Verse 1 , 2 : Marshal Casper
Verse 3 : Mahmoud Maystro
SE : ARdevil Studio

Lyrics : 
احنا الجيل اللي اتهرس بدري ، ثورة وخلع وحكم وفتنة
احنا اللي كبرنا علي الغلط واللي شال الهم احنا
علموناا انها ام الدنياا وان اهلها مكرمين
وحضارة واثار وتاريخ ومحبة ، هه امال احنا عايشين فين
انتقاد علي طريقة لبسي ، بلاش تعملي وبلاش تمشي
انا اكتر بنت علي كوكب الارض مظلومة جدا فـ حقي
مش من حقي اني احب ، مش من حقي اني اتكلم
يتحكموا فيا بحبل و x والمفروض اكتم وابلم
اتجوز علي ذوق اهلي ومن صغري اتحمل مسئولية بيت
وغسيل وطبيخ واكل وشرب لحد ما جبت اخري واتشليت
فياريت ، كانوا حسوا بيا وباللي بحسه
كانوا يفكروا يقفوا فـ صفي ويجوزوني للي بحبه
والتحرش والبلطجة مبقتش قادرة اأمن حاالي
ام الدنياا فـ الوساخة دا تعريفها بالنسبآلي
ورغم دا كله لسه بتعاتب وبيترمي علياا العيب وبتهان
دا رأي البنت فـ مجتمعناا اللي مش هامم اي انسان
-----------------
واناا اللي قولت عشان بيتي يعمر .. لازم حال البلد ينصلح
نزلت هتفت بصوتي يمكن صوتي يتسمع
حبسوني .. قولت ليه قاموا بالخرطوش ضربوني
بقيت هرباان .. عايش هربان من سجن وانا حر
بتمشي ف الشوارع .. خايف من نظرات الكل
عايش ف وسط بشر معرفش فيهم غير قرايبي
هتنزل بكرة امتي !! طب خلاص تماام يا صاحبي
واهوو ضاع مني شبابي .. فـ خمرة وكاس ومومس وسجارة
تفتكر ف اخر اليووم .. هتفيد بايه كلمة يا خسارة
عارف كام مرة قولت هبطل ؟ بعدد كل سجارة شربتهاا
بعدهاا حوالي بـ ساعتين .. رجعت عبد عند رجلهاا
كملت حياتي فـ بلد عيشتي فيهاا خسارة x خسارة
عايم فـ وسط بحر .. زي سمكة مستنية سنارة
فاا تعبت .. قولت افضفض ف القلم واغني
لما شكيت همي بحبر .. السطر بصلي وشتمني
طب ليه !! مين اللي عمل فيك كدا
انت يابني لسه بتحس .. مكانك مش هناا
هنا بياكلو ف لحم الحي .. ميفرقش ميت ولا عايش
والسطر غرقان ف مية رغم اني فـ دمعي حاايش
امي بصتلي .. يابني قوم ذاكر علشان تنجح
اناا منفعتش ف تعليمي فا بتعب يمكن انت تفلح
بس اناا تعبت .. جبت اخري م الدنياا
راب وتعليم وشغل طب اجرب حاجة تانية !!
خلاص مفيش حاجة نافعة الجأ للحرام وانتحر 
شوفت ازاي انسان عايش بس من جوا بيحتضر !!
-----------------
يا جيل قليل الخبرة يا جيل خايف من بكرة
ياجيل اتخدع فـ حياته ضحكت عليه الدنياا
سبكي مهرجانات قعدو نت مخدرات
ضيعتوا منكوا شبابكوا في سبيل التفاهات
خناقات وسب دين فين التربية يا محترمين
تحرش وجواز عرفي والناس كلها شاهدين
البنت واخدة راحتها الواد ماشي يعاكسها
يهبوا النفسين في دماغه يقوم بايده لامسها
وده كله بسبب ضعفه ويابنتي ضيقة لبسك
خاف يابني علي عرضك وانتي صوني جسمك
لسه صغيرة علي الحب والنصيب لسه مجاش
خليك قد كلامك بالكدب متوعدهاش
يابنت ويابني من واحد فاتي خدوها نصيحة
سيبك يابني من السجارة كمل وشق طريق
وانتي يابنتي لبسك عمره يايبقي شاشة عرض
اعملوا خير ف حياتكوا ينفعكوا تحت الارض

الجيل الجديد - The Next Generation

WhatsApp : 01113965052
Facebook Account : https://m.facebook.com/KAZZPARXV
Instagram : http://www.Instagram.com/Kazzparxv
YOUTUBE : youtube.com/@kazzparxv