والله جــــــــــــــــامده ♥

Rap..

Written by: Marshal Medhat
Music: Free Beat
Vocal: Marshal
Master and mix by: Rando
@2014 Marshal Medhat

Verse 1
بتهددنى بالمراقبة لمجرد قولى الحق عايزنى اقول على كل حاجة امين منطقش لأ واما اعارض ابقى خاين او عميل او اخوان وسيادتك عرشك على دم فى الأخر انا المتهان هدفك تعيشنى جبان عايزنى ابقى مهزوز كمان عايز ميكنش ليا حق ف انى اكون انسان ازاى بتقول دى ديموقراطية وانت دماغك مليناة بالدكتاتورية والسلطوية الانتهازية القمعية اللى ملكش بيها احقية انك تخلى الجثث تحت التراب مرمية لمجرد الدفاع عن فكرة او قضية بتخلى الحر ضحية وملهوش اى دية وبتعاملوا بوحشية وطريقة عصبجية ياحبة بلطجية دى دماغك الارهابية اللى بتصنع همجية واخد على الامر بالطاعة الابدية بدون اى تفكير او وجهة نظر علمية

Chours X1
مستنى حضرة الظابط ابو نسر ودبور عشان يجى يحط فى ايدى الكلبش انا فخور بانى اتكلمت ومسكتش زى الجمهور بس لسه الليسته مكتملتش وانت عليك الدور

Verse 2
خليت الاسعار دمار كل سلعة مولعة نار كنت سبب خراب ديار بتعيش شعبك فى حصار هتكلم هتاخد عيار صحيح الشعب عقله طار م اللى صار واللى دار واقتصادنا فى انهيار وانت ليه لساك جبار واخدها معانا بالحديد والنار فالدم فار وبالاجبار وكل ده علشان تمشى فى الاطار وتدوس على دماغ الثوار ياتكون مصايرهم انتحار ايو انا ضد التيار ايوه معاكس للمسار ببارك لك على الانتصار شعبنا واقف زنهار بيطبل طول النهار حابب نغمة الاستقرار خلاصة الكلام انك دوقتنا المرار احنا مش عايزين سيادتك مش عايزين سم معلقتك ولا عايزين نكون حمل فوق 
دماغ سعادتك ادينى وضحت رسالة وبالكلام سبقتك

Chours X1
مستنى حضرة الظابط ابو نسر ودبور عشان يجى يحط فى ايدى الكلبش انا فخور بانى اتكلمت ومسكتش زى الجمهور بس لسه الليسته مكتملتش وانت عليك الدور

Verse 3
عارف قطع النور علينا اللى ضلم نور عنينا كل حاجة اتخيلتها يا مغفل راحت من ايدينا مانت رحت انتخبتوا مشيت ورا صدقتوا يبقى روح دارى كل نقطة دم على ورقتوا حريمك موجودين بيرقصوا عند اللجان طب روح ارقص معاهم وخليك ديوث جبان 
لا مش احنا عبيد السادة محناش لاحاسين بيادة وانتو بقا طبعا كالعادة ظلمكم فى الشعب عبادة طب ايه فايدة الابادة تسجيل تشغيل اعادة والشريط بيتكرر والشعب لسه بيضرر علطول كده بتروح متدور فتقول ايوه بهرى بحور مين فينا كان يتصور ان الثورة ف يوم تموت انك ترجع زى زمان ومصيرك هو السكوت تبقوا ممنوعين م الكلمة ومكانكم هو البيوت
انا فكرت يوم اعارضه ادينى عديت كل الخطوط 
غضيت عنيك عن غزة منبع رجولة وعزة مغتصبة ومدمرة وفيها كمان مجزرة بس بامر الله وقريب هتكون متحررة 

Chours X1
مستنى حضرة الظابط ابو نسر ودبور عشان يجى يحط فى ايدى الكلبش انا فخور بانى اتكلمت ومسكتش زى الجمهور بس لسه الليسته مكتملتش وانت عليك الدور

عرش الدم _ مارشال مدحت

Written by: Marshal Medhat
Music: Free Beat
Vocals: Marshal . Rando . Gome
Master and mix by: Rando
@2014 Marshal Medhat

