الكلمــات :
سنة كاملة عدت فا قلت اية الجديد ؟ 
لسة زى منا مع الزمان عنــيد 
ٍسألت نفسى سؤال لاجابتو انا معرفتش 
سنة كاملة خسرت فيها لكن مكسبتش
سنة كاملة ولسة بحكى فيها تانى 
طب اية الاتغير منا لسة قلمى فل اغانى 
منا لسة بجكى وقملى يطلع كبت 
ونا مهما حكيت ل حد محدش بيشيل حمل حد 
منا لسة بشكى ولسة قلمى فل سطور 
ولسة كل هم فيا بيكفى بحور 
ولسة قلوب الناس عليا كانت صخر 
ف وشوشهم ببقى حبيبهم وبيطنعونى فل ضهر 
منا عايش على ذكرة ودايما ليها برجع 
مهما حكيت طلعت همى محدش ليا بيسمع 
واللى بيسمع سمع عشان كان عايز حاجة 
مصلحتة اولا ياخدها ب منتهى الثثاجة 
مش لاقى ليا مرسى بدور على بسمة 
فى عيون امى وابويا دايما كائن ملوم لازمة 
مش فاضى غير انى ادمع واللى اتحكالى ما بيسمع 
عايز افتكر احلى ذكرة حلوة وليها ارجع 
دايما بكون بتكلم لكنى دايما ساكت 
شايل احلى ذكرة واكبر كبت فيا كابت 
لسة عندى امل ممكن فل سنة الجاية 
ونا عارف ان هتبقى هى هى زى ما هى

طلاق امى وابويا كنت 8 سنين 
كنت بحس انى مختلف عن التانين 
فا فكل نظرة طفل دايما انا المختلف 
دايما انا الانسان اللى عمرو ف يوم ما عرف 
ان الدنيا اصلا كانت مصالح 
فا فكل لما انسى هم يفكرونى بامبارح 
جدى وجدتى شالونى ل يوم فرحتى 
عملو اللى عمرو عمل ابويا ليا فى يوم وحدتى 
دايما بتكلم بس صوتى ما بين الناس سكوت 
صوت مكسور صوت مكبوت صوتى عالى ومش موجود
صوت عايش على نفس المبدء 
بس عمرو ف يوم ما صدق 
ان الدنيا مش زى الدنيا اللى كان فى خيالة متهىء 
كان نفسى ان يكون صوت الحق اللى غالب 
الطيبة اتقلبت جوايا والشر اللى راكب 
مركب ومن غير قارب طير بلا جناح 
عمرى ما فكرت ف بكرا بقكر دايما فلى راح

Written by: Nour Ahmed 
Music: Free Beat
Vocals: Nour Ahmed 
Master and mix by: Mido Star 
© 2014 Nour Ahmed

Nour Ahmed -(حكايتى) II حكاية الزمان | Hekayt El Zman II

حكايه صوره#

Written by : Ayman Zaki and Ali Elanany

Recorded by and This idea belong to Ayman and Ali

Listen us .. Thanks


حكايه صوره
الحكايه كلها موقف مرسوم صوره بقلم سن القلم
بيجي علي الجرح ويدوس اوي
وعلي الفرح مش بيدوس اوي
هي كده الذكريات مابتركزش غير علي الي بيوجعنا
والي يفرحنا بتقري عليه الفاتحه
مهو اصل الوجع صرخه
صرخه ترجع كل الي فات
صرخه تزود كل الاهات
صرخه بدل ماتريحك توجعك
مش  عارف تبطل تفكير في الي بيجرحك
زي مايكون جرحك هو الي بيريحك
والحاجه الي تفرحك تخاف منها وترجع تاني للي بيجرحك

وفي يوم ماكنش علي بالي
كنت فاكر في خيالي
ان الحب هو كل شئ بالنسبالي
كنت بتمني ان يبقي ليا شريك
و فجاه وبدون اي مقدمات
لقيت نفسي بحب
حبي ليها كان شئ الهي
ماعملتش ليه اي حسابات
الموضوع بدء معايا بالنظرات
كانت نظرات طويله
كانت فيها كل الكلام الي نفسي اروح واقوله
كانت فيها كلمه بحبك
فيها نفسي اعيش عمري جنبك
فيها نفسي ابقي اب لابنك


