ولو بيغنيها لوحده على طبقته هو بقى يا مساء العظمة والله 🌸💜🙏

جناااااااااااااااااااااااااااااااااان

إذاعة الجمهوررية  العربية المتحدة  من القاهرة  
~~~~

أول كلامي سلام
وتزققيني الكلام
أيام في حضنك أنام
يا مصر يا أمنا

وأطلع في نور الأدان
إذا دعا الوالدان
المدرسة.. والميدان
الأنسانية هنا

~~~~~~~~

من نور الخيال وصنع الأجيال نقدم هذا البرنامج عن تاريخ القاهرة

أشعار :  فؤاد حداد
ألحان وغناء : سيد مكاوي
 
يا سامعين  أبناء بلد واحده
تحت السما الواحده وجيل بعد جيل
القاهرة  قالت  وقولها  الحق
أشهد بأنك يا ابن آدم جميل
بانى البيوت  على بعضها  بتميل
فى الجو ريق الإنسانيه يسيل
شفتك  بتمشى ونظرتك على فوق
ودايرها  زغروطه وحطب وغسيل
شفتك يا سقا مالى  ماء النيل
شفتك منادى وشفت خطافك
من سوق لتانى لألف ليله يشيل
شفتك  بطبله وناى وزماره
حتى بأماره زادت الشخاليل
شفتك تقلد   ضحكة  الهتما
أيام تبيع  العطر والمناديل
شفتك يا جندى بسن رمح طويل
شفتك يا شيخ الفضل يا عبد ربه
فرحان بالاخضر والنسيم العليل
شفتك يا حاج وانت راكب جمل
زى الهلالى وحَبّه  طلت النخيل
شفتك يا فارس يا غنى يا أصيل
شفتك يا سهار النهار بالليالى
يا منحنى وماسك دولاب الفنون
بقانون تقسمنى
والبسط ترسمنى
واكبر تسمسمنى
وأتوه تجيب لى دليل
ولمّا عرب الصحارى عمروا الحاره
وأصبحوا فى الغرام ع السطح بحاره
شفتك يا شاعر تنشد المواويل

**
شفتك وانا طاله من المشربيه
تشبه فى رايحاتك وجايّاتك
إلف الحمام له غيه فى التهليل
يضرب بمنقاره على  الجؤجؤ
خفيف وتقيل
شفتك وجاتنى من العيون مراسيل
سَمّعنى سجع هديل
وتعالى قول لى إن جفنى كحيل
ولا يستحيل
من ألف عام أرجع على نياتى
من مشربياتى إذا طليت

***
طليتِ بشعور البنات الحور
يا فجر متكحل بليل مسحور
انتِ اللى حنّت لك جبال وبحور
الوعد وبياتك
فى مشربياتك
ريحة ماورد وجنّه يا قاهره
غاوى القمر  واللى غوى يشفيه
صوتِك يلاغى والغوايش فيه
طَمّنّى قلبك انى عايش فيه
وشكرت  آياتك
فى مشربياتك
ريحة ماورد وجنّه يا قاهره
شباك فى بيت مؤمن وقلبه دليل
نوّر لى بالسهريه والقنديل
أمشى القيراط اللى سقاه النيل
واسمع حكاياتك
فى مشربياتك
ريحة ماورد وجنه يا قاهره
غمضت عينى وعشت ألف ميعاد
وفتحت عينى وزاد معاى الزاد
كنت الولد وصبحت ابو الأولاد
ما دريتش وحياتك
فى  مشربياتك
ريحة ماورد وجنه يا قاهره

***
حبيتك الحب اللى عمره سنين
متّعت عينى  وما انتهيتش حنين
كل اللى عاشوا فى حضرتك حلوين
والأحلى جاياتك
فى  مشربياتك
ريحة ماورد وجنه يا قاهره

