شعر

My songs

Mohammad Alkurdi

أنا لم أعشقك حتى الآن .. لكن ربّما ..

تحدثُ المُعْجِزَةُ الكبرى.. وتَنْشَقُّ السَمَا..

عن فراديسَ عجيبَهْ..

وتصيرين الحبيبَهْ..

وتصيرُ الشمسُ يا سيِّدتي

خاتماً بين يَدَيّْ..

وأرى في حُلُمي وَجْهَ النبيّْ

وأرى الجنَّةَ من نافذتي والأنجُمَا..

رُبَّما..

2

ربّما..

أنا لم أعشقك حتى الآن .. لكن ربّما ..

يضربُ الطوفانُ شُطآنَ حياتي

ويجي البحر من كل الجهات..

رُبَّما يجتاحني الإعصارُ في يومِ غدٍ

رُبَّما بعدَ غدٍ..

رُبَّما في أشهُرٍ أو سَنَواتِ..

فاعذُريني إِن تَرَيَّثْتُ قليلاً..

فأنا أختارُ في شكلٍ دقيقٍ كَلِماتي..

مُعجَبٌ فيكِ أنا..

غير أنَّ الحبَّ ما بلَّلَ بالدَمْع سريري..

أو رَمَى أزهارَهُ في شُرُفاتي..

3

أنا لم أَعْشَقْكِ حتى الآنَ.. لكن..

سوفَ تأتي ساعةُ الحُبِّ التي لا رَيْبَ فيها..

وسيرمي البحر أسماكاً على نهديك لم تنظريها..

وسيُهديكِ كنوزاً، قَبْلُ، لم تكتشِفِيها..

سيجيء القمح في موعده ..

ويجيءُ الوردُ في موعدِهِ..

وستنسابُ الينابيعُ، وتَخْضَرُّ الحقُولْ

فاتركي الأشجار تنمو وحدها ..

واتركي الأنهارَ تجري وحدَها..

فمن الصعب على الإنسان تغييرُ الفُصُولْ..

4

رُبَّما كنتِ أرقَّ امرأةٍ..

وُجِدتْ في الكون، أو أحلى عروسْ..

ربّما كنتِ برأي الآخرينْ

قَمَرَ الأقمار، أو شَمْسَ الشموسْ

رُبَّما كنتِ جميلَهْ..

غيرَ أنَّ الحبَّ -- مثلَ الشِعْر عندي-

لايلبّيني بيسر وسهولة ..

فاعذريني ان تردَّدتُ ببَوْحي..

وتجاهلتُكِ صدراً، وقواماً، وجمالا..

إنَّ حُبِّي لكِ ما زالَ احتمالا..

فاتركي الأمرَ إلى أنْ يأذَنَ اللهُ تَعَالى...


أنا لم أعشقك حتى الآن، لكن ربّما - شعر نزار قباني - إلقاء يزيد حديد

انضموا لصفحة مادو عل فيسبوك 
fb.com/mado4music

موسيقي تصويرية ولحن محمد عبدالعال مادو 
شعر عمرو حسن 

‪#‎Freindzone‬
خلينا صحاب 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

موسيقي تصويرية وغنا محمد عبدالعال مادو شعر عمرو حسن

حقائب الدموع و البكاء - شعر نزار قباني - القاء محمد الكردي

محاولات قتل امرأه لا تقتل - شعر نزار قباني - القاء محمد الكردي

اسمعيني جيدا - شعر نزار قباني - القاء محمد الكردي

مسافرة - شعر نزار قباني - القاء محمد الكردي

كنت تكذبين - شعر كريم العراقي - القاء محمد الكردي

شيء سيبقى بيننا - شعر فاروق جويدة - القاء محمد الكردي

احبك جدا شعر نزار قباني القاء محمد الكردي

احبك والبقية تأتي شعر نزار قباني القاء محمد الكردي

فترة مُراهقة..   

القصيدة دى 
عن واحدة ..
مشاعرها دايما مُتحدة
فا إِتقوَّت 
حاولت تتعود ع الفُقدان
عاشت تتإقلم ع الوحدة .. 
و القوة جبانة و مش بتبان
 غير وانت مشاعرك مُتحدة ..
و الضعف جناح مكسور خايب 
متعود يظهر آخر الليل..  دايما من بعد الساعة واحدة .. 
فا طبيعى البنت ب ساذاجتها 
بتحاول تملى الخانة الغايبة
و طبيعى ب روحها و طيبتها 
بتسامح كسر الناس جمعاً ،
و بهدوء .. 
بتلملم باقى روحها الدايبة .
فا مش عاوزة اسمع منكوا جملة 
إن البنت دي خايبة  
البنت دى مش خايبة 
البنت دى حابة.. 

