هندسة صوتية : Mustafa El-Mallawani 

نوحٌ ينادي والأرض تبكي ... 
.........................
هيثم جبل 
..........................

.                                إني هنا ... 
.            خلف الليالي السود يرميني القدر ... 
.                  والسقف يُهدم فوق رأسي 
.     يجعل الأحلام ترقص كالذبيح من الخطر  .
.                                إني هنا ...  
.              لا زلت بعضا من  ربيع  يحتضر   
.                              نزل المطر... 
.                       زاد الصقيع وأضلعي 
.            أضحت رفاتٍ بين صيحات البشر  .  
.                   لا شيء قد أدمى فؤادي  
.                     سوى صندوق ذاكرتي  
.               وبعض من وريقاتٍ بخط أبي 
.         وشال من حرير ضاع من هول الضجر  ..
.                  فأنا أعاني  يا مدينة أدمعي  
.                لم يبق لي  غير الدماء لتنهمر  .. 
.                      لم يبق لي  غير التراب  ..
.    لم يبق لي  غير الأنين  معانقا خيط السراب
.                      لم يبق في عمري  عمر ...  
.يا من عزفت ألحان الجراحِ على قلوبٍ تحتضر
.       لم يعد في القلب نبض كي يعانقه الوتر ...
.   يا من وقفت على الهضابِ معاديا بحر المطر
.                       نوحٌ يناديك اقترب  ... 
.           اركب مع الناجين من هول  السعر ....   
.                         نوح يجهز مركبا  
.            ليكون بيتا  يحتويك  من الخطر .. 
.           اركب مع الناجين  لا تخشى الخطر  . 
.           اركب وقل يا رب  ضاعت  غرفتي   . 
.                مفتاح بيتي  ... صوتُ أمي  ... 
.         يا رب  هل لي عن مدينتنا  سفر ؟؟!!!   ...
.                             زاد  الضجيج ..  
.                   والخوف في العينين طَلـ   
.                          يا رب  هل ... ...   !!!  
.                       سكت اللسان  للحظة ...  
.               فوجدت ضيا  من بعيد  يشتعل ... 
.         قبس من الأفقِ البعيد مناديا  لا ترتحِل 
.                                  لا ترتحِل  ...  
.                         أقبل وعانق تربتي  ... 
.                  لا تتركن القبر ينزف وحده  ... 
.             عُد ميتا  إن شئتَ واسكن قبرها  ...  
.              لا تتركن القلب يبكي  ... ينشطر ...  
.                      هذا  وربي  صوتُ أمي 
.                         يرمِ لي غصن الزهر ...  
.              فقط احتمي بشراع أمك يا فتى  
.                لا تهجرن الأرضُ بعدك تنتحر ....  
.                            وقذفتُ نفسي
 .            بين موج البحر لا أخشى الممات ... 
.              والموج عالٍ فوق رأسي ينتشر ... 
.                    لاااا  ،   لم أعد ذاك الحَذِرـ    
.                  الخوف في نفسي اضمحلـ   
.              والموج كالنيران  يبكي مَن عبَرـ   
.            إني هنا يا أرض مسرى المصطفى  .. 
.                         إني هنا  لن أنحني  
.                                لن أنثني  ... 
.                                لن أنكسر  ... 
.                                 إني هنا  ... 
.                                لن أرتحل ... 

#هيثم_جبل

نوح ينادي والارض تبكي - هيثم جبل

قصيدة : تقابليني
كلمات : عمرو حسن
آداء وماستر : مصطفى الملّواني

تقابليني - عمرو حسن [ آداء : مصطفى الملّواني ]

تميت عشرين - مصطفى ناصر [آداء : مصطفى الملّواني - ولاء محمود]

فوبيا عمرو حسن

غناء : خلود عبدالرازق
كلمات : مصطفى عبدالرحمن
هندسة صوتية : مصطفى الملّواني

برتاج جدا ً في الضلمة [prod. Mustafa El-Malawani]

