برومو أبجدية

با

شعر

عمار

حاجات وخلاص

بوسطة أبجدية

لو كنتى استنيتى شويه

https://www.facebook.com/tomas.beshai

عشوائية لّم شعرك
خلتني احب اللغبطه
نص عشقك للمظاهر
ملامحك اللي مخاصمه كل مساحيق الجمال
الشبه بينك و بين صحابي الولاد
فـ الجدعنه و المشاكله و العناد
عنيكي اللي دايما باصه علي الجزء المبسوط من الدنيا
شمس بشفايف
قمر متكفهوش السما لو جئ عليه الليل
حكاويكي شبه ونس القهاوي
صوتك ده غنوه من غير ولا مزيكا
ايديكي ك نسمه هوا في يوم الشمس فيه زعلانه
حضنك بحبه مع اني مجربتوش
ك حب المهاجر ل فيزه مش وياه

أنتِ .. اول جزء .. توماس بشاي

وحشنى كلـمة ابــويا وانـا بـندهـلك  ..  كلمات وألحان . عمرعبدالجليل

Gawzy Shokran جوزني شكرا

لا تنتظر أكثر 

"لو شاء الله أن ينسى أنني دمية، وأن يهبني شيئاً من حياة أخرى، فإنني سوف أستثمرها بكل قواي. ربما لن أقول كل ما أفكر به، لكنني حتماً سأفكر في كل ما سأقوله. سأمنح الأشياء قيمتها، لا لما تمثله، بل لما تعنيه. سأنام قليلاً، وأحلم كثيراً، مدركاً أن كل لحظة نغلق فيها أعيننا تعني خسارة ستين ثانية من النور. سوف أسير فيما يتوقف الآخرون، وسأصحو فيما الكلّ نيام.
لو شاء ربي أن يهبني حياة أخرى، فسأرتدي ملابس بسيطة وأستلقي على الأرض، ليس فقط عاري الجسد وإنما عاري الروح أيضاً. سأبرهن للناس كم يخطئون عندما يعتقدون أنهم لن يكونوا عشاقاً متى شاخوا، دون أن يدروا أنهم يشيخون إذا توقفوا عن العشق. للطفـل سـوف أعطي الأجنحة، لكنني سأدعه يتعلّم التحليق وحده. وللكهول سأعلّمهم أن الموت لا يأتي مع الشيخوخة بل بفعل النسيان. لقد تعلمت منكم الكثير أيها البشر... تعلمت أن الجميع يريد العيش في قمة الجبل، غير مدركين أن سرّ السعادة تكمن في تسلقه. تعلّمت أن المولود الجديد حين يشد على إصبع أبيه للمرّة الأولى فذلك يعني أنه أمسك بها إلى الأبد. تعلّمت أن الإنسان يحق له أن ينظر من فوق إلى الآخر فقط حين يجب أن يساعده على الوقوف. تعلمت منكم أشياء كثيرة! لكن، قلة منها ستفيدني، لأنها عندما ستوضب في حقيبتي أكون أودع الحياة. قل دائماً ما تشعر به، وافعل ما تفكّر فيه. لو كنت أعرف أنها المرة الأخيرة التي أراكِ فيها نائمة لكنت ضممتك بشدة بين ذراعيّ ولتضرعت إلى الله أن يجعلني حارساً لروحك. لو كنت أعرف أنها الدقائق الأخيرة التي أراك فيها ، لقلت " أحبك" ولتجاهلت، بخجل، أنك تعرفين ذلك. هناك دوماً يوم الغد، والحياة تمنحنا الفرصة لنفعل الأفضل، لكن لو أنني مخطئ وهذا هو يومي الأخير، أحب أن أقول كم أحبك، وأنني لن أنساك أبداً. لأن الغد ليس مضموناً لا للشاب ولا للمسن. 
ربما تكون في هذا اليوم المرة الأخيرة التي ترى فيها أولئك الذين تحبهم . فلا تنتظر أكثر، تصرف اليوم لأن الغد قد لا يأتي ولا بد أن تندم على اليوم الذي لم تجد فيه الوقت من أجل ابتسامة، أو عناق، أو قبلة، أو أنك كنت مشغولاً كي ترسل لهم أمنية أخيرة. حافظ بقربك على مَنْ تحب، إهمس في أذنهم أنك بحاجة إليهم، أحببهم واعتني بهم، وخذ ما يكفي من الوقت لتقول لهم عبارات مثل: أفهمك، سامحني، من فضلك، شكراً، وكل كلمات الحب التي تعرفها. لن يتذكرك أحد من أجل ما تضمر من أفكار، فاطلب من الربّ القوة والحكمة للتعبير عنها. وبرهن لأصدقائك ولأحبائك كم هم مهمون لديك"
 مات جابرييل جارسيا ماركيز و قد نسبت هذه الرسالة له, و أثرت في كل محبيه  لما كانت تحمله من مشاعر صادقة  ..
لكنها في الأصل لكاتب مكسيكي شاب 
***********************
.أمي...لو كنت أعرف أنها المرة الأخيرة التي أراكِ فيها نائمة لكنت ضممتك بشدة بين ذراعيّ ولتضرعت إلى الله أن يجعلني حارساً لروحك .

