Produced by: Panday Sining Music Collective
Featuring: "Mayday" by Space Babies (Space Baby)

Download & Lyrics:

https://kontrapunto.bandcamp.com/album/kontrapulis

[Intro]
(Umuwi na ba? Pauwi na ba?)

[Verse]
Tulog pa sila, paalis na ‘ko, naunahan pa ‘yung araw
Almusal ko ‘yung bahaw, agawan ng jeep pa-trabaho
At trapik pa sa may Kalaw, halos hindi na ko umuwi
Puro na lang ako dalaw sa tahanang maliit

Kada buwan, limang libo, inuuwi ko
Sakit balikat, likod, at ulo
Malaki na raw, ba't ba ako nagrereklamo?
Talagang tiis trabaho, talagang linis ang baho ng boss na Amerikano

[Pre-Chorus]
Kontraktwal, arkiladong katawan (arkilado)
Binibigay lahat mula balat hanggang laman
Hanap naman ng bago pagtapos ng ilang buwan
Ginagawa lahat magkalaman lang ang tiyan

[Chorus]
Magkano nga ba ang salapi?
Magtrabaho nga ba o magpa-api
Hanggang labi? Hanggang kami’y mabuhay nang maayos
Hanggang sa makaraos, mula umaga hanggang gabi


[Verse]
Natutong makipag sapalaran, kahit parang
Ito na ‘yung kapalaran na kaya kong abutin
Kahirapan ay sakit na ‘di ko kayang gamutin, kahit ano pang gawin
Kahig lang hanggang hindi lang kanin ang tutukain

Kasalanan ko raw, kasi hindi nakatapos
At kayod-kalabaw, nakakapamintig sa pagod
Nalulunod pero sumusuong pa rin sa agos
Parang kailangang sumigaw para lang ‘di mapaos

[Hook]
Mata’y kumukurap, pahinga ay hindi sapat
Kahit pa magpanggap, ramdam ko ang ‘yong hirap

[Verse]
Biglang nagkasakit, lumiban pasaglit
‘Di magkamayaw ilang araw di gumagaling
Naipon ang gawain, amo'y galit na sakin
Sisante'ng abot kung hindi kayanin pang habulin

[Bridge]
Sa ala-ala ka na lang nakakasama
Sa presensya mo‘y nangungulila
Para saan pa ba ang pera
Kung buhay pala natin ang nakataya?


[Verse]
Ako'y inubos, inabuso
Tila bumaliktad at bumagal ang mundo
Naduduwal, umaakyat ang dugo
Sinugal ko na lahat, talagang desperado

Umaapaw, nangibabaw ang kailangan
Ng mga nakatira sa'ming tahanan
Tuloy na nanghihina sa pinagdaanan
Ako'y minalas, ako pa may kasalanan

Kasalanan? pagkalaban sa mga
Nagmamay-ari at hari-harian
Pinatulan, kahit delikado na gawain
Itutuloy pa rin para lang merong maihain

Magkano nga ba ang salapi?
Magtrabaho nga ba o magpaapi?
Dapat itama ang mga mali
Buhay ko ba'y katumbas ng salapi?

[Outro]
Hinahanap-hanap kung saan
Maaaring naroon ang anino mo dahil
Hindi na masilayan ang dating tahanan
At walang kasagutan kung ikaw ba ay uuwi pa

Salapi

Ang MAMULAT ay kolektib ng mga singer/songwriter mula sa Pamantasang Normal ng Pilipinas na naglalayong itala ang mga pangyayari sa lipunan at makapangmulat ng kamalayan ng mga tagapakinig nito gamit ang musika.

Ang Kontrapunto ang disiplinang pang-musika ng Panday Sining.

Sumali sa Panday Sining! Sumali sa Kontrapunto! 
Sumali ng Panday Sining!