yousef joker ( 8d audio ) - يوسف جوكر

إلبس الهاند فري و سافر 💓


متكتف من جوه 
مسلوب مني القوة
جوايا مليون احساس و اللي انا عايزه رافضه هو 
لو الليل بلع الشمس كان يكفي نجمي 
نجمي بيغيم و وحش الظلام ناحيتي بيجري
قبل ما اتكلم بفكر 
قبل ما ببني بدمر 
قبل ما اتناقش بدور 
و بقولك البشر كلها بتحور 
محبوس الاسد في عرينه 
طليق القط بين الاحياء 
عندي مشاعر ليكي كتير
لكن معمولها إخلاء
روحك تاية و خايفة بتلقط في النفس
اول ما بتطلع الشمس بتروح 
تستخبي في الونس
هتعيشي خايفه من اللي جاي 
و اسمي مستحيل تنسيه 
من الاول كان لازم تقيسيه 
مش قادره تلبسيه سيبية 
في دماغي فكره و ورقه و قلم و قشر و مناديل 
ايوة زباله 
طز في الثوابت و الحواجز الحاله اهم حاجة
الحب مزارش موبايلي
غير لما رقمك ظهرلي
بس شبح الفراق كشرلي
و قالي سيبها تلزمني
مسحتلك الجروح بديتول
مسحتيلي شخبطه الكشكول 
كان بينا كيميا لكن كان حالنا
واقف زي ما يكون ابو الهول 
عايز اتجاحد يا اشباح و قلبي بيحن خدوه 
عارفكم كلاب لما تجوعوا و قلبي بين ايديكوا هتاكلوا 
زهقت من الدنيا يا-هو
انا واحد يا يقتلكوا يا تقتلوه 
لو هتقتلوه هتريحوه
ياريتكم هتقدروا

ـــــــــــــــــــــــــــــــــــــــــــــــــــــــــــــ

فراقنا كان كارثه كونيه 
لكن انا لسه صلب 
وقفت و عمري ما هقع 
حتي لو كان وقوع في الحب
الوقت ضيق و الدنيا فانية 
فرح في ناحيه 
و جنازه في التانية
مش هقبل ابقي ضل 
لو الضل ضل حيط 
حتي لو الحيطه
معدوله مش مايله
شربت قهوة عشان ابقي عملي مبقيتش 
مفيش احترام علي اكمل وجه الموت مبيستأذنش 
كنت الدولفين الوحيد في عالم القرش
مشاكلي عملت سويتش , نفسيتي محتاجه ونش 
قلبي طريقه من هنا اهو 
عمرك ما تاكليني غير بس و انا سخن 
كل كلمه حب حلوة بعتبرها محن 
احساسي الرومانسي في قمة البخل
من كتر السخونه و الجنان بردان
جان مان چان في كيان انسان
بقولك ايه انا كوم و هما كوم
انا جاسموم 
لما بيجي في النوم
بلاقيني في العموم شيطان
متلومينيش هو ده حظنا 
متمثليش السبكي مش هنا 
متحوريش , كفايه لحد كده 
مش لازم يكون مننا 
حد يبقي كفش فدي 
اللي مضايقني مش إني بسيبك
إن ربيع عمري جه في خريفك
و انك نسيتي , إنك قويتي 
لما لقيتيني , باخد بأيدك
عقلي صدي كله قطران 
بقيت زي الشعراء خربان
بكتب في السياسه و القرف 
ببيع الصبر لأهل الشيطان
مفيش معاذير 
رامي وراكي قله مع ذير 
خلصنا 
قلبي كبير , هسميه النني 
و مش هيفارق الدكه
اسد , اجمعيني تلاقي لون قلبي 
عندي غشامتي حتي علي نفسي 
مش ايوبي ولا اموي 
انا دموي