رساله وداع "جابرييل جارسيا ماركيز"_لا تنتظر أكثر

احمد خليفه ... يا ابويا

لحكي الحدوته سحر لانه بينقلك من عالم لاخر

نحن في حاجه الي الاستماع الي حدوته

لذلك نقدم من عالم الماجيه --هو عالم افتراضي --حدوته كل يوم بطريقه غير احترافيه و لكن من اجل الاستمتاع 

حدوته قبل النوم - الحلقه 1

لو كان الموت حس بوجعى 
وحضنتك قبل ما تتغسل 
كان ممكن اضحك ل ثوانى 
واحس ساعتها انى سعيد
من يومها وقلبى ضعيف جدا 
ملفوف ف الحزن ومتكفن 
لو كان الموت يرجع تانى 
ويسبيك بس ل بعد العيد
انا كنت هاطول ف الضمه 
و اخد من حضنك مصروفى 
وامسك فى اديك علشان دايما 
بطمن بيهم من خوفى 
انا كنت هامشي فى وسط الناس 
من غير ما ابص شمال ويمين
وادور عنك فى وشوشهم
والسكه تخدنى توهنى 
ومعرفش رجوعى هايبقى منين 
انا عارف نفسي بكون اضعف 
لما الايام بتبهدلنى 
او انى احتاجك #ملقكشي
فا يصيبى السهم بسم حنين
ازاى هايعدى العيد قولى 
من غير ما اقول كلمه بابا 
علشان مش مفروض تسمعنى 
انا عارف ان العيد قرب 
وانا عارف برده انى بخرف 
بس انتا بعادك عن روحى
بيقطع قلبى #ويوجعنى
فى اليوم بيومين 
ارجوك لو عايز انى ازورك 
تسمحلى اتونس من نورك 
وتقولى اجيلك بس منين
أبويا العزيز 
و بعد التحيه 
وتكرار سلام 
وواخد ‫#‏منّوم‬
عشان بس انام 
وجاى عند قبرك
بقالى يومين 
ابويا العزيز 
اجيبك منين 
قالولنا زمان
بإن اللى خلف 
دا عايش ممتش 
ببص فْ خواتى
يوماتى عليك 
وبدعى فى صلاتى
تجي لى ومجيتش 
ابويا العزيز هاجيلك
هاجيلك ولو بعد حين 
وهحكى واقول لك 
كل اللى فاتك 
ومين زارنا يومها 
ف ليله وفاتك 
ومين اللى طبب
ومين اللى واسى
وعزى ل خواتى
وصبّر خواتك 
وقال كلمتين 
ابويا العزيز 
فاكر لقانا
واخر مشاهد
بتجمعنى بيك 
واوضتى اللى حافظه
الكلام اللى بينا
عشان يومها يمكن
خافت عليك 
وشنطى اللى فاكره
زعقيك معايا 
وخوفك لاسافر
ولازمً هسافر 
فا تدمع عنيك 
دموع من انين 
ابويا العزيز 
جدى اللى جانبك 
بيحكليى انك 
يوماتى بتدعى 
يصبر قلوبنا 
ينور طريقنا 
وانا هادعى زيك 
ل ربى الرحيم 
يعطرنى فيك 
واشوفك فى حلمى
ولو ثانيتين 
ابويا العزيز 
اسيبك شويه 
وهامشى لانى 
هاروح عند امى 
اطبطب عليها
وانشف عنيها 
واحضر ف روحها 
اللى ماتت عشانك 
بسرعه وهاجيلك 
ابويا العزيز 
#اجيلك_منين
#محمودعلام



