غربي بلدنا بلد سيح وكلابنا تمشي ورانا مش عيب كراسي التماسيح تقعد عليها الورانا✋

علي بخيت انا اتلوي الزان  لما عملته سريري

اروح للسبوعة تاكلني ولا حوجتي للخلايق

ليه ياطبيبى تاكلنى جسمى ماحامل خلايق

ولا حد خالى من الهم حتى الزعف فى جريده متقولش للندل ياعم حتى لو روحك بايده

على حظى انا اتلوى الزان لما عملته سريرى

هشام الجخ

مصر جميله،،محمد طه ..كامله

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

قد خاب عبد لا يصلى على النبى نبى عربى مالى شفيع سواه 
نبى الهدى لولاه ما نعرف الهدى قطع العدا طه بحد قناه
أشكو لمن رفع السماء بلا عمد إلهى تعالى مقتدر فى علاه 
على ما جرالى يا ويح قلبى لما جرالى صابر على حكم الكريم مولاى
وياليل يا ليل يا ليل يا عينى على آآآه

استغفر الله العظيم من الخطأ إلهى تعالى واحد لا سواه

فلما فَرِغ الزناتي من الأشعار و سَمِعت عُمومِ الرجال الهلايل
قال اللي يبيع العمرِ مش عار إنما علي شيئ يحفظ مقامه
انا الزناتي انا جمل المحاميل زعيم الغروب و الرجال يعرفوني 
و عُمري عن الحدود انا ما حَاميل و للمرجلة جدَموني
لازم انزل الحرب بكرة طبول البلاوي حزينة 
ولا خلي ولا بنت بِكرة الا اما تِشلي حزينة
اه ياعين يا عين يا عين اه ياعين يا عين يا عين الا اما تِشلي حزينة 
انا الزناتي اسد الغروب هاتوا الرِجال الهلايل
 او حامت النسر و غَروب وهصَّبح الحمل مايل 
و بكرة لهايدور حربي بني هلال شعطت نياهم 
يا يرحلوا مِن غربي يا بالسيف اقطع رجاهم 
و ضربت طبول المَيدان و نزلت ولاد الأمارة
وقال الفتى يظهر يبان حلت شعورها العذارا
و ركبت عرايب بني حَنِير متقلَدة بالقضايب 
و طِير النَيا فوق حَنِير زادت نيران اللهايب
الولد جابته الخدادى و طلعت ولاد الأمارة
 خرجوا خلف الأمير فاتحين باب الخسارة 
قدامهم طوّح السيف و قال البلاد دى بلادى 
بقى صحن الصبر وىّ سيف ادموع تنزل علالى
 خليفة هز المُبتر اتخبَّلَت العَمايم
صرخ و قال الله اكبر اِدموع تنزل عمايم 
دخل النجوع الأمير قال نوم الليالي معاديني
.زعل الزعيم الكَبير اين المُقاتل يَجِيني.

 قال الملك أبو على و الكل حاضرين جيوش العدا ملت الأراضى
 هيا ضربوا قرعة المقاتلين شووف تآجى على مين يا قاضى...
 ضربوا القرعة و الكل حاضرين أنا بُليت و جسمى دوابه
 قالوا قرعة الحرب جت على مين؟!
قالوا جت على أبو دوابه عامر الخفاجى بن ضرغام راجل معلم و راقى
 ما يهجم على الحرب غير بن ضرغام زعيم وادى العراق
 اه ياعين يا عين يا عين اه ياعين يا عين يا عين... زعيم وادى العراق 
قال البطل الأسمر اللون راجل ظريف المعانى الأسمر أبو عقل موزون "
ياقاضى عيد القرعة تانى القرعة ديّا ملبساش أنا سكران من غير كيفى
 يا قاضى القرعة ديّا ملبساش إزاى ينزل الحرب ضيفى؟؟
 عامر حدانا راجل ضيف أشيله فى ننى عيونى راجل و له أصل نضيف
 هيّا يا عرب اسمعونى" وقف عامر على القدامين 
و قاله يا ابن الشريفة كلامك يابو ريّا ده زين يابو العروق النضيفة
  إن منعتنى من حروبك نرجع عالعراق تانى 
آخر كلمة فين دليلك يا أسمر يا ظريف المعانى
 قال الملك ابن سرحان راجل عنده من الفهم ياما 
على حسّه الابن سرحان قال اديله قرعته ياسلامة 
هيّا دوروا العرب و تمّت لخدها و صلى ركعتان
 و الخلق جملة اتلمّت راجل ظريف المعانى 
صلى الفتى ركعتان و سرج على الركوبه
 على إيد قام هزّ سيفين فارس فى ننى أعجوبة
 طلع توكل على الله ووراه ولاه الزغابى
وكل الاغراض تبعاه على الخصم قلبه زغابى دفع الفرس فى الميدان ورفعلى راية كحيلة
 فجانى الفتى يظهر يبان راه الزناتى خليفة ..............
 لما نصلى على النبى

