حلوة اوووي كلمات الأغنية دي شابوه ليك😍😍😍

https://www.facebook.com/trbo.nflip

https://soundcloud.com/turbo-n-flip/h2olk?fbclid=IwAR2TpubI-xpbMg24FoNa2BCSpzHo86sfALgURf-LyZsXw6jxf5NdA1Elx0M New Track :هقولك

Turbo -انساني Ansany

Title : Silent | ساكت
Artist : Mado $am
Written : Mado $am & Mohamed Ebrahim
Sub : Sad
Dur : 3 : 00
Music : Free Beat
Record Label : Mado $am Home Studio
Mix & Mastering :-
Mado $am

Lyrics :-
V1 
يا تكون فارق يا تفارق بس عمرك ما هترتاح ... أحسن ما تكون بتخبط علي باب من غير المفتاح
هي غابت و أما غابت كل شئ في غيابها غاب ... هي مسكت هو ماسك بس القدر بردو ساب
سايبه صوتك بيحاوطني سايبه صورتك في المرايه ... سايبه حاجة في كل حاجة رغم إنك مش معايا
إنسان ناتج عن صدمة كوكب حزن ويا فراق ... هرتاح فإوصفلي علاج محتاج محتجش أكون محتاج
أنا أسف ع الإزعاج فاكرنــِي مش ملاك ... أنا كنت بكون صافي بس إغمقيت مع الايام
طز جداً في إللي سابك لإكتئابك يوجعك ... و إللي لما إحتجته جمبك كان ساعتها مودعك
أنا قلبي أبيض في أبيض لكن دلوقتي إسود ... مبقتش أحس بحاجه مبقتش أحس بحد
أنا بكدب كتير علي نفسي و أعمل إن أنا صدقت ... أنا إتإكدت إني مش ناسيكي بالوقت

CHx2

سايب كل حاجة ذكري ليكوا و همشي ... كداب لا يمكن انا أصلا مريض نفسي
نفسي أضحك علي نفسي و أحاول أظهر ليكوا شري ... لكن إللي منعني إن كنتوا في يوم أهلي

V2

لما إنت روحك من إزاز حدفت ليه الأيام بالطوب ... و عشان بتقول الحق بقيت في القاعده مش مرغوب
هي قالت سبني فعلا بس مش عشان تسبها ... أي واحده بتبقي عايزه تشوف قيمتها في عين حبيبها
سهران بتفكر محتاج حقنه نسيان ... فا بقيت كيان بهتان إنسان بيمثل دور إنسان
عشتوا فيا و مت فيكوا فموتوا فيا عشان اعيش ... كنت ليكوا مكنتوش ليا حاجة واضحه متلاقيش
هي حاله واضحه جدا بإختصار حاله وفاه ... و الغريب إن إللي مات لسه علي قيد الحياه
نبضه عادي شكله عادي عادي جدا عادي بحت ... روحه طلعت فوق معاهم بس جسمه لسه تحت
ألف شكر للي سابت إيدي لما إحتجتها ... و أما قولت إستني قالت كل شئ بنا إنتهي
أنا بكدب كتير علي نفسي و أعمل إن أنا صدقت ... أنا إتإكدت إني مش ناسيكي بالوقت

