في ناس الواحد مينفعش ينساهم")

كنتي متخيلة هتلاقيه بيدور عليكي و مستنيكي يا سلمى :) 

لو قالي متسافريش مش هسافر

طول عمري بتمني أصحاب زي بتوع فيلم "أحلي الاوقات"، في وقت ما من حياتي كنت محظوظة بعدد أصدقاء كبير وبحبهم الواضح ليا، بعد فترة خسرت ده كله مبقاش حواليا غير اثنين او ثلاثة، هل بعد فترة هخسرهم هما كمان ولا هيفضلوا حواليا وأقولهم اني فيه ناس مينفعش ينساهم

تمنيت انها ما لقت ابوها ممكن صورته الباقيه حتى لو انها ما تتذكر عنه شي افضل بكثير من وجع تخليه عنها مره ثانيه وعدم تمسكه فيها خاصه لما قالت بسافر ما قال لها ابقي كان رده ان الشركه بتديهم مرتب كويس ، مع ان رجعوها للماضي كانت تدور سبب واحد يخليها تبقى بمصر ،، احب هذا الفيلم بشكل عظيم ، التصوير خاصة لما تسوق حنان ترك في احياء مصر والكاميرة تتنقل بين بنيانها ، والموسيقى 🥹🥹🥹 والقصة على انها بسيطه لكن هنا الصعوبه لما تنجح بالبساطه بدون بهرجة بدون مليون ممثل بدون حدث صادم مجلجل ( امها ماتت تحاول تلقى سبب يخليها تبقى بمصر كذا البساطه الجميله 🩷)

الفيلم اللي لازم اعيده مع كل سنه اكثر من ثلاث مرات وما امل ابداً.

مشهدين من الحلقات 29 و 30 من المسلسل

مشهد من مسلسل موجة حارة - السفينة بتغرق

"مشهد من فيلم : "عيون لا تنام-

إسماعيل: أنا معرفش ايه هو الحب .. لكن لو الحب هو انى ابقى مش شايف حد غيرك قدامى .. وانى أبقى عايزك ليا لوحدى .. ومفيش حاجه فى الدنيا ليها قيمه غيرك انتى .. يبقى أكيد انا بحبك !

أحمد زكي_أنا معرفش ايه هو الحب

المشهد الذى أحبه - بيبو و بشير

أخي العزيز صلاح ، انا اسمي فايزة حسن ، كنت في الجامعة وكان فاضلي سنة واتخرج ، لولا انه اتحكم عليا بـ3 سنين قربوا يخلصوا ، عقبالك ،، انا فكرت في طريقة نقدر نشوف بيها بعض من قريب ، اطلب منهم يشغلوك نباطشية عيش ، انت عارف ان سجن النسا مفيهوش فرن ، والعيش بناخده من سجن الرجال ، وانتم كل يوم بتشيلوا العيش لغاية البوابة ، بوابة سجننا ، سجن النساء ، انا هكون في النباطشية الي بتستلم منكم ، بالطريقة دي نتقابل عند البوابة ، بس احنا منعرفش شكل بعض ، سهل انك تعلم نفسك بعلامة ، واعلم نفسي بعلامة ، ولا اقولك بلاش تعلم نفسك بعلامة ولا انا كمان ونشوف اذا كنا هنعرف بعض ولا لا ، لو عرفنا بعض يبقي ارواحنا موافقة بعض ، ولو توهنا عن بعض ، يبقي يا دار ما دخلك شر ، سيبني اعرفك بقلبي ، وتعرفني بقلبك ..
****
بس انا عاتب عليكي ، لية خبيتي عليا انك بالجمال ده .؟!
****
صلاح ، لازم تعرف انا دخلت السجن لية ..
****
صدقيني انا مش عاوز اعرف ، كل الي انا عاوزة دلوقتي ان المسافة الي بينا تصغر ، نفسي اسلم عليكي ، نفسي ألمسك ..
****
وانا نفسي اشوفك من قريب وحاسه اني هلاقي طريقة ان شاء الله
صلاح و فايزه  .

مشهد من فيلم حب في الزنزانة

سيناريو وحوار وسام سليمان، 
قصة وإخراج هالة خليل

فى ناس الواحد مينفعش ينساهم من فيلم احلى الأوقات

وايه المشكلة انك حاولت فى حاجة ومانفعتش
_مش هى دى المشكلة ..المشكلة انى اكتشفت ان كل حاجة عملتها فى حياتى بدافع الخوف سمتها حاجة تانية .. رعبى من التمثيل سميته رسالة التدريس المقدسة ... فشلى فى التعامل مع الدنيا اللى بتتغير نظام .. المشاعر المزيفة اللى بينى وبين مراتى سميتها حب
فشلت فى كل حاجة فى حياتى عشان خايف
_احنا لازم نشيل الخوف ده من جواك عشان يبان الوش التانى الوش الجميل اللى انا شفته نفسى الدنيا كلها تشوفه معايا
_ مش عارف هاتفهمينى ولا لا انا بحبك وخايف عليكى