دينا الوديدي - السيرة الهلالية

المربعات هشام الجخ

مختارات الأبنودي 1 -  قصيدة يامنه

أغاني فيلم كف القمر
كارمن سليمان واحمد اسماعيل
دقوا البيبان
اوعى زمانا يخونا
بتبني مستقبلك
يا طوبة حمرا

أغاني فيلم كف القمر كاملة

خمسة الصبح - هشام الجخ

‫هشام الجخ كنت بحبك بموسيقى حزينه اووى بالكلمات تحفه‬ - YouTube.MP4

في جناين الشيطان يا نيران قيدي
يمكن زنوبنا تدوب في قلوبنا القايده
يمكن مكانها كرمتي وعناقيدي
تطيب لناسها في الزمان القايده

على الحجار - حدائق الشيطان

الشاعر هشام الجخ 
قصيده متزعليش

هشام الجخ - متزعليش.

قصيدة الشاعر هشام الجخ الجديد تيودورا 2019
Hisham Elgakh Toyodora 2019

هشام الجخ تيودورا


فايته البنية بخلخال
تخطر كما فرع مايل
عشق البنيه يا ابو الخال
عامل في قلبي عمايل

****
و لا جابش فايده حجابك
بالعكس زانك علاوه
منعول ابوه اللي جابك
ماتقولش قالب حلاوه
=============
محمود وحيد غناْءً
=============
و يا بت جمالك هبشني
و الهبشه جت في العبايه
رمان خدك دوشني
خلى فطوري عشايا

****
خايف اقوله يقول لا
و القلب عاشق وخايف
امانه تقوليله يقوله
لا ما توردي ع الشفايف

****
=============
هشام الجخ
=============
الدنيا ما تساوى قنديل
و لا تسوى أنك تطاطى
ما يجندل العيشه جنديل
غير صحبة أبو أصل واطى

****
يا الى أنت جايلي معاتبنى
ليه بعتنى بالخساره
و حرقت قمحى مع تبنى
ده جبن و لا جساره

****
=============
محمود وحيد غناْءً
=============
اذا كانش صاحبك يفيدك
و العشره هانت عليه
امسح دموعك بأيدك
و أن شفته أعمل ناسيه

****
اصحاب مافي منها فايده
و لا فيش لصحبتها قيمه
الغيره في قلوبها زايده
و البعد عنهم غنيمه

****
=============
هشام الجخ
=============
ليه يا طبيبى تاكلني
جسمي ما حامل خلايق
اروح للسبوعه تكلني
و لا حوجتى للخلايق

****
و لا حد خالى من الهم
حتى الزعف فى جريده
متجولش للندل يا عم
لو حتى روحك فى أيده
=============
محمود وحيد غناْءً
=============
فيش حد خالي من الهم
حتى قلوع المراكب
اوعى تقول للندل يا عم
لو كان ع السرج راكب

****
سكت الهَوى والناموس طار
و السبع طاطا بعينه
خلينا في النومِ أستار 
لما الندل ياخد يومينه
=============
هشام الجخ
=============
على حظى أنا اتلوى الزان
لما عملته سريرى
لو يوزن القول وزان
قمحك ما يسوى شعيرى

****
جيتك على اقدامي وارمين
خلّك و ما تتبعني
طب قولي صليت ورا مين
خلاك في ليله تبعني
=============
محمود وحيد غناْءً
=============
خشب المراكب من الصنت
فى البحر يأخد مكانه
واجب على الحر يلزم الصمت
لما الندل يأخد مكانه

****
زمانك زمن الكلوبه
لنض الصفيح بطلوها
في ناس كانت بلا اب 
جي اليوم تحلف بأبوها
=============
هشام الجخ
=============
هبت عليا ام تاج ريح
لابسه الدهب والغواشي
ما كفايه في القلب تجريح
غيرك ماقلبي غواشي

****
خمس بنات كلموني
عزولي راح قال لابوهم
لهم نهود .....
يا بخت مين ....
=============
محمود وحيد غناْءً
=============
و العشق غادر وسهمه
ياما صلبني و رماني
و عوازلي في جرحي ساهموا
يشهد عليهم زماني

****
يا طبيب تعالالي بالحق
وانظر بعينك راعيني
و لا حد رزقه على حد
بس المصايب كتيره
=============
هشام الجخ
=============

و لا يوحشك كل من غاب
و لا يطول الليل عشانه
فى زول نبوته من غاب
لكن فى ايده له شأنه

****
دنيا غروره وعجصه
و زى سمك المداور
كل زول ترقصله رقصه
و ساعة السفر لم تشاور
=============
محمود وحيد غناْءً
=============
و لابد عن يوم و معلوم
تترد فيه المظالم
ابيض على كل مظلوم
و أسود على كل ظالم

