

اسف ياعم فلانتاين
عدى السنادى كمان وسجلنى غياب
السنجله
مش مشكله
بصرحه بقى مش طالبه عك
ولا ناقصه شك و غيره او حتى عتاب
منكرش ان انا نفسى حقيقى اخرج مع بنت واغير جو
وبقولك لو
انا كنت لقيت حد بيفهم
مانا كنت ساعنها بقيت جنبو
لكن انا كل ماكون مع حد يبعد ويقول انا مش ذنبو
انا قلبى ده مش فندق يعنى
انا ابسط حاجه بتوجعنى
واهو عادى مجتش على اليوم ده
انا اصلا عايش من مده
ومسستم نفسى على الوحده
وحياتى عايشها يا عم تمام
لا انا بشحن زى الناس عطول
ولا برغى كتير فى التليفون
ولا بقعد اسب لفودافون
ولا اضيع وقتى فى اى كلام
ولا قاعد مجروح من الصدمه
بسمع مش زى الافلام
انا زى الفل وقشطه وبيس
مش بفتح شات بلليل عالفيس
ولا بسهر اكتب اغنيه
لا باس ببعض الحنيه
ولا اعشم نفسى اعيش مع حد
والاقيه بيسبنى بدون اسباب

وحياه ابوك يا عم فلانتاين
السنادى سجلنى غياب


اسف ياعم فلانتاين - الشاعر محمد ابراهيم

لأنك حببتي

جديد مينا عطا ومحمد شاهين - انا الصاحب

ان كان علي الفاتحة ... حافظها 
و ان كان علي الدنيا ... بغيظها 
و ان كان علي الضحكة ... عايزها 
لكنها مش عايزه تدور 
-
وان كان علي السجن ... ده خالي 
و كلبشه اصلا خلخالي 
رغم الزحام يصبح خالي 
من أمتي كان السجن سور ؟ 
-
وان كان علي الدين ... انا منبوذ 
بدل " امين " انا قولت " يجوز " 
و فريقي عمره ما كان بيفوز 
زي الحُسين او كما نسُطور 
-
وان كان علي السيما ... فـ بيتي 
فاكراني او كنتي نسيتي 
روحي اسألي لو حبيتي 
انا قلبي كاميرا فلاش مكسور 
-
وان كان علي المسرح خاين 
هيهون عليك ؟ ... لأ مش هاين 
ترجعلة تاني ؟ ... مهوش باين 
انا قلبي بقي بيخاف مـ النور 
-
و ان كان علي الصحة ... فـ عايش 
محاليلي في ايديا غوايش 
صابني المرض و مهوش حايش
عني غير اني أعيش مسرور 
-
و ان كان علي القهوة ... أدينا 
أكتر مكان بقي يئوينا 
دومينو و طاولة و كوتشينا 
تخسر تشيل مشاريب الدور 
-
وان كان علي الصُحبة الصادقه 
خلصانة ولا انتيش صادقة 
من قبل حتي ما كات بادئة 
صدقتهم يا حمار ... معذور 
-
وان كان علي الجرح نسيته 
رغم انه عشِره و حبيته 
و خد مني أكتر و أديته 
بالباقي فكة لبان و بخور 
-
و ان كان علي الحزن فـ سابني 
زهقان عشان ياما كسبني 
و الفرح عمره ما جه صابني 
وان صيبته يجري كـ المسعور 
-
و ان كان علي الغنيَ ... مش دايم 
فـ ياريت نفوق بقي يا بهايم 
كل اللي كان في المال عايم 
ساب القصور سكن القبور 
-
وان كان علي الجيش فـ جمعنا 
رغم التعب كان ليه معني 
أغراب ... بقي الكل تبعنا 
يحيا اللي زيَ كان عسكور
-
وان كان علي الصدق ... مغادر 
وأنت البعيد منتاش قادر 
نصبوا الصوان كان الشادر 
مكتوب عليه " العزا مشكور " 
-
و ان كان علي البنت ... فـ جايز 
تديله رغم مهوش عايز 
تملي الحلال عشق أزايز 
و هو يشرب غيرها خمور 
-
وان كان علي الحضن فـ أنواع 
فيه حضن باع او حضن يساع 
او حضن شوق او حضن وداع 
وده حضن خلا الشوق مجرور
-
وان كان علي الهِدمة ... فـ دابت 
وان كان علي البدلة ... فـ غابت 
ان كان حبيبي مهوش ثابت 
يبقي الهدوم هتدوم لـ عصور ؟ 
-
و ان كان علي الوحدة ... فـ راحة 
عزوبية القلب نصاحة 
وان كنت تسأل بصراحة 
ده كلام بقوله عشان مهجور 
-
وان كان علي الحلو ... مذاكره 
وان كان علي اللي ساب ... شاكره 
وان كان علي اللي غاب ... فاكره
و فـ كل ليلة كتير مذكور 
-
وان كان علي الاسكان ... أنتي 
سبتي القصور فيا سكنتي 
صاحبة و أم تجيب بنتي 
و كعبة عشق عليها أدور
-
وان كان علي الحب ... فـ دايب 
ليلة حضور ... عشرين غايب
و مليش نصيب ولا ليش نايب 
و فراق عشان دين او باسبور 

‫#‏ان_كان‬
‫#‏جوزيف_عزت‬

قصيدة ان كان - جوزيف عزت

انتى فين و انا فين - محمد وجدي /anty fain we ana fain - Mohamed Wagdy

تذاكر ياهانم تذاكر يابيه

محصلش نصيب | شعر | Ahmed Beda

"كلمة والتانية"
كلمات- محمود خليل
غناء- خالد العطار
هندسة صوتية وتوزيع- ميدو حلاوة 


01202159500

كلمة والتانية  "خالد العطار"

اغنيه " 3 ضحكات " كلمات - غناء - توزيع - محمد مساهل 2020

استاذ الأحياء قال مرّه
ان الانسان بيموت مرّه
أقنعني ساعِتها وصدّقته
وماشكِكتِش في المعلومه
وسألنا وقال فاهمين ياولاد ؟
قولنالُه بسيطه ومفهومه 
وكبرنا و عدّا العمر وفات
و فارقنا الاستاذ فجأه ومات
و انا جُملته لسه مش ناسيها
كان نفسي يكون عايش دلوقت
علشان نتناقش تاني فيها 
و أسأله من تاني ويجاوبني 
ازاي الموت بيكون مرّه ؟
من جوّا كذلك من برّا
وانا ميّت ييجي ٢٠٠ مره
من وقت ما غابِت وسابِتني !

لو شوفت مدرس الرياضه
هحكيله عن تجربه شخصيه
جرّبتها ولقيتها صحيحه  
بنسبة ١٠٠% 
مجاتش فـ بال الخوارِزمي 
ولا قالها في يوم عالِم فيزياء 
ولا ممكن كانوا هيقولوها
إلا لو كانوا صحيح عشاق
"حُبَك لازم هيزيد الضِعف
 لحبيبتك لو بينكوا فراق "
وانه بيتناسب طردياً 
لو كان بينكم مسافات اكبر 
فـ كل ما زاد البُعد اكيد 
كل ما توحشك اكتر !

امّا عن استاذ العربي
فـ ظلمني كتير اوي من بَعدها
كان بيقولي اني ضعيف في النحو
رغم اني كنت مشيت نحوها
كان قالّي فـِ يوم ان الفاعل 
لازم هيكون دايماً مرفوع
صدقته يوميها بدون تفكير
وسكتّ وخلص الموضوع
لكن من بعد امّا قابِلتِها
والدنيا اغمقّت وفارقتها
وعملت اللي بإمكاني كله
مع ذلك مشيت وسابتني
فـ انا لازم اقول اسف فعلاً
اللغه كان غلطانه جداً
انا كنت فاعل للخير دايماً
لكن هيّ جت كسرتني !

لو شوفت مدرس الجيولوجيا
 لازم هحلفله وهقوله 
ان الطبيعه حاسّه بينا
وبتفهم كل ما فِـ قلوبنا 
اكتر من اي واحد فينا 
ومش معنى ان الدنيا تمطّر
فـ ضروري الصيف يبقى بعيد
يمكن بتعيّط قبل اوان
من امتى الحزن بـ مواعيد ؟
يمكن مكانتش كده الأول
لكنّها بالوقت اتغيرت
ودليلي العِلمي على كلامي
ان الدنيّا وقت فراقنا
كانت عزّ الصيف مع ذلك
زعلت اوي يومها فـ مطّرِت !


يا حبيبتي التعليم في بلدنا
هيبوظ لو مارجعتيش ليّا
وانا عِلمي علوم وبأكدلك
بعدنا ده خطر ع البشريه
وانك في البعد بجد اقرب
من قُرب ايديكي لو في ايديا
يعني نيوتن لو كان شافنا
كان غيّر مجرى الجاذبيه
فـ لذلك لازم يوم نِرجع
علشان الاجيال الجايه
المنهج ده اصله قديم
علشان كده من حقي أطالِب
يا تعودي ونرجع من تاني
يا يشيلوا وزير التعليم !

علمي علوم - الشاعر محمد ناصر

" قصيدة جديدة بعنوان •| نصيحة اخيرة "

وثق وجودك بمتابعة  الحساب ♥️

كلمة والتانية "خالد العطار"

mahmoud khalil oficial