتي تلخيصها ف بوسة علي ايديكي 
والدنيا ان ضاقت ف انتي براح 
وانا جنبك باتطمن وارتاح 
وخناقنا ساعات بيكون راحة 
وخصامنا كتير بيكون تلكيك 
الأم مكان لسكون الروح
وخضار من قلبك طارح فيك
أيوة ياماما ؟
عاوزة أفرح بيك

قصيدة عاوزه أفرح بيك

من حفلة اتحاد طلاب كلية "زراعة " جامعة قناة السويس 2014

عود : محمد ممدوح

قل للمليحه
قل للمليحة في الخمار الأسود
 ماذا فعلت بناسك متعبد
قد كان شمر للصلاة ثيابه
حتى وقفت له بباب المسجد
ردي عليه صلاته وصيامه
 لا تقتليه بحق دين محمد


قالوا تسلى عن المحبوب قلت بمن 
وكيف التسلي وفي الأحشاء نيران 
إن التسلي حرام في مذاهبنـــــــــا 
وكيف أرضى بكفر بعد إيمان 
فشارب الخمر يصحو بعد سكرته 
وشارب الحب طول العمر سكران

أيا من بالوفا قد عودوني
بحق المصطفى لا تهجروني
بعزكم بذلي في هواكم
عدوني الوصال وماطلوني
ويا آل عشيرتي ان مت شوقا
فمن ماء المدامع غسلوني
وان جردتموني من ثيابي
ففي أثواب سقمي كفنوني

فوق النخل فوق يابا فوق النخل فوق 
مدري لمع خده يابه مدري القمر فوق 
والله مااريده باليني بلوه 

قدك المياس يا عمري 
يا غصين البان كاليسر
أنت أحلى الناس في نظري
 جل من سواك يا قمري
انا و حبيبي في جنينة
 و الورد مخيم علينا
إن طلب مني وصالو
 يا رب تستر علينا


