Cantigas populares recollidas nas familias ou no centro de día de Xinzo de Limia polo alumnado de 1º ESO D e C e polo alumnado de 3º e 4º da ESO do IES Lagoa de Antela no curso 2024-2025.

LETRA COMPLETA
PAXARIÑO 
Con piñeiros de arredor, 
teño unha casa no monte 
con piñeiros de arredor 
unha fonte e un salgueiro 
miña nena, 
onde canta o reiseñor. 
Unha fonte e un salgueiro,  
miña nena 
onde canta o reiseñor 
Aquel paxariño  
era bonitiño 
(viña da Ribeira)  
da veira do Miño 
- ¿e como lle chaman?  
- chámanlle Pepiño 
- que bonito nome 
ten o paxariño! 
Paxariños que alegres cantades polas follas dos loureiros 
e subides polos amieiros  
a busca-la raiola (raíña) do sol. Paxariños que alegres cantades,  polas follas dos loureiros  
e subides polos amieiros  
a busca-la raiola do sol.
Non sexas tan presumida 
se queres casa-la filla (Rosiña) non sexas tan presumida. 
Non te deixes enganar 
miña nena, 
se queres ser prendida (pretendida) non te deixes enganar  
miña nena,  
se queres ser prendida 
Aquel paxariño  
era bonitiño 
(viña da Ribeira)  
da veira do Miño 
- ¿e como lle chaman?  
- chámanlle Pepiño 
- que bonito nome 
ten o paxariño! 
Paxariños que alegres cantades,  polas follas dos loureiros  
e subides polos amieiros  
a busca-la raiola do sol.

6_O paxariño

Loli Cid