النص دا بالذات بكل حرف اتكتب كان شبهي بالمللي اتمنى يعجبكم واتمنى يكون كويس وافضل فخور بالاحساس دا 

قلقانة عليك زي اليتمى 
اللي استنوا الكسوة في ليلة العيد
وبخاف ل تكون زي الاحلام 
اول م لمسها تطير ل بعيد 
بشتاق لعنيك وسط الايام 
وادعيلك تبقا في يومها سعيد 
وادعي انه تزورني في وقت م انام
واصحى واقوله بالله لتعيد ...

عيد كل الحلو اللي مبيننا 
او اي جميل كان يجمعنا
عيد ذكرى اتمنيتها تزورنا 
ولو في الاحلام ...
عيد كل وعودك من تاني
وامانة عليك
 متكونش مجرد بس كلام
اوعدني  تكون يوما ليا
لو مش دلوقت يكون بعدين 
وانا عادي هعيش مستنية 
ومش هزهق تاني واقولك ليه
واوعدني تكون ضلي ونوري
متكونش الا ف حزني سروري
ونعيش في ليالي الحلمية 
او مع حواديت الشينزالزيه 
واكون الهانم وانت البيه 
والحب اللي مبيننا يعمر 
وولادنا يقولوا bongour mon chire
هنربي الاحلام جواهم 
والخير والحب وكل جميل 
وان سالوا ازاي انا حبيتك ؟ 
فهقول كان ليا تملي يميل 
وان جيت الحق
 انا اكتر واحدة اتمنيتك 
ودعيت الله يصبح بيتي 
في عنوان بيتك 
تشهد سجادتي على دموعي 
والدعوة الثابتة في كل صلاة 
متخيل يومها انا هحكيلهم 
عن اجمل حلم انا بتمناه ؟! 

ولانك مختار تبعدني 
ومعرفش انا عنك غير اخبار ..
قلقانة عليك زي الاطفال 
زي اللي استنوا رجوع النور
من ٦ شهور 
زي الشجعان يوم النكسة 
خارجين لكن بدراع مبتور 
زي الماشين على جمر النار 
على امل الجنة في وقت وصول
قلقانة عليك وواحشني كتير
قلقانة عليك زي الاول 
او يمكن اكتر دون تغيير 
عشقاك من قلبي ووجداني 
ولا زلت بحن ولسه بغيير

مين قال الايام هتنسي 
كل اللي انا عيشته و جه في سنين
تفتكر اليُتمى في يوم ينسوا 
كان ابوهم دايما يعمل ايه ؟! 
وانا اهو بسألك انت بنفسك 
بالذمة نسيتني في ظرف يومين؟
كداب لو قولت انك ناسي 
حفظاك انا قلبك مش قاسي
بتحن إليا وشغلالك 
تفكيرك طبعا دا اساسي 
ولكنك عادتك بتكابر 
وتقول والله ميفرقليش 
وانا غيبت يومين عن اخبارك 
وبقيت قلقانة عليك فمفيش ..

معقول الشوق مش متبادل ؟ 
معقول الحب اصبح ذابل 
معقول بعد اللي انا عيشته معاك
متكونش نصيبي وتتكابر ؟ 
اول م صحيت انا من نومي 
قومت وبصيت على تليفوني
يمكن فيه رسالة وجاية معاك
 ولقيت نظرية عن العشاق 
بتقول لو فجاة هيفتكرك
ف تمام الوقت هتفتكريه 
بيقولوا الارواح تتلاقى 
فمتقنعنيش انك يعني 
مخطرتش على بالك ابدا 
تسال عني ! 
وانا عاوزة سؤالك يحاوطني 
وانا هسال اكتر من بعديه 
واهو كل الحلو اللي زرعته 
تصبح تلاقيه ..
الشوك دا طبيعي مع العلاقات 
بقا هو الورد عشان جرحك 
هتقوم ترميه ؟ 
م طبيعي هتتألم مرة 
وهتفضل برضه تحن إليه
ولهذا التعليل تحديدا 
قلقانة عليك زي المشاوير 
اللي بنمشيها
من  دون م بنعرف 
هنقابل ايه 