( أسامة عطية ( قل للمليحة - شارب الحب - يا أهل الوفا-

نص الكلام - عمدان نور

جوابي ده الأخير ليكي 
يامعاليكي 
ياست الحسن 
ياسبب الحزن والعلة 
ياشجرة حسبتها ضله وطلعت نار 
بداية القول : مساء الفل ع الأزهار على خدودك 
مابنجرّحش 
ومابنسمحش حد يقول كلام عنك 
لذلك ثم أما بعد ،
أنا الطفل اللي كان ف عنيكي متشعبط 
يشوفك روحه تتلخبط 
وقلبه ابن الحرام يضعف ويستعبط 
كإنك زار وانا الدرويش
كإنك غار وانا الحرافيش 
كإنك كنتي قرش حشيش 
دخل رئتيني وملاني 
كإنك دار وانا اللي ماليش 
سوا الدار اللي لمّاني 
بغض الجرح مين خان مين 
ومين قصّر مع التاني 
وغض الطرفْ عن اسمك 
وطعم خروجه ف لساني 
أنا مليّت من القصة ومن لعبة خلاص لسه 
لقيتك غيمة ف حياتي حسبتك مطره قمت جريت 
وفجأة لقيت مفيش غير ليل 
سحابة ضلمة كنتي انتي
اشوفك ف الوجع بنتي 
واحسك ارضي وسفينتي 
وشمس بتملا ليلي شروق 
مافيش كام يوم لقيتني بافوق 
واشوف القاتل الفعلي 
لقيتك أرض ماتضمش سوى المطاريد 
وانا عيل بيفتح إيد يشوفك خط على كفه 
عنيا عيال اذا بصيتي يتدّفوا 
حسبتك أم بتدوّر رحى الأحضان على عيالها
لقيتك ماسكة كاتم صوت 
رصاصك فات وجع جواي
وهو ياحلوة يعني الموت
بيفرق شكله كان ازاي 
وهو الجرح للستات ومش لينا ؟ 
ما فيه رجالة بتعيّط 
وفيه رجالة بتفكّر ف عز الليل ف ناس باعوا 
وفيه راجل اذا فات ف المحيط وجعه مابيساعه
وفيه عناوين بتتلخبط 
وفيه بكره بيتشخبط 
وفيه أطفال مايتولدوش ف مستقبل ماجاش قدام 
وفيه زفة مابتقومشي 
وفيه فرحة مابتدومشي
وفيه نغزة ف صميم الروح 
ما دام ف القصة فيه دابح 
أكيد ف القصة فيه مدبوح 
ولو كان القتيل راجل 
ف دمه بيبقي مش بالسهل 
خسرتي معاه وجود الأهل 
خسرتي الضهر والضمه 
خسرتي الجمع واللمة 
وبكره هتندمي لما 
تحسي البرد من دونه 
ياريتك شوفتي ف عيونه دموع الأب 
أنا الشخص اللي كله ذنوب
لكن مليان حاجات تتحب 
ــــــــــــــــــــــــــــــــــ
عملت حاجات لأول مرة بعملها 
وكِملِت أغنيات بيكي 
لأول مرة اكملها
اشِمِّك ريحه وانا ماشي وأقول ماشي
واكلّم ربنا عنك وجع وغروب 
عكستي المشهد المكتوب
ماكانش الفيلم دي نهايته 
كده الكاتب لعب ف النص
وفيه لزق ف حياتي وقص 
وفيه تركيب لناس تانية 
فيه مشهد خارجي مش محطوط 
أنا وانتي 
ومطرة بتغسل الشارع من الاحزان 
حضنتيني زمان ومكان 
وقولتيلي مافيش غيرك 
نزلت ف لحظة على ركبي وانا ف ايديا كام وردة 
ضحكتيلي 
وطبطبتيلي علي خدي 
كانك كنتي بتعدي على قلبي بروح حافية 
مسكت الدمعه بالعافيه وضميتك ف عز البرد 
لقيتني الفيلم بالكامل مافيش ولا لقطة ماسك ورد 
طلع فيه حاجات بتتصور 
بتتقصقص من المونتاج
وأول ما المطر لمسك 
لقيتك دوبتي ف المكياج 
عروسة حلاوة أو صورة 
ملامح فازة مكسورة ف اخر جزء ف الذكرى 
خسارة تكمّلي بكره 
يا نور ساطع بيعمي العين ما بينوّرش
انا هافضل كده عيّل ومابيكبرش 
وبكره يجوز تقابليني ف أي مكان 
هاشوفك وقتها دخان 
بقوة ست هاعشقها ف زمان تاني 
ولمسة طفل يشبهني مايشبهكيش 
انا جوايا كام ميّت وحابب اعيش
لا هاتحوّل 
ولا هارجع من الأول 
ولا هاكتب عشانك شعر 
هبيعك دون نظر للسعر 
مكانك وردة ماسقيتهاش ف دبلت من خريف موجوع 
دموعي رصيد باحوش فيه لناس مستاهلة مني دموع 
وحلمي معاكي م الأول 
خطيئة لابد اكفّرها 
رميتك طفل ببراءته 
ندم على حاجة وكسرها 
يا أسوأ حلو كان فيّا
يا أطيب شر ف النية 
كسبت حاجات تسيء ليا 
وجه الوقت اللي انا اخسرها . 

كمان : بدر مصطفى
ناي : محمد مصطفي
ايقاعات : كريم صلاح 
كيبورد : صهيب النجار
تسجيل : من حفل الساقية اكتوبر 
رؤية موسيقية الفنان محمد مصطفي 

