عرفك حساس فا خلاص هرديك ✨

raaaaap

سايكو - مروان موسى

Marwan Moussa - Maba2tsh Bahtm [Orignal Version] _ مروان موسي - مبقتش بهتم [النسخة الاصلية]

Blackout prod. malloy

​تاخد بعضك بقا وتنزل وسط البلد
وتشوفلك قطع غيار، لاحسن الفلو الاصلي إتنى
هاتيلي الدنيس ع التلفزيون، الشوط خلاص ابتدى
لقت لؤلؤة وهي بتفصص لي السمك

بطني اتقلبت
اصلي همجي
وما لقتش شخص انتمي ليه
دايما في الشغل معرفتش اربي شنبي
يا معلم ...ما تلزمنيش انا الملزمة دي
مُزتي كايداهم بس ماسميش حنفي

رمانة الميزان،
اتقفلت منكم بأمارة البيبان
فَهمت ميسي بالارچنتيني اسمع يا زميلي
يخلص الموسم، تيجي عالاسماعيلي

لو انا كنت قاضي كان اسمي هايبقى عادل
صاحبك بجد اللي ما يسيبكش تذاكر
باشيل مواد.. فا جسمي هيبقى فاجر
اشتريت سعادتي بس جات لي شامل الضريبة

ذاكر تبقى جامد في الوظيفة
بسمع كل حاجة لإن وداني على الخريطة
موش هزارك اللي هيحسن لي مودي
الحمقة اللي جوايا أيوة جاية من جدودي

فما تقعدش بقى تحلل
رجعني على الهوا يلا، العطل دا مش فني
لو انت رابر، آخرة شقاوتك الضرب
أنا احسن حاجة للمزيكة في مصر بعد كوكب الشرق

_____________________
خليك ورا الجواسيس
هافضل ورا الكواليس
مش باحكـّي في حواديت
بس باخرج كوابيس
_____________________

استيقظ للحديث
وائل روني جابلي جزمة nike من باريس
واكمني ملك فباحب أسيط الانجليز
ففي فرحه نقطته بماية التكيف

بيس
ماشي الحال، بكرة يمكن يجري
كرامتي ما تسمحش لحد يمتلكني
في المطعم لقيت المتر منتبه لي
يمكن عشان باسرح شعر باطي بمشط رجلي

لو اتحكى لك عني يابني صعب تصدق
عيني شقرة، شعري ازرق
مش مخالب وحش، دي مخالب قطتي
hello kitty من دلوقتي إنت اسمك

قال لي: اسمي Bond، چايمس-بوند
قلت له: و انا اسمي وان، مر-وان
البت تبات عندي في تبت والاكس إل في السكة
ما تسيبيهوش يا بت، قوليله بت لما تبتك

انا الترزي... وريني عرض كتافك
عايز شفافية قوم اكسر لك ازازك
مارو ابو تريكة عنده سينس في الملاعب
مارو كبير العيلة ما تتكلمش وانت قاعد

قلت لك هحاسبِك لو لقيت عندك سجاير
ومين فودافون دا اللي بيبعتلك رسايل
مافيش ثقة، فاتجهت على الجديد
صاحبتي دلوقتي اسمها امل وحيد

_____________________
خليك ورا الجواسيس
هافضل ورا الكواليس
مش باحكّي في حواديت
بس باخرج كوابيس
_____________________

رحت البنك طلبت قرض بربع مليون جنيه
مدير الفرع قال لي: عايزة في إيه؟ يوه يا حسين...
بص أنا باعتبرك زي أخ، فهاقول لك ليه
هاكل كبيبة يوم الاتنين مع البت اللي في اعلان ole

هي الوساخة المزمنة دايما في لسانكو ليه؟
يا مان too late
لو احنا بجد اصحاب طب دفنته فين
دكتوري رشحلي diet قاللي بلاش saute
كثر زيت يا حسين، الجزر يا ابني سلقته ليه؟؟

حبست نَفسك، ستايلك مش مناسب سنك
نصاية والاسمنت هيبقى ناشف على جلدك
عندك القُدرة تقول كلمة آسف ولا بتندم؟
احساس الاعتذار زي شيل السنان بالبنسة

عملت معاه الجلاشة، خلاص دلوقتي هدي
كان شايف نفسه، لحد ما شاف نفسه في جزمتي
بيبي قالت لي ارجع بدري من السفر بليز
مافيش بني ادم شافني وما افتكرنيش

في الحضانة قالوا لي: شيل السيجار مضايق العيال
ما سمعتش لاني تايه في الخيال
كنت سرحان انني بايت في الجبال
وسايق الفيراري، وجنبي سلمى هايك، شايف الجمال؟

متضايق وانت مالك؟
لأة بجد طلعت هايل في الندالة
لو رابر متشرد هاعطف عليه وادخله البيت 
فيه غيره عندي كثير بايت في ثلاجة

marwan moussa - kawalees (prod. marwan moussa) أغنية "كواليس" لمروان موسى

Cover Art: Shahd Tarek (Instagram: @shahd_t9)

-Abbasquiat

صباح الخير دا مش راديو الإذاعة 
أنا المستر الجديد ومش بارجو الاستماع 
أدي الدرس في السريع واكت في تلت ساعة 
السرعة تغلب القوة والحكمة تغلب الشجاعة

مع الأسود علموني أبقى ملك
وفي قعدة الأفاعي علموني أحترس 
صقر في الصخور وقاعد مندمج 
الغابة ليا نادي وأنا عضو مشترك

باتطمن على مخي لقيته رايح راجع 
ضيق واسع، عاقل لاسع، سخن ساقع 
قايم واقع، فرق شاسع 
متناقض، فقلبي أسود فاقع