لو ناوي تعود علشان شفقة 
او ذكرى م بيننا ومش اكتر 
ف الاحسن ليك انك متجيش 
انا كان في النية انه نكمل 
ولو حتى حلفت مجيبش النيش 
ولكن لو كنت هتستغنى 
وتقولي ابعدي دا انا مش رايدك
ف هدوس على كل اللي حكيته
وان حتى قلقت عليك يوما
فانا عادي الخوف ميموتنيش 
ولكن لو جيت بعد م همشي 
وتقول عودي 
هضحكلك واقولك ابدا 
كان فيه واهو اصبح فجاة مفيش


قلقانة عليك _ ندى ناجي

سمر فاروق

ملناش نصيب

كل القلوب بتحس 
كل القلوب تعانى 
فيه منهم كان بيجرح 
ومنهم كان انانى
الجارح قالى سيبك 
دول يومين ويعدو 
والانانى قالى اعيش 
واجرح زيه بردو
مش عارفين اليوم بيعدى عا المجروح الزاى 
دا يا قلبى بيناهد ويصرخ من جواه
ولما يفكر فى ذكرى سيبها حبيبه اللى كان بيحبه 
يا عينى عليه بيتالم ويصرخ ويقول أ ه
كل الكلام فى الحب اتقال 
وكلامى ليها مبيخلصش 
اقولها بحبك تقولى وانا كمان 
وبعدها ما بتنطقش
لما بسال عنها بقول بتوحشنى 
ولو ردت عليا بتقول ما انت عارفنى 
دا انت تؤم روحى وعلطول انت حاسسنى 
مش محتاجه اتكلم كتير بحب اسمع كلامك يريحنى 
فين الكلام ده لما كنت بحسه فيكى 
دلوقتى مش شايفه حتى مش شايفه فى عنيكى 
بعدتى عنى ليه وكتبتى اسمى فى كشف المجروحين 
وانا كنت وقتها بلف عليكى بلاد واسال فلان وفلان هيا فين
انا ليه بقيت مجروح علشان حبيت بجد ولا علشان قدمت ورد 
ولا علشان اتمنيت فى يوم نكون مع بعض
لو كانت ضريبه المجروح انه يترمى ولا يتحمى من الالام 
من النهارده مش هحب وان قابلت الجارح هقوله سلام 
رجعالى ليه بعد الجرح وفرى اى كلام ممكن تقوليه 
لو كان الجرح سهل انى شيله كنت مديت ايدى فى قلبى وجبته عشان ارميه 
وفرى اى كلام ممكن تقوليه انا مش عايزك تانى 
اتعودت كتير اتعامل مع اكتر من حد كان انانى 
اما انتى امنتلك وحبيتك وفرشتلك قلبى ورد 
لاجل تقعدى وتربعى ونكون علطول مع بعض 
اما انتى جيتى وبيد من حديد جرحتى قلبى اللى شايل قلبك وصاينه زى العرض
وبقولك يا قلبى مش عايز تانى نواح وصراخ
ما كفايه كل اللى وقعت فيهم ما كفايه حسك باخ
عايزك تعرف حاجه مهمه 
ان الحب مبقاش بزمه 
وان الجرح حاجه عاديه 
ممكن تحصل كل شويه 
الطالب فى المدرسه لسه صغير لو غلط فى امتحان قدامه عمر مطول 
اما انت كفايه عليك وجعتنى وكسرتنى وسط اللى حبو ولا كرمتنى 
كل اما جولك كبرت خلاص يا قلبى تقولى واش فهمك عقلى العمر لسه باقى
كل اما اجولك كفايه عليك ابوس رجليك كبرت خلاص تقولى واش فهمك الدهن فى العتاقى
انا قلبى ليه لما ارتوى من حبه فيكى هجرتى ارضه وسيبتيه عطشان 
وانا قلبى ليه لما اتجرح مهجرش ارضك عارفه ليه العشره متهونشى الا عا اللى فارق واللى خان 
عارفه ليه بعدك عنى مش هيطول 
لما تقعى فى مشكله اخوكى نفسه هيقولك نفسى لاول
وقتها هتعرفى انى كنت شايل همومك كنت لامم جروحك 
كنت حافظك م اللى باعك 
كنت صاين حتى ضعفك 
كنت بضعفلك سلف 
لاجل متحسيش بخوفك 
انا عارف بعدك عنى مش هيطول مش هيغيب عن بحر قلبى 
وهترجعى وتستضعفى وتعيطى وتقولى حقى برقابتى 
وانا وقتها همس دموغك اللى غرقت خدودك فى غيبتى 
انا عايزك تعرفى معنى الحنان.. معنى الامان 
هيا الام لما بتضرب ابنها بتكرهه لا لجل يسمع الكلام 
لجل يفهم لجل يعرف لجل يتعلم من صغر سنه الاحترام 
وفرى اى كلام ممكن تقوليه 
لو كنت عاقبتك بالجراح فى اول كلامى
فانا جيت دويت الجرح فى ختامى 
لجل تعرفى انى مش ضعيف
ولا بنطوى ولا بنكسر وان شوفت ضعفى فيكى انا هقتله احساسى عمره ما كان كفيف 
بس عايزك تعرفى انى حبيتك 
واللى حب فى يوم بجد 
استحاله ينسى زكرى عاشها 
يوم مع حد حبه لو كانت لبكره
مش هينسى حتى ثانيه حتى غفله عاشها يوم من غير ما يكون حاسسها 
عرفتى قد ايه قلبى حبك قلبى كان بيخاف عليكى
قلبى شاف المر لجل يحس انه راضيكى 
وكل مادا فى حبه فيكى بتحسسيه  انه مقصر
بتحسسيه انه مش قادر يحتويكى
مين شافك بتبكى مسح الدموع من عنيكى مش قادر يحتويكى  
مين لما حسك بردانه فتح حضنه يدفيكى مش قادر يحتويكى 
مين اللى قال شعر فيكى 
تكلمت عن حبيبتا اعشقها تكلمت عن انسانتا احسها كاحساس الام بطفلتها
مش قادر يحتويكى 
خلى بالك العيب مش فى قلبى العيب دا فيكى