القاء وكلمات : مصطفى عبدالرحمن
هندسة الصوت ودمج الموسيقى : مصطفى الملّواني
دخل في المقطع الموسيقى: موسيقى "على ورق الفل" - صوت "دينا الوديدي"

مش كنا متفقين - مصطفى عبدالرحمن [Produced by : Mustafa El-Mallawani]

LYRICS: HANAN GAMAL
MASTERING: MUSTAFA EL-MALLAWANI

اختارني ليل البُعد - حنان جمال

قصيدة زينب - الشاعر احمد الطحان
ريمكس وهندسة صوتية جديدة .. كمانجا مكس
Mustafa El-Mallawani

زينب - أحمد الطحان [مكس كمانجا Prod. Mustafa El-Mallawani]

أمي العزيزة

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: مجهول
إيقاع: Mustafa El-Mallawani
copyrights © 2017 Mustafa El-Mallawani - all rights reserved

الكلمات 
_____

امي العزيزه دعت عليا في يوم ؛
وقالتلي روح يجعل فوقيك تحتيك
تنام وتصحي مره كل يومين ،
وتلاقي تعبك جوه منك فيك .
لا تحس طعم الحاجه من حواليك
و تعيش وتزهد في الشراب والاكل
تفرش مواجعك ع الطريق مواويل
وتقضي عمرك كل ليله بشكل
اغنيه ممكن توجعك لشهور
والكلمه تقدر تجرحك اسبوع
تنسي اللي واجعك بس وسط الناس
وتكون لوحدك تلقي بحر دموع
الناس تشوفك يبكوا حزن عليك
ويشوفوا وجعك يرجموك تصقيف
ولا تبقي عارف انت عاوز ايه
ومهما تقوي تبقي برضه ضعيف
لا تلاقي حد يمد لك ايده ..
ولا يبقي ليك وسط الخلايق سعر
و صابتني دعوة امي هدّتني ..
وكبرت اهو ..
فـ طلعت بكتب شعر !

1 December | أمي العزيزة

جواب

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: أغنية "مش لايق عليا"
copyrights © 2017 Mustafa El-Mallawani - all rights reserved

الكلمات 
_____

إهداء ..
- لكل واحده رفضت تستني -

بدون واحشاني وازيك
عشان أصلا مفيش زيك
لا فيه شبهك بنات غيرك
ولا منك شبيه ولا زي ..
بنصي الميت اللي اتساب
باعزي نص جسمي الحي
بحكم القلب والقالب ..
كده خالصين مفيش غالب
خسرنا الحرب متفقين
ودوقنا الجرح متساوي
عرفتي ازاي تكوني ايدين
بتدبح وقت ما تداوي ..
بعدنا وخلصت القصه
يا حوّا في شكل تفاحه .
- علي الله تكوني مرتاحه
وعايشه في بعدي مبسوطه
دي حدوته وخلاص يعني
بلاها يا ستي حدوته ..
حاولت انساكي معرفتش
كإنك عقده مربوطه
بشوفك في البنات اجمع
فابوظ كل شئ وارجع
يا ورده في شكل بني ادمه
و غنوه في جسم بنوته
وانا والله مش زعلان ..
طريقِك غير طريق سيري ..
تعبت أقطع تذاكر ناس ..
بيمشوا السكه مع غيري !
بكل ما فيا أدمنتك ..
حقنتك روح في شرياني
وجودك كان امل ونجاه
وشئ بيكمل التاني ..
بشوفك في الغياب حاضره
وطيف إيدك علي الأوكره
- مسيري هابطّلك بكره !
وافوق منك علي التدريج
وهابقي لوحدي اقوي كتير
من الحاله اللي سبتيها
خلاص مبقاش في روحي حاجات
يفكرني الزمن بيها ..
هعيط بس مش هارجع ..
واخلي عنيكي تلمحني
أنا اكرم لي أموت واقف ..
ولا إني أعيش محني !
حياتي بتمشي محدوده ..
وجدول يومي كالتالي ..
لا منك كنتي موجوده ..
ولا انتي بعدتي عن بالي
لا منك كنتي طيف فعلا
ولا في حضوري محسوبه
كانك كنتي موت لكن ..
نجيت م الموت باعجوبه
مفيش بينّا أمل لرجوع ..
خسرتك وانتهي الموضوع ..
فلو شوفتي في عنيا دموع ..
وشوفتي دموعي مكسوفه !
متفتكريش باني ضعيف
- تلاقي عنيا مطروفه .
و لو جمعت ما بينا طريق
وشاء ربك وجع مكتوب
شوفيني بعين بشر عاصي
وهيئه شخص كله ذنوب
متتهزيش ولا تحِني ..
ولا تستنِي شئ مني ..
يا ريت تنسيني وكإني ..
مجرد حلم واتبخر !
ندمت وبعترف اني ..
غلطت وفوقت متأخر
وانا عن نفسي هانساكي
وامثل اني معرفكيش
واكمل في الطريق عادي
واخيط جرح متخيطش
هاعيط عادي ايه يعني
مفيش راجل مبيعيطش
ما ياما البعد فرق ناس .
وعايشين الحياه بالعرض
غيابك مش نهاية الكون
ولا اصبح وجودك فرض
سواء كان ليا ولا ماليش
هننسي وعادي بكره نعيش
وانا من طبعي مبوطيش
اجيب الحاجه من عالارض