Saket | ساكت

Prod By : S-lam Shetoz 
Rec - Mix - Master : Devils Music
Lyrics : 
محبط من كل شئ حتى لو ايجابى
محبط اكلم حد بحبه يقولى انا زيك  عادى
محبط انام واعيش لحظات قبل النوم واتوه افكر
كرهت سريرى دة بيخلينى اسرح بخيالى
محبط من الحب محبط من الاحساس كاره كل الناس
محبط اكون متفائل محبط احاول يائس من الأساس
محبط من الاحلام مبعدش الايام مش عارف سنى كام
مبقتش اميز كله بقى اسود مش شايف الوان
محبط من الليل محبط من النهار حتى وقت الغروب
ده انا حتى  الهوا اللى بتنفسه بيحسسنى ان انا مخنوق
مش عارف اعيش ولا حتى اموت ولا عارف اتوب من الذنوب
و لا ليه متسألتش من البداية اذا كنت احب اكون موجود
الماضى مكانش ليا ولا النهاردة ولا برضه بكره
محبط احباط سمكة زينة اترمت فى ميه عكره
محبط من الأبتسامه من حاجات ياما دايما كنت بعملها
ملقتش سبيل اكون متفائل فيه فهفضل محبط
__________________
 الاحباط ملازمنى ايده فى ايدى قرر يبقى صاحبى
بس حقيقى عمره ما سابنى ولا  اتخلى عنى 
اوفى من ناس كتير اعرفها مجاش ف مرة ضربنى فضهرى
ولا طلعنى لسابع سما ونزلنى و داس على رقبتى
______________
 الاحباط دة نعمه ميملكهاش الا اللى زيي
مستريح كده وانا مستنى اخر لحظه فى عمرى
مش هرضى جميع الأزواق ولا هتزين بالنفاق
منا مش عاجبنى حاجة لو انا مش عاجبك طب ما تبعد عنى
محبط وانا بعمل حتى الحاجة اللى بحبها
واخر كلمة فى اخر سطر كتبته كنت محبط منها
محبط من بلدى و محبط من شعبها
محبط من الكره الأأرضيه بحاول ابعد عنها
محبط من العلاقات والصداقات كاره الانتقادات
الاحباط اجمل الصفات و دة فى حالتى بالذات
مابحققش انجازات سلبى فى معظم الاوقات
ومين اهتم اصلا لما نجحت فى وقت فات
محبط افكر فى الكلمات محبط اكمل الاغنية
وايه يخلينى افكر اصلا علشان ناس مش حسه بيا
محبط اعمل اى حاجة وكل حاجة محبط منها
حتى كلمة محبط وانا مبقولها موصفتش اللى فيا
 
 

Sub-Zero | محبط

شوف فيديو التراك الجديد على يوتيوب : https://youtu.be/MYQHCevcIDU
Singer : Tika El-khouly 
Rapper : E. Evil 
Beat. By : RaKan

Rab El Osra Mol7ed

Hip Hop Afandy - Rab El Osra Mol7ed | رب الأسرة ملحد   ( Prod. By Rakan )

معقوله | Ma'qoula
RC (KaiseR) ft Abdeen | قيصر و عابدين
Beat: Produced By Nathis Beats

Recorded By RC Hip Hop Records
https://www.facebook.com/RCHipHopRecords/

Abdeen :
https://www.facebook.com/Abdeen-879810665418550/?fref=ts

Download Link: 
https://www.reverbnation.com/rapcurse/song/25394314--maqoula-rc-kaiser-ft-abdeen-prod

Special Thanks For RC (Dazzler and Afreet El-RC), Abdeen and For Nathis Beats
Thanks

:الكلمات

معقوله ! .. سيبنا البيبان مقفوله!
مين اللي ساب ! مين اللي باع! مشاعرنا مقتوله
عشنا السنين، تاه الحنين، اخر ما بينا صوره
لو مت فيكي هعيش لمين طول السنين مغروره

من اليلادي انا مش معاكي والعتاب مالوش مكان
واللي كان شاريكي بالغالي زمان اتعلم البيبان
اللي جايله منها جرح مايفتحهاش سدها عالوجع
والايام هتبينلهم اللي مفارقك خسران جدع

الليله اخر سلام ما بينا وحضنك يكسر عضمي
خبث الضمه صفرا بمشي ومابردش لما بتندهلي
ماقدرتش ابعد عنِك يوم اثبتي انك تقدري
ويوم ما هكسب نفسي بعدك يبقي الدور عليكي تخسري

ياما قفلتي بابك عني بينا بلاد مع انك جنبي
الوعد انك معايا وانك ملكي وانا مستني
سنه بتجر سنه تقصف عمري جنبك وانا
لسه صابر احلم بيكي وغرورك يعبد الانا

يوم ما اتقابلنا قولتي ان الحياه كانت نقصاني
والنهارده راجع لوحدي والحياه بقيت نقصاكي
واتأكد مهما اكون عشانك انتي مش عشاني
مش هستني اسمع كلام حافظاه باللحن وداني

انتي اللي بيعتي زمان والغلطه كانت غلطتي
والاقيني فجأه مش معاكي وطريقك فارق سكتي
اكسر مراية الحب اكتشف الحب مش كفايه
علشان الاقيكي في صوره كانت مع غيري مش معايا