----------------------------------

القصيدة دى .. 
من وحى روح التَّهِلكة 
عن بنت .. 
روحها حزينة و مُنهكة 
وحى القلم بيبوح لها بإنها .. 
حروفها متفككة 
و مازلت مقتنعة ب لازمة 
كسر القافية ، و كتمان كُل البُكا ..
و حى الألم بيبوح لها بإنها .. 
بتبئا دايما مُربكة .. 
كُل الى فات من عمرها جايز يكون 
حدوتة بايخة ف فيلم هندى قديم .. 
خرجت منه إنسانة شِبه مُستهلكَة ..
هحكيلكوا عن كُل إللى إنحكى  
ف فترة مُراهقة بنت ، عاشت وحيدة و مُرهقة ..
و قلبها حامل جموع الهم ، عمره ما فكر يشتكىَ .

زاهدة ف ارض الله 
عايشة تناجى الفرح 
تحلم تكون وياه
و تتمنى تجنى الطرح
اوكلت امرها لله 
مش طالبة إلا رضاه 
مش طالبة غير .. 
امر إنعزال للجرح .

الجرح عمره سنين 
عايش يزرع انين 
و يروى الوجع بالدمع 
يسألوها مين ، الى ترك جواها كل هَدا الوِسع !؟
من كُتر الالم تسكت ، تضحك و آهى بتعيط ، تنطق كلام متلخبط ، تصرخ .. يقولوا " امين " .. 
بتسألوا عن مين !؟ 
عن حد سابلى انين ؟ 
عن اب ربى بنات .. تربية البنين ؟ 
عن قلب وصفه جوا معاجم كل العاشقين 
إنه قلب .. تعبان مُرهق حزين ؟ 
بتسألوا عن مين !
عن إنها بتحبه .. و هو بيحب غيرها ، و غيرها بتحب واحد ، بيحبها هىَّ ، 
و محدش عارف مين بيحب مين !
الدنيا فعلا لفت ..
يا جُحا ، ودنك منين !؟
تلقاه بيتلفت .. 
كُل البشر خفت 
من إبتلاء الحب 
و هى لسة هى .. نفس ذات البنت 
عايشة تناجى الرب 
إنه يلملم لو شَق واحد من شقوق القلب
إنه ينور بعض هاذى الضلمة 
ف روحها الى سكنها 1000 روح م الغُرب 
و فوبيا القُرب 
بتنهش قلبها الشايب 
برغم سنها الطفلى 
إلا إن قلبها شايب.. 
فا إفهموا ..
إفهموا بعض الحقايق 
بطلة فيلمنا اليوم .. بعيدة عن كل الخلايق .. 
بعيدة عن .. عالم سطحى مُتهالك ..
و قلبها دايما خال ، شوبته ما تتعايب 
الشوبة شوبة ناس ، ف قلوبها فى حرايق . 
فا افهموا..  
افهموا بعض الحقايق.. 
الحب حب حلال ، طول ما مش باينله عايب
الحب يبئا دلال ، لو كان حب سايب . 
الاهل عزوة و حضن ، لو ع الى فات نتعاتب
الوحدة ضلمة و حزن ، لو كان سببها شخص غايب 
بس المرة دى ..
المرة دى .. الحالة مختلفة 
البنت سابت كُل البشر 
لجل اما تبقى اوفى 
و هو سابها هى 
سابها عشان من حبها يشفى ! 
بعد ما كان بمجرد ما يلمح ضلها او من بعيد يشوفها ، يجرى عليها مع إنه عارف إنها هى الى طفلة ، بس كان وِده .. يعرف معاها العفة 
اصبح ف هذا الوقت .. بيشوفها يتخفى
يجرى و يهرب منها ، عاوز ينسى إنه بقسوته جرحها
يوم ما قالت :
" بكفاية ظلم و وجع ، جرحك خلاص كفى
  بالله عليك تنسى ، انا قلتلك اسفة "   
رده كان الآتى : 
انا بيكى انتِ  .. عرفت معنى العفة ، 
لكن خلاص فاض بيا .. و زهقت من كونك عايشة ف دور خايفة ! 
- انا اية بالنسبة ليك !؟ 
ولا حاجة .. كنتِ زايفة . 

من يومها و هى شبة مُقيمة ف المُستشفى !
و سابت روحها للأوزان و للقافية 
اصبحت شاعرة..  و موجوعة.. و عايشة بالعافية ..   
و سابت روحها للأوزان و للقافية.. 

و عاشت تكره الحيرة ، يدق الخوف على بابها ،  ترد عليه ب تكشيرة ..  و تجرى بسرعة زى الريح عشان الحزن ميطولهاش ،  تبان صورته ف مرايتها ، تزيد ف عنادها ، متشوفهاش.  
 
و عاشت ..
و عاشت ف الوجع تكبت ،
و عن روحها المُهلكة تكتب 
اصبحت القافية تبهت 
على قلبها ب دموع تسر
الطباع دايما ب تغلب 
الطباع دايما تضر 
ف إوعى ابداً تإذى روحك 
ب فعله ساذجة او بمقولة إنك حر 
هاذى البنت الى شايفها 
دايما تسكت ، دايما بتدوَّق روحها المُر
قيل يوما أنها - خِلفة تِعر - .. 
عادى جداً .. كلمة و .. وجعت ،
قسوة البشر مفيش منها مفر . 