أبويا العزيز اجيلك منين _لــ محمود علام

رغبات - رياض الصالح حسين - أداء مى سعيد

أمل دنقل - رسوم فى بهو عربى - أداء مى سعيد

إلى صديقة دمشقية _ أمل دنقل _ أداء مى سعيد

أبويا _ لأحمد فرج _ أداء مى سعيد

قانون الدنيا الساخر .. نبيل عبد الحميد

كلمات: سيد حجاب
 ألحان: علي سعد 

تتر مقدمة المسلسل الإذاعي قمر على بوابة المتولي - على الحجار

ابويا..Aboya..احمد جمال at Mahalla kubra

كلمات : توماس بشاى
غناء : محمود طارق
ألحان : أبانوب شوقى

وحب كتير ومتحبش

كلمات : نبيل عبد الحميد 
أداء صوتى :كريم قاسم سرور 
--------------------------
ساب المُنشار
دق المسمار
بَص على زبُونُه
متردد
ينطق أو يسكُت
محتار ..
- أؤمُر
- شُكراً
- ترابيزه / دولاب ؟
- لا أبداً .. أنا عايز باب ..
جربت كتير أبواب لكن
ولا واحد كان نافع بيننا ..
و إن جِه مظبوط لازم برضُه
في الآخر يطلع فيه سِنّه ..
لو كنا واربنا الباب يمكن
كان يفضل م الهوا سرسوب ..
كان ممكن أتوب ..
كان ممكن يبقى المكتوب
إن إحنا نحافظ على بابنا ..
كان ممكن نتعب
و نكمّل
و هنوصل
على أد تعبنا ..
سرسوب الهوا قَفَلُه و سابنا
إتنين و مابينهم
باب مقفول ..
أنا يعني بقول
لو ينفع أجرّب باب تاني
يفتح على كل اللي ما بيننا
لو حتى هيطلع فيه سِنّه
وانا هقفل و افتح بحساب ..
- كان نفسي أساعدك صدقني
أنا آسف
كان آخر باب ...