جوابي الأخير - من حفلة الساقية 2015

عمرو حسن - جوابي الأخير

الأوِّلة : للنور
والتانية : الانسان 
والتالتة : المستور 
والرابعة : الكتمان 
والخامسة : الدستور
والسادسة : اللي اتخان
والسابعة : المأمور 
والتامنة : السجّان 
التاسعة : ماهينور
والعاشرة : الجدعان
الغنوة دي للسجن 
والسجن دمه تقيل 
الضحكة فيه ميّته 
واليوم بتاعه طويل 
السجن مش للبدن 
السجن سجن القلب 
وانا قلبي ينفع سكن 
إلا لولاد الكلب 
يامصر يامؤلمة 
ياموجبة بالسلب
الغنوة دي غنوتي 
من مطلع الموّال 
من أول اللي اتحكي 
ولآخر اللي اتقال 
من بدلة اللي اتخلع 
للحية اللي اتشال 
ولغاية العسكري أبو دبابات واقفال
الغنوة دي غنوتي 
لصحابي دول بالذات 
اللي ضميرهم وطن 
يحيي الوطن لو مات 
لصحابي في المعتقل 
كلٍ ولاد وبنات 
كُل السجون أنبيا 
كل السجون دعوات 
فيه ف السجون أدوية 
واغاني وفيونكات 
زرعوا العيال حلمهم 
وسقوه هنا بـ دمهم 
اخدوا البلد منّهم 
زرعوها معتقلات
عربية التراحيل 
مليانة صبر جميل 
وساعات غُنا ونشيد 
وساعات صراخ وعويل 
يوسف ف سجنه عزيز 
وعزيز مالوش تأويل 
ومراة عزيز البلد 
عملت لها تعديل 
قدَّت قميص الولد 
عملتله شق طويل 
ضوافرها حين خربشت 
رسمت ف ضهره النيل
الورد عمره ماخان 
والرك ع البستان 
وبلدنا دي طيبة من سالف الأزمان 
من عهد مينا زمان 
ولحد حد الان 
لو شعب غيرنا ده كان - 
أكَل البشر والزرع 
والجدر جدره أصيل 
الغلطة غلطة فرع 
واللي ف قلبه حليب 
بيعود لنفس الضرع
السيرة م المبتدي 
من عند ناس فرعون 
من شعبنا اللي اهتدى 
ولحد نابليون 
وجيوش كليبر بحالها 
طالبه نجدة وعون 
ولحد لما الملك استنى ع التليفون 
وقالوله خد مركب وارحل إلي روما - 
ومافيش يابلدي غبي قامتله يوم قومه
أحمد عرابي اتهزم وعبيد ماسابش الفرس
وسعد باشا بُغاشة شد حبل الجرس 
مصر القديمة التي لسانها يوم ما انخرس 
ولا عمرها سلّمت 
لجيوش ف يوم أوحرس
واسأل محمد فريد نايم ف مرضه عليل 
قاسم أمين الذي حرّر بنات النيل 
وشوف ياعمي بعينك مصطفى كامل 
أبو عود نحيل واقف 
ف أوروبا لجل النصر 
مصر اللي لو مالت بتميل ف ناحية مصر
واذكر حيطان السجون الطيبة الطاهرة 
اللي جدارها هتاف ورصاصة ومظاهرة 
وحيي ناس السجن الطيبين كُمّل 
ناس يدخلوا للقبح فيخرجوا أجمل 
زينة عيال البلد دي مربعات الطين 
أهل الكرم والطيابة وزينة الميادين 
ناس دخلوا فيها وخرجوا وهما مصريين
الأوّلة : يابلد 
والتانية : ياولد
والتالتة : ياقلم
الأولة : يابلد ، خالد سعيد ماشربش 
والتانية : ياولد ، سجِّل حضور ماهربش 
والتالتة : ياقلم ، أنا اموت اذا ما اكتبش
الأولة : يابلد ، خالد سعيد ماشربش ، وربنا شاهد
والتانية : ياولد ، سجِّل حضور ماهربش ، وفي الحياه زاهد 
والتالتة : ياقلم ، أنا اموت اذا ما اكتبش ، وكلمتي تجاهد
الأولة : يابلد ، خالد سعيد ماشربش ، وربنا شاهد ع اللي حصل ويّاه
والتانية : ياولد ، سجِّل حضور ماهربش ، وفي الحياه زاهد والحياة تاعباه 
والتالتة : ياقلم ، أنا اموت اذا ما اكتبش ، وكلمتي تجاهد ياعباد الله