فا من باب العلم بالشىء لا اكثر 
فى قلوب ياما ف دنيتكوا .. 
مليانة ب شر . 

#فترة_مُراهقة . 
#علا_الشيخ

علا الشيخ - فترة مُراهقة

الكلمات ..

كم أظهرَ العشقُ من سرٍ وكم كتَما 
وكم أماتَ وأحيا قبلنا أُمَما 

قالت غلبتُكَ يا هذا ، فقلتُ لها 
لم تغلبيني ولكنْ زِدتِني كرما

 بعضُ المعاركِ في خُسرانِها شرفٌ 
من عادَ مُنتَصراً من مثلها انهزما !

 ما كنت أتركُ ثأري قطُّ قبلَهمْ 
 لكنّهم دخلُوا من حُسنِهِم حَرَما

يقسو الحبيبانِ قدْرَ الحبِّ بينهما 
حتى لَتَحْسَبُ بينَ العاشِقَيْنِ دما 

ويرجعانِ إلى خمرٍ مُعَتقةٍ 
 من المحبةِ تَنفي الشكَّ والتُهَما 

جديلةٌ طرفاها العاشقانِ فما 
 تراهُما افترقا .. إلا ليلتَحِما

 في ضمةٍ تُرجعُ الدنيا لسنَّتِها 
كالبحرِ من بعدِ موسى عادَ والْتأَما

 قد أصبحا الأصل مما يشبهان فَقُل 
 هما كذلكَ حقاً ، لا كأنَّهُما

 فكلُّ شيءٍ جميلٍ بتَّ تُبصِرُهُ
 أو كنتَ تسمعُ عنهُ قبلها، فَهُما 

هذا الجمالُ الذي مهما قسا، رَحِما 
هذا الجمال الذي يستأنسُ الألما

دمي فداءٌ لطَيفٍ جادَ في حُلُمٍ 
بقُبْلَتَيْنِ فلا أعطى ولا حرَما

 إنَّ الهوى لجديرٌ بالفداءِ وإن 
كان الحبيبُ خيالاً مرَّ أو حُلُما 

أو صورةٌ صاغَها أجدادُنا القُدَما 
بلا سَقامٍ فصاروا بالهوى سُقَماً

 الخَصْرُ وهمٌ تكادُ العينُ تخطئُهُ 
وجوده بابُ شكٍ بعدما حُسِما 

والشَّعرُ أطولُ مِن ليلي إذا هجرت 
والوجْهُ أجملُ من حظي إذا ابتسما 

في حُسنها شبقٌ غضبانُ قَيَّدَهُ 
حياؤُها فإذا ما أفلتَ انتقما 

أكرِمْ بهم ُعُصبةً هاموا بما وَهِمُوا
 وأكرمُ الناسِ من يحيا بما وَهِما

 والحبٌ طفلٌ متى تحكمْ عليهِ يَقُلْ 
ظلمتَنِي ومتى حكَّمْتَه ظلما

 إن لم تُطِعْهُ بكى وإن أطعتَ بغى 
فلا يُريحُكَ محكوماً ولا حَكما

 مُذ قلتُ دعْ ليَ روحي ظلَّ يطلُبُها 
فقلتُ هاكَ اسْتَلِمْ روحي، فما اسْتلما

 وإنَّ بي وجَعاً شبهتُهُ بصدىً 
إنْ رنَّ رانَ ، وعشبٍ حينَ نمَّ نما

 كأنني علَمٌ لا ريحَ تَنْشُرُهُ 
 أو ريحُ أخبارِِ نصرٍ لم تَجِدْ عَلما

 يا منْ حَسَدْتُم صبِياً بالهوى فَرِحاً 
 رِفقاً به ، فَهُوَ مقتولٌ وما علما

تميم البرغوثي | عِشقَة

حاجة كدة زي الشعر ..
أداء صوتي لـ : محمد فاروق ..
ومونتاجه وتظبيطه أيضا

وكتبها حاتم عرفة
تقدر تقراها على صفحته على الفيس بوك من هنا :
http://www.facebook.com/note.php?note_id=251117048232826

للأعمال الأخرى لـ محمد فاروق ممكن تتابعها من هنا
https://soundcloud.com/mfmaegy-1


فاكرة لما كنتي حلوة أوي

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

حدود محبتي #شعر #نزار_قباني - القاء محمد الكردي

حدود محبتي - شعر نزار قباني - القاء محمد الكردي

طوق الياسمين #شعر #نزار_قباني - القاء محمد الكردي

طوق الياسمين - شعر نزار قباني - القاء محمد الكردي

Youtube: kurdi981
snapchat: kurdi981
instagram: kurdi981
soundcloud: kurdi981