1 December | جواب

موسم نوفمبر

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: مجهول
copyrights © 2017 Mustafa El-Mallawani - all rights reserved

الكلمات 
_____

إهداء ..

- لاسكندريه طبعا -

* اسكندريه مش مكان عادي ؛
قالت كده ومشيت ..
هنا القتيل لو مات مبنديلوش ديه
مرت قصاد عيني الحان و اغنيه
وانا من ولاد الشتا
بعيوبهم الملفته .؛
بيواجهوا حزن العام باغاني شتويه ؛
بيحاربوا برد الليل بجوانتي وكوفيه
بضمير ملوثهوش الحزن م الاحداث
بيهربوا من "الشتا" ويدوبوا وسط الناس
ويروحوا مشاويرهم ؛وبييجوا وحديهم
مكان ما تلقي المطر لو روحت تلاقيهم
مشروبهم الرسمي ..
القهوة مع " فيروز "
والقهوة مش "قهوة" عند اللي أدمنها
بيحبوا مشي الشوارع بعد نص الليل
وعندهم تفاصيل ما اتكلّموش عنها !
كام حد قبلك هنا .. طل و فتح صِدره
صابه الحنين قتله .. واللعبه قلبت جد
غمض عنيه ع الناس .. وفتحها لقي نفسه
لا حد بقي يعرفه .. ولا هو يعرف حد .
..
موسم نوفمبر بدأ ..
وبدأ يسيب مطرحه كل اللي ساكن ضيف
موسم نوفمبر بداية كل حُزن قديم
او هو شهر كئيب بين الشتا والصيف
مالهوش معالم كتير اقدر اقولهالك ..
تقدر تشوفه بوضوح لو كنت ناقص شئ
بيدّب روح الخساير في التراب والطين
بيجينا علي غفله فيبدل الموازيين
وتحس ان اللي حاصل كله طعمه غريب
نلجأ ساعتها لهدوم الشتوي في الدولايب
ونبتدي نفتكر في حاجات بنخفيها
نص علاقاتنا اللي فشلت
ليها ذكري معاه ..
نص الحاجات اللي باظت
كان سبب فيها .
- البعض بيسموه فصل اللقا و الفراق
- والبعض بيقولوا هوّ اختلاف باتفاق
- البعض بيسموه عنصر وجع خامل .
- والبعض بيقولوا فصل اكتئاب كامل
- الأم بتسميه فصل الخروج م البيات
نحو الهواء الحُر .
- والاب ببسميه فصل الشَقا الموسمي