فشلت فى كل حاجة فى حياتى عشان خايف من فيلم ملك وكتابه

أجمل مشهد في الفيلم
الفيلم ده كان من المفترض ان يكمله وحيد حامد مع بدرخان الا انهم اختلفوا اخد حامد السيناريو بتاعه و عمله مع ناديه الجندى و عملوا فيلم رغبه متوحشه اولى افلام حنان ترك و بالمناسبه بمقارنته بالفيلم ده نلاقيه رديء تقريبا اعاد وحيد حامد نفس القصه في قصة التلات اخوات و عامل محل ادوات صحيه في حى شعبي في فيلم احكى يا شهر زاد لايناس امين و رحاب عرفه و ناهد السباعى و محمد رمضان و كانت من اخراج المره دى يسري نصرالله ,, فكره النساء اللى بلا رجال اتعملت كتير و اتقدمت كتير في السينما المصريه يوسف شاهين مثلا له فيلم اسمه نساء بلا رجال و كان سنة 53 بس يفضل الفيلم ده من اجمل و اغمض جايه من الغموض و اغرب و اصدق الافلام اللى اتعملت عن التيمه دى 
الصفقه شبهة الاستغلال تيجى تصيده يصيدك الخوف من الوحده و الكبت 
السلوك الجنسي لراجل واحد وسط ثلاث نساء مختلفات لوحدهم و ردود افعالهم 



سعاد حسنى في فيلم الراعى و النساء : ليه تمشي من هنا؟؟ ليه تسيبنى؟؟

تحية: شوفتي بقى أنا سمعت بنصيحتك إزاي وبطلت أبقى مغفلة، مش ناسية كلامك يادرية.
طارق بتاع حب وبس مش بتاع جواز، أنتي فاكرة أنه هيتجوزك ياتحية !
طارق عايز حد يصرف عليه وبس.
درية: أنا كنت بقول كده عشان مصلحتك.
تحية: ما أنا عارفة أنه عشان مصلحتي، وعلشان كده أنا فاكرة الكلام كله.
حتى لو بتحبيه ياتحية، وفاكرة أن ربنا خالقك على الأرض دي عشان تحبيه، هو مش هيتغير.
الحب بيغير الرجالة في المسلسلات والأفلام والمسرحيات بس، أنما في الحقيقة؛ في الدنيا اللي إحنا عايشينها دي، الحب مابيغيرش حد.
هو مش هيتغير، أنتي بس اللي هتتغيري، هتقبلي وترضي. تقولي يمكن وجايز، هتقولي جايز بكرة يتغير أو يمكن لما أسيبه هوحشه أو يمكن لما أفضل يتعود ويحب بس بكرة دي بتبقى سنة واتنين وستة وسبعة وبعدين لما بتيجي بقى السنة التامنة ربنا بيوعدك بحد يجي كده ينزل عليكي وينصحك، زيك كده ياحبيبتي.
درية: أنا يمكن بيبان عليا أن أنا شريرة.
تحية: شريرة !
كان نفسي أقولك أنك مش كده، وأحضنك وأبوسك ونقعد نعيط مع بعض، بس أنا وأنتي عارفين كويس.
درية: أنا مش شريرة.
تحية: وأنا مش ملاك، بس عباس شايفني كده، هقوله لأ !
بيقول كده.
درية: تحية...
تحية: طارق فعلًا مش بتاع حب وجواز، أنتي كان عندك حق، كتر خيرك.
ولا سرحان بتاع حب وجواز وإذا كنت أنا ضيعت سبع سنين من عمري، فأنتي ضيعتي عمر فوق العمر.

#أفراح_القبة

الحب - تحية و درية - الحلقة 19

" انا عارف ان الناس بيقولوا عليا راجل غني ومجنون
وبيستغربوا ايه اللي بعمله كل سنه وفي اليوم ده بالذات .. عشان حاسس ان اللي بيني وبينها ، أكبر من انه يتحكي ، لأي حد ..
-
يوم الفرح كان كل شي جاهز ، مفيهوش اي غلطه
أبو العروسه جاي وفي ايده العروسه ، وانا واقف مستني وهما ماشيين ناحيتي
عشان يسلمهالي ..
-
في وسط الناس لقيتها ..
واقفه بالظبط زي ما كنت بشوفها من وانا طفل صغير
بتبصلي وعنيها بتقولي ( شوفني ، أنا موجوده! )
-
وصلي ابو العروسه وادهالي ف ايدي
والمعازيم رموا الورد ..
وشوفتها بتتحرك في وسطهم
مكانتش وهم ..
مكنتش بتخيل ..
كانت حقيقه ، وانا مصدقتهاش ..
حكمت ع نفسي أحب وأعيش مع صوره ..
بس صوره ، عشان مكنتش قد الحقيقه ..

= طيب مدورتش عليها ليه بعد كده واتجوزتها؟
- مكانش ينفع ..
عنيها كانت بتقولي دلوقتي ، خد القرار ، دلوقتي ..
ولو قدرت تتحدى عيون اللي حواليك ..
ساعتها بس أنا هبقى ليك ..
"
- جميل راتب - من نظره عين -

مشهد جميل راتب - من نظرة عين

لما قالولي في المستشفي ان نجوي ماتت .. مكنتش عارف أعمل ايه .. كنت عايز أروحلها البيت عشان تقولي أتصرف ازاي .. فضلت طول الليل رايح جاي رايح جاي لحد الصبح .. لما حطيت الجرنان من تحت الباب كان متهيألي ان نجوي هتشده زي كل مرة .. لما دخلت ولقيت كل حاجة زي ما هي قلت يمكن سافرت .. راحت مشوار .. مانا برضه كان ممكن مشوفهاش كتير .. صحيح كنت هتضايق .. بس كنت هفهم .. بيقولوا لما حد عزيز عليكي يموت .. لازم تقف علي دفنته عشان تصدق .. وأنا بعد ما دفنت شريف ابني مقدرتش أقف علي دفنة نجوي.

سامي العدل - فيلم أحلي الأوقات
قصة وإخراج: هالة خليل
سيناريو وحوار: وسام سليمان

فى ناس الواحد مينفعش ينساهم من فيلم احلى الأوقات

Marina Ghally

Recent comments

سهام 22

سهام 22

لُولُو

sara elawady

Related tracks