يابني ارحم نفسك بقي وماتوجعش دماغي اتنيل روح اجري روح وقفها وقولها بحبك وامشي
ياعم لا ياعم مش هقدر .. هخاف
تخاف ! تخاف من ايه يابني هي هتاكلك
لا مش هكايه هتاكلني بس مش هعرف
انت بتحبها اوي كدا
ياسلاااااااام ! بعد كل ده ! اش حال ماكنتش انت الوحيد الي فاهمني وعارف الحكايه كلها
طيب خلاص جمد قلبك بقي كدا وانتهي من الموضوع ده علشان ماتتعبش نفسك اكتر من كدا
طيب طيب خلااااااااااص ... طب بقولك ايه  ؟ ماتيجي معايا ؟
اجي معاك فين يابني !!!انا مالي
تؤ .. يعني هاتسيبني اروح لوحدي يا اسطي .. اصول يعني
اه ياعم روح لوحدك


جايلك .. جايلك بشوقي ولهفتي 
جايلك .. دا انا من زمان ماشوفتش فرحتي
قلبي كره خلاص السكوت
وانا لو سكت تاني همووووووت
نفسي اول ما اشوفك اخدك في حضني
واقولك ع الي في قلبي
دانتي اول حب ليا
وانا عمري ما هحب بعدك


وفجاه وبعد وقت قليل اوي لقيته رجع وسألته ايه الي حصل ؟؟
الحمد لله تمام اوي

حسيت في صوته بنبره حزن عمري ماسمعتها قبل كدا
جريت عليه لقيت عينه بتدمع وهو بيبتسم ابتسامه خفيفه وبيقول الحمد لله
لوحدي عرفت ايه الي حصل وماكنش ليه لزوم ان اعرف التفاصيل ماهي مش هاتفيد بحاجه طالما النتيجه باينه
فضلنا واقفين فتره قدام بعض ساكتين وماحدش فينا بينطق
انا مش عايز اتكلم علشان مازودش جرحه
وهو مش عايز يتكلم علشان مايفتكرش الي حصل


انا اصلا ماحبتهاش
حبيتها امتي يعني
هو انا علشان يعني بصتلها كام بصه يبقي خلاص
او علشان يعني حلمت بيها كام مره يبقي هي دي كدا البنت الي في خيالي
لا مهو طبعا كان لازم تقولي كدا

ياربتني ماكنت روحت 
ياريتني ماكنت شوفتها 
ياريتني ماكتت حبيتها 
ياريتني اصلا ياريتني


ااااااااااااه من الجرح لما يجي في القلب
اااااااااه  من الحلم الي مابيكملش
بتوجع اوي لما كل الي بينيته تلقيه اتهد
اتهد في لحظه قدام عنيك وانت مش عارف تلمه
وبتسال نفسك الف سؤال 
هو الحلم الي حلمت بيه كان من حقي
ولاا انا حلمت حلم اكبر مني

انت الي ضيعته بسكوتك
انت الي سيبته يضيع من ايدك
خوفت ليه ؟ .. سكت ليه ؟ 
كان لازم الي في قلبك تقول عليه


خلااااااااااااااص ماعدتش ينفع الكلام
ماعدش ينفع لوم وعتاب
انا قلبي موجوع ومهما قولت مش هاعرف اوصف الي فيه
وانا مش طالب حد يطبطب عليه

#حكايه صوره #خطوه_قلم الحلقه #4

كلمات : احمد جابر
اداء صوتى : احمد جابر

Facebook: facebook.com/Gbwor
Twitter: twitter.com/AhmedGaberArt
Youtube: youtube.com/AhmedGaberArt