1 December | موسم نوفمبر

مخونتش حد

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: مجهول - حسين الجناع - مجهول
Hussain Aljenaa: https://goo.gl/ey7PZV
copyrights © 2017 Mustafa El-Mallawani - all rights reserved

الكلمات 
_____
ليكي اختيار القرار فاختاري ما شئتي
اما فراق باحترام او تقبلي خطئيتي ..
وخطيئتي طبعي ..
وطبعي يا حلوة مش ذنبي !
ايه اللي ممكن يفوتني وانتي موجوده
ايه اللي ممكن يفرح وانتي مش جنبي ؟
عيوني صافيه وبريئه وكلهم تفاصيل
اختارت اواجه مصيري وابقي زي الشمع
ليكي اختيار الطريق وانا ملتزم بالسمع ..
لا هو اول وداع ..
ولا هو اول عياط
ولا هو اول فراق
ولا هو اول دمع !
ولا هو اول طريق بمشيه وانا مضطر ؛
الموت في وسط المحيط
بيبان مخيف لكن
أشرف كتير م الموت ومن الغرق ع البر .
..
مخنتش حد ..
ودمي طاهر زي ديب - يوسف -
وعيوني أنبل من شهيد مولود
اخواته خانوا و الدليل موجود
وقميصه يشهد اني مقتلتوش
جعان صحيح ولكني مأكلتوش
عطشان ورافض دمه يبقي الريّ
سألوا القميص يا هل تري قتلوه
صرخ القميص والله يوسف حي
قال النبي لولاده صبر جميل ..
فيه ياما ناس اتخانوا فانتصروا
بكره القميص اللي اتقطع بالزور
يحضن عنيه ويرد له بصره .
مخنكتيش ولا طبعي اني بخون
مفهمتنيش ولا معني ولا مضمون
باعلن برائتي من ظنون الناس
او بنت ساقطه تفتكرني زبون !
هتخسريه وتسيبي حضن ايديه
وتشوفي صورته بكره تبكي عليه
وتقولي لابنك كنت هابقي معاه
واكون قصيدته وربنا مأذنش ..
هتشوفي شِعره يوحشك علي طول
وتقولي يمكن كان جدع ومخانش
هتقولي كنا حضن روح بالروح
ورسمنا بكره بس بكره مكانش
والله فعلا كان جدع طيب ..
كان حلمه يرسم ضحك في شفايفك
ازاي يخونك شخص كان شايفك
بلسم همومه ومنتهي طموحه
كنتي المسكن جوا شرايينه
وما بين عيونك تنتهي جروحه
يشهد علينا كوبري قصر النيل. .
او كلمه طلعت في الهزار بقي جد
مخنتكيش علشان مفيش ولا حد
في الدنيا يأذي او يخون روحه !
..
مكتوب علي روحي تحزن
ولا يعرف وشي فرح
علامات القسمه عندي
دايما تقلب ل طرح
واقف متغمي عينه ..
وبيجري في حاره سد
عمال يخبط في روحه
واهو جرح يغطي جرح
كل اللي يبان بيبرق
مضروب جواه مفك
كل التفاصيل بتخلص
وبتفضل ع المحك
مشاوير روحناها مره
او شات مليان هزار
علاقات بالكوم بتخلص
لو يوم يدخلها شك
قالت خليك مكانك
قربت وقولت لأ
قالت لو جيت هاسيبك
وتقضي العمر زق
كان صوتها يبان بيضحك
بس التهديد صريح
قربت وقولت عادي
البعد علينا حق ..
بياع الحزن شافني
لم اللي معاه وقام
عدي في جنبي وكشفني
من غير ما يقول سلام
طبطب علي كتفي جامد
وبعطف وحب قال :
اول مره يقابلني ..
في حياتي الحزن خام
..
عارف باني عبيط ومفيش امل فيا
ولا ليا ذنب في شئ ولا كان هناك نيه
يمكن لساني طويل ويجوز قليل الادب
انا معترف لكن والله هي السبب ..
قالوا القتيل واحد والفرق في الاسباب
وانا كنت بعمل لها مع كل خطوة حساب
قللت من دوري ورفعت من دورها ..
بحفظها في غيابها وبصونها في حضورها
لا بابص علي تانيين ولا بجري ورا غيرها
باخدها علي عقلها واجاريها واسايرها
بسكت اذا اتكلِّمِت قال يعني وش كسوف
وباغير علي عنيها من كل عين بتشوف
لا عاكست مره بنات ولا ليا في التسبيل
جددنا من تاني قصة "قابيل" و "هابيل"
شوفت في عنيها دليل لكن مصدقتوش
واديتها دور البطل في روايتي وانا جاهل
وفي يوم ما دار الزمن ووقعت قدامها ..
ضحكت بصوت مفتعل وقالت لي تستاهل
..
مش كنا اولي بكل يوم بيفوت
مش احنا اولي بكل ثانيه تمر
حطيتي ليه وردك في ارض الغير
و زرعتي ليه الحلو جوا المر
يا حلوة عندي كام خبر وحشين
ومعادش عندي اي حاجه تسر
قربك وحشني بس مش بالايد
بعدك بيوجع بس مش بيضر
ادي اللي شاف البعد موت .. بيعيش
و بدأ يفوق من وهمه بالتدريج
وادي اللي كان في السجن مش مرتاح
كره حياته لما اصبح حر !