ايام تجر ايام ولسه بأووح في السرير
والليل للوجع والمخده للتفكير
احنا اتفارقنا، امتي احلامك هتفارقني
حلمت معاكي زمان ونسيت ان لازم اصحي وتصحي

اوعي الايام دي تغرك داير الزمن بالايه تتقلب
سلف ودين ومين يدين في الاخر كسب
كلام قلوب يتقلب، اكيد فينا حد كدب
اخلصت وعيشت فيكي محرابي وفي الاخر بتصلب

مشيت مافرقتش، امسك تليفوني مارنش
كرامتي اهم من اني اكون معاكي عايش متهمش
انا ضد الكسر ويوم ماكنت ضهرك ماتكسرتش
سنها حكم مخها بكره هتفهم بعدي ماحدش

ايام تجلد قلبك تحرق دمك وتعلمك
اللي كان عصفور للجنه اهو النهارده غراب يدفنك
نفسي اقفل صفحتك وانسي فين طريق سكتك
واكره نفسي عشان بحبك واكره حبي عشان قسوتك

ندمان علي اللي كان وبين ضلوعك مش مكاني
وهعيشلك ليه وانا مش شايفك عيشتي يوم عشاني
مين فينا هان عليه ولما فكر كان اناني
واللي بهون عليه، نسيني وعاش مع حد تاني

زمي فيا براحتك بس قوليلهم كان ساندني وجدع
وانه غلب يرضيني  وانا رضاني فيه الوجع
ياما هديته وهو بناني شال عني التقيل
ياما زعلته ولما طلبته جالي و كان اصيل

صارحي نفسك مره واحده قوليلها انك بعتيني
واني استحملت وشيلت وانتي مصره تخسريني
قوليلهم كان في عز تعبه يسيب الدنيا ويجي يشكيلي
وهم يعرفوكي صعب الايام دي تعوضيني

وحشاني و مش هقول يخلص نهاري والليل يطول
و اجمع صورك واشوفها ياريتها ترد يمكن وجعي يهون
يمكن غيرتي خدتني وخلتني احبك بجنون
يمكن ماعرفتش اوصل ليكي لكن يكفيني عرفت اصون

بكره هتنسي والايام تلف تجيبلك حد مكاني
يمكن تجيبلي اللي تنسسيني تعيش علشاني
والليلادي شوفتك صدفه واقفه صدمه وماصدمنيش
غير اني شوفتك زي اي واحده ماتفرقيش

والدمع اللي في عيونك، مش باقيلك بعدي غيره
والدمع اللي في عيونك، مش باقيلك بعدي غيره
وهعيشلك ع اللي كان وقلبي كتر الف خيره

معقوله ! - قيصر و عابدين | Ma'qoula - RC (KaiseR) ft. Abdeen Prod. By Nathis Beats

Written by: Ninja
Music: ( Free Beat )
Vocals: Ninja
Design By / Ninja
Rec On Imortal Studio
Master and mix by: Ninja
© 2016 Ninja
Official Profile
www.facebook.com/Eslam.ninja
Official Fan Page
www.facebook.com/eninjamusic
Much Love & Respect <3

" أسمعوا بقلوبكم "

Verse 1

انا بينكم ذكرى باقيه مهما فات عليها زمن
انا اللى اتباع و برضه انا اللى دفعت الثمن
العنين ماليها كلام بس بيه مش عارفه تبوح
الطير مكسور و على ناسه الغراب بينوح

كلنا هنفرح بس الفرح راحلهم و رمانى
غابوا و استنتهم و اما غبت محدش استنانى
الورق بهت اكتأب داب اللى كان يوم دهب
مـ بناقص زهق و تعب طول ما مفيش للقرب سبب

قالتلى بلاش نقرب .. قلتلها متخافيش
فـ اول السكه احتاجتنى جمبها و ملقتنيش
يا ضى العين وحشتينى ياللى اسمك عـ الشباك
راح اللى راح و لسه قلبى مكانه هناك

الليل حافظ مـ ملامحك من كتر ما وصفتها
اسأليه الحياه من بعدك لسه حلوه و لو نصها !
طلبت منك بُعد وانتى طلبتى انى استنى
لسه فودنى كلمه - انا ربيت و غيرى بيك اتهنى -

