انا شاب لكن عمري ولا الف عام
وحيد ولكن بين ضلوعي زحام
خايف ولكن خوفي مني انا
اخرس ولكن قلبي مليان كلام
عجبي ،،

صلاح جاهين - انا شاب

"سلم على اخواتك"
سلم على اخواتك ولف الشال
 والبندقية تخصك، حسها إيدك
 الزرع طارح ذخيرة وبرتقان وعيال
 والشمس قادت بصوتك قبل م تقيدك
فجأة ثبت الجميع،
 كل الطيور سكتت، كل البحار هديت، كل الشجر ثابت
 حتى الهوا لم يرتكب هزة 
وحدها بس السُحب، اتحركت بهدوء جنازة
 موكب سُحب رايح يعيط في اتجاه غزة
 المؤكد إن كل الكون ساعتها التفت
 الكاميرا باصة من بعيد
 الكل ثابت وساكت قلبه... ومركز
 غزة بتعلن نفسها في العيد
 غزة بتفرض نفسها مركز
 لكن دعونا نقرب حبتين أكتر
 الصورة جوة البيت:
 شاب انتهى حالا من شد أجزاء البندقية واستعد
 بنوتة قاعدة بمهارة بتعمل لاختها ضفيرة
واختها بنفس المهارة بتملا ازازة المولوتوف
عيل صغير بيجري.
 عفواً .. راجل صغير بيجري
 وف إيديه نبلة
 والأم بتغزل شال وبتغني:

 على ها الطريق المتفرع 
من حِس عيالك يا فلسطين
 تتلاقى الشمس مع العالم
 من بعد سنين وسنين ناطرين

 خلونا نرجع حبتين تاني
 الصورة برة البيت 
شاب انتهى حالا من شد أجزاء البندقية واستعد
 بنوتة قاعدة بمهارة بتعمل لاختها ضفيرة
 واختها بنفس المهارة بتملا إزازة المولوتوف
راجل صغير بيجري وف إيديه نبلة
 والكون بيعزف غنوته: 
 يا هل ترى يا هل ؟
 صوت البنادق هل
على قلبنا الملهوف 
يروي ولاد العطش
 الخارجين م الخوف
 طالبين وصال السما
 والذاهبين جرياً لبداية الملحمة
 والمعروفين مجموع
 والمفُردين بينما 
الجمع كان خاين
 يا جمع شَلّ الحِما
 يا كتير ومش باين
 صوت الرصاص أحلى
 من دوشة المكْلَمة
 والعفو للقادر
 فمتدَعوش مرحمة 
وإحنا طبيعي نميل
 يا مُفردين ميلوا
 القلب إن مال .. حَمى