Verse1
طالب مصرى مفحوت عندى 17 سنة تعليمى فى مصر فاشل عمرى ما شفت الهنا وسنى الحالى هو تحديد المصير لازم تلغى حياتك تلغى طموحك تقطع شوت كبير تلغى كل الاهتمامت تنسى بقى اى ملذات ابعد نظرك على فات السنة دى بتشوه ذات كل ده بقى علشان ايه ندرس 7 مواد ليه فيهم اللى ملهش لازمة طب ليه المرمطة يابيه ثانوية عامة الخانقة الهامة اللى بتضيع الحقوق تحت باند اى مسمى راسى يملها الشقوق وانى لكاس المر ادوق ذاكرة تتشوه بهدوء عزلة منها مش بفوق انا مش شايف اى ذوق اجتهاد ومذاكرة غير حشو و تلقين وضغط نضفوا المعاملة مش هنتعلم بالشخط على دراية كاملة جدا المنهاج فى لغط احذرو من ثورة طلاب هيكون يومها اكبر سخط

Verse2
ذاكر انجح جيب مجموع ولا تعيش مكسوف موجوع بص قرايبك جايبين كام وانت اللى مكسوف ملدوع غير المرمطة والبصات هتلاقى اوحش نظرات القطط الفطسانة تتطلع يمسكوا كل الغلطاط حتى بقى لو جبت كام تتخرج متعيش تمام لو جبت مجموع متوسط المستقبل بقى اوهام بس ده دايما سؤالى ليه عايزين خوف الاهالى لا مش هستسلم لدولة عايزة ان المرمطة تحلالى هو الذل فى كل حاجة حتى يبقى فى التعليم ماتقوموا ياطلبة اعملوا حاجة غيروا النظام القديم انا انسان عايز اتعلم مش هتخرسنى انا هتكلم ليه عايز الطالب بيبلم ولا لازم الناس تتألم علشان بقى للوضع تسلم فى الاخر تقولى اتكلم بق اتفتح كممتوه فكر وسع ضيقته عقل موجود بوظته حب العلم ضيعته ناقص ايه تانى تعملوه

Verse3
من درس لدرس رايح كانى كلب طايح مليت من النصايح السنة دى مليانة فضايح ولا المدرسين النصابين جمعوا الملايين يامغفلين ده الدرس كمين ادونا على عينا قولنا امين ايه .... تانى مطلوب سنة ... لتكفير الذنوب بتبقى فيها انت المغلوب مش بتذاكر ليه يا دبدوب فى الشبشب والخرطوم فى برده رمى لوم هتعيش بالطول والعرض لحد مجيئ يوم مشئوم عارفه .... يوم الامتحان شفته... واتنكدت كمان مشتعرف معنى الامان سنة عايشها مش انسان منظومة تعليمية ولا دى مافيا ارهابية المنهاج زى الطلق دى بتخرق فيك وفيا نفسى حبى للتعليم يكون بيساوى حب الراب حولتونا بنى ادمين بس عندنا راس كلاب سكتوا كتير وكتير فانا جاى اتكلم عنكوا ادونى بقا تفويض عشان اتكلم بأسمكو 

مارشال مدحت_الثانوية العامية

Written by: Marshal Medhat
Music: Free Beat
Vocal: Marshal
Master and mix by: Rando
@2015 Marshal Medhat

البراءة للجميع (المسرحية)_مارشال مدحت

Lyrics 
Sub-Zero
انا مين فى بلدى ؟ ابويا يبقى مين ؟
طب احلم فيها عادى ولا أفضل مع الصاحين ؟
توعدنى يا باشا انى عمرى فيوم ما اشوف رصاصتك
تبيح الدم المصرى لحد يوم الدين ؟ 
قناعكوا كان شفاف رستموا الخطة بالمسطرة
وعشان ننسى التسريبات ! كان لازم تحصل مجزرة
بس انا مش هنسى وصوتى مش هيوطى
اضرب يا باشا بقلب ادينى طلقة فى الحنجرة
معلونك حاكم ملعون ابوكى دولة
ملعون اعلامك شياطين ع الحق ساكته
ملعون كلابك اللى بتقتل فينا يوم والتانى 
ملعونك شعب ناسى ثورة وراكع للى سرقها
اموت فى بلدى موتت ربى ده مجرد طموح
والحلم الأكبر على طيارة معاها فين ماتروح
ارتاح يا باشا منى مش هتشوفنى فى بلدك تانى
بس هرجع لما احس ان ليا ضهر واعيش مبسوط 
________________________
ترابك مروى فى شهر بدم اكتر من 100 شهيد
غاب القصاص يا بلدى فـ دم المصرى اصبح رخيص
ملناش تمن جواكى وبراكى اعتبرونا عبيد
المصرى بيدبح مصرى وهو ده العهد الجديد
____________________________
Lyrics
Zogas
دولة ملعونه . طلعتوا دين ابونا
ليه تخلونا نعيش على المعونه موتونا وريحونا
من اللى بيحصل ارحمونا
طريق مرواح اخواتنا فين سهل ليكوا طب ودونا
اضرب خرطوش فى وقت الصعب سقط خمسة ستة
علشان ايه قتلت علشان ايه ضربت مين انت تبقى ؟
الملك مات اقف حداد المصرى مات ساكتين لحد امتى
يسقط النسر من وسط العلم اكبرها رتبه فى بلدى وسخة
 ولسه ياما هنشوف
حكومة بلدى كل يوم بتقتل بالألووف
الثورة ضاعت من ايدينا والقلوب مليانة بالخوف
بيكتبلى عندى ربى اكون شهيد معروف
حضرلى الحبس افندم بعد ازنك لو سمحت
بدم المصرى ارسم دبورة اترقى تكون انجزت
انزل اعترض ميت .. اشجع بلدى ميت 
اكون او لا اكون فى بلدى انا اتسجنت
________________________
ترابك مروى فى شهر بدم اكتر من 100 شهيد
غاب القصاص يا بلدى فـ دم المصرى اصبح رخيص
ملناش تمن جواكى وبراكى اعتبرونا عبيد
المصرى بيدبح مصرى وهو ده العهد الجديد