Chourse
و ادينى بموت من اللهفه .. ياريتك لسه هنا
طبعاً هتفتكرينى وانتى بتحققى حلمنا
مورتكيش انا صورتى كامله .. المعنى مش مفهوم
كانت احسن معامله .. فـ بالى دايماً قبل النوم
خايف من صدفه .. فيها تبان مشاعرى
خايف من دمعه تنزل قدامك - غصب عنى -
متقلقيش القلب خام و انتى الوحيده اللى فـ سكته
من بعد حضنك مشبعش من واحده حضنته

Verse 2

يسكن الآلم فـ ضلوعى لو غيرك هتسكن فيه
كنتى فـ كل حاجه طوعى كنت حلم عايش ليه
بس سقف الحلم عالى .. و اللى يطوله يتكسر
فاكره لما قلت بحبك و الوعد اللى وعدتك بيه !

يا حضن زى الشمس فيه دفا الكون دا تماً
يا عين مبتدمعش مـ اللى نزل كافى يملى
بحور و يفيض باقى ينزل بين المطر فـ الشتا
انت آخر واحد قلبى هيدقله " متأكده !!! "

دق القلب نقصاً .. طير بعيد يا طيرى
اياك ترجع لقفصك طول مـ تحت جناحك غيرى
رسمتلك بأديا مرساه .. رسمتلك فـ حضنى بيت
اتمنيت زمان انى ابعد .. و ياريتنى مـ اتمنيت

انا بالنسبالك هوا .. انا الدم فـ وريدك
وحشتنى كُنا سوا .. وحشتنى لمسه أيدك
ألف مره تداوى حزنك .. ألف مره تقول بحبك
ألف مره باعوا قلبك .. بس ردك كان سكات

Chourse
و ادينى بموت من اللهفه .. ياريتك لسه هنا
طبعاً هتفتكرينى وانتى بتحققى حلمنا
مورتكيش انا صورتى كامله .. المعنى مش مفهوم
كانت احسن معامله .. فـ بالى دايماً قبل النوم
خايف من صدفه .. فيها تبان مشاعرى
خايف من دمعه تنزل قدامك - غصب عنى -
متقلقيش القلب خام
و انتى الوحيده اللى فـ سكته
من بعد حضنك
مشبعش من واحده حضنته

#نينجا
#شكراً
#طير

Eslam Ninja Bird | اسلام نينجا طير

Join Afreet On Facebook:

