هاي بلد؟ لامش بلد، هاي قرطة عالم مجموعين

راجعة بإذن الله
إذا ما إجا شي من الله
جربنا نتكل عليكن
عدنا اتكلنا ع الله!..

راجعة بإذن الله 
على أنحس بإذن الله 
لا تفكرها عم تقدّم...
راجعة بإذن الله...

يا بلدٌ يحسدنا اجانب
عا مناخو و عا هواه
يا شعبٌ منقلبٌ حرٌ
كل واحد عايش عا هواه
سامحهم يا أبتاه... يا أبتاه...

طار الملك وطار الشاه
طاروا بعون من الله
صلوا يا عمي صلوا له
ما كانوا طاروا لولاه...

يا جيلٌ قلبو على بلدو
قاعد يظبط بسماه
بلد ظابط مثلما هوي
هيدا هوي.. هيدا إياه
باسم الآب... وبسم الله
بسم الله...

راجعة بإذن الله
ان قلتوا "ايه" وان قلتوا "لا"
ما في رملة بهالصحرا بتُحرُك
إلا بوحي من الله
...

Raj3a Be Eznellah - Ziad Rahbani \ زيـاد الرحباني - راجعة بإذن الله

رائعة الذكريات - مارسيل خليفة

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

دليتيني ع الخمارة… تركتيني وما فتّي…
لما سكّرتيني يا جارة… خفتي ومني هربتي…
غدروني عيونك غدارة… وبتقولي ما غدرتي… 
يمكن زمانك خسارة…
خسارة ع الـ حبوكي…

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

عايش على حبك إتسكع… وليالي سكّرونا… 
وبشوفك كل ما بتطلع… بنسوان الماخورة… 
زرت الما عادت اللي بتنفع… تشفلك شي صورة…
ما خلوا ولا صورة إلا… منها سرقوكي…

ثورة بعينيكي.. والدورة… ع البحبوا عيونك…
محيّر كيف عملوا هالثورة… ومش شايفين عيونك…

ثورة بعينيكي - زياد الرحباني

تجّار المال هَرَبوا
وحَرَسْ السلطان انسَحَبوا
بِقيوا جَماعة بُسَطا وْطَيّْبين
على نِيّاتُن صَمَدوا وْغَلَبوا
أصلاً هَوْ ناس ما عادْ في شي يِخْسَروه
جَنى عُمْرُن كِلّو طَيّاراتُن دَمَّروه
حفْظوا العِدْوان عِسْيوا عا غَدْرو وْغَضَبو
لَوْما هالناس ما كان في وَطَن وْلا بْلادْ
وْلادُن ماتوا حتّى يِبْقى عِنّا وْلادْ
زَهِّر يا شَوْكْ غَطّيهُن وَيْن ما قَلَبُوا


صمدوا وغلبوا - زياد الرحباني

الو خليل - زياد الرحباني

قوم فوت نام     جوزيف صقر

امريكا مين؟ | زياد، حازم شاهين

الله يرحمك يا كارل ماركس - زياد الرحباني

اغاني حفل مارسيل خليفة 
 2016 ,عمّان

اشرب يلّا اشرب - مارسيل خليفة - حفل عمان

سلام من المنطقة الغربية لإلِـك انتي خاص
سلام لالك انتي الي مش ممكن تضحكي ضحكة كاملة لآخرها
انتي إلي عم يحفر فيكي الضجر الطويل

--

أنتي اليوم عندك شخص بتحبيه ويمكن خطبتي واتجوزتي وما عدت عارف عنِك شئ 
 بس اللي بعرفه عنك مظبوط 
إنه كان يضل عندك مسحة حزن بوجهك
وكنتي تضلي ضايعة وتايهة
وكنتي أد ما تفرحي 
يضل فيكي شئ مش راضي
وصحيح أنا اليوم مش شايفك 
بس أنا أكيد أن ها الشغلة بعدها فيكي
بعدها فيكي لأنها مش ممكن تروح منِك
عندك ضجر
ضجر طويل عم يحفر فيكي
وعم بيعلّ فيكي
وأنت منشان هيك
معوّدة
تاخدي حبوب للأعصاب
وهالحبوب ما عادت تنفعك
لأنها فاتت بدمك 
مثل الضجر الطويل
هلأ اليوم نحنا تركنا بعضنا
وصار في بحياتك شخص جديد
شخص بيفكر مثلك
وعايش مثلك
وأهلك راضيين عنه
وواعدك بحياة كلها رفاهية
وواقف من اليوم عم يدلك ع الأراضي اللي لإلو
وعم تتفقوا ع بيت المستقبل كيف بدكن تفرشوه
بس أنا أكيد بأعدك مثل ما أنتي
وراح تضلي مثل ما أنتي
وراح يضل يعلّ فيكي 
هالزهق اللجوج
هالضجر الطويل
ومثل ما كنت أقلك وقت كنا مع بعضنا
راح تفشلي بحياتك
اليوم كمان بأقلك
راح تفشلي بحياتك
شايفة أنتي
أنتي ما في شئ معقول يسعدك
..


 بعدنا طيبين .. قولوا الله




سلام من المنطقة الغربية لإلِك أنتي خاص - زياد الرحباني

في ذكرى رحيل "الآب" 
"الابن" يتكلّم 
1990 - الذكرى الرابعة لرحيل عاصي حنّا الرحباني
من برنامج "يااه ما أحلاكن" - صوت الشعب 

قوم فوت نام جوزيف صقر

L@mi

Recent comments

Has Han

sdj

غَ.

Related tracks