****
و لا جابش فايده حجابك
بالعكس زانك علاوه
ينعل ابوه اللي جابك
ماتقولش قالب حلاوه
=============
هشام الجخ
=============
عايزني امشي معاك كيف
و انت سابقني بحصانك
و لا بس هو الدلع كيف
ما الحظ خانّي و صانك

****
بعدك ما واحد عجبني
و لا خدت صاحب بدالك
اسمع كلامي اللي جابني
و ان عبت قول مابدالك
=============
محمود وحيد غناْءً
=============
و دلاله زين قام عجبني
و اللي يعمله المولي ماشي
و ده شي مكتوب عجبني
و اللي يعمله المولي ماشي
=============
هشام الجخ
=============
غربي بلدنا بلد سيح
و كلابنا تمشي ورانا
مش عيب كراسي التماسيح
تقعد عليها الورانا
=============
محمود وحيد غناْءً
=============
ارمى حمولك على الله
خلق الخلايق و عالّها
دنيا غروره بلاشها
و العاقل اللي وعالها

****
و يا بت جمالك هبشني
و الهبشه جت في العبايه
رمان خدك دوشني
خلى فطوري عشايا


مربعات - هشام الجخ & محمود وحيد

وعشان غنى ومعاه فلوس

هملتنى وراحتله

ابكى على نفسى ولا

عالمسكين اللى راحتله

ولأنى راجل مليونير والخير كتير

عليت عيونى عالبكا

وقلت اسيبهاله زكا

ودفنت ايدى فالسويتر

وابتديت اشوط الطوب واغنى

كنا نتلاقى من عشيه

نقعد على الجسر العتيق

كوبرى الزمالك زى ماهو

البنات هم البنات

والولاد هم الولاد

والدرابزين الحزين لساه رزين

والكلاكسات اللى سارحة فالودان

واللى بيوشوشها فى عيونك غموض

واللى بيوشوشها فى عيونك امان

بس المكان هو المكان

خمسين سنة والكوبرى مصلوب عالطريق

لا انا كنت اول مين يحب

ولا يوم هكون اخر عشيق

وادى البنات ألوفات مترصصين عالكوبرى

يعنى انتى اجمل واحدة فيهم؟؟

ده انتى لو كشيتى فيهم تفزعيهم

صدقيـــــنى

صبغة الكدب اللى نزلت من ملامحك

غيرت شكلك نهائى

شوشت صورتك فقلبى بقيت ملامحك

فاستخبيت جوه دائى

جوه ابيات القصيدة

 

باختصار المكان هو المكان

والبنات هم البنات

فى اللى فازوا بالنهار

وفى اللى تاهوا فى البعاد

وانتى واحدة من اللى تاهو

اما انا ... فزى ما انا

وكوبرى الزمالك زى ما هو

 

بعيد عنك حياتى عذاب

متبعدنيش بعيد عنك

ماليش غير الدموع

أم كلثوم الشقيه

ضحكت عليا

سهرتنى الليل بطوله

اكتب الشعر اللى نفسك تسمعيه

وانا لاجل خاطرك مش هاقوله

وان كان حبيبك شاعر كتّبيه

وابعتيلى قصايده اول باول

اه يا زمن يا احول

بقى ابقى حبيتك وبقيتك

عن الدنيا وما فيها واصطفيتك

سبتلك وردة فؤادى تقطفيها

كنت فاكرك هتراعيها

وتداريها بين ضلوعك

وان ما كفتهاش دموعك

من دماكى تضيّفيها

كنت فاكرك يوم ما اقول الآه

هاتخدى منى الآهة تخففيها

ولا كنت يوم يخطر عليا

انى لو مديت اديا

ليكى ممكن تكسفيها

يا ام كلثوم الغرام محتاج حموم

قبل متغنى لقلوب الناس تعالى نضفيها

 

هشام الجخ - وعشان غنى

لما يغرق مركبي وانا سايقه فجأة

ولما تنهي قصتي وانا لسة بادئة

لما تنكر تضحياتي

ولما اوهب لك حياتي

و ازرع الدنيا ف عيونك ورد يطرح من ربيعي

و التقاك بتقول لي ضيعي

مش طبيعي

 

فين كلامك عن حياتنا

فين سعادتك وانت بتلاعب ولادنا

وعنيك تغير كل ألوان الحاجات

طلقتني ونسيت معايا الذكريات

 

انا لسه فاكراك وانت بتقول لي احلمي

وانا لسة فاكراك وانت بتقول لي ارسمي

بس مش حاقبل اكون برواز خشب ع الحيطة يقدم يترمي

كان الطبيعي وانت بتقول لي احلمي

وانت بتقول لي ارسمي

تقول لي بيعي

مش طبيعي

مربعات - هشام الجخ & محمود وحيد

Mahmoud.Talaat

Recent comments

Dkfjfyby Vijdtjsr

محسن محمد

عمر مصطفى

Kingofupper

Related tracks