Profile : https://www.facebook.com/Kareemelkhamissy

RC Family:
www.facebook.com/RCFAMRAP

Lyrics Here : 
https://genius.com/Afreet-rc-zay-manta-7azen-lyrics

زي ما انت حزين | عفريت

7aga Benna I حاجه بينّا 
Written by: Mo4kll
Music: Free Beat
Rec label : Youssef Hisham
Master and mix : Mo4kll
© 2016
ــــــــــــــــــــــــــــــــــــــــــــــــــــــــــــــــــــــــــــــ
طول منتي بتسمعني مش هتنسي يوم من الماضي  
ما تسكريش عشان تنسيني وانتي قاعدة جوه باري 
قالت فكراك انت اللي طموحك فوق يأسك علاك 
بس مهما انت اتقدمت مش هتشوف الكون وراك 
فاهم
اسوء حدث وانت ع القمة انسحابك
شد خط تحت كلمة بمعنى التقط انفاسك
واحفظها طريق القمة في اتباع اثرها 
وطول ما بتكسب اكتر استحاله انك تخسرها 
لئيمة ازازتها فيها وعاوزه كاس مجاني  
بتجاملني عشان اهديها كاس زيادة يمكن تنساني  
الوقت اتأخر بس بدري للي لسه صاحي
قلتلها همشي انهي الكاس قامت بصالي
قالتلي بنظره عينها ان انا ميت قبل ما تنطقها
فعرفت ان انا خيال شيفاه وبتكلم من دمغها
حارقة شهادة وفاتي فوق شمع عيد ميلادي
  هي مش هتصدق موتي لحد ما تتوئد كتباتي 
مش في كتابي اموت بسطورك مكتوب حي ع الغلاف 
اخر صفحه نفس لونك بس في ريحتك الاختلاف
نسياني محتاج خيوطك ع الكهف لثواني
كهفين استنجدوا بيكي بتنقذي واحد قبل التاني 
بسهر ارسم فيكي على ورق بيبان ابيض للكل 
مش فاهمين ان انتي جميلتي فمش انا اللي اعميكي بكحل
بتنفسك صعب ابعدك لسه بستغرب قوتك 
ازاي فيوم بنتقل من بطل لضحيتك  
 مبعاندش بس انتي ازاي هزمتي بطل ماخسرش
صحيح انا ارض بور بس انتي حبوب مابتتزرعش
فهميني ليه بكره اشوفك وانتي بتفرقيني  
ليه بعد ماسلم بحرق كل صباع موجود في ايدي 
غرها جملها مالها كل بالها بمالها سهله
 جسمي مش هيحس بيها لو شغلني نفس سجارتي 
ده مش مكنها عنها تمسك او تسيب مش فارقه
 اصل قبل ما تدخل راسي لازم تهزم اللي في حضني  
لو انتي اللي انا اتنفستها اكيد هشوفك 
ابسطها وسط القعدة  كنت هعرفك من صوتك 
مش هشدك بخيط ضعيف واقول ده اقوى منك
مبدأش طريق نهايته بداية خطوه في بعدي عنك 
بقوى لما اتنفس نفسك بضعف بعد كل مقابلة 
زي مثلاً طالب فاشل بس عقله حب المادة
اتخنقت ليه بننهي كل قعدة لضيق الوقت 
ازاي انا صاحب المكتب وعشان اقابلك اجبلك كارت 
زيهم بيحبوا اللحن وينسوا اللي عزفلهم 
مش همسك آلتي طول ما النوته مكتوبه بخطهم
 ما انتي فاهمه بشك فيا لما وثقت في جاهله   
اوصف همي لأصم ولا استاغيث بابو ودن واحدة  
هقولك كلمة بينا مش عايزهم يسمعوها
انتي هدي في الحيطان وانا ( هدوس ودان رموها )
خلي بالك مني بمعني اني هكون فعلاً محتاجلك 
وبمعنى اخر نفسي انتي فخلي بالك من نفسك  
غمي عينك وافتحيهم لما ما ترسمكيش ايديا 
لأ فتحي كده هتعيشي طول العمر شبه عميا
 سألتيني عن احلى وقت وانتي معايا عدا عليا 
اكيد وقت مابشوفك جوه عينك من عنيا 
مش فايقة شربه الكاس مع الموسيقى الهادية 
انتي ماعرفتيش ترقصي متقوليش الارض مايله
لمي رماد شهادتي وطفي الشمع انا في انتظار 
 اسلم حل عشان تنسيني فإني اقوم اقفل البار 


7aga Benna I حاجه بينّا

تراك بعد غياب سنه تقريباً .. 
masterin and mix by maged ehab "hector records"
لو عجبكو متستخسرووش الشير :D 
LYricS :
بين كل كلمه فيه حاكايه بتتكون فخاليى تتلون الوانها بتتصمم على حسب الى ببقا حاسه ماللى بيا بابقى لامسه بس فيها حاجه لسه مش  بترضى انها تتدون على ورقى انا مش مش مجنون انا مش بمزاجى اعيش فالدنيا لواحدى انا نفسى اكون . 
انا مش راضى وماشى عادى انا جوا منى بركان مش هادى . 
فبحاول انى اقاوم لكن انا مش بأيدى كل حاجه فطريقى بتحول . 
بتغير من حلو لوحش . خطى مش ثابته خطى بتترعش  
  كل حكايتى اننا نفسى فدنيا غير الدنيا انا نفسى اموت . 
انا نفسى اموت . انا كل تفكيرى اصبح سكوت انا مش مبسوط .؟
انا كدا مكبوت . وبزعق بس بدون صوت .  
ليه بتتغير بينا الزمن . ليه ديماً بدفع التمن
ليه ديما وحدى وبتألم . انا مش عارف ايه السبب .
ايه انكتب وبناء على ايه . الى بيحصلى فالدنيا دى . 
مييت مره حاولت اتكلم بس لسانى عجزنى ليه . 
ابعدو . مش واقفه عليكوا الدنيا هتمشى بدونكو .
انا طاقتى بتنفذ و قريب مش هستحمل كلامكو ! 

..................................................................