كــل القـلوب بتــحس

Fr3on تامر عاشور فرعون

بعشقك يا حتة مني

من ورشة الفوكال بفرقة ليله عرض الفنية 
الفنان : احمد سعد    
للتواصل والاشتراك فى الورش الفنية 01064452639
البيدج الرسمية للفريق 
www.facebook.com/Lilet.3rd


احمد سعد .. اغار عليكى

اليسا انسي !

اغنيه بستغبي - غناء احمد باتشان من فيلم كرم الكينج

يا_مصر_أنا_تربية_أيديكي إهداء لقواتنا المسلحة وشهداءها الأبطال#
كلمات : أحمد علي موسى
الحان : محمد عبدالمنعم
توزيع : د. أحمد عادل
هندسة صوتية : ياسر أنور

يا مصر أنا تربيت إيديكي - محمد عبدالمنعم

على ايه نبكى علشانه واحنا قادرييين على نسيانه واحنا اقوى من كده ولاجرح يكسر قلبنا على ايه

على ايه نبكى علشانه وقادرييين احنا على نسيانه


أحنا مين بقى ;)
فرقه ليله عرض الفنية تكونت عام 2010 على يد الشاب : فتحى النقيب من خلال مجموعة ورش هدفها ألاساسى انشاء ممثل شامل وكانت الورشة الاولى هدفها تأسيس مجموعة من الممثلين الهواة لأثراء المجال الفنى .. ثم تكونت ورة اعداد الممثل الثانية عام 2010 وكان نتاجها العرض المسرحى ما بنحلمش لمجموعة من الممثلين هم نتاج الورشة وكان العرض اول وقوف رسمى لهم على خشبة المسرح العرض من تأليف الشاب : محمود جمال الحدينى 
حقق العرض نجاح جماهيرى واعلامى وعرض 7مرات على مسارح مختلفة ساقية عبد المنعم الصاوى ,, الهوسابير ,, ثم شارك فى المهرجان العربى ,, ثم مهرجان ميت غمر ,, ثم مهرجان زفتى الفنى . وأشترك مع جمعية رسالة فى يوم اليتيم 
ومن نجاح الورشة الثانية الى الورشة الثالثة وكان نتاجها العرض المسرحى شخابيط مصرية ... وشارك العرض فى مهرجان التذوق الفنى بالاسكندرية وسط حضور جماهيرى كثيف وترشح للمشاركة فى مهرجان الفرسان المسرحى .. ومازالت أحلام ليله عرض فى طريقها لملامسة الواقع

للتواصل : 01064452639

احمد سعد .. اغار عليكى

lilet 3rd

Related tracks