سلم على اخواتك

ألا أيها العشاق بالله خبروا -الشيخ زين محمود - فرقة الورشة

اسمي بشر.. عمرى ألوف
والإنسانية مهنتي

عنواني دنيا من الحروف
جميع ما أملك كلمتي

جنسيتي من غير حدود
خدت الأمل جنسيتي

وديانتي رحمة للوجود
والحب معنى قصتي

أعيش نهار المحرومين
تسعد قلوبهم غنوتي
وأسهر في ليل العاشقين
لو حتى ضاعت نجمتي

اسمي بشر - سامي أبو زيد - جمال بخيت

حديث الصباح والمساء _ سنية هانم .. الوراق .. انتي طالق

Cairo steps / Basem Darwish  يآ مالكاً قدري للشيخ إيهاب يونس

" أيُّها الواقفون على حافه المشرحهْ .. قبل أو بعد أو مع المذبحه ! سقط الغدرُ والخيانه والوْلسُ والمطوحة .. والسكاكين اتعبتها الجراحْ القرارات مطوحه .. والبلاغات مطوحه .. والبيانات مطوحه .. والخطابات مطوحه .. والمقالات مطوحه ! فاخلعوا الأرديه .. واتبعونى أنا أهوى العُرى والصَّرمحه .. رايتى ان تضحك الملحمه .. وشعارى ..
"النياكة" !
دقت الساعة المرعبه .. خطفته يدٌ أسْـلمتهُ إلى المفْرمَه .. دقت السـاعة الحاسمه .. نهضت أمُّه لملمت أعْظمه .. دقت الساعة المرعبه .. شـنقتهُ يدٌ حقنته فا فاق كى تشـنقه .. كان فى أيديهمو شرْنقه .. مزقوها ونسْـوا خالقه .. حقق " العرصُ " فى الجريمةِ .. ياللباطل " المتناك " من حققه ؟‍! دقت الساعة الحاسمه ! إسمعينى فقد أخرستنى فى المولد ضجه الدروشـه حقنتنى .. شنقتنى .. حطمتنى .. جوعتنى .. شردتنى .. دمرتنى لأنى صرختُ يوم الهزيمة .. " الصمودَ .. الصمودْ .. يا بلادى العزيمه ! .. أنتِ لن تسـقطى تحت أقدام جيـش الكلابْ ! حبّه الرمل قنبله .. غير انهم سلمَّوا رملنا لليهود ! " فاذكرينى كما تذكرين " الطشتَ " الذى يقول " استحمى " للبغى " اللى ياللى " ! .. أذكرينى كما تذكرين المعَّرصَ والمتناكَ والخائنَ .. والجاسوسَ والراقصه !! أذكرينى إذا نسـيتنى " فهارس " الأعلامْ وبائعو الكلامْ .. ومدْمنو حبوب منع الحملْ .. منع حمل السلاحْ ! والوداعَ .. الوداعْ !! عندما تصعدين على جثث الخائنين ( دوسى تمام ) ! فهم الأن يشـنقون صغارك خلف جدار الظلامْ .. بعد أن أشـعلوا النار فى البيت والمصنع والمزرعه .. بل وفى حرم الجامعه ! وغداً سوف يبيعون أهرامك الأربعه .. مفروشة لليهود و غدا يا مدينة الالف الف عامْ .. يا موطنَ الأهرامْ .. تصبحين مدينةً " لأى كلامْ " ! دقت الساعة الفاصله .. سقط الغدرُ عندما ظهر الجندُ بالدروعْ .. أسقطوا الاقنعه .. كلّ قناعٍ كان خلفه وجه قرد .. نحن لن نرقص بعد اليوم يا زمان القرودْ .. يا ذيول اليهودْ !! ستريكمْ عجينها الفلاَّحه .. خبزت مصر كعكها الحجرى .. والسياده منذ الآن " للفرن " و " الكانونْ " .. يا حرام ! غنجت لبوه تتلوى بسيارة اللبو النفطى .. وجاوبت الثانية : " همّه مالهم ومال السياسه ما يروحوا نابلس ! " كان مذياعُ مقهى يذيع كوكتيل نصب .. من مقال لهيكل .. وخطاب لعرص .. وفوازير كالبعابيص تُلَبـسْ ! بينما نحن فى البلـيَّه نضحك .. كل ما نملك فى وجه طوفان خُطَبْ قهقهاتُ غضبْ .. غير أنَّا برغم كل جراحنا الداميه .. نتغنى بغنوه ميلاد مصر الجديده ! فاهتفى يا حناجر .. يا حبيبتى يا مصر .. إوعى إوعى الخناجر ! " بصراحه " .. بوقاحه .. بقباحه .. بفصاحه .. قد شـبعنا كَذبْ .. وشبعنا خطَبْ .. والبيوضُ أصبحت بطيخ ! .. القرارات مطوحه .. والبلاغات مطوحه .. والبيانات مطوحه .. والخطابات مطوحه .. والمقالات مطوحه .. دقت الساعه الفاصِلْه .. فانصبوا المقصله .. أنصبوا المقصله ..
يا نيك يا نيك يا ليل .. يا نيك يا نيك يا عين ! وعجبى !




بعد التحيه يا شهدى والذى منه .. 
ها اوصيك وصيه تصونها زى نن العين
ولما اموت احكى عنى وقول لهم " إنه ..
مصرى ابن مصرى وكـس ام اللى ماله عنين

ابويا مات مصرى ثاير .. بس عاش فيَّه
ابويا عايش .. أبويا تاره لسَّـه مامتش
ابويا كافح وكان عنده الكفاح غيَّه
واللى ابوه زى ابويا يبقى ما اتيتمش

انا ابويا جدع .. قصدى ابويا كان
وعاش غريب فى الوطن .. ياقسوة الغربة
وترابنا من عهد خوفو بيحضن الجدعان
مبروك عليك التراب يا نازل التربه ! "

يابنى انا جعت واتعريت وشوفت الويل
وشربت أيامى كاس ورا كاس طرشت المر
يابنى بحق التراب وبحق حق النيل
لو جعت زيى ولو شنقوك ما تلعن مصر

اكره واكره واكره بس حب النيل
وحب مصر اللى فيها مبدأ الدنيا
دى مصر يا شهدى فى الجغرافيا ما لها مثيل
وفى التاريخ عمرها ما كانت التانيه