( 8d audio ) Yousef Joker - Ghamry | يوسف جوكر - غامري

إلبس الهاند فري و سافر 💓


السكوت صاحبي و عيلتي 
انا مش كويس انا مش في حالتي 
ملغي كإني , واخد مؤبد في اوضتي 
حاجات اتمنيتها , فقدت قيمتها
الناس اللي حبيتها بكسل اكلمها 
شكلي القوي ده مجرد شكلي
لكن من جوه لو شوفت هتزعل 
عقرب الساعه بحسده , علي طاقته و علي سرعته
بتمني إن اقدر اديله روحي بس عشان اموته
حاسس بالذنب علي اللي عملته و ندمان علي اللي معملتوش
مبقيتش اهتم بمشاعر الناس و ياريتهم برضه ميهتموش
عقلي إتفق مع جسمي , ادوني وجع مالوش تفسير طبي 
اوضه العقاب الضلمه في طفولتي 
بقت الوحيده اللي بلاقي فيها نفسي
الحقيقة بتنافس الكدب , و الكدب بيتصدق اكتر
انا سحاب مليان و متعبي لكن مش قادر امطر 
انت بتحب الوحده عشان لسه كله حواليك
لكن لو لوحدك فعلا هتموت , عشان تلاقي شريك
كنت سازج قلبي مكشوف 
اتحدف بالملوتوف 
اللي عرفتهم في كل الظروف
عرفوني حسب الظروف 
ـــــــــــــــــــــــــــــــــــــــــــــــــــــــــــــــ
حاسس باللا شئ 
بيمد ايده 
و بيخلع قلبي 
من جدوره 
كإن شيطاني , بيعتريني , بيقنعني إني 
لايق في دوره 
ـــــــــــــــــــــــــــــــــــــــــــــــــــــــــــــ
يمكن بمهد شعوري لبعد الموت فا بكون منطوي 
في فص في عقلي بيحاول ينتفض , لكن لوحده تأثيره مش قوي
بتعب كتير عشان ابان بخير
و اكتر عشان اكمل و اعيش
الايام بتختبرني بكل سخافه و مبتمشيش
باب اوضتي كإنه شريط الحدود
بين وطنين وانا في النزاع بموت
محتاج اكون غبي و سطحي و عبيط
عشان اكون سعيد و اضحك بصوت 
كنت ملهوف للي بقي مستحيل
قد ايه العالم قاسي و بخيل
فكرت إني هتحرر من الكبت
اتاريني مربوط فيه بصواميل
اي فكره تخش دماغي بتلاقي زحمه تتوه وسطها
اي لحظه حلوة تعدي علي قلبي بيصبعلها
حتي كلامي , بيعاندني و بيخسرني حاجات عوزتها
كل رسايلي كاتبها لناس , و ناس تانية بتقول رأيها
اقولك بجد , الحب مش كافي
خايفه تكرهيني ؟ ما تخافي
اعملك ايه,هو طبعي كده
بتونس بنفسي و اتدفي بلحافي
شعارات و حكم
مبادئ و قيم
مبقوش يغروني و دي مشكلة 
لأجل غير مسمي , كل حاجة في حياتي متأجله
ـــــــــــــــــــــــــــــــــــــــــــــــــــــــــــــــ
حاسس باللا شئ 
بيمد ايده 
و بيخلع قلبي 
من جدوره 
كإن شيطاني , بيعتريني , بيقنعني إني 
لايق في دوره 
ـــــــــــــــــــــــــــــــــــــــــــــــــــــــــــــ
بقي البراح حاجز
بقي الكلام عاجز
بقي الروتين بارد
زهقت من الحياة, جايز 
هتتعودي مرة مع مرة 
ارمي طوبتي ما اكتر الطوب في المجره
الجو برد رصاص
لكن الحزن فيه بالجاف و بكتره 
اللي بقربله بيجي عليا فا باجي علي اللي يقربلي
من العدل حقيقي إني لوحدي 
و في القسوه طريق كله تحدي 
راحه البال مدتها مش كافيه
يادوب تبسطني شوية بالعافيه
كل اللي باقي من الوجود
عايز جمود و برود
مش لوحه باكية 
بصرخ بأعلي صوت
كإن مفيش صوت اعلي من كده
ملايكه او شياطين
بنده علي اي حد موجود هنا
مش فاكر اخر مرة فرحت
سيبت التفكير , و اصطبحت
وقفت , قدام المرايا تنحت
انا الطفل اللي فوق ولا النجم اللي تحت 
قاعد ملازمني الكسل
السما بتمطر تراب و ملل
الناس بيغتصبوا الحياة و انا سامع صريخها لا يحتمل
الكون بيرتجف و بيبكي
الارض ماليها الدم بتشكي
الهوا متلوث كله لاسلكي
الدنيا بقت اضيق من تيشيرتي ,, 
ـــــــــــــــــــــــــــــــــــــــــــــــــــــــــــــــ
حاسس باللا شئ 
بيمد ايده 
و بيخلع قلبي 
من جدوره 
كإن شيطاني , بيعتريني , بيقنعني إني 
لايق في دوره