السجن #عمرو_حسن

عمرو حسن - وحشتيني - Amr Hassan - Wahashtiny

عمرو حسن - .. -قصيدة مكتبهاش نزار-

عمرو حسن - خلينا صحاب (فريندزون) من حفلة ساقية الصاوى

عمرو حسن -القاهره

عمرو حسن - لو كنتي استنيتي

Amr Hassan  Law Konty Estanity - عمرو حسن  لو كنتي استنيتي

Amr Hassan  Wust ElBalad - عمرو حسن  وسط البلد

.أوصفلكم بالظبط مشهد الافتتاح 
اضاءة زرقا ف آخر الصاله 
وشاب واقف بره بؤرة نور على خشبة المسرح 
( سلويت ) بدأ المسرحية بغنوة الأطلال 
ووراه كورال بيرددوا الغنوة 
ف الزاوية كرسي ضهره للجمهور 
وبنت حادفه شعرها ف النور ووشها لعنيه 
ف الواجهة فرد صوليست وبيانو نازلة اضاءة صفرا من حواليه 
وبلفة كاملة خدها على رجليه 
بقا وشه ليها وضهرها بقا ليه وكأنها رقصة 
لفت قصاده ولما بصتله 
كورد البيانو شد أوتارهم 
ثبتوا وسابوا الضي يكسرهم 
بقا ضلهم بالطول عايم على الجمهور 
وكل ثانية كان بيهدى النور 
وكل لحظة كان بيعلى السور بين المؤلف وبين اللي اتكتب ف الدور 
وكإن صوت بيقول بدون مايقول 
العرض ساقع والأغاني معاك 
والبطلة ساكته والبطل جواك 
الضل مر لآخر الصاله 
لحظات بطيئة 
ثم كله ( بلاك )
أنا 
انسان بسيط جداً 
باكتب قصايد شعر لصحابي 
وأحياناً باعمل بطاطس أو بارُص كاسات 
موهوب أوي ف حاجات الكل شايف انها تافهه 
زي اني اشطر حد يسمع ناس 
مابقولش حاجه بس باسمعهم 
وده شيء عظيم جداُ 
مش شرط تتكلم 
كونك بتسمع بس ده شيء عظيم جداً 
وشيء عظيم برضه
انك تودع ناس من غير ماتنساهم 
ده اللي انتي مش فاهماه 
شايفاني كلاسيكي 
بتجرني العاطفه 
لا أُشبه العاصفه
اشبه لسينما الستينات
سينما الغنا والافيهات 
لكن لعلمك
أصعب دراما .. دراما عاشها كوميديانات
وانا مش باحب الجاز 
ولا عمري حوّشت مبلغ للزمان الجيّ
كفايه ان انا حيّ
وعندي فرصه جديدة اقتل ناس 
أو اربيّ كلب واقوله أشعاري 
أو اخش سينما كل يوم جمعه 
فاكره زمان 
قولتيلي نفسك ف ايه وانا قولتلك تفضلي 
كان قصدي مش تفضلي كان قصدي ماتسيبينيش 
اديكي سيبتيني ولا زلتي باقيالي
كان يعني لازم أقولك كلمة على بالي من غير ما افكر فيها م الجهتين !
شوفي كنا فين وبقينا فين ؟ 
علي أي حال
بلاش دراما
دخل الممثل من اطار ثابت على خشبة المسرح 
خد خطوتين قدام 
وبدأ يعبر بعينه بدون كلام 
دم الإضاءة الموف غمر وشه 
اصوات كورال بيزنوا ويوّشوا 
وعروقه نافره بشكل بقا واضح 
ده المشهد الفاضح 
غمّت عنيه بايديها وامنلها 
دلّت ملامحه خلاص على انه بيحبها 
والقاعه ضجت بالسكوت التام 
غمض وكمل خطوة على قدام
وفتح عنيه مالقاش سوى الجمهور
" بتبصوا ليه بشفقه ؟ ومالكوا متعاطفين ! ،انا مش حزين بالعكس ا، نا عادي ، انتوا اللي مش فاهمين ، انتوا اللي مكتئبين ، تحبوا تشربوا ايه .. باعمل لاتيه ممتاز ، انا مدرسه واستاذ ، بلاش موسيقي الجاز فيها فراق محتوم ، ممكن موسيقى يعني على ذوقي ، ارجوكوا ماتبصوش بالحزن ده تاني ، خلوها جواني ، وابتسموا علشاني " 
صوت الكورال بيرد " ابتسموا علشانه " 
جمع الصوليست الحزن ف بيانو 
ودموعه نزلت بلت الخشبه
بيقول صديقي عن الفراق : 
زي انسحاب المخدر من وريد حامي
بتقول حبيبته : 
ضلمه فجأة بعد نور عالي 
يقول مدرب تنمية : 
قطع الأمل بعد اتصاله 
ويقول مدرس جامعي : 
طائر خرج م السرب وارتاح لانفصاله 
بيقول روائي : 
هو تحويل الحكايه لفصلها التاني 
ويقول موسيقي : 
هذا النشاذ اللي فاجىء بعض ألحاني
باسمعلهم 
وباقولهم : اسمه الفراق
يكفيه بان اسمه الفراق
ما أجمل الأشياء ان لم تزد عن كونها أشياء
هذا أنا 
طايش ومتورط ف نفسي من زمن 
صاحب الكافيهات وشريك ف قصر النيل
الوغد ف السينمات والطفل ف التفاصيل 
ومهندس الفوضى 
أمي يتحكي عن طفولتي : 
كان طفل صعب 
حساس ومتشائم ، لكنه مبدع 
حوّل ف مرة كتاب قديم لصديق جديد
وف وشه كبرت رحلة العيله اللي جايه م الجنوب للبحر 
لما أتاه الشعر في السن العجين 
رعشة جناحه طيرت نصه الرزين 
من وقتها وهو ناوي يحبها من قبل هذا الوقت بسنين السنين 
أنا مش بحب كتابة المأساه 
فيه ناس حياتهم بائسة أكتر 
والأمر مش بالوزن 
أتمنى يتحول جنون الحزن لعصير استوائي 
اتمنى لما اصحى الاقي أسره من نفس اللي انا قررتهم 
ياريتنا لما نقول ننول 
أتمنى أمي تحج 
واتمنى عمال المرافق يهدموا الأبراج ويرجعولي الذكريات بدورين 
أتمني أقول الشعر لو مرة ف باريس 
وبعدها تعزمني صحفيه جميلة ع العشا والدردشة ف شوارع النور الطويله 
قد تنمو ف عنيا الفتاة المستحيله 
وافتكر 
سنتين قضتهم ف الغنا من غير موسيقى ملهمة
كم كنتِ صافيه ومجرمة 
شد الممثل خيط عريض ولفه على رقبة زميلته بنص عنف وقالها : 
ليه الحاجات كارهانا واحنا نحبها 
فتحت عينيها بوسعها 
وكإنها بتشوف حواف الموت على المسرح بجد 
اتوتّر الجمهور وحس الأمر جد
وقبل ما يحاول يفكر أي حد يهد عرض بقاله سنتين ف بروفات 
قطع الممثل مشهده 
واتفك خيطه بخفه واتحول فراش 
كم كنت أضعف لما حبيتك كده 
وكإني غيري لما كنتي تقربي 
مابقتش عارف
جايه ولا بتهربي 
مابقتش قادر اقول فراقنا ده ذنب مين 
كل اللي ع الخشبه هنا كانوا جد ولا ممثلين 
ودراما قصة حبنا ليه أصبحت بعد السنين 
قصة خرافه وتجربة عصفت بن