**********
يارب تشفى الصدور

يارب توفى الأمهات الندور

يارب تمنع عن ولادنا الويل

زاحفين على السواحل سلاسل نور

والبحر من دمياط يحيي السيل

واترتبت ع الخطوة رجلين الشهور

والصبر أملك من عنان الخيل

حتما على قدام وحتما ندور

والحصن فى عكة عظيم الليل

يلقى الآذان بيشق فوق السور

الحق ياولاد العرب منصور

فى كل أرض اتكلمت عربى
.
**********
الأرض بتتكلم عربى وقول الله

ان الفجر لمن صلاه

ماتطولش معاك الآه

الأرض ..الأرض .. الأرض

الأرض بتتكلم عربى
الأرض بتتكلم عربى ومن حطين

بترد على قدس فلسطين

أصللك ميه وأصلك طين

الأرض ..الأرض .. الأرض

الأرض بتتكلم عربى

الأرض بتتكلم عربى سبل وكروم

تجرى اللقمه على المحروم

ما تثبتش حصون الروم

الأرض ..الأرض .. الأرض

الأرض بتتكلم عربى

الأرض بتتكلم عربى ياخيال

بيعد سيفك أم عيال

ظهرك ياما من الأجيال

الأرض ..الأرض .. الأرض

الأرض بتتكلم عربى

الأرض بتتكلم عربى ولا ترتاح

واصل كالسيل المجتاح

فتحك ياعبد الفتاح

الأرض ..الأرض .. الأرض

الأرض بتتكلم عربى
يا سامعين أبناء بلد واحده
تحت السما الواحده عرب بيقول:
أيام تسعتاشر بتحيى الحى
و تخلى فنان البلد مسئول
يا سامعين يا اهل الزمان الجاى
ليلكم منور فى العزب والقرى
كان ياما كان من مبدأ الذاكره
الشمس طالعه وصوتى مش سامعاه
حرمت أغنى لها وانا فى الدرا
فتحت شباكى وقلبى معاه
وجبت ريح البحر للقاهره
وطلقت حنجرة الفتاه والشاب
ورفعت فنى الى مقام الشعب
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
والخبازين قايدين معاى الفرن
أخبز لكل الناس عشا وفطور
والفلاحين ماليين معاى الجرن
داقين فى قلبى السبع والعصفور
منورين المونه والمعجنه
كاتبين لى أيام الزمن والسنه
نسمه بنفسهم جايه متلحنه
وسؤال فى ودنى زى نبض النور
يا مصرى يا سيد وابوك درويش
النيل بيجرى والا ما بيجريش
النيل بيجرى والعجل بيدور
والفجر طالع بالصنايعيه
ومصر لازم تبقى مصريه
وكل كلمه تقولها أغنيه
وكل أمنيه وأمل دستور





 

من نور الخيال وصنع الأجيال في تاريخ القاهرة | سيد مكاوي وفؤاد حداد | من تسجيلات الإذاعة

لحن سيد درويش و كلمات بديع خيري 

على قد الليل مايطول  - غنا :سيد مكاوي - إسعاد يونس

غلبت أصالح في روحي 

أحمد رامي, رياض السنباطي 
 نادي الهليوليدو ديسمبر 1954

حتى الزمان اللي كان -  نادي الهليوليدو ديسمبر 1954

أهيم شوقا - حفلة مدينة  روان الفرنسية 1984

Instrumental link https://www.youtube.com/watch?v=XHMvHmMO6iE

Betrayal V1 (Original by Tokyo Square ft YAO SI TING)[Vocal version]

من فات المعاد، المغرب 1968
--
لمرسي جميل عزيز، وبليغ حمدي
https://soundcloud.com/aesamk/sets/loe6vk9rdqzi

والزّمن بينسِّي حُزن وفرح ياما .. | فات المعاد - المغرب 1968

تسجيل نادر لاغنية ليلة امبارح مجاليش نوم - سيد مكاوي و عدوية و نجاح الموجي

رائعة صلاح جاهين وسيد مكاوي الأخيرة ” كان في زمان يا حبيبتي ” 1996

كثرة ألحان مكاوي قلما تجد له لحن لم ينال ما يستحق من النجاح والإنتشار , الا ربما هذا اللحن الذي بين يدينا الأن , والسبب أنه اللحن الأخير والذي سجله فقط في الأستوديو ولم يسعفه القدر ليقدمه في حفلاته التي كانت بمثابة الإشهار والإعلان لأغنياته الجديدة , وعلى الرغم أن هذه الأغنية قد صورت بطريقة الفيديو كليب موضة العصر حينها الا أن هذا الفيديو لم يعرض الا مرة واحدة فقط في أحد براج المنوعات حيث أهدى الموسيقار الفيديو للتلفزيون المصري ليعرض لمرة واحد ثم يدخل الأدراج ليبقى فيها 20 عاما حتى الأن لا يعرف أحد مصيرة
من الجميل في هذه الأغنية أنها شهدت عودة لإلتقاء نغمات مكاوي مع كلمات رفيق عمره الراحل صلاح جاهين والذي كان قد توفى قبل تقديم الأغنية بعشر سنوات ليلحق به مكاوي في العام التالني وفي نفس ذكرى رحيله ويتركاً الأغنية التي شهدت لقاءها الأخير شاهدة على فنهما الباقي على مر الزمن

رائعة صلاح جاهين وسيد مكاوي الأخيرة ” كان في زمان يا حبيبتي ” 1996

عجبي - رباعيات صلاح جاهين
كلمات: صلاح جاهين
ألحان: سيد مكاوي
غناء: سيد مكاوي

عجبي - رباعيات صلاح جاهين - سيد مكاوي (كاملة)

Yahya Bihaki Hussein 
Youtube :
https://www.youtube.com/channel/UCZVDyO0eThjLY99GFW2-2IQ
FaceBook:
https://www.facebook.com/yahya.hussein.773
FaceBook Page :
https://www.facebook.com/%D9%8A%D8%AD%D9%8A-%D8%A8%D9%8A%D9%87%D8%A7%D9%83%D9%8A-%D8%AD%D8%B3%D9%8A%D9%86-Yahya-Bihaki-Hussein-1073620856045687/

يحيي بيهاكي حسين و سهيلة بهجت- مضناك جفاه ومرقدهYahya Bihaki Hussein

Omar Abbas

Recent comments

Brahim Simpson

Reham Elshazly

Magda Ghazi

Magda Ghazi

Related tracks