حكمت على نفسى احب واعيش مع صوره بس صوره ..

عشان حاسس ان اللي بيني وبينها اكبر من أنه يتحكي

وشوفتها بتتحرك ف وسط المعازيم مكنتش وهم مكنتش متخيل 

مشهد من مسلسل خلي بالك من زيزي موسيقى خالد الكمّار
أمينة خليل - محمد ممدوح 

لو عايز تمشي قُل لي

عيشها واضحك من قلبك
بيقولوا :-D
أداء: أحمد حلمي - منة شلبي

بيقولوا - حسن وفريدة من اسف على الإزعاج

مشاهد من فيلم واحد صحيح.m4a

تحية: شوفتي بقى أنا سمعت بنصيحتك إزاي وبطلت أبقى مغفلة، مش ناسية كلامك يادرية.
طارق بتاع حب وبس مش بتاع جواز، أنتي فاكرة أنه هيتجوزك ياتحية !
طارق عايز حد يصرف عليه وبس.
درية: أنا كنت بقول كده عشان مصلحتك.
تحية: ما أنا عارفة أنه عشان مصلحتي، وعلشان كده أنا فاكرة الكلام كله.
حتى لو بتحبيه ياتحية، وفاكرة أن ربنا خالقك على الأرض دي عشان تحبيه، هو مش هيتغير.
الحب بيغير الرجالة في المسلسلات والأفلام والمسرحيات بس، أنما في الحقيقة؛ في الدنيا اللي إحنا عايشينها دي، الحب مابيغيرش حد.
هو مش هيتغير، أنتي بس اللي هتتغيري، هتقبلي وترضي. تقولي يمكن وجايز، هتقولي جايز بكرة يتغير أو يمكن لما أسيبه هوحشه أو يمكن لما أفضل يتعود ويحب بس بكرة دي بتبقى سنة واتنين وستة وسبعة وبعدين لما بتيجي بقى السنة التامنة ربنا بيوعدك بحد يجي كده ينزل عليكي وينصحك، زيك كده ياحبيبتي.
درية: أنا يمكن بيبان عليا أن أنا شريرة.
تحية: شريرة !
كان نفسي أقولك أنك مش كده، وأحضنك وأبوسك ونقعد نعيط مع بعض، بس أنا وأنتي عارفين كويس.
درية: أنا مش شريرة.
تحية: وأنا مش ملاك، بس عباس شايفني كده، هقوله لأ !
بيقول كده.
درية: تحية...
تحية: طارق فعلًا مش بتاع حب وجواز، أنتي كان عندك حق، كتر خيرك.
ولا سرحان بتاع حب وجواز وإذا كنت أنا ضيعت سبع سنين من عمري، فأنتي ضيعتي عمر فوق العمر.

#أفراح_القبة

الحب - تحية و درية - الحلقة 19

" انا عارف ان الناس بيقولوا عليا راجل غني ومجنون
وبيستغربوا ايه اللي بعمله كل سنه وفي اليوم ده بالذات .. عشان حاسس ان اللي بيني وبينها ، أكبر من انه يتحكي ، لأي حد ..
-
يوم الفرح كان كل شي جاهز ، مفيهوش اي غلطه
أبو العروسه جاي وفي ايده العروسه ، وانا واقف مستني وهما ماشيين ناحيتي
عشان يسلمهالي ..
-
في وسط الناس لقيتها ..
واقفه بالظبط زي ما كنت بشوفها من وانا طفل صغير
بتبصلي وعنيها بتقولي ( شوفني ، أنا موجوده! )
-
وصلي ابو العروسه وادهالي ف ايدي
والمعازيم رموا الورد ..
وشوفتها بتتحرك في وسطهم
مكانتش وهم ..
مكنتش بتخيل ..
كانت حقيقه ، وانا مصدقتهاش ..
حكمت ع نفسي أحب وأعيش مع صوره ..
بس صوره ، عشان مكنتش قد الحقيقه ..