عمرو حسن / المسرحية

اغنية مش علية 2018 محمود الليثى و رضا البحراوى و عبد السلام, فيلم امان يا صاحبي

عمرو حسن [ تقابلينى !! ] .

عمرو حسن - المسرحيه

عمرو حسن - ذكري بتاريخ النهارده

كلام متقالش في جوابي الاخير

موجوع يا خلق من جوايا ومحدش حاسس بيا ( كليب موجوع غناء محمد الفنان ) 2018 عل.mp3

عمرو حسن البونتو Amro Hassan Elponto

الكلمات :
كان يا مكان. 
كان حلم كبير عليا ")
كنت بحلم تبقي ليا كنتي اجمل حاجه فعنيه.

اكيد رجعالي .. 
و انا من ساعتها ثابت مكاني.
مين بقالي دانتي قولتي يومين و هرجع. استناني..! 

و من ساعتها و انا مستني و انتي غيبتي عني.  كل يوم بيعدي بستناكي و اقول هتيجي دلوقتي.

كانت لما بترعل بتجيلي و بتسيب الباقي عليا. 
و كنت بستخبا فحضنك من الزعل و الدنيا . 

شفت السفينه بتغرق بس مقلتش حاجه. 
كتر حبي ليها خلاني اشتهيت الموت وياها. 

اخدت هدايا كتير فالدنيا كسرتلي قلبي. 
علشان كده تملي بقولك انتي اجمل هديه جاتلي..

محناش صالحين لحب. 
العشق فالزمن دا ذل. 
كنت صاحب الكل. 
بس تملي بكون لوحدي :")!
 