1 December | ما خُنتش حد

الحلقة المفقودة

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: أغنية "My heart will go on"
copyrights © 2017 Mustafa El-Mallawani - all rights reserved

الكلمات 
_____

إهداء ..
- ل ست البنات -

- انتي الحلقه المفقوده
اللي متقبلش اعاده
وقضيه يموت علشانها
كل الزعماء و القادة
الضحكه بتطلع منك
ف تغيّر طعم العالم
القهوة الساده ان شافتك
تتحول قهوة زياده

انتي الفكره اللي بتطلع
للعقل في نص الليل
يكتبها " نجيب " في روايته
و تنور عقل " زويل "
و تخلي الطفل ان شافها
يفضل يرقص وينط
وتروح " للرازي " في نومه
فيقوم بيشيل ويحط
وتزور قلب " الابنودي "
فيحس بشوق للماضي
يكتبها جواب من فاطنه
للاسطي جراحي القط

نظرتها بتسطل اكتر ؛
من اي خمور خمسيني
وجمالها الكامن فيها ؛
اعذب من لحن لاتيني
هي المعزوفه الناقصه
اللي مشفهاش بيتوفهن
وعيونها بتقتل اسرع
من هتلر او موسوليني

من بعد ده كله طبيعي
اني استغرب من نفسي
لو مره سمعت بحبَك
او شوفتك بتحبيني !

1 December | الحلقة المفقودة

تعالي نتفاوض

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: أغنية "آه من الفراق"
copyrights © 2017 Mustafa El-Mallawani - all rights reserved

الكلمات 
_____

تعالِي نتفاوض ..
يعني احضنك مثلا
وتباني مبسوطه
اظبطلك الطرحه ..
او اسيبها مربوطه
امسك ايديكي ساعات
فتوافقي متمانعيش
وان نمت علي كتفك
ف يا ستي متدقيش
و اما اسالك مالك
تحكيلي إيه فيكي
وتحسسيني ان انا
ممكن انسّيكي ..
وتنامي علي صوتي
في البرد قبل الحر
وان قولت يوم موتي
تقوليلي بعد الشر
تكونيلي بحر غريق
استني فيه ع الشط
امشي في عنيكي طريق
واوصل لاخر الخط
انسي اللي فات بيكي
تنسي اللي فات بيا
تبقيلي حضن يساع
كل الوحش فيا ..