آخر باب

الوادى المقدس - نبيل عبد الحميد - أداء مى سعيد

الكلمـــات والاداء الصوتي / محمود عصام عزام 
-
أبويا مات وسابني وحدي  بين البشر عايش غريب 
 غربه عن غربه تفرق، والكلام مفيهوش جديد
إن ابويا أصله طيب ، كان بيضحك وقت ضيق، كان حبيبي وكان فاهمني  
في عز مرضه كان حاضني، دمه اصلاً كان بيجري جوه دمي في الوريد 
فالكلام عنه براح، والبراح افضل مكان تحكي فيه للحبيب
والسلام بعد الكلام 
ألف رحمه عليك يا أبويا، عِشت مدة مش كتيره 
حضنك الدافي الحنين لسه فاكره، حتي عوكازتك وصوتها 
وهي بتبعت سلام للأماني وللنسايم والحنان 
يُحكي إن ضناك حزين، حزن بايت من زمان 
يوم وفاتك شاهد عيان 
 وإنت نايم مبتسم، كنت فاكر إنه مقلب وإنك بتهزر معايا
  إبتديت أرسم كلام متبوع بنظرة سلامة
بصيت لقيت نظرة عنيك فيها راحة وابتسامة 
 امي بتعيط بحرقه، واخواتي حسواْ بالنهاية
مشهد سناريو يُحكي أن 
إني كنت مش مصدق إنه موت، نبرة الشوق اللي وفت حضنها كان ليها صوت  مسكة الإيد اليمين، رعشة القلب الحزين، ندهتك وسط الجموع 
 إنت يبني كنت فين؟ 
لسا فاكر يابا كل كلمة كنت بتقولها في حياتك 
 لسه فاكر كل ضحكة كنت تضحكها تملي لما اذاكر 
 نبرة الصوت وإنت بتقولي شاطر 
لسا فاكر الزعيق في وقت امّا بغلط وبعدها تيجي تصالحني 
 كنت عيل مش حاسبها وإنت أبويا وبتحاسبني
لسا فاكر لما خالي كان مسافر وإنت بتسجل شريط
 حتي كنت بقول ساعتها "الفاتحه وسورة ياسين"
 وإنت تفرح بالقراءة تقوم مجوّد بالجنية
وامّا يجي ماتش كورة بين أهلي وبين زمالك
حاصل ضرب الماتش كان صفر / صفر 
 كنت ديماً بسألك  "طب مين اللي كاسب؟" 
وإنت تضحك فتقوم مبارك للي قاعد جنب منك وكأنك بتحكي نكتة شاهدة وثابتة 
لسا فاكر زعقتك لما بطفش م الدروس
يبني خُدلك كلمتين ينفعوك، إحفظ كتاب ربنا، راح بُكرة يجي يُخوضنا
 وملايكة تكتب غُلبنا لا راح تفوء
الدنيا مش ممكن تفرق القلوب عن بعضها
 ربك رابطنا بود ديماً حتى من بعد الممات
 زود وصال الحب بينا بالرضا  بإن الحياة مجرد ممر لجنة عرضها السموات 
-
يا إله الكون غيثني قبل أن يفني السند 
 أنت تعلم مبتلاي، أنت الصمد ولا شيئاً سواك
أبويا عايش جوه مني، سيرته طارحة ذكريات
مولاي
يسر بلوتي، انت تعرف شكوتي، يا من إليه عنت الوجوه 
أنت الرحيم وسوف تكشف كُربتي