Devils Music ( غاب القصاص )

Verse 1

شاب كله طموح خلص دراسته واصبح عاطل
كان بينحت فى الصخر بدون يأس ومع دنيته بيقاتل
فى اى شغلة جاى منه همه يجمع قرشنات
عشان يقولوا ملوى هدومه مش قاعد زى البنات
من شغلة لشغلة بيتنقل يوم شغل و عشرة مفيش
صرخ وقال معيش واسطة عشان كده مبيقبلونيش
كان ده سبب كبير فى دخوله موجة اكتئاب
شهرين قاعد فى الاوضة لوحده قافل على نفسه الباب
اقتنع انه لازم يخرج م الحالة اللى فيها
اتعرف على واحدة حبته عشق تراب رجليها
وبعد حب طويل قرر يروح يتقدملها
قعد بكل صراحة يحكى ظروفه قدام اهلها
ابوها قاله انا اسف انا مقدرش اجوزهالك
ربنا يكرمك بالاحسن بنتى مش مكتوبالك
الشاب حس بضعفه وحس فى نفسه بقلة حيلة
رجع ع الاوضة وقفل الباب خيبت الامل تقيلة
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه
Verse 2
سيطرة اليأس على عقله بتزيد اكتر واكتر
عايز حاجة تنسيه مش عايز فى الهموم يفكر
قرر يتعاطى والحكاية بدأت بسطر عجبه الامر
ضحكته عليت داس على الاحزان بقطر
مبيدخلش اوفر دوس مهما تزيد عليه الجرعة
كان احسن واحد فيهم يسنف السطور بسرعة
حب المخدر والمخدر اتمكن من عقله
اى حلم فى دماغه وهو مش واعى بيتحققله
اتجر لكل معصية انت ممكن تتخيلها
يزنى يسرق كل حاجة يعرفها عن الضمير قتلها
وفجأة يهديه ربه فيقرر انه ينسحب
فحس ان بعده عن المخدر خلاه كسب
لكنك لاوم تفتكر نفسنا امارة بالسوء
شيطانه سيطر عليه فمنع نفسه انها تتوب
قرر انه يهرب من المصحة ويرجع يضرب
السطر ده بداية نهايته خلاص حياته بتخرب
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه
Verse 3
من بعد الضربة راح البيت عشان يجيب مصارى
دخل صرخ فى وش اهله ساعتها مكانش واعى
فلحظة وهو متخدر قتل امه وابوه واخواته
مكانش شايف قدامه عايز يضرب ويعيش حياته
رجع ع البيت بعد لما افتكر ايه اللى حصل
لاقاهم ميتين بجد ساعتها ضهره اتقطم
وجه دلوقتى دور ربك المنتقم الجبار
بيحفر الطريق لنفسه عشان يروح النار
م الصدمة مستحملش شد حبل على رقبته
حكمة ربك يموت منتحر قرر يشنق نفسه
فى جنازته اتشال فى نعش على اكتاف متعرفهوش
باقى اهله اتبروا من علشان بيه ميتعايروش
فى القبر بيتعذب وبيتندم على كل ثانية
ضيعها فى الحياة وكان ناسى ان الدنيا فانية
بينتظر وقفته قدام اللى خالقه من الطين
تشهد ايديه على افعاله لما شم الهروين
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه

تحت تأثير المخدر _ مارشال مدحت

Prod By ( POLO & V-NOM )
Sample by Adele ( Skyfall & Hello )
MIX & MASTER : POLO
أجزاء من تراكات
يوم و ليله
هنساك
هنساك2