و مقابل اللي اتقال
هاقبل بنفس الحال
وهامشي وانا عارف
" ان انتي مش ليا "

1 December | تعالي نتفاوض

إنجاز

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: مجهول
copyrights © 2017 Mustafa El-Mallawani - all rights reserved

الكلمات 
_____

عملت الليله دي " إنجاز "
وشايف م الجدير ذِكره
باحس بفرحه واتنطط
واعيط كل ما افتكره!
طلع فيه حاجات
تسيبها تجيك !
وتلقي " نسخ " كتير منها
عظيم إنك تكون قادر
تبطل حاجه مدمنها ..
وبعد ما كنتي دور إدمان
وحاجه بتجري جوا الدم
هانام الليله وانا مرتاح
بدون ذرة زعل او هم
خلاص بطلتك الليله ..
وهابدأ بكره عمر جديد

لأول مره من سنتين ..
أشوفك وابقي مش مهتم

1 December | إنجاز

رسالة من شخص منتحر

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: محمد علي - Ellie Gouldin - محمد علي
Mohamed Aly: https://goo.gl/vSmtKY
copyrights © 2017 Mustafa El-Mallawani - all rights reserved

الكلمات 
_____



- ست رسائل لمن يهمه الامر -

* ازيكم ؛
اتمني اكون في الاخره دلوقتي
وادخل بنفسي خندق العصافير
مش منتحر زي انتوا ما فهمتوا
ضاقت عليا طلعت بعرف اطير
مشيت معاكم والطريق بيضيق
ورجعت بالعن سلسفيل الناس ،
طلع اللي جاي في الاخره والله
اجمل و احسن م اللي فات بكتير
..
- للناس -

احب اقدم نفسي قدامكم .؛
عندي " هوايات " متهمكوش بالطبع
بشبه لابويا في الصفات والطبع
واشبه لامي في الشبه والجسم
بجمع "طوابع" وازرع ابتسامات
واعرف جدودي لحد عاشر اسم
بعرف اكلم ييجي ست بنات ؛
من غير ما اخلي أي واحده تحس
بعرف اقرر امتي هابقي تخين
و امتي اقرر اني ابدأ اخس !
باعرف افاصل في الهدوم اوقات
واخد الحاجات مثلا بنص السعر ؛
صنايعي قهوة و سمكري علاقات
بالعب - بيانو - و بعرف اكتب شعر !
رسمت مره فراشه بالالوان ..
طارت ورجعت لما عدّي سنين
عملت صاحب من أثـر دخان ..
وبدأت اشاركه ذكريات و أنين
يشيكلي تنزل من عنيا حاجات
واشكيله ينزل مني بني ادمين
كان زيي عادي زي باقي الجيل
عصبي وفلاتي بس قلبه جميل
بيروح ويجي لاجل اكل العيش
كان طبعه هادي ولسه بيعافر *
فمتزعلوش وتقولوا مات كافر
ومتخلعوش لحم الايدين من الضُفر
متصدقوش فتوي اللي قالوا جبان
ومتخلطوش بين الذنوب والكفر !
..
- لنفسي -

بصتله وقلت بتضحك ليه ..
وعنيك دي عارفها وعارفاني !
قالي التفاصيل لسه معايا ؛
من يومها وهي ملازماني
و كلامنا قلب لهزار و حنين
وحكالي حاجات عن ناس ماشيين
صاحبي اللي عاشرته ل ست سنين
اتحول فجأه لشئ تاني
بص لي وقال بس يا سيدي !
طول عمري باحس بقيمة الشئ ؛
أول ما بيخرج من إيدي .
بصيتله وقلت خلاص فكك
بكره الايام تديك خيرها
قالي بنبره كلها حواديت :
مين يملي فراغ الروح غيرها
سيبني لوحدي اصلك معذور
لا عليا ملام ولا بيا كسوف
بكره الايام تتعاد وتدور ..
واللي بيسمع غير اللي يشوف
..
- للكورنيش -