يا من كشفت الضُر عن أيوب حين ناداك  :  اني قد مسني الضر 
 ولأنك رحيم استجبت له، فانكشف الغم 
يا اله الكون  إني كنت من الظالمين 
أدعوك كما دعاك زكريا : ربي لا تذرني فرداً وأنت خير الوارثين 

ابويا مات وسابني وحدي

إيمانوتّا

جاردينيا - أحمد بخيت - أداء مى سعيد

وحشتيني 
ولو كل اللي عارفينك قالولك اني مانفعكيش 
ولو كل اللي عارفينني قالولي بكره تنسيني 
وحشتيني 
ولو كل البشر قالوا ان انا عاصي 
واني غلطت ف حياتي غلط ياما 
ده واد تلفان وكل يومين معاه واحدة 
وحتى فلان زعل وياه عشان واحدة 
انا أصلا مانيش يوسف 
ولو زوجة العزيز همت 
وقالت هيت لك ياجميل 
يجوز راح اميل 
وممكن اضمها جهراً
يسيل من ضحكها نهراً 
تدوب الاغنيات ف النيل 
لكن مهما هاشوف وهاطوف ومهما قابلت ناس وظروف 
هتبقي لوحدك القشة اللي جيت علشان تنجيني 
وحشتيني
مافيش انسان مالوش ماضي 
مافيش راجل مالوش أخطاء 
لكن دايماً ف نقطة ضعف 
ونقطة ضعفي هي انتي 
وطول الوقت كنت باقول 
انا مابقتش عاوز شيء سواكي انتي 
باحس معاكي اني مسيح 
براءتك عاملة زي الريح 
بتكنس ف الغلط بهدوء
وبابقي ف ضحكتك سكران 
ومش عاوز لا انام ولا افوق 
وكان فيه حل والله 
وكان ممكن اكون بالوقت زوج صالح 
ماليش ف المسئولية ساعات 
ساعات طايش 
لكن بالوقت كان ممكن اكون احسن 
تسامحيني ف غلط فالت
وهاحلفلك بإني هاصلح العدلة التي مالت 
بلاش تمثيل عشان أصلاً 
صياعتي وفشلي من غيرهم
ماكانش يجوز تحبيني 
وحشتيني
ف كل مكان ف ذكرى معاكي متسابة 
ايديا ف ايدك الطفلة باعدي معاك ف الشارع 
ملامحك وانتي بتسمعي فيروز 
نهارك وانتي بتواجهيه بشاي بحليب 
وحكاياتك على صحابك 
فلانة بتكرهك جداً 
فلانة قالتلي ماتشوفيهوش 
كلام قولتيه وكان لازم 
ف وقت الجرح ماتقوليهوش 
اكيد دلوقتي بتقولي 
زمانه مولع الدنيا 
بيغلط كل يوم عادي 
خلاص فاكك بقا ومرتاح 
وانا والله ف قيودك 
كطير من كتر ما اتقيد 
طلعله جناح 
انا ف البعد متحاوط بطيف ريحتك 
ولسه لحد هذا الوقت فاكر شكل تسريحتك 
وتنهيدك 
وشكل الساعة علي ايدك 
طريقتك وانت بتغني 
بعيد عنك حياتي عذاب 
حياتك ايه بعيد عني 
يا دنيا عرفتها فجأة 
وارض لمستها بشويش 
يا أطهر من رقم فلكي 
ف عداد اسمه أكل العيش 
بتحكمي ليه على غيابي 
وف حضوري بتنسيني 
رفضتي ان انتي تتسابي 
وفجأة انتي اللي سيبتيني 
وحشتيني