يعنى ها تطلع كده الأول باذن الله
فى الشعر والنثر والطيران وما شئتم
يعنى ها تطلع كده راجل باذن الله
مش م الخنافس تخاف من هجمة الفانتوم

إياك تقول م العذاب " هذا جناه ابى "
ما كنت اقولها وكان أوْلى " أبويا جناه "
أبويا مجنى عليه زيى .. وياما غبي
قال ع القتيل انه قاتل .. آه يا شهدى آه

آه يابنى يا ورده لسـه منوره ع الغصن
إوعى الخيانه يا كبدى إوعى م الاندال
الفن اصبح خيانه والخيانه فن
شوف الشوارع وقوللى فيها كام تمثال

بلدنا فيها الكرم حتى للاظوغلي
لاظوغلى مين .. واللّـه ما اعرف ..
نظرة يا عرابي
عارف عرابى يا شهدى .. والنبى تقوللي
على رأى عمك شكوكو " أحَّـه يا خرابى"

سبع سنين يابنى ما اعرف .. ياترى عيان 
عريان .. جعان .. ولاَّ ميت ولاَّ لسَّـه حيّْ
سبع سنين يابنى فى الغربه وانا انسـان
مش أعمى .. لكن بفتش فى النهار ع الضيّْ

يابنى يا دمى يا صبرى اللى زهق م الصبر
الله يجازى اللى جاب لى فى الشباب داءين
سُـكَّر فى دمى .. وفوقه جاب لى داء السكْر
وحاش طبيبى .. وانا محتاج يا شهدى اتنين

عيان يا شهدى واديك شايف وليلى طويل
وتصحى يابنى تلاقينى م الألم سهران
يا حمَّى للصبح .. آه يا ليل يا عين يا ليل
ياخساره .. آدى الجدع سكران ومش سكران

يشرب ويشرب عشان ينسى ولا بينسي
الصلب والشنق والهول اللى ماله علاج 
ياللى نسيتوا قولولى ازاى قتيل ينسي
ولاَّ انتوا برضو اللى قالوا " إصلبوا الحلاَّج "

قالولى بيعُه .. قالولى يابنى " بيع ابنك "
وجَوَّعونى يا شهدى فى بلاد برَّه
قالولى " ها تموت " و قلت اموت عشان خطرك
وموتونى وانا عايش متين مره

خاطرك كبير عندى يابنى وكله يرخصلك
وانت وانا للتراب .. نرخص ونفدى مصر
يا مصر كبدى تمن يرخص عشان خاطرك
لو حتى قالوا التمن يا مصر هوه القبر

سبع سنين يابنى يا نارى من المنفي
سبع سواقى بتنعى لم طافولى نار
وجيت يا بنى وقالوا كان فى مستشفي
ونارى ماتنطفى الا بأخد التار

قالوا انتهى .. قالوا يعنى خلاص بقى مجنون
يا شهدى مجنون بمصر وكـس أُم الطب
الطب من عهد كاس سقراط بقى ملعون
الطب هو الجنون .. بس الجنون مش طب

يا نيك يا نيك يا ليل
يا نيك يا نيك يا عين




3 اميات  - نجيب سرور **

سيد درويش : السقايين

الصوت الذي يُحب بدون داعي :)

تقى طارق حبيتك حبا جما

الحضرة—البردة

اغنية عم سالم
من البوم ناقص حته ل وجيه عزيز

كلمات: مجدى نجيب

كلمات الاغنية 

شارب قهر الغناوى 
خايب يا طبيب مداوى 
قلبى عاللى جرا له 
حبى ايه اللى قاله 

احنا فى قلبونا رحمه 
لكن الدنيا زحمه 
احنا ضيعنا فى عالم 
و احنا ما حد سالم 
غيرك يا عم سالم 

سالم يا عم سالم 
سالم مين اللى ظالم 
غيرك يا عم سالم 
عفوا الله و اعلم 
شكرا يا عم سالم 

تعبى معرفش لونه 
صاحبى غامض جنونه 
سائل ولا حد سائل 
بينا كانت رسائل 

بكره الشمس تطلع 
حره تزعل ما تطلع 
بكره ما حد سالم 
غيرك يا عم سالم 

مالى همى ف دفاتر 
حالى فرحى مهاجر 
صاحبى سامع و اه 
حبى غيره دواه 

راسى ولا فيش مراسى 
ناسى ولا حد سالم 
غيرك يا عم سالم


حديث الصباح والمساء _ سنية هانم .. الوراق .. انتي طالق

Mahmoud Mostafa