بعد الوداع بيومين راح المكان نفسه
بحسرته م الفراق وب خوفه من بكره
غمض عيونه وضحك وقال صحيح دنيا
واللي اتخدع بالكلام هتفوقه الذكري .
بص في مراية الكافيه وقال قصاد نفسه :
ما تنسي يا ابن الناس '
خليني اعيش مرتاح ..
قافل حياتك ليه وسايبلها المفتاح
حياتنا زي البازل متقطعه لاجزاء
مفيش ميعاد الا وجايب في ديله فراق
واقف تعيط هنا والدنيا واقفه هناك
عايزها ليه يا عبيط وهي مش عايزاك !!
بتبيع في ايه عشان ايه ..
وتسيب في ايه عشان ايه ..
عايز تكمل ليه مع واحده مش حباك ؟!
ولع سيجارته ومشي علي وشه في الشارع
حط اشتياقه بغضب ؛ مع علبته ال super
كل الحاجات الغلط
معرفش ليه دايماً؛
بتبقي متزامنه مع شهر " اكتوبر "
...
- لها هي -

سبتك عشانك مش عشان نفسي
وتعبت روحي في سبيل راحتك
متعيطيش ميفدش شئ دمعك ؛
ولا عادش راكب كدبي وصراحتك
ما انا كنت جنبك وانتي مش حاسه
كنت الضحيه والغرام ساحتك
ادي المثال اللي انضرب للناس
شوفتي ان موته كان في مصلحتك
ازاي قبل علي نفسه يبقي خيال
وتدوسي روحه الصافيه ببجاحتك
كنتي في خياله غير خيال الناس
كان فوق عنيهم بس كان تحتك
اديني سبتك بس مش عارف
ريّحت نفسي .. ولا ريحتك !!
خدتك في قلبي لفتين كاملين
وفي نن عيني العاشقه فسحتك
نحيت كرامتي وقولت ايه يعني ؛
لو سبت باقي مساحتي في مساحتك
ما نابني منك غير وجع باقي
وعذاب دخلته برجلي وغبائي
وكإني ادم و انتي اخطائي ؛
ملعونه ابوها يا ستي تفاحتك
..
- للأصدقاء -

شكراً لكل الجميل الحلو في الدنيا
امي بصفتها ملاك او باعتبارها حياه
لكل شئ حاول يسعدني يوما ما *
لكل اغنية صاحبتني في التفاصيل
ولكل مزيكا شاركتني في المأساه...

1 December | رسالة من شخص منتحر

أنا جايلك مـ الستقبل

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: مجهول
copyrights © 2017 Mustafa El-Mallawani - all rights reserved

الكلمات 
_____

انا جايلك م المستقبل
اللي انت رايحله معانا
شوفتك فصعبت عليا
والكلمه شرف و امانه
فانا قلت بصفتي بحبك
وبصفتي الدايمه معاك
احكيلك ع اللي بيحصل
واللي وصلتله هناك
العالم مؤمن جداً
بمبادئ هات او خد
بتعيش ازمات متتاليه
و حياتك مش ولابد
وبرغم معارفك
علاقاتك مبتوسعش
وحبيبتك جالها نصيبها
وعيونها مبتدمعش
اللي انت كسبته خسرته
واللي بتحلم به زهدته
طول عمر الدنيا بتاخد
وتفرق متجمعش
الخاين سهمه بيعلي
والطيب مبيوزنش
الدنيا هناك متسرش
والحاصل ميطمنش
وصحابك اللي اتجوز
واللي اتغير او سافر
يوسفني اقولك انك
حالك يصعب ع الكافر
شوفتك طيب وفي حالك
قولت اسأل وارمي سلام
انا عارف انك خايف
لكن مش وقت كلام
انا جايلك م المستقبل
وهاقولك كلمه وراجع
لو تعرف تهرب
اهرب ..
الدنيا سواد قدام !