POLO | ليالى

follow https://www.facebook.com/bebo.crazy.booy 

على الشاعر • صورتك ثابته 2016

كل كلمه فى التراك ده حقيقيه شكراا ليكواا ^^


تقدر تتابعني من هناا
الفيس ..
https://www.facebook.com/mohamed.doda.319
البيدج ..
https://www.facebook.com/DoArkadiaRap/
........
Like & Share ;)
Much Love & Respect ♥ ♥

DO ARKADIA (كتاب)

Shadow Elmasry Ft Katamata EL Tnen 
الجيهه

تــكـــرم لاجــل حــورمــه Prod By : Dysphemic

بنواجه الفشل بإيمان ، واليأس بعزيمة
مادام مبطلناش نحاول ماسمهاش هزيمة
مش ندمانين على حاجه ، وده عشان اتعلمنا حاجه
مفيش حاجه ببلاش ، والدنيا مش ماشيه بمزاجك

قادرين نحس بدفا الشمس من ورا الغيوم
قادرين نحس كتافنا بتقوى من شيل الهموم
بنشوف الميزة الواحده رغم كل عيوب الصورة
قادرين نحمل ع العضمه اللي لسه مش مكسورة

وعشان بشر ساعات تضيق .. نقول شكلها إتسدت
تقع كام طوبه واحنا مجهدين .. نقول إتهدت
ويدور جوانا صراع "هنقدر ولا مش هنقدر؟"
نسيب نفسنا نلاقى أصوات الإحباط بتكتر

نفتكر أول حب ، وأد ايه اتمسكنا بيه
والوقت اللي ضاع في وهم إن الحياه انتهت بعديه
نضحك على أد ايه احنا كنا صغيرين وقتها
أد ايه الحياه كانت سهله ، وبرضه قلنا مش قدها

عاندي فينا أكتر ... لسه فينا حيل نعاندك
تيجي فينا ايه يا دنيا ... ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

عاندي فينا أكتر ... لسه فينا حيل نعاندك
تيجي فينا ايه يا دنيا ... ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

ساعات عشان نرتاح بنشاور ع الأسوأ مننا
لما كل ده يتعدل .. نبقى نعدل من نفسنا
جوانا نص نفسه يريح .. نص نفسه يكمل
نص قادر يواجه .. نص مش عارف يتحمل

نص عايز يفضل يقوى لحد ما يوصل للي عازه
ونص عايز الدنيا تتفصله على مقاسه
نضعف منستسلمش ... نميل مننحنيش
تشوفنا محبطين .. تقول انتهوا .. مننتهيش

حالفين يطرح طموحنا .. حتى لو مكانش الموسم
من كل المحدوفين في بير .. لا يذكر الا يوسف
أكبر م الرضا بقليل بسبب خوف ورعب
عمرنا ما نخاف لمنلاقيش فنرضى ناكل طعم

جواك مقومات الفوز .. لكن محتاج تآمن
إن وجودك -في حد ذاته- دليل على إنك قادر
ربك ، الطبيعة ، أو اللي مؤمن بيه عامة
مأوجدكش صدفة ... والعالم دليل ومثل

عاندي فينا أكتر ... لسه فينا حيل نعاندك
تيجي فينا ايه يا دنيا ... ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

Shahid4U.TV

El - Joker.Adreen

Khofash - Btfarag - خفاش - بتفرج

بينولاا | ليل جو  Old Track

شبهك_  ARAB FT MAGHAWRY|Shabhhk

"Follow me on..🖤"
youtube: https://www.youtube.com/amirmostafa
Facebook: https://www.facebook.com/Maro.satan1
instagram: https://www.instagram.com/marosatan

امير مصطفى - طوفى | Amir mostafa - Tofi

كنت فى الاول بغنى عادى بس صوتى مش حلو وابتديت اكتب وانا عندى 15 سنة فالناس شجعتنى فقررت اغنى راب لانه مش محتاج صوت هو اكبر احتياجه للكلمات وانا بصراحة عندى هدف انى أسيب اثر للناس بكلمات كويسة من غير تعقيد ولا لف و دوران لان مهمتى انا واللى زى تبسيط المعلومة ومش بفكر انى ادس لانه ملوش لازمة المواضيع ومناقشة الاحداث هى اهم حاجة بالنسبالى وطبعا ده ميمنعش انى ممكن اعمل تراكات فخر وهجاء ويارب اى كلام اقولوا يعود عليكوا بفايدة حتى لو بسيطة
#مارشال #مدحت #ارسطو_الراب

عرش الدم _ مارشال مدحت

Marshal Medhat

Recent comments

Eman

Mahmoud

Fatma samir

Mahmoud Salah Sipes

Related tracks