= طيب مدورتش عليها ليه بعد كده واتجوزتها؟
- مكانش ينفع ..
عنيها كانت بتقولي دلوقتي ، خد القرار ، دلوقتي ..
ولو قدرت تتحدى عيون اللي حواليك ..
ساعتها بس أنا هبقى ليك ..
"
- جميل راتب - من نظره عين -

مشهد جميل راتب - من نظرة عين

دايمًا فيه حاجة ناقصة _ في شقة مصر الجديدة

-انا مش هقدر اتجوزك يا سعد، لأني مش عايزة، مش عايزة اتجوزك، وحاولت، واديتك فرص واديت نفسي فرص، مش قادرة، مش طايقة، مش معقول أفضل في علاقة من باب الامتنان

=امتنان؟ 

-أيوة امتنان، انا ممتنة لك إنك الراجل الوحيد اللي بصيت لي، وحبيتني، واهتميت بيا، وعارفة إن ممكن ميبقاش في بدايل، بس معناه مش قادرة، مش قادرة أفكر إن إنت الراجل اللي هكمل معاه. إنت طيب، وكويس معايا وبتحبني، وانا عمري ما كنت في علاقة، ومعرفش اصلًا هبقى في علاقة أو لأ، بس مش قادرة، مش قادرة خالص، مش عارفة أحب فيك أي حاجة يا سعد، ولا طريقة مشيتك، ولا هزارك، ولا أي حاجة، وانا خلاص، عارفة إني ممكن أعيش لوحدي، وأشتغل، وأعيش مع أهلي اللي أخيرًا عرفت إن انا بحبهم، بس إن انا أعيش معاك.. مش هقدر 

=للدرجة دي شايفاني متحبش؟ 

-لأ، للدرجة دي مبعرفش أحب 

لا تطفئ الشمس - تامر حبيب

للدرجه دي مابعرفش احب  من مسلسل لا تطفئ الشمس

"اللي حصل إن البخت ماطلعش قليّل، والفرج جالي ما رحتلهوش، جه من وسع."
"والرزق الضيّق بيريّح صاحبه ياخويا."
"بس الفرحة اللي بحس بيها لما يطلّ عليّا بتشرح قلبي، بتصبّرني لحد ما يطلّ من جديد."
حنان مطاوع & أحمد داوود

اللي حصل إن البخت ماطلعش قليل_مسلسل هذا المساء

لما قالولي في المستشفي ان نجوي ماتت .. مكنتش عارف أعمل ايه .. كنت عايز أروحلها البيت عشان تقولي أتصرف ازاي .. فضلت طول الليل رايح جاي رايح جاي لحد الصبح .. لما حطيت الجرنان من تحت الباب كان متهيألي ان نجوي هتشده زي كل مرة .. لما دخلت ولقيت كل حاجة زي ما هي قلت يمكن سافرت .. راحت مشوار .. مانا برضه كان ممكن مشوفهاش كتير .. صحيح كنت هتضايق .. بس كنت هفهم .. بيقولوا لما حد عزيز عليكي يموت .. لازم تقف علي دفنته عشان تصدق .. وأنا بعد ما دفنت شريف ابني مقدرتش أقف علي دفنة نجوي.

سامي العدل - فيلم أحلي الأوقات
قصة وإخراج: هالة خليل
سيناريو وحوار: وسام سليمان

نجوي ماتت - أحلي الأوقات

حسن وداليا - أهل كايرو - أنا كنت مرعوب إن أنا اتنيل أحبك

مفيش ولا راجل قالك انك جميلة !! - في شقة مصر الجديدة

إن العالم هذا يُشبه طفلًا صغيرًا، يُحطم كل ماهو أمامه غاضبًا، يحتاج الكثير من الموسيقى والجمال حتى يهدأ وتصفو سماءه، لذا كلما تسنت لك الفرصة، ازرع وردة، غَنِ أغنية، اعزف لحنًا، أو رَبّت على كتف أحدهم، ليزهر من تُربتنا الطينية نباتًا يغزو العالم.

مشهد جميل راتب - من نظرة عين

Lamia Saad

Recent comments

Dalia Mohamed

ندى

Maria

Maria

Related tracks