و انا مش زعلان. مع الايام هنساك. 
و كل مره تضيق هروح نفس المكان :")!

 -------------------------

المكان وسط البلد ف القاهرة 
أما الزمان فمن زمان 
قصة حزينة مؤثرة 
والقصة دي كان ياما كان
كان يا مكان
بنت بضفيرة ومريلة 
ومادام في بنت ففيه وله
بيبص م الشباك عليها 
لما ترقص ف الخلا 
ضحكتله مرة ضحكلها 
حبت حكايته وحبها 
حلفوا انهم هيكملوا 
كانوا كل يوم بيمثلوا 
روميو وجولييت والقدر 
واتفرقوا 
سافرت ف رحلتها الطويلة 
وهو ماباليد حيلة 
كان كل يوم يجمع لعبهم ف الصالون 
واهله شافوا ده جنون 
من يوم ماسافرت قوس قزح 
بقي ناقصه لون

-----------------------------

كان يا مكان..
كان في ولد زمان. 
حب واحده و اتعلق و حبل الود داب ")!
ياللي انت غايب كيف وصالك.
 قولي ايه اللي صابك.
 كنت ديمااً جمب مني كانت روحي و غابت.

من يوم ما سافرت قوس قزح بقا ناقصه لون.!
من يوم ما سافرت و انا مستني القطر يعود. 

نفس المكان لكن في زمن تاني لسه باقي.
بستناكي فنس القهوه و نفسي اطول لقاكي. 

حتي شكلي اتغير حبه من السهر و من الاغاني. 
و من دخان سيجاره و قهوه و دنيا سوده مبهدلاني.

و سجاره خلصت زيك بس ريحتها فصدري.
و الشوارع تحكي عني وعنك و الكمان يحلفلك.

     اني.. 

لساني باقي عاللي باقي من خيال ساكني :")!
يا قطر يالي مسافر للحبيب احكيلو عني. 


و قوله. 
كل الكلام وصله.
و انك بتجري فدمه. 
وهو مش مرتاح فبعدك عنه. :")

-----------------------

المكان وسط البلد في القاهرة 
أما الزمان ف حالياً
نفس المكان علي قهوة بلدي 
قاعد حزين مسترخياً
كوباية شاي واتنين جنيه 
وقميص كاروه مكتوب عليه 
انا حبيتك
سيبتيني ليه ؟
عدِّت قصاده وشبِّهت 
عدِّت قصاده وشبهِّت
وبعد حبة انتبِّهت
ان الزمن غيّر كتير
مش هو ده نفس الامير
ولا هي طيره
اكيد ضحك مع واحدة غيرها
وهي حبِّت حد غيره
ولّع سجارته ف الهوا
دخانته رسمتهم سوا
اتنين صغار بنت ولد
الحلم مات لما اتولد
من وقتها والقاهرة
زعلانة من وسط البلد
----------------------------------