الغريبة إن دي لحظات التفكير 
أعيد وأزيد في اللقطات والتحليل 
حوار مع النفس زي شخصين مختلفين 
وفي آخر الموضوع يطلعوا الاتنين مستفيدين

مواقفي ثابتة فمش بتهز 
أعيش في أحلامي وماعيش في الوهم 
فاضل لي شرطة، ومش باقطع شحن 
أطلع الماظات تحت الضغط زي الفحم

إبعد عني، يبعد عنك الأذى يا ابني 
جواك معبي زبالة زي المكنسة يا ابني 
الإجابة عندي ما ليش في الفلسفة يا ابني 
في الفكرة بابني جوا دماغي، دي هندسة يا ابني

قلبت الدنيا فبامشي ع السقف 
ورايا مسؤولية فهامشي على السبت 
كلامي سكاكين عشان أقطع الشك 
ورابط ساعتي بالجنزير ما باضيعش وقت

(Hook)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

-Marwan

عارف لما تفضفض فتحس انك بتمثل؟
في الآخر تختار السكوت بقى وتستسهل 
باحكي مع شخص واحد باكون درسته 
مع العلم إنه صعب يحس اللي انا كنت حاسه

هاقول لك ليه فعلاً فيه فرق شاسع بينا 
مخك ما ودّاكش في حتة إن الناس تحترمك 
لو كفاءة ازاي قدرت تقول لي: جبت آخرك؟ 
صاحبك بجد يعلمك تحب نفسك

فبطلت أعاملك حلو، دايماً مستني لي الغلطة 
مش عايز أعرفك، إنت عمر ما تداريني ستارتك 
حبيبك مش مستني كل يوم دليل شطارتك 
و تحسه دايماً معاك، كأن بترميه في الشنطة

دست "ستارت" شفت اخواتي، بوست الأرض 
سبتها بشياكة، شفت البوست وانبهرت 
بتقول: بصوا! أنا انقهرت
من يوميها أنا اتعلمت
زعل الولد مش زي اما تزعل بنت

مخنوق بس أكيد مش هافتح الموضوع 
ديتي في يوم أبقى قاعد جنبك في المتحف ملطوع 
ما بنتحركش، بس باصين لبعض 
عينك بتقول انك أخيراً اقتنعت

لو شلته على راسك مش هايعرق في الطريق
بس لو ما شافش الوسخ مش هايعرف النضيف 
لو شلته على راسك مش هايعرق في الطريق
بس لو ما شافش الوسخ مش هيعرف النضيف

(Hook)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

-Nazim

فوق السحاب فوق السحاب 
ملعون الاكتئاب، طاير وما طايق الفات 
من غير أسباب، هاجرت الارتباك
أمشي كلم عمك انهزام أنا ما عندي أخلاق

فوق السحاب فوق السحاب 
مربوط بكلمات معكوسة من تخيلات 
منكوسة ... بالعظمة وجنونا
لو فكرت في المعلومة وين الفهم في مفهومك؟

وين الفهم في مفهومك، غرورك جرثومة
مرورك بمراحل عاكسة الصورة كإسطورة
رجوعك إلى ساحل الطفولة المسحورة
بعينك وإنت جاهل عن دروبك في الفزورة

ياخي ما أنا عارف وشايف الحاصل بين البابين
طول ما أنا واقف علي خط الفاصل بين الذاتين 
أيوا أنا زائد أنا، يبقى اتنين 
كل اللي اتبنى حيتهد ... وشوف حازرع فين

فوق السحاب
أنسى اللي فات - من تهيؤات قديمة 
سيب المركب خد سفينة 
طافي على السطح وأنا طافي المخ 
دقيقة
أوعى تعدي الخط ياخي النص بالنص
في الميناء 
الغامي عالسطر ياخ نط ونط 
حريقة 
باتمان تحت القهر 
ماسك خط الفقر
"حلو-مر" عند الطلب ياخي صب و صب 
دقيقة .....

سبتها ليكم، سبتها ليكم 
صاحبت النجوم ، ماشي بايت في بيتهم 
سبتها ليكم، سبتها ليكم
صاحبت النجوم، وانتو أعملو العليكم

(Hook X2)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

El Ghaba - ABBASQUIAT X MARWAN MOUSSA X NAZIM(Prod. ABBASQUIAT)الغابة - عباسكيات و مروان موسى و ناظم

maly☔مالي

OBARZ - A7LA TOUR FT.MARWAN PABLO ( PRODUCED BY  PABLO X L5VAV)

اغنية "ميم ميم"
توزيع مروان موسى/produced by marwan moussa


انا مش مسؤل
متجيش بعدين تقول مغرور

شوف الكاريزمة قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا كذا كذا كذا

اصلي اصلي اصلي
ماتادور
ماتادور

ساكت ليه ماتقول….ساكت ليه ماتقول
هاجي نص ساعة وهامشي على طول
والمضيفة عايزة تضيفني ع الانستا
لابس قميص عامل زي الفريسكا

دا مقلم
سعد قال لي يا المعلم 
عملت شقلباظ لقيته مبلم

كباية القهوة باصة ع السحاب
ولقيت دموعكو نازلة بتمسي ع المسحات

مفيش مني اتنين ولا حتى واحد
طلعتها من دماغي لقيتها ساحت
انا لوحدي مش محتاج لحد يساعد
لو بتحبيني اكتبي م.م. على دراعك

لو بتحبيني حطي ايموجي البتنجانة جنب اسمي
ماينفعش تكون قطتي غير لو خربشتني
ماينفعش تزعل مني غير لو خدت اذني
ياