ll b

Fantasy 2

الجوكر

joker

مــهــرجـان الحــفلـة بـدأت . ميـك مـان مـوكا . كـفتـة . بـوبو

قرقشنجي - أحمد عدوية ووسط البلد

الجوكر و عبدالله الحسينى - فى اختلافنا رحمة

الجوكر - الواقع

ادى اللى فى بالى بالملى قمر ومن السما نزلى

دى بسم الله مشاء الله تشوفها تسمى وتصلى

عشان اوصفها ملهاش حل كلام اغانيه كله اقل

دى خير فى حياتى جانى وهل ومن حظى انه متشالى

بنسبة 100 فى الـ 100 حاجات اتغيرت فيا

دى حلم بعيد يا ناس دى اكيد هدية ربنا ليا

فى واحدة لما تقابلها تسيب الدنيا دى وتجيلها

بغنى سنين لكل الناس ومن الليلة هغنيلها

mohamed hmaki - ady ely fi baly محمد حماقى - ادى اللى فى بالى

مهرجان الفرح من فيلم ال8%

الجوكر - إنفصام حاد

El Da9t

Written by: El Joker
Music: Mostafa Ebrahim ( Rap Beats Productions )
Vocals: El Joker
Master and mix by: El Joker
© 2013 El Joker

El Da9t - الضغط

الـــــكـــــلـــــمـــــات

كان نفسى أشق طريقى والفشل يغرق ورايا
الناس مش عايزة تآمن ، يعمل أية موسى بعصاية ؟
مش فاهمين الفرق بين المعجزة والسحر
رغم وجود كل دى تراكات شايفك ساجد لـعجل !

كاره كل شمس طالعة ، بحب كل يوم عدى
هاخد أية لو قالوا عنى عبقرية نادرة ؟
الناس مش عايزة الصح ، الناس دى جاية عشان تصقف
بعدين يروحوا يصقفوله ، اتساوى فنه بفنك

اللعنة مش فى القلم ، مش بستعمى الأعمى أنا
سبب سوء فهم الجمل عدم استيعابكوا وجة الشبة
معقولة شافوا الصورة كاملة رغم عدم وجودك ؟
معقولة تشوفها فى حضنه ملكش الحق تقول بتخونك ؟

بصالى من كل إتجاة ، تكون موناليزا تانية ؟
مش شايفك لابسة تاج ، ولا سامع مزيكا هادية
خايف بعد بوستى  ،،  برضة يقولوا موتى
ساعتها مش هيوافقوا يحطوا جنب قبرك صورتى


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك


آسف لوحتى غامقة ، مش قاصد مسح إبتسامتك
طول ما ماتعاقبش حد مش هطيق أسامحك
رايح مصحة يمكن أعيا عشان تقولوا عالجوه
فى الطوفان سفينتى تعوم ، مش فى البحر اللى شربتوه

قاعدين فوق نفس الكنب ، مر علينا نفس الزمن
عشنا نص ساعة سوا ، عشت لوحدى حوالى سنة
متقوليش الذنب ذنبى ، جيتى هروباً من كوكبك
محدش فى المدينة يتوه فى طريقه لقصر الملك

مش لازم كل كلمة تتبعت كتفى الشمال
ممكن تبقى النية مهدى بس أنت تشوفه دجال
مش هتتسمى العروسة  إلا لما يزوقوها
طول ما إيدى ماسكة إيديها عمرى ما همسك إيد أبوها

عمرى ما لعبت كورة ، فـ عمرى ما خسرت فورة
أبويا قالى يابنى متمثلش دور مش دورك
رميت صنارتى ، طلعت سمكة ، أكلتها ورميتها
يمكن تنزل تقولهم مش كل الناس فوق وحشة


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك
___________________________________________

MonaLisa Tania

Written by: El Joker
Music: Free Beat
Vocals: El Joker
Master and mix by: El Joker & Hamboli
© 2013 El Joker

MonaLisa Tania - موناليزا تانية

Download from this Link : https://www.mediafire.com/?64zb1tpt4jch72h

من ديوان " شيزوفرينيا " .. حالياً فـ المكتبات

البنت بيانو بيعزفلَك 
لو إيدَك فيها الحنيّه 
بتحِبَك لما تكلمها 
و بتكره فيك الأنانيه 
البنت بتضحَك من برّه 
ولكن الحُزن ساكن فيها 
كلمها بشكل يليق بيها 
حسسها إن أنت بتحميها 
طمنها إنشالله بنظراتَك 
إلمسها فـ وقت مايبقى حلال 
البنت بعقل و خفّه روح 
و الشكل ماهوش مقياس لجمال 
البنت عنيها بتحكيلَك 
أرجوك إسمع لو تشكيلَك 
لو رُحت سألت السجاده 
هتقولَك ياما بتدعيلَك 
البنت سهوله وضوح و بساطه 
و مُناها تكونلَك أخت و أُم 
و هديّه إنشالله بوكيه وشكولاتها 
و بأبسط منها هترضا يا عم ..
فكر فيها هتفضَل ليها 
و ده أبسط معنى رومانسيه
البنت بيانو بيعزفلَك 
لو إيدَك فيها الحنيّه

كلمات الشاعر : محمد هشام رجب
 
https://www.facebook.com/lllHlll
https://www.facebook.com/MohamedHeshamRagab
https://soundcloud.com/mohammed-hesham-ragab تابع باقي الأعمال : 
غناء و ألحان و توزيع : ميدو راشد
https://www.facebook.com/Mido.Rashed.Page

تم التسجيل و المكساج في : Music Revolution Studio

أعمل شير و ريبوست لو الأغنيه عجبتَك .. شكراً :) 

البنت بيانو - محمد هشام رجب

El Joker - Ib2i Iftkrini الجوكر - ابقى افتكرينى

الـــكـــلـــمـــات

قبل مرحلة الثانوية كنت مريض بالكسوف
كانت علاقتى بالبنات فاشلة زى البامية بموز
بعدها صاحبت موديل عشان ستايلى يتعدل
سابتنى فبعد ست شهور كان ستايلى قدم

وقتها مكنش عندى غير كام فكرة وكام كتاب
أشرحهم وسط القعدة يمكن اجذب البنات
كانت بتاخد رأيى فى كل حاجة وكل عريس يجيلها
كله ارتبط بكله انا الأخ الوحيد فى الشلة

فجأة انفصمت ، بقيت شخصيتين فبعض
بسهر اسكر كل ليلة بس عمرى ما افوت فرض
من كتر ما كنت بظبط كل واحدة ساعة ما اقابلها
كنت اشوف بتاعت الأربع الخميس ومش فاكرها

عقلى اختل لدرجة إنى كنت بشوف كتاباتى
أقول معقول انا كنت عارف كل المعلومات دى
صحاب مدرستى مصدقوش إنى مـ الخمورجية
صحباتى فى البار اتصدموا من إنى أجيب 100%

مش بحكى اللى حصلى بحكى اللى بيحصل عموما
مين فينا مكنش بريئ قبل ما هما يتهمونا ؟
مين فينا حلمه كان يتعدى أتارى وعجلة وكورة
الكلام للجيل بتاعى مش لأجيال عبده موتة
______________________________________________

90's

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

90's - تسعيناتى

el-joker-موناليزا تانية

El - Joker&mohab El - Kabt-الكبت

لأنى بحبك أكـتر بسيبك تقولى بحبك أكـتر مـ أنا عايزك مبسوطة مش أكتر .. بسعى لـ ده ع قـد ما بقدر
لأ 
-اســكت-
كل مـ أجى أنام فوق صدرك اشوف عليه جماجم ازاي أنا تانى فارس لما كل الناس دى مـاتت 
اسـكت 
اسحبينى أكتر لـ العمق اللى بغرق فيه طول مـ أنا ميت فيكى ، مش محتاج لـ الأكسجين
بــــــس
الواقع غـمق فـ الواقع فـ متداريش غمقانه أحمد بوظ اللوحة ، خد يا جوكر لونهاله
أهـو كده ، الاسود لون نفوس الناس اللى هنا مش قادرة تأمـن فـ محتاجة تبقى متأكده
هــــــــا
عندك جنة توريهالها !؟ ولا اعتمادك انها مؤمنة لو كده .فـ الناس هايبة جهنم مش حابة ربنا 
لأ
طب ليه اسماعيل ساعد ابراهيم وطـطى لـ السكينة؟ مش كلهم ابن نوح .، نوح مش لوحده ع السفينة زمن المعجزات انتهى .الناس حاطة القوانين بـ نفسها عايز البار كله يصقفلك .، اشرب الازازة كلها
من امتى شيطاننا ادانا . غير اللى نؤذى بيه اللى اذانا سيبونا نؤسس اليوتوبيا ع أطراف الغابة لو فشلنا أدينا حاولنا . ده هيدى الأمل لـ غيرنا ع الأقل سيب سجادة لـ غيرك فـ اتجاه القبلة

