Kan 2lbk Ma2waa Liya

‏ياورداية ف جبل روحي 👑🌺

عمرو حسن _ وحشتيني ٣

ع الحاضر إعلامـ الغايب 
إن الأيّامـ مشيّت عادى 
وان الأحزان اللى سايبها
مبقتش تأثّر فـ حياتى ..
وياريت تقولولٌه انى نسيتٌه
وقدِرت اتعود ـ على بٌعدٌه ..
وان رد عليكو ياريت يعنى ..
ماتجوش تقولولى خلاص ردٌه
مبقتش استنىَ يطمنِّى ..
ولا حتى بقيت احتاج حٌضنٌه .. 
يٌشكر ع القسوه اللى انا فيها
دى الحاجه اللى كسبتها مِنٌه
علِّمنى ماحبِّش غير نفسِى 
و مخافش عليه ولا على زعلٌه
ومشاعرى معاه خِلصت مِنى
فـ عجزت أكيد انى اشتاقلٌه 
ع الحاضر إعلامـ الغايب .. 
ان انا ماخسِرتش غير وقتى
وان اللى اتعذّب مِـ السايب
هو اللى بيضحك دلوقتى ..
و صحيح شاورولٌه على الدٌنيا
علشان هايتوه بعد كلامى ..
كان فاكر إن انا من غيرٌه ..
مش هاقدر أكمِّل أحلامى ..
دلوقتى بقيت فعلاً أقوى ..
مبقتش البنت اللى آذِتها ..
و لقيت أسباب علشان أكمِّل
و حاجات تستاهل مسابتنيش
ع الحاضر إعلامـ الغايب ..
برسالتى اللى انا مش هابعتها
آنا كٌنت بحبّك فـ الأوّل .. 
دلوقتى حقيقى ماتلزمنيش :)

#نوره_واصف..

اعلام الغايب .. نوره واصف

الله يرحمه 

كلمات و القاء : شيماء عبدالله
mix : karim taiko
recorded At Proxi Events


الله يرحمه||شيماء عبدالله

عمرو حسن  وحشتيني - ساقية الصاوي

عمرو حسن_فريند زون_ Amr Hassan-Friend Zone

Yas2lonk 3n El Ro7 - عمرو حسن - يسألونك عن الروح #Amr Hassan

محمد ابراهيم _ -متعتذريش - من ديوان لما كُنا in متعتزريش.mp3

سمر محسن 💙/ وحشتيني لعمرو حسن

تقابليني ....
كإنك فيلم خمسيني 
كإنك وردة في البدلة بيرويها مطر عيني
كإنك أرض 
كإني ف حضرتك بابقى ( روائي لا يمَل السرد ) 
أميل لك بس مابملِّك 
اشيلِكْ عمري ما أشيل لِك 
واغازلك شعر واغزِل لك
ضفاير شكّي ويقيني   

تقابليني 
.......
واطُل ف عينك استشهد 
يامزيكا بتتنهد 
شموسك كيف بتتجدد وضلِّك طيف مغطّيني 
أراقبك لما بتشاوري ف وقت ماتطلبي حاجه 
وعارفك لما بتناوري عشان تلهيني عن حاجه
وامتى بتبقي محتاجه اكونلك حضن ان يلزم 
واقولك امتى تحديدا بإن غرامنا لن يُهزم 
وعارف امتى بتبُصي بعين من خوف 
وصوتك وانتي تعبانه وشايله الهم
يا اقرب من فصيلة الدم 
ماكونش ازاي بقا مهتم 
بواحدة رضاها يحييني ؟

 ،،،
تقابليني
واراقب شعرك المقصوص 
كإن الليل نقص ساعتين 
جميل والله ولايقلك 
وفاتح للخيال طريقين
وطول عمرك بتختاري الهدوم بمزاج 
وعارفة تنقّي برفانك كإنه انتي 
ياواخده العقل من ايده كإنه ابنك
باقولك ايه 
خرجتي منين على الواحد خروج زهرة
خروج مزيكا من ( راجح داوود) مثلاً
بكل مافيكي من ستات فاجئتيني 
فتحتي الحلم والتأويل وسيبتيني
مهرج والسما سيما 
وطايش والطريق مراجيح 
تقول امي :
بقالك فترة مش مظبوط
تبان قلقان لكن مبسوط
ومتوتر كده وخايف 
ومش فاهماك 
تعبت معاك
تكونش ياواد عشقت جديد ! 
تقول امي ف وصف العيد 
( ياريتك جيتنا من بدري ) 
واظن الوصف ده ينفع يكون عنك
( ياريتك جيتي من بدري ) وخدتي الروح وخدتيني 

تقابليني 
،،،،،
بدون اسباب 
زكاه عن ضحكتك مثلا
كفالة طفل نُصه يتيم 
هنتكلم عن الدنيا 
وعن حبي لشهر اتنين 
وممكن اقول اسامي صحابي بالترتيب
وتحكيلي عن القطة اللي ف عيونك 
ولون اوضتك 
هاقولك اني متورط بعصبيتي 
باحب احمد زكي جداً
موسيقى نهاية الكيت كات 
وممكن تحكي عن والدك 
وعن اخر خطوط الموضه ف العالم 
وعن حلمك تعيشي ف ارض محدوفة وبيت واسع
هنتكلم ف أي كلام 
وأي كلام ف ذاته كلام 
كلام تافه بدون ترتيب 
مسافه وقت تسمحلي اكون جنبك لاطول وقت 
- هتوحشني 
- وحشتي القلب من دلوقت
واحط ايديا علي قلبي واراقب مهرجان الصيف 
ابطل حب امتى وكيف
وحبك كيف ف شراييني ! 

،،،،،
تقابليني
عشان محتاج اقابلك موت 
فيه عندي حوالي ( ولا موضوع )  احب افتح كلام فيهم 
اصالح عمري ف وجودك
وانقّح نفسي م الأخطاء على حدودك
وعارف اني شيء بائس 
واني مصاب بمتلازمة ( وحشتيني ) 
وعارف برضه اني كسول 
بسيب كل الحاجات ع الأرض 
وريحتي كلها دخان
وعارف برضه اني كمان بشجع نادي مش حباه 
ياستي حياة ولازم نختلف فيها 
يا أجمل حاجه ف الدنيا ابتليت بيها 
واطيب ركن ف الاوضه اللي جوايا 
ف قلبي فيه كذا حكايه 
وحابب احكي ساعديني 
تقابليني !!

https://m.facebook.com/kemiakarim?refid=7&ref=m_notif&notif_t=like

تقابليني | عمرو حسن

غناء : أحمد أسامه 
ألحان و توزيع : محمد ضياء 
كلمات : نوره واصف ..

Ahmed Osama - Eh yani Mesh Ayzek _ أحمد أسامه - إيه يعني مش عايزك

https://www.facebook.com/LoOqMaNkhaled
https://m.facebook.com/LoOqMaNkhaled
ده لينكـ الفيس علشانـ المتابعه
https://www.youtube.com/channel/UCRscUcOh7-MVxRVDytDDHSA

عمرو حسن_فريند زون_ Amr Hassan-Friend Zone

Loqman Khaled

Related tracks