ودليل الحب عمايل..وكلام الحب قليل

والنسمة اتعكر لونها من هم الناس يا خليل والله

النّسمة تعكّر لونها من همِّ النّاس

ودليل الحب عمايل وكلام الحب قليل

الشيخ إمام

آه ملا الكاسات وسقانى ياليل ...نحيل الخصر والقد
آه حياة الروح فى لفظه ياليل ... سبانى لحظه الهندى
آه مُليمى لا تسل عنى ... وخلينى على عهدى
آمان آمان يالالالى

كلمات: عاشور سليمان
ألحان: محمد عثمان
مقام: راست
تاريخ: 1973

ملا الكاسات - الشيخ امام

ان راح منك يا عين 
هيروح من قلبي فين 
ده القلب يحب مرة 
ميحبش مرتين 

وحياة اللي جرالي 
وياه من غير معاد 
لاسهره الليالي 
واحرمه البعاد 

وطفي بناره ناري 
واخلص منه تاري 

ولا يهمك يا عين 
هيروح من قلبي فين 

ده القلب يحب مرة 
مبحبش مرتين 




شادية في سهرة مع صديقاتها تغني (ان راح منك ياعين ..هيروح من قلبي فين )

البلى بم بم - تسجيل نادر من جلسة أصدقاء

مقطع من أغنية: هوشي منه

مات الصديق الوفي
للخضرة في الغابات
مات
بس فات للأمل
فوق الطريق علامات
لو سار عليها العمل
طول الطريق بثبات
تهدي الغريب سكته
وتقرب المسافات

فقدنا قامة من قامات مصر والوطن العربي اليوم
الله يرحم عم أحمد

مات الصديق الوفي - الشيخ إمام. كلمات أحمد فؤاد نجم

يوسف خفاجي المنيلاوي (1850 - 1911 م) هو منشد ومغن مصري.
ولد في عام 1850 م، وقيل 1847 م.
 لقب بالمنيلاوي، نسبة إلى منيل الروضة بالقاهرة. أخذ في بداية عهده الإنشاد عن الشيخ محمد عبد الرحيم الشهير بالمسلوب، ثم أخذ الغناء عن الملحن محمد عثمان. سافر إلى الأستانة سنة 1888 م وغنى للسلطان عبد الحميد فأنعم عليه بالنيشان المجيدي. توفي سنة 1911 م، وقيل سنة 1910 م.
من أشهر أغانيه «جددي يا نفس حظك» و «قبل ما هوى الجمال» و «حامل الهوى تعب» و «فتكات لحظك»، ولعل أشهر أغانيه كانت أغنية «البلبل».

حامل الهوى تعب- الشيخ يوسف المنيلاوي

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

الشيخ إمام - عشانك اركب الصعب

الشيخ امام - موال فى ظل اهداب عيونك ورد خدك قال

يوسف المَنيلاوي- دور 'كادني الهَوى و صبحْت عَليل'

الشيخ امام عيسى - اقبلى يانشوة المشتاق مرة

جلسة شعرية - أحمد فؤاد نجم - مظفر النواب - دمشق 1985

على قد الليل ما يطول - غناء أحمد فؤاد نجم


حـارتنـا في الحـواري علـم ع الصـواري
لو قـال فوقـها الكنـاري.. تتهـز المشربيـة

يا حـوش قدم يا دارنا يا سـاكن حضـن جارنـا
سيدنـا الحسـين تبـارك شــــهيـد الإنسانية
مدد سيدنـا وشهيدنـا يا قايـل ومـــــواعدنـا
يكـون عيـدك  وعيدنا يوم طلعـة شمـس جايـة

يا حـارة جـوا حارة  يا مجمـع السهـارى
من كـل حي حـارة.. في الحضـرة الآدميـة
مـدد أنـس الحبايـب مـدد حاضـر وغايـب
مـدد زيـن الصحايـب يا سـادة يا موجيـه

فيـك العيـدان هزيلـة  شايلـة الحمـول تقيلـة
ولا باليـد حيلـة ولا الأيـام هنيـة
سيـدنا الدرديـر يا بابا مـدد يابو الغلابـة
فـوق الحواري غابـة بتمـص الآدميـة

صبحـك صبايـا صاحيـه هالين من كل ناحية
مـدد يا سيـدي يحيى توعدنـا باللي هـيّ
يا حارتنـا يام شيلـة هـزي الهـلال وهيـلا..
قدامـك يـوم وليلـة ع الفرحـة والعيدية. 



حارتنا (حوش قدم) - الشيخ إمام

يا شارب الكاس + أنا في إنتظارك - الشيخ إمام - El Cheikh Imam - Sheikh Imam

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

الشيخ إمام  _ عطشان يا صبايا

Imam Mohammad Ahmad Eissa or Sheikh Imam (Arabic: إمام محمد أحمد عيسى‎) (July 2, 1918 – June 7, 1995) was a famous Egyptian composer and singer. For most of his life, he formed a duo with the famous Egyptian colloquial poet Ahmed Fouad Negm. Together, they were known for their political songs in favor of the poor and the working classes.

Sheikh Emam Complete Works
A Part Of GramaFoon Project
www.gramafoon.com
Visit Our Other Accounts
@www.soundcloud.com/OumKolthoum

Stay Tuned For More

يا كاتم الحقيقه في الظلام

https://www.facebook.com/mansey1

https://soundcloud.com/mansey-1

https://soundcloud.com/nostalgia-mansey

الشيخ إمام _ عطشان يا صبايا

Mansey II

Recent comments

Mohamed Medhat

Mostafa Elgammal

حسين

︎ ︎ ︎

Related tracks