معقوله صحتك فـ بتحاربني علشان صاحبتك عايز تسبني 
انا لولا زرعت فيك الكره كنت مت قدام مني 
انت مش فلته . دة انا اللي عملتك
دة لولايا مكنتش الناس ادمنت تشوف بعدستك

-دي مش عدستي ,عدستك انت ,انا هنا من زمن ,انتا من امتي
-خليتني كرهت كل حاجة ,مستغرب ليه من كوني كرهتك ؟
تكرهني انا .تكرهني ليه ؟ .دة لولايا انا كان زمانك فين 
كان زمانك لسه بتكتب سلمي الجزء الالفين

-شكرا ليك كنت مرحله بعد كدة علاقاتي هعرف اختارها
تصدق حتي اني بفكر وقت ضيقتي الجأ للصلاة 
-و انا كنت بعدتك عن ربنا ؟ .لأ دة انا قربتك اكتر ليه 
انا كرهتك فينا عشان في الواقع كلنا وحشين

- لا دة انت اقنعتني اني شيطان وكتفتني 
-علشان معرفش اغير حاجة فـ من ساعتها مفيش حاجة بتتبني 
-الدنيا غابه ماهي اختبار نفس وانا عليا وفيه اختيار
-و يمكن توبه بعد جبل ذنوب تنجينا من النار

- من امتى شيطاننا ادانا .غير اللى نؤذى بيه اللى اذانا سيبونا نؤسس اليوتوبيا ع أطراف الغابة لو فشلنا أدينا حاولنا . ده هيدى الأمل لـ غيرنا ع الأقل سيب سجادة لـ غيرك فـ اتجاه القبلة

El Joker - Eskot الجوكر - أسكت

 جيبتلي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز

ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 
قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 
خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

كلمات : خالد عبد القادر
 الحان: يحى نديم
غناء: فرقة عمدان النور

facebook.com/GazagaBand :تابعنا على فيسبوك
twitter.com/GazagaBand :تابعنا على تويتر

Seeret El Aragoz - سيرة الاراجوز

دنيا مسعود - بتناديلي تاني لية

ميجا ميكس مهرجنات من دى جى كفته

دنيا مسعود - ع اللي اتغرب

لو كنت أعرف بأن الوعد متداري
ما كنت أطلع ولا اخرج أصلي  من داري
ياريت ما حبيت ...  ولا كان العذاب جاني
وداري على بلوتك ياللي ابتليت .. 
 ... داري
 
إسمع حكاية عجب جرت في مقتبل شعبان ..
سنة خمسة وتلاتين شهر ستة .. أربعة شعبان ..
عن واد مغني إسمه حسن ،
صيته في البلد شعبان ..
 خانوه العدا وخبره في البلد شاع بان ...

الولد كان مغني و يحكي الخبر ليا
ولجل المكتوب اللي عليه عمل فرح فى بلد اسمها المنشية
تبع بني مزار وانت يا غرام لياااا
حبته بنت اسمها نعيمة ،
قالت له انت جيت البلد فتنه بالعجل ليا ..
و علشان غرامك رويت الأرض بعنيا ...

الموال بصوت  محمود الجندي  :
http://soundcloud.com/greenoha/7asan-w-na3ema-el-gendy

موال - دنيا مسعود : لو كنت اعرف ان الوعد متداري / حسن و نعيمة

ريم بنا - هي

كلمات: نزار فرنسيس
ألحان وتوزيع: جان ماري رياشي

شفتو من بعيد - يارا

‫ريم بنّا - أثر الفراشة‬

‫ريم بنّا - زدني بفرط الحب‬



أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت


المولوية | مصطفى إبراهيم

احمد عدوية  زحمة النسخة الاصليه

قلبك ساعات زي الحليب صافى ..
وساعات يكون زي السراب كدّاب 

معقوله يبقى حضنك الدافى هوا اللى بردو بيقسى
عَ الأحباب !

وازاي بتقدر تتقسم نصين .. تجمّعنا وفـ ثانيه تفرقنا
وازاي بتتغير فى غمضة عين من بحر هادى لموج يغرقنا
وتقوم رياحك تقفل الأبواب ...

ماشيين فى ضلّك واحنا مش عارفين
انتَ فرحتنا ولا اوجاعنا ..
دايبين محبه وشوق لكن خايفين 
لحظة ما نتقابل تودعنا .. ونتوه ونرجع السكك اغراب

الجوكر و عبدالله الحسينى - فى اختلافنا رحمة

Mahmoud T. Ahmed