فيه اشارة عند الناصية
ف شارع فرعى واستاذ مرعى ما بيبطلش زعيق
وده عيل تايه م الصبحية وبينده عمو شفيق

واتنين ماسكين الشارع بالعرض وبيعدوا بطئ
جه مطب وقلبى انا طب ومين يطبطب على قلب غريق

اه يا ولاد اللذينا
موال
يمين وشمال
تكيف مش شغال
وازاى الحال
ياغزال ياغزال

مش كده يا سطى
هيجيلى نقطة
ده شايفنى لقطة
وزبون وشوال

عايز اوصل بقى
ماكفايانا شقى
مشتاق ل اللقى
وحبيبى بعيد

ده طريقى بعيد
ماشى بالفزلكة
من غير تك تكة
راحت المواعيد

تحويله علشان بنصلح و الشارع قدام مقفول
هنرش شوية مايه هنستفتح عربية فول
وده تاكسى معلق كف وبيكلكس للناس على طول
هنعدى وربك يستر لو خربت انا مش مسئول

ولاد اللذينة محمود العسيلى و عبدالباسط حموده

Mahmoud Atef Osman ✪