
جب بھی چاہیں اِک نئی صورت بنا لیتے ہیں لوگ
ایک چہرے پر کئی چہرے سجا لیتے ہیں لوگ

مل بھی لیتے ہیں گلے سے اپنے مطلب کیلئے
آ پڑے مشکل تو نظر یں بھی چُرا لیتے ہیں لوگ

خود فریبی کی انھیں عادت سی شاید پڑ گئی
ہر نئے رہزن کو سینے سے لگا لیتے ہیں لوگ

ہے بجا اِن کی شکایت لیکن اس کا کیا علاج
بجلیاں خود اپنے گلشن پر گرا لیتے ہیں لوگ

ہو خوشی بھی ان کو حاصل یہ ضروری تو نہیں
غم چھپانے کیلئے بھی مسکرا لیتے ہیں لوگ

اس قدر نفرت ہے ان کو تیرگی کے نام سے
روزِ روشن میں بھی اب شمعیں جلا لیتے ہیں لوگ

یہ بھی دیکھا ہے کہ جب آجائے غیرت کا مقام
اپنی سولی اپنے کاندھے پر اُٹھا لیتے ہیں لوگ

روشنی ہے ان کا ایماں، روک مت ان کو‘‘ قتیل’’
دل جلاتے ہیں یہ اپنا ،تیرا کیا لیتے ہیں لوگ

Jab bhi chahen ek nayi soorat bana lete hain log,
Aik chehre par kayi chehre saja lete hain log

Mil bhi lete hain gale se apne matlab ke liye,
aa pade mushkil toh nazarein bhi chura lete hain log

Khud Faraibi Ki inhain Aadat si shayad Par Gayi
Har Naye Rah Zan Ko Seenay Say Laga laitay Hain Log

Hai baja inki shikayat lekin iska kya ilaaj,
bijliyan khud apne gulshan par gira lete hain log

Ho khushi bhi inko haasil ye zaroori toh nahin,
ghum chhupane ke liye bhi muskura lete hain log

Is qadar nafrat hay unko tairgi k naam say
Roz-e-roshan main bhi ab shammain jala laitay hain log

Ye bhi dekha hai k jab aa jaye ghairat ka muqaam,
apni sooli apne kaandhe par utha lete hain log

Roshni hay in ka imaan rok mat inko qateel
Dil jalatay hain yeh apna, tera kaya laitay hain log


جب بھی چاہیں اِک نئی صورت بنا لیتے ہیں لوگ - قتیل شفائی - مہدی حسن

Marwa Zia