Awney Adel بياع الورد - Downtown  وسط البلد Ft . Amr Hassan عمرو حسن

Live عمرو حسن _ مبتحبكش

قصيدة -منيم شارج - عمرو حسن - لايف

*ادمان الغايبين - عمرو حسن *المايسترو

( ميم )
،
المرة دي بالذات 
حاسس كإني بتولد تاني 
بلمس بإيدي أول الآشياء 
باتعلم الأسماء 
بانسى اللي شوفته ف الزمان الصعب 
ضيعت عمري قبل ما اقابلك 
بصي ف عنيا وانتي هتحسي أنا شفت ايه ف الدنيا دي قبلك 
أنا كنت مش بلاقيكي
أنا كنت بهربلك
تلاتين سنة عطشان وماليش سبيل للميّ
شباك قديم مقفول ماصاحبش خيط الضيّ
أنا كنت رايح فين بدون كفك 
وكنت من غيرك مستني إيه م الجيّ
عجزت بدري يا حلوة وقابلتك 
لو ليكي رغبة تحبي شاب عجوز 
محجوز ف عمره اللي انسرق منه
مخنوق بحبل العالم السُري 
ومخبي وحده العالم السري
 ومسمّي قلقه المنطقة الدافية 
كان ماشي يضحك بس بالعافيه 
أول ما بنتي يابنتي فتشتيه 
خرجتى منه ضحكته الصافيه
وكإنه نايم زي مصري قديم ف مقابلة السياح 
طائر بقاله كام سنة ع الأرض وعنيه بتدمع عند كل جناح 
قوليلي انك جاية مش ماشيه 
أو ماشية جنبي عشان اكون مرتاح 
 أنا كل أملي ف الحياة انتي 
اتنين ف واحد يعملوا المشهد 
أشهد بإني كنت من غيرك 
مفتاح يتيم الباب 
بيتمسك ساعة دخول الوقت وبعدها يتساب 
واحد حضوره غياب 
ودنيته تكرار 
عابر مابين الماء وبين النار 
طيب كإنه أول الأسرار 
وحزين كإنه آله بلا نوتة 
أمله يشوفك بس مبسوطة 
وعنيكي ضحكة شباكين للنور 
أمله ف كمان يعرف يقول جملة لناي مكسور 
أنا بين هروبي وبين علّو السور 
أملى ف انك تبقي علشاني 
الله 
حاسس كإني
باتولد تاني

كل الل جالك من كلام الناس 
اني بلا احساس 
واني جناين من بنات سابقه 
واني سرقت الأمنيات سرقه 
أو اني مجرم حرب أو هارب
ضميري منزوع الظهور ووقتي محفوف بالتجارب 
كانت حقيقة وصدقي قولهم 
والتمسي عذر لطفل بيحارب 
واحد نزف جرحه وماحدش حس بيه 
من غير ما حد يحط نفسه مكاني ويجرّب
وانا كلي متباع ايه اللي ممكن اشتريه 
لا هسوق مبرر عن جرايم حزن 
ولا اقول ملخص ع اللي عايش فيه 
نفسه اللي شافك وابتسم عيل 
كان شخص تاني قبل ماتقابليه 
سامحيني حتى ع اللي كان قبلك 
اسف لإني مشيت مادورتش
اخترت وجعي لما ما اختارتش
واديني جيتلك ايدي ممدوده
وحياة مشيئة ربنا فيكي
ماترجعيش الايد دي مردوده 
ده انا كل صبري ف الحياة دلوقت
ان انتي موجودة 
وكل طلبي ف الحياه تراضيني ع الدنيا 
أنا الصايع عديم الاهتمام بالحب
خرجتي مني حد ماعرفهوش 
وصحابي مش فاهمين ايه اللي غيرني
انا كنت عادي لا شاري ولا بايع 
واهو يعني لا اكسر حد ولا حد يكسرني
لولا شعاع الأم ف عيونك 
هو اللي فكرني
بصيت بعيني بصه على قدام 
شفتك ف بيتي بتفرشي الأحلام وترتبي التفاصيل 
بتسندي لو اميل وبتحضني لو امِّل
عواجيز معاً بيمروا تحت الشمس 
وبيمشوا ضله وضل
بيشاركوا بعض السينما والشارع
والأكل والحواديت
طلعت عيونك توأمين عفاريت 
خلوا المحارب يتقلب عصفور 
طلع الكلام ع الحب مش كدبة 
وطلعت ضلمة بتحتمي بالنور
أنا اهو باحبك باعترف وباقول 
وانا اهو باريدك واجي ف بريدك 
ادفع حياتي مهر وانا مبسوط 
يكفيني نظرة ولمسه من ايدك 
والشعر كله لا يكفي ولا يوصف 
وغنايا كله لا يوفي ولا ينصف
من حب يعمل فعل مش يحلف 
وانا أصلي راجل وانتي عارفاني
أنا مُت قبل ألف مرة بجد 
واديني جايلك اتولد تاني
#ميم

قصيدة ميم " عمرو حسن"

هى بتقوله : 
عارف لما يكون الليل محاوطك من نواحى كتير ، وتبقى عملت خير مره ف يتشالك ويرجع خير ، اهو اللى حصلى وانا جنبك كرم من ربنا ليا ، كأنى داعيته واتقبل وقالى بطلى تفكير ، وجودك مش يا دوب فرصه عشان القى لمشاعرى مكان ، وجودك راحه ومحبه وفرحه لكل شئ زعلان ، كفايه بس فيك حاجه بدور عنها طول عمرى ، عيون لما ببصلها احس هدوء ونور وامان ، متعرفش هيجى منين نصيبك برضه ولا امتى ، قابلتك يومها كنا اتنين ومن يومها وانا انت ، بدونك كنت محتاجه احس بحضن دافى وبيت ، لاول مره ف حاجه بتحصل زى ما اتمنيت .. وجودك ❤️

وجودك - عمرو حسن

عمرو حسن | وحشتيني ٢

صدفة بتجمعنا
وساعات بتودعنا
على قد ما تفرحنا
على قد ما توجعنا ...