اجيال بتعجز اجيال . ناس بتسيب دول اصلا اندال
شيلنا زياده هم احمال . ماال . حيطه مايله و الحال مال 
و رجعنا للبدايه من تانى . نفس السبب الى منه بنعانى .
نفس الطرييييق .؟

................................................................
انا مش تمام . انا مش بنام . انا عمرى كام انا لسه صغير . 
عينى مليانه و انا لسه زى منا بس كل حاجه فالدنيا بتتغير
عمرى قصير . ليه بنتغير ليه عمرنا ما بقينا بنشووف . 
احلامنا مليها خوف معروف الخووف معرووف
ضلمه والناس مش فاهمه الناس مش سامعه الناس دى مش ناس اصلا دى اشباح دول عتمه . 
اشباه لمه اشبااه عزوه . اصحااب قاعده . 
احسااس كتمه مليه سكوت للكاس عوده
بتحاولوا تحطيم الجديد و القديم انا مين انا لسه مالبنىادمين انا عين بتشوف مجانين مش ناويين يقولوا اسفين . مش قادرين .
عايشين كاتمين احلامهم فيين ؟ ف حياتهم دين مربوط و العين مش ممكن يوم تعلى عن الحاجب هتعيشو وتموتوا علحيط ماشين؟ 
انا انا ! عقلى بيتشل انتو السبب فاللى بيحصل
قلبى اتحرق عمرى اتسرق قلبكوا كان حجر قلبى ورق . 
واهو كله رااح  . واهو كله بان ولاصله عااد 
الحب مات و الوعد مات الوقت فات و بنهرب ديما  للسكات .  

3gz - عجز "ALAAAMR"

كام عقل مش عارف ينام
ملعونه الذكريات طولت مر الأيام
يانعيش على ماضى مات يا الحاضر يبقي عذاب
مستقبل ايه اللى نفكر فيه دة النص التانى باع
يا اللى بتبيعوا علمونى ازاى اعيش
واخرج لأى مكان متخيلش صورتها فيه
او ارشدونى ازاى استئصل المشاعر
انا نفسي انام من غير ما افكر زى البنى ادمين
ليه دايما ابقى فى الصف المظلوم
طالاما فى مراكب ليه تقوليلى اعوم
والله مالوش لزوم الحمل مش هيدوم
ليه تسوديها فى وشى بعد كان الله فى العون
ياخوانا يا كدابين لا انا مش كداب
اانا بس عاوز احس احساس الطرف اللى ساب 
اكيد ملوش احساس لو ليه مكانش خان
لو ليه كان ساب جواب يقولى فيه انه الغلطان
____________________________________

راضى بقدرى و نصيبي يا شمس بلاش تغيبي
اعيشها صاحى سنين ولا اشوف صورتها فى ليلى
يحرم عليا سريرى لو نمت افكر فيكى
على قد ماجيتى عليا يا دنيا علمتينى

_________________
واشمعنى انا ؟  احلامى ما كملتها
الفرحة بالنسبالى متاهه تايه عن حلها
دة القلب مشتاقلها والعقل محتاجلها
والواقع لما اتكلم حكمه كان ابعد زيها
ماتقولى ايه فى جرابك يا بكره انا مش مستحمل
مبقاش فى طاقة كل ما اقرب حد يبعد
والله حمولى تقلت مش ناقص انك تعند
وتقولى بكره احلى واكتشف انك بتكدب
يا اهل الحب ياللى ارجوكوا تخبوا عنى
كل اللى بينكوا من مشاعر والنظرات تملى
راعوا انى وحيد بقلبي متحسسونيش بعجزى
عشان اعرف اعيش بقيت العمر لوحدى
اعيش زى اللى عاشوا غيرى ياما
مجرد دقات قلب مش هامهم كام الساعة
مبصش للمرايا مهتمش مين معايا
اشوف الماضى بكره  والحاضر ارميه ورايا
____________________________________

راضى بقدرى و نصيبي يا شمس بلاش تغيبي
اعيشها صاحى سنين ولا اشوف صورتها فى ليلى
يحرم عليا سريرى لو نمت افكر فيكى
على قد ماجيتى عليا يا دنيا علمتينى

_________________

Saket | ساكت

Mado $am

Recent comments

Moataz Alsaeyd

“x12🖤🌍”.

Z2r 🍃🦦🖤

sama Nagy

Related tracks