موسيقى فيلم طائر على الطريق - كمال بكير

موسيقى فيلم  طائر على الطريق -كمــال بكـــير

مشهد نسرين و محمود مرسى من مسلسل رحلة السيد أبو العلا البشرى.
إنك تعيش في زمانهم ده هتبقى حقيقي مشكلة, و مشكلة كبيرة كمان.

حب زمان و حب دلوقتى 'الحب المثالي' المسلسل النادر أبو العلا البشري


موسيقى:كمال بكير
كمال بكير موسيقار مصري شارك بنحو عشرة اعمال في السينما المصرية فيلم الرغبة 1979 فيلم ضربة شمس 1980 فيلم موعد على العشاء 1981 فيلم طائر على الطريق 1981 فيلم سواق الاتوبيس 1982 فيلم الثأر 1982 فيلم خرج ولم يعد 1984 فيلم عودة مواطن 1986 فيلم سوبر ماركت 1990 فيلم مبروك وبلبل 1998 اشتهر باستخدام الآلات الموسيقية ذات الطابع الشرقي مثل القانون والعود والرق والدف كما كان يشتهر بعمل الاصولوهات في مؤلفاته الموسيقية في الأفلام توفي الموسيقار كمال بكير في عام 2008


خرج و لم يعد .. الجنة

 -    ما انت جريت ورا الرسالة اللي طبت عليك من الكتب
 عملت فيها ابو زيد الهلالي و طيحت ورا العالم بس بسيف ورق
سيف ما ينفعش مع الغيلان اللي روحتلهم راكب فرسه عرجانه
طب كانت ايه النتيجة ؟؟؟؟؟؟
-  انا ما بانامش ما بانامش ... مخي عامل زي خلية النحل 
عقلي فيه الف بركان عايزين ينفجروا و يطلعوا حمم 
حتى كتبي دي ما بالاقيش فيها الاجابة عن الاسئلة اللي بتهاجمني بليل اول ما اختلي بنفسي .
-  كتب !!!! انت لسه ما حرمتش يا ابو العلا ؟؟؟
-  أحرم ! أحرم ليه ؟ ليه ؟ 
الكتب دي كلها غـــلـــط 
" مقدمة ابن خلدون " كلامه عن العمران البشري و أطوار المجتمعات غـــلـــط
لو كان غلط قولي و انا احرقه 
"يوتوبيا توماس مور " حلمه بأرض الفضيلة و الكمال غـــلـــط
قولي و انا احرقه راخر
" النظرات و العبرات " " وحي القلم " " فيض الخاطر " كل دول غـــلـــط 
" الجهورية " " السياسة " الدفاع عن سقراط " " الاخلاق " " المنطق " 
و ده و ده كل المفكرين دول كل دول غلط ! غلط ! غلط !
افلاطون و ارسطو غلط ! 
العقاد و طه حسين و شوبنهاور و فولتير و رسو 
كل دول غـــلـــط كل دول  !! إذا كانوا غلط قولي 
قولي و انا أحرقهم .
-   لا يا ابو العلا الكتب مش غلط  و لا الفكر غلط  دول الصح المؤكد 
بس امتى ؟؟ لما يبقوا عصارة تجربة الانسان 
يعني التجربة الاول و بعدين يبقوا يكتبوا عنها و ينظروها و يحولوها لقانون
احنا اللي غلطانين يا ابو العلا .. غلطانين عشان بناخد قوانين جاهزة و نحاول نفصل تجربتنا عليها 
نبقى بنحبس عقولنا جوا قوالب  قوالب عملوها ناس غيرنا ظروفهم غير ظروفنا و زمانهم غير زماننا
ده اللي انا اقدر اقولهولك يا ابو العلا على اد ما بافهم

*************************************
 
 -    اضحك اضحك كمان ما حدش هيسمعك غيري ع كل حال الحكاية خلصت خلاص
 -   لا ما خلصتش 
 -   لا خلصت 
-   الكتاب بيقول ما خلصتش 
-   كتاب ايه ده ؟
-    دون كيشوت , قريته ؟
-    من زمان قوي .
-    و فهمته ؟
-    انت عايز مني ايه ؟
-   عايز افوقك .
-    يا سيدي انا فوقت خلاص و عرفت غلطتي و مش ناقص حد يفكرني بيها 
-    بس انت لسه ما غلطتش , انت هاتغلط .
-   قصدك ايه ؟
-   ندمك غلط و احساسك بالذنب كمان غلط لكن انت صح 
-   رغم كل اللي اتسببت فيه !
-    تمن بسيط لمحاولة نبيلة  كل اللي حصلك و اللي حصل بسببك ده قدر اصحاب الرسالات , و انت كنت صاحب رسالة رفضت النوم و الكسل و الراحة و قومت عشان تقاوم الشر و تنادي بالعودة للفضيلة و الاخلاق الحميدة .
-    انت .. انت .. انت بتتكلم جد ولا  بتتريق 
-    انا باتكلم جد و جاي النهاردة عشان امنعك انك انت تيأس و ترمي سلاحك و اطلب منك انك تواصل طريقك و تكمل رسالتك , ابو العلا اوعى تفتكر للحظة انك انت فشلت بالعكس انت نجحت و غيرت كل اللي حواليك 
-    و ضيعت جنبهم عشرات كمان 
-    مش غلطتك دي قوة الشر اللي لسه متمكن في نفوس الناس  , الشر اللي حاول يهزمك و يبعدك عن طريقك و قدر يدخلك من نقطة ضعف وحيدة  انت ما خدتش بالك منها ابدا .
-   هي ايه ؟ هي ايه ؟
-   غفلتك عن حقيقة مهمة .... الزمن ده يا ابو العلا مش زمن الفارس الوحيد اللي يقدر بسيفه و رمحه يهزم الاشرار و ينقذ ست الحسن لازم كل فرسان الخير يبقوا  مـــــع  بـــــعــــــض   جماعة يا ابو العلا , هو ده  المفتاح كلمة السر الشعار القديم اللي قال عليه " الكسندر دوماس " في رواية " الفرسان التلاتة " و خلاه قانونهم و شعارهم  ( الكل للواحد و الواحد للكل ) , فاكر يا ابو العلا ؟
-  ايوة فاكره ...
-    طيب فاكرني 
-    انت ... مش ممكن ... انت تشبه .... مصطفى افندي سعفان مدرس التاريخ 
-   اول واحد إداك كتاب تقراه 
-   استاذي ... انا .... ازاي ما عرفتكش ؟ .... ازاي نسيتك ؟
-    عمرك ما نسيتني و لا سيبتني  , لم كتبك ... لم كتبك يا ابو العلا .



الكتب و ابو العلا البشري و الثورة

الموسيقى التصويرية لأجمل مشهد فى مسلسل الخواجة عبد القادر

Omar khairat orchestra _ موسيقى محمد عبد الوهاب كل ده كان ليه أوركسترا عمر خيرت

Teo5 M 7994 3:21 25/09/2025

قوم يامصري - سيد درويش

هشام أنيس وأمل صبور /  حدوتة مش كاملة / الراية البيضاء

بعد الطوفان - 1986 -  محمد منير

إخراج محمد خان
موسيقي كمال بكير

موسيقى فيلم طائر على الطريق -كمــال بكـــير

نور