مزج غريب يبدا من نهايته ناس ومواقف وشغف وحيره وغياب ...من بدايه 6-6-2017
فــ لك هذا المزج يا صغيرتي

الــتَــمَـــزُجٌ 7- Absence

بتتكرر يا نفس اليوم 
بنفس الصدمة والإحساس
بقوم وبنام 
وانام وبقوم
في دنيا واسعه 
من غير ناس
ونِفسي بس تتغير 
يا يوم عمال بتتكرر 
ونَفسي نِفسها ترتاح 
وقلبي يلقى سمّاعة
يا عقرب ساعة ماشي تلِف
بقيت منبوذ وكل الدنيا بتشوفني 
عليا تتِف 
أمانة يا ليل عليا تخف 
شريط الذكريات بيسّف 
وشوفت الوحدة بتقطعني ع السفرة 
وحُزني يحِف 
وياكل فيا بغشامة 
ماسابش علامة بتفيد اني كنت طبيعي من مدة 
حقيقي الحزن لو عدا هيعمل م الجماد شاعر 
ويخلق قهر ومشاعر 
بقيت بستغرب الايام 
تقيلة عليا تُقل جبال 
وقلبي جوا منه عيال..
بريئة وضِحكهم طاغي 
وعندي بنت في دماغي 
وعندي أم في ايديا 
بطبطب ع الصحاب حواليا وأجمعهم 
أدمّعهم إذا اتكلمت 
ف بسكت مش لإني سئِمت
بقرر اني اكون ساكت 
واعيش زاهد 
واموت سايب أثر فاضل 
وقلمي بعدي هيناضل 
وعندي كام كتاب في الدرج 
هاوحشهم 
هسيب الوحدة تنهشهم 
هموت في هدوء بدون احداث 
يا كل صحابي خلوا الناس
تقول مايموتش واد صالح 
تَرك أيامه وسطينا 
وفي عزايا.. ياريت ماتزودوش النور 
وحطوا ف نصبته زيِنة 
وهاتوا شيخ بصوت يحضني في التُربة 
يمزّجني وانا ميت 
وخلوا (مصطفى) يبيّت 
وصابر يبقى بردو معاه 
ويحكوا عن حاجات تفضل تضحكني 
مايمكن معجزة تحصل 
ف يطلع صوتي من بين التُراب والطوب
يحسوا بصوتي والانفاس
واقول: يا صحاب.. ده شيء مكتوب 
اهي حاجة هترحمني 
من التكرار 
وم الاحساس

١٤ فبراير ٢٠٢٠ 
الساعة ٨ الصبح 
شارع النيل

التكرار

لنفترض أن " لـِ نوح السيد."

أشياء تالفة." لـِ مروان السيد"نوح".

روبابيكا علاقات || نوح سيد.

oh shit ... i'm lonely💔

للّي عَلّمونا الشِحاتة.. وسَبَقونا بالغياب
للّيالي الرخيصة
والتَعَب
والعتاب
للّاوعي الحقيقي
والوعي الكدّاب

روبابيكا علاقات || نوح سيد.

رِحاب الطحان.