قلبى اتكسر - احمد جابر

تأليف رمضان عبد السلام
https://www.facebook.com/ramadan.abdelsalam.10
أداء محمد عبد العزيز
ــــــــ
لما بسأل نفسى مره 
يعنى ايه معنى السعاده 
فجأه صوت  فى ودانى رن
فاكر انت لما كنت مره قاعد...
 زى عادتك وفى مكانك
طب يا سيدى بطل انت بس زن
ايوه كمل.... 
بس عدت واحده جنبك 
صوتها نادى فجأه اسمك 
فجأه تهت ...
فى ملاك انا نادى اسمى ؟
ايوه صح هو اسمى ...
اسمى ايه ؟ مش فاكر اسمى 
جاى منين ولا حتى فين انا مش مهم 
وابتسماتك هى كانت بس اسمك 
ساعه عدت بعد ساعه وابتدى قلبك يدق 
لا مستحيل انا يوم  احب ...
كدب انت بس نفسك 
طب لو انت مش مصدق يبقى ايه اللى اسمه حب؟
لا لا انا مش بحب ... لا لايمكن اكون بحب 
فجاه تسرح ....
وابتسامتك تملى وشك 
ها يا سيدى قولى بس ..
طب هقولك بس يبقى ما بينا سر 
ايوه طبعا قول بسرعه 
اه بصراحه  اه بحب 
تعرف ايه معنى السعاده ؟
لا يا سيدى قولى انت 
للسعاده معنى واحد ..
هو بس الابتسامه ..
ابتسامة حد يعنى لما شوفته ...
عرفت يعنى ايه كلمة بحب

معنى واحد للسعادة

الرحلة 
احنا امتي كبرنا يا طيب ؟
مر بينا العُمر علي غفلة 
شّبْ عودي طُلت بلح النخل
كنت مش شايف اخر النخلة 
ولاّ نمنا نومه اهل الكهف ؟ 
راح علينا م الليالي سنين 
تجري بينا واحنا مش داريين
خدت بالي لما شعري خف 
وشي كرمش وقعت لما وقفت 
عمو مين يا عم انا لسه طفل ! 
كنت نايم ف ايدي حصلتي
صبحت اصرف ع العلاج حيلتي
جبت بلونة وانا عيل
طفل ذو عامين و بيريل
ابني خدها لما عيطلي 
شد مني اللعبة كسرها 
شد ليا الكرسي قعدني
ف عيد ميلاده جبتله بات مان
جه يفرحني جبلي طقم سنان 
كنت فاكر اني بجري زمان 
طلع الزمان هو اللي كان يجري
احنا امتي كبرنا يا طيب ؟ 
قطر عمري فات وانا ساهي
جيت أمد نَهجتْ ملحقتوش 
غير يدوب لملمت ف بواقي 
كام سنة علي كام صاحب باقي 
من كتير ف السكة طلعوا فَشوش
احنا امتي كبرنا يا طيب ؟
عُمر ماشي زي تاكسي قديم
ظابط العداد علي ستيين
بس ممكن فجأة يتعطل 
او يزود  اجره البنزين 
او يجوز فالزحمة يتاخر 
قد يقرر يختصر ف الوقت
قالوا لسه كتير 
وانا صدقت ! 
غفلت لحظة ويارتني ما غفلت 
شعري شاب فجأة لقتني كبرت
وانا كنت لسه يادوب بنفخ البلالين
احنا امتي كبرنا مش فاكر 
من يومين سهران و بذاكر 
الشهادة بتاعتي راحت فين ؟ 
جدو مين يا عم روح العب 
مش معايا اللعبة فتشني 
السباق ده العاشر اللي اكسب
فين عصاية ايدي سّندني 
اه يا صدري م النفس بتعب 
شوف يا بابا اختي زقتني 
الشهادة يا رب قولوا امين ! 
عُمر بيسابق خُطيَ الدنيا 
الربيع بيزُقه فصل خريف
شوفت عُمري شريط ف كام ثانية 
طفل ثم شباب فكهل ضعيف 
لحظة بتعدي ورا التانية 
امتي هرسيِ تعبت م التجديف ؟
احنا امتي كبرنا يا طيب ؟
عُمر رغم التقل عدي خفيف  ...

الرحلة

يا_غصن_يحي_علاء_جديد

حبى ليكى طلع كمين

مهرجان " قلبى ميت " كلمات - غناء - توزيع - محمد مساهل 2020

أغنية نقص في السعادة غناء محمد عادل وكلمات خالد الشاعر وألحان أحمد عمر وتوزيع موسيقى أحمد ماينو 

نقص في السعادة.mp3

مهرجان " ثابت على وضعى " كلمات - غناء - توزيع - محمد مساهل 2020

مهرجان " مفيش حد سالك " كلمات - غناء - توزيع - محمد مساهل 2020

كلما داقت بنا الحياه تذكرنا شئ جميل فقدناه

حبى ليكى طلع كمين

Mahmoud Fathy