1 December | آلة الزمن

قال الشهيد

البوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
موسيقى: صابر كوله
copyrights © 2017 Mustafa El-Mallawani - all rights reserved

الكلمات 
_____

إهداء ..
- لكل اللي مات عشان نعيش احنا -

قتلونا يا الله والدوله لم تهتم .
الدم كله حرام يا بياعين الدم ! "
- اخر ما قاله شاب في التلاتين
قبل البارود ما يقطعه جزايل
الدنيا زايله .. والنعيم زايل
وبكره هاخد حقي ساعة العرض
شال العساكر جسمه من ع الارض
وحطوا اسمه في خانة القتلي
خرج الوزير من تاني ع الشاشه
وبدأ يعزي الأمه في الاحداث
اللبس اغلي من اللي لابسينه ..
والدم ارخص حاجه عند الناس
..
قال الشهيد في الجنه عصر اليوم
الدم اعظم من الصلاه والصوم ..
وقال بحرقه الدين مالوش دعوة
ودين محمد نفس دين عيسي ..
بيقتّلونا يارب في الصلوات
ولا راعوا حرمة دم و كنيسه
بص الشهيد لزميله فجاه وقال
الجنه صعبه علي اللي زيينا
كان ذنبي فعلاً اني عشت وحيد
طيب وموتي ذنب مين فينا !
..
-اخر ما قاله شاب في التلاتين
قبل النيابه ما تقفل التحقيق
الدين برئ وعيسي نفسه برئ
و روحي لسه متبته في جسمي
مش فارقه شكلي ولوني او اسمي
او حتي ديني الرسمي في بطاقتي
شايل بلاوي وهم فوق طاقتي ..
ومعادش فارق علمي من جهلي
هموت وسايب ربنا لاهلي ..
ودمي لازم بكره يبقي بحق
كان سامعه واحد قاله متأكد !
بص في عيونه .
و قاله طبعا لأ .

1 December | قال الشهيد

وصية

ألبوم: "1 ديسمبر"
كلمات: مصطفى عبدالرحمن
هندسة صوتية: Mustafa El-Mallawani
كمانجا: من يتوصل لاسم صاحبها برجاء اعلامنا - الفيديو https://goo.gl/cyMHD5
copyrights © 2017 Mustafa El-Mallawani - all rights reserved

الكلمات 
_____

1 December | وصية

الشاعر مصطفى عبدالرحمن ومصطفى الملّواني في هندسة الصوت يقدمان لكم أول البوم شعري موسيقي .. أتمنى يعجبكم <3
اسمع الانترو قبل الالبوم >3
للتواصل مع الشاعر: https://goo.gl/8JPMxL
للتواصل مع مهندس الصوت: https://goo.gl/HiUvJC

copyrights © 2017 Mustafa El-Mallawani - all rights reserved

1 December | Intro

El Joker - Konti l الجوكر - كنتي

كلمات - mastering: مصطفى الملّواني
 
هكون دايما ً  في تفكيرهم ..
في تفكيرهم هكون ذكرى؟
سؤال وفـ بالي .. متحير!
موقفني كتير, هنا اهو..
فيه موس واقف على ايدي
وموت واقف على بابي
فـ هكتب قبل ما يخطي
رسالة صغيرة جدا ً
" لأهلي, حبيبتي واصحابي "
صحابي .. "الحزن والفرحة"
وأهلي .. "الغم والقهرة"
حبيبة .. "حبيبتي يا ناكرة"

هكون ذكرى في تفكيركم
يادوب ولا هكون .. "نكرة" !

هو الانتحار مش صعب - مصطفى الملّواني

ارتجال - مش شعر

مشهد خارج السيما - حنان جمال

كلمات وإلقاء: جمال زغلول
هندسة صوتية: مصطفى الملواني
إنتاج TREND

Popular tracks by Mustafa El-Mallawani