وحشتيني


زي مج كاكاو قديم على رف بارد م الرخام 
زي سرب من الحمام فقد الديار 
زي المطر ف ازاز فيميه 
أو زي سهم بينطلق ناحية هدف 
ماعرِفْش هو اللي اتحدف 
ولا بإرادته اختار مابين أحلام بديلة 
زي باندا ،،،
أو أقل قليلا
ابدأ نهاري بضحكتي لله 
واحشد مشاعري كلها للفرح 
أمسك واتبّت ف اللي لسه معاه
واعمل كإني قد شُفيت م الجرح
أختار مابين لبسي اللي يناسبني 
واحط سهواً ف الجيوب ذكرى 
أمي بتغسل كل شيء جوه الجاكت 
عشرين جنيه مادفعتهاش ولا خدت بالي منها 
وَصلْ الايجار ، كارت شحن قديم خدشته ومارميتوش 
لكنها ،،،
بتنسى دايماً إنها 
تغسل ريحتها م القماش 
لو هي كانت دوّرت ، كانت هتلقى ف الجيوب أغنيتي 
هتلاقي بنت ف جيب قصاد القلب 
طلقة رصاص أثر الفراق المشترك 
بس احتراماً للشَرَك 
كان لازم أمي تسيبها للذكرى 
وتسيب لبكره ذكرى مانسيتهاش
زي باندا ،، 
كل شيء ليها انقرض 
إلا السجاير .. والمرض .. بالبرد والخوف والزحام 
باصحى وانام 
وكإني دوبلير حد تاني بالتمام 
وكإني باصحى عشان انام 
زي باندا بامُر وحدي ف الشوارع
باسمع موسيقى تردني ليها 
واهرب إليها تردني ليا 
كلمت صاحبي الصبح وعزمته 
" صاحبي اللي فاضل ف الحاجات الملح " 
اقسم معاه دخان سجاير ربما 
يعمل سما واعمل مراكب من ورق 
احكيله عن عمر اتسرق 
يشتمني بيا وبالوجع 
" لساك وسخ ، انا كلب أصلا اني جيت .. مانا كنت قاعد باشا مبسوط ف الكافيه ، رديت عليك علشان تنكد ع اللي جابني بشكوتك ؟ اشرب يا زفت ف قهوتك وتعالى نعمل شيء جديد " 
صاحبي اللي فاضل ف الوريد 
ظهر النهاردة ف صورة الدم بكثافة 
ضحك الطبيب وكتبلي حقنة مسكنة 
أنا ليا مين غير الصحاب والأمكنة ؟!
رتب صحابك ع الورق حسب الوجود وقت الألم 
واعمل خطوط تحت اللي فاضل منهم 
تحت اللي لسه بيفهمك ويكلمك 
تحت اللي لما بتنسى هو يفكرك 
تحت اللي غاوي يقدرك 
وان كنت عاجز .. يحضنك ككمنجة قابلت لحنها 
يولع كلامكم جنب حاجة بحبها 
انا كل ما اجي وافُك جسمي واعلقه 
ما قابلش جزء بصدقه الا الكفوف ف الضهر 
الا الضوافر وقت حضن مابعد شوق 
وكإني غيمة ومطرت على فوق 
وكإني باندا كل شيء ليها انقرض ولا زلت عايش لجل اكون عبره 
بما اني خبره ف أغنيات فيروز 
ولإني جداً أو لإني يجوز 
ولإني فعلاً م الفراق ادمنت 
أنا خُنت نفسي لما كنت اتخَنْت 
وحرقت بنزين رحلتي على ايه ؟
واحدة ف يناير ماشية ف الشارع 
خليتني ليه بصتلها 
ركبت ناس مركبتي ليه ؟ 
الكل عامل نفسه نوح ورماني وحدي للطوفان 
طيب عبيط صدقتهم من امتى كان الموج ضمان ؟؟
هو انتوا مين ؟
ومليتوا ليه كل الصور لما انتوا هتبيعوا ببلاش 
الكادر صادق ناحيتي والغلطة جاية من الفلاش 
هو انتوا مين ؟؟ وانا ليه حزين على ترككم ؟؟
انا ليه لقيتني باحبكم 
أو ليه لقيتكم م الاساس !
أنا باندا تعبت م الخسارة المفرطة 
بدلّت كل الراحلين بأغاني كانت زيهم 
القهوة فن اللاشفاء من حُب خلق كرهتهم
والروج بتاع البنت لساه ع الجاكت 
غنيت وصوتي ف المدى لاصوت :
خماره جسمك ضحكتك بيره 
يا اللي انتي ذكرى صغيّرة كبيرة 
مريّت عليكي كرسي مش مليان 
وشربت فنجانك يا ست الأوليا
كان السحاب القطن ممزوج بالنزيف 
سمّوه غروب وطاوعتهم ف التسمية 
وانا من ساعتها اتنين ف واحد باشربك 
باستغربك ...
ولقيتني باندا مهددة بالانقراض 
على افتراض انك بجد على افتراض 
وعلى افتراض اني بجد 
مابقيتش بتفائل بحد 
مابقيتش بتقرّب لحد 
عايش مجرد تكملة لشريط قديم 
مستني باندا ف عصر ما 
تؤمن بتوزيع الحياة 
وتكون كمثلي مهددة بالانقراض 
نقسم سوا الفنجان ف دهشة من البشر
دبّين ف عالم خالي الا من حجر 
وساعتها يمكن تبتسم فيروز 
والقهوة تبقى قهوتين بالوقت 
أنا كنت باندا بس صرت تمام 
أو هابقى باندا بس مش دلوقت .