( 8d audio ) Yousef Joker - 7asses bel la she2 | يوسف جوكر - حاسس باللا شئ

إلبس الهاند فري و سافر 💓


علي صدري مش واخدها
و ماشي , قلبي بين ايديا
كام عمري مش حاسبها , صغير 
بس نهايتي جايه 
عيني علي الحقيقة مش شايفها 
نورها عامي عينيا
زي ما يكون شيطاني 
علي شط البعاد دبحلي حية
كإن السعاده ضلت اهلها 
بتروح للي يدفعلها 
كل الطقوس محتاجه الفلوس 
و طرق الفلوس مش مرتاحلها
كل ما اكون بني ادم الاقي اختياراتي تفاح
كل ما اجرب انادي مش لاقي رد غير نباح 
كل ما بمشي رجلي تتغرز
 افرح الدينا بتتقمص
كل حاجة في حياتي وقعت 
كل تعبي اهو بيتكنس 
خرجت من جسمي و تهت في الصور لقيت حياتي زمان
خلت دماغي تكب حنين زي ما السوق بيكب نسوان
باب الراحه مفتوح و البشر قافلين 
الكرهـ موجود و احنا غاوين
محروقن من جوه بأمارة التدخين
ياريت تخلوا النيكوتين عالتميون
البشر عفنوا 
راحوا للعته و استسلموا 
كلامهم بايت زي وشهم
الودن مش بتهضمه
ـــــــــــــــــــــــــــــ
كان نفسي لما 
اقول انول لكن ما بيدي
كان نفسي في لمه 
كان نفسي مكنش لوحدي
ــــ
عيني علي السما لكن
تحت منها نيل 
السواد في حياتي طول
ممكن تقيسه علي الليل

ــــــــــــــــــــــــــــــــــــــــــــــــــــــــــــــــــ
جوايه انتضافه و ثورة و حطام 
و صحرا بتاكل غيطان 
و ناس بتبخ فيا نار 
علشان مسقيه افكار 
مش هتلاقي لحكايتي طريق ولا في الفنجان
عندي نظام حماية اجمد من اللي في اوضه الشيطان
الوحوش في الضلمه متداريه
بيشدوا اجزاء الهم و بيفرغوا اليأس فيا 
 قدام الضرب الحي
مش بفكر في اللي جاي
كل اللي بفكر فيه
اعدي حي و روحي فيا 
عيشت طول حياتي
و انا ماشي في طريق
قاله عنه  مظبوط
بس ناقصه رصيف
طلع عباره عن رصيف
بين المطب مطبات
و رغم كل الحوارات
مكانش لسة فيه طريق
بحسد الديناصور انه مشي من بدري 
بكرة الدنيا طول ما ليلها مصمم يداري بدري
مرجعتش تاني من الاول
لكن من عشمي بكيت
كل اللي بنيته اتحول 
و كإنك يابو زيد ,,
عايز امشي في دنيا واقفه بيا
عايز امشي و هيا عايزة ديا
عايز امشي و روحي ماسكة فيا
عايز امشي لحته فيها حته ليا 
عايز امشي لسكة الجمال
عايز امشي لسكه القلوب
عايز ابدأ سكه الشمال
و اختمها بسكة الجنوب
ـــــــــــــــــــــــــــــ
كان نفسي لما 
اقول انول لكن ما بيدي
كان نفسي في لمه 
كان نفسي مكنش لوحدي
ــــ
عيني علي السما لكن
تحت منها نيل 
السواد في حياتي طول
ممكن تقيسه علي الليل

( 8d audio ) Yousef Joker - Tofah | يوسف جوكر - تفاح

xiad ' vnsarii