لما تبص على الأرض من فوق ... هتلاقيها صغيرة أوي
فلما الدنيا تشدك و تبهرك و تزغلل عنيك ... ارجع خطوتين تلاتة لورا علشان تقدر تشوف كل حاجة بحجمها الطبيعي.
تعرف ؟! .. الدنيا مهما وسعت من حوليك ... و مهما سافرت و رحت و جيت ... فبالنسبة للكون الكبير اللي احنا عايشين فيه فأنت عايش في جحر صغير جدااا.
فمتخليش صراعاتك مع ظروفك و مشاكلك تنسيك تحضر نفسك ... علشان يوم متبدأ رحلتك للدنيا الأوسع ... تكون جاهز و مستعد.
لو فضلت متعلق بالدنيا هتدوخك و هتلعب بيك ... هتعمل نفسها حبيبتك ... و هتفضل مرقباك و مستنية الفرصة اللي هتقضي عليك فيها ... و اللي اديتهولك باليمين ... هتاخده منك بالشمال. 
فلو ضحكتلك انهاردة ... مين قالك انها مش هتضحك عليك بكرة ... 
خليك زي النخلة ... عالي !!! ... ومتوطيش على اللقمة اللي الدنيا بترميهالك ... علشان كل اللي عملوا كده قبلك .. معاشوش !!
لأنها طلعت لقمة متغمسة بسم ... و خليك عارف .. مش هتسيبك و هتفضل تطاردك وتجري وراك... 
مش هينقذك منها الا بيت يكون مبني على الصخر!!! 
نضف قلبك من حبها ... و اغسل نفسك بماية الدموع.
الدنيا حفرة كبيرة أوي ... و اللي خلقك و خلقها و بس ... هو الوحيد اللي يقدر ينقذك و يطلعك منها على خير.
دموعك قصاده .. هتفرحك ... سجودك قصاده ... هيحميك. 
شرف كبير أوي ليك .. أن يبقالك اله بيحب يسمع صوتك  ... و بصراحه ... خيابه منك انك متكلمهوش!
أرفع قلبك و ايديك و عنيك لفوق ... و ساعتها بس هتقدر تدوس على كل حاجة تحت.
و لو مش قادر تموت عن العالم علشان تعيشله ... عيشله و أنت تقدر تموت عن العالم!!

مقدمة فيلم 49 شهيدا شيوخ برية شيهيت القاء ماجد القدواني

Mariam Malak