باندا

جوابي ده الأخير ليكي 
يامعاليكي 
ياست الحسن 
ياسبب الحزن والعلة 
ياشجرة حسبتها ضله وطلعت نار 
بداية القول : مساء الفل ع الأزهار على خدودك 
مابنجرّحش 
ومابنسمحش حد يقول كلام عنك 
لذلك ثم أما بعد ،
أنا الطفل اللي كان ف عنيكي متشعبط 
يشوفك روحه تتلخبط 
وقلبه ابن الحرام يضعف ويستعبط 
كإنك زار وانا الدرويش
كإنك غار وانا الحرافيش 
كإنك كنتي قرش حشيش 
دخل رئتيني وملاني 
كإنك دار وانا اللي ماليش 
سوا الدار اللي لمّاني 
بغض الجرح مين خان مين 
ومين قصّر مع التاني 
وغض الطرفْ عن اسمك 
وطعم خروجه ف لساني 
أنا مليّت من القصة ومن لعبة خلاص لسه 
لقيتك غيمة ف حياتي حسبتك مطره قمت جريت 
وفجأة لقيت مفيش غير ليل 
سحابة ضلمة كنتي انتي
اشوفك ف الوجع بنتي 
واحسك ارضي وسفينتي 
وشمس بتملا ليلي شروق 
مافيش كام يوم لقيتني بافوق 
واشوف القاتل الفعلي 
لقيتك أرض ماتضمش سوى المطاريد 
وانا عيل بيفتح إيد يشوفك خط على كفه 
عنيا عيال اذا بصيتي يتدّفوا 
حسبتك أم بتدوّر رحى الأحضان على عيالها
لقيتك ماسكة كاتم صوت 
رصاصك فات وجع جواي
وهو ياحلوة يعني الموت
بيفرق شكله كان ازاي 
وهو الجرح للستات ومش لينا ؟ 
ما فيه رجالة بتعيّط 
وفيه رجالة بتفكّر ف عز الليل ف ناس باعوا 
وفيه راجل اذا فات ف المحيط وجعه مابيساعه
وفيه عناوين بتتلخبط 
وفيه بكره بيتشخبط 
وفيه أطفال مايتولدوش ف مستقبل ماجاش قدام 
وفيه زفة مابتقومشي 
وفيه فرحة مابتدومشي
وفيه نغزة ف صميم الروح 
ما دام ف القصة فيه دابح 
أكيد ف القصة فيه مدبوح 
ولو كان القتيل راجل 
ف دمه بيبقي مش بالسهل 
خسرتي معاه وجود الأهل 
خسرتي الضهر والضمه 
خسرتي الجمع واللمة 
وبكره هتندمي لما 
تحسي البرد من دونه 
ياريتك شوفتي ف عيونه دموع الأب 
أنا الشخص اللي كله ذنوب
لكن مليان حاجات تتحب 
ــــــــــــــــــــــــــــــــــ
عملت حاجات لأول مرة بعملها 
وكِملِت أغنيات بيكي 
لأول مرة اكملها
اشِمِّك ريحه وانا ماشي وأقول ماشي
واكلّم ربنا عنك وجع وغروب 
عكستي المشهد المكتوب
ماكانش الفيلم دي نهايته 
كده الكاتب لعب ف النص
وفيه لزق ف حياتي وقص 
وفيه تركيب لناس تانية 
فيه مشهد خارجي مش محطوط 
أنا وانتي 
ومطرة بتغسل الشارع من الاحزان 
حضنتيني زمان ومكان 
وقولتيلي مافيش غيرك 
نزلت ف لحظة على ركبي وانا ف ايديا كام وردة 
ضحكتيلي 
وطبطبتيلي علي خدي 
كانك كنتي بتعدي على قلبي بروح حافية 
مسكت الدمعه بالعافيه وضميتك ف عز البرد 
لقيتني الفيلم بالكامل مافيش ولا لقطة ماسك ورد 
طلع فيه حاجات بتتصور 
بتتقصقص من المونتاج
وأول ما المطر لمسك 
لقيتك دوبتي ف المكياج 
عروسة حلاوة أو صورة 
ملامح فازة مكسورة ف اخر جزء ف الذكرى 
خسارة تكمّلي بكره 
يا نور ساطع بيعمي العين ما بينوّرش
انا هافضل كده عيّل ومابيكبرش 
وبكره يجوز تقابليني ف أي مكان 
هاشوفك وقتها دخان 
بقوة ست هاعشقها ف زمان تاني 
ولمسة طفل يشبهني مايشبهكيش 
انا جوايا كام ميّت وحابب اعيش
لا هاتحوّل 
ولا هارجع من الأول 
ولا هاكتب عشانك شعر 
هبيعك دون نظر للسعر 
مكانك وردة ماسقيتهاش ف دبلت من خريف موجوع 
دموعي رصيد باحوش فيه لناس مستاهلة مني دموع 
وحلمي معاكي م الأول 
خطيئة لابد اكفّرها 
رميتك طفل ببراءته 
ندم على حاجة وكسرها 
يا أسوأ حلو كان فيّا
يا أطيب شر ف النية 
كسبت حاجات تسيء ليا 
وجه الوقت اللي انا اخسرها . 

كمان : بدر مصطفى
ناي : محمد مصطفي
ايقاعات : كريم صلاح 
كيبورد : صهيب النجار
تسجيل : من حفل الساقية اكتوبر 
رؤية موسيقية الفنان محمد مصطفي 

جوابي الأخير - من حفلة الساقية 2015

أجعل نغمات جوالك باسمية 

نغمة مخصصة لــ الاب

ذكرى استشهاد الإمام العسكري 8 ربيع الأول 1432هـ - موكب الشهداء الربيعية

مرتحل عني يا أبويا - الرادود عبد الله السعيد

الشيخ محمود زين - يبكي ويضحك

كلمات : نبيل خلف
ألحان : خليل مصطفى

أبويا _ لأحمد فرج _ أداء مى سعيد

Mai Saeed 17