نتقابل فـ المعاد وينسانا المعاد
ونتوه عن بعض لكن يا حبيبي للأسف, يفرقنا الزمان
وتبعدنا الاماكن !
وتجمعنا الصدف ياعيني وتجمعنا الصدف ياعيني .. ياعيني ع الصًدف ياعني
صدفة بتجمعنا ,, وسااعات بتودعنا 
على قد ما تفرحنا على قد ما توجعنا ...
حبيبي تقولي بكرة حبيبي تقولي بعده 
حبيبي على فكرة الشوق دايماً على وعده ...

نتقابل في الحقيقة, نتقابل فـ الخيال
ونتوه عن بعض لكن, يا حبيبي للأسف, يفرقنا الزمان وتبعدنا الاماكن
وتجمعنا الصدف يا عيني وتجمعنا الصدف يا عيني
وتجمعنا الصدف يا عيني, ياعيني ع الصُدف يا عيني

صدفة بتجمعنا وساعات بتودعنا 
على قد ما تفرحنا على قد ما توجعنا 

حبيبي يا لون هنايا, لون فرحي ولون هوايا
بتسيب حياتنا ليه, للصدفة وللحكاية ...

نتقابل فـ المفارق
نفرح بعدين نفارق
ونتوه عن بعض لكن, يا حبيبي للأسف
يفرقنا الزمان
وتبعدنا الاماكن
وتجمعنا الصدف يا عيني وتجمعنا الصدف ياعيني وتجمعنا الصدف ياعيني, ياعيني ع الصدف ياعيني !

نتقابل فـ المعاد وينسانا المعاد
ونتوه عن بعض لكن يا حبيبي للأسف
يفرقنا الزمان 
وتبعدنا الاماكن
وتجمعنا الصدف ياعيني وتجمعنا الصدف ياعيني وتجمعنا الصدف ياعيني, ياعيني ع الصُدف ياعيني .

ياعيني ع الصدف

قصيدة عمرو حسن شاى بحليب فى شارع النزهة لأول مرة من حفلة ساقية الصاوى ديسمبر ١٠١٩

عمرو حسن شاى بحليب فى شارع النزهة

Egyptian Project - Soufi  سقاني الغرام

كلمات : عبدالرحيم منصور
الحان : هاني الدقاق
توزيع : مسار اجباري

مسار إجباري | ريتك معايا

كلمات : مصطفى إبراهيم
يا شايلينكوا على الاكتاف
 
بننعى دمكم بهتاف
 
و ندعيلكوا
 
غموس الناس و عيشها الحاف
 
بيدعيلكوا
 
و درس العربى ف الأرياف
 
بيدعيلكوا 
 
و كل جنية زيادة ف جيب
 
موظف هيئة الإنتاج
 
و ابنى اللى ف علم الغيب
 
و أمى اللى حتلقى علاج
 
و أرض المعتقل لما
 
 حتفضى.. أكيد حتدعيلكوا
 
و كل ظلومة ما اتظلمتش
 
و كلمة حق ما اتكتمتش
 
و كل قلم نِقِص ف القسم
 
و كل علامة مش ف الجسم
 
بتدعى لكل وش و إسم
 
من اللى عندكم ...منا
 
يجوز حيكونوا من جيلنا
 
يجوز حيكونوا أولادنا
 
يجوز حيكونوا م الاتنين
 
لكن ندرن عليا و دين
 
لا تيجى عيالنا تشبهكوا
 
تبوس على رجل أصغر شاب
 
و ترفع رايته زى ما حب
 
و تحفظ صم أساميكوا
 
و من آخر نفر فيكوا
 
لأولكوا
 
حتدعيلكوا


عمرو حسن شاى بحليب فى شارع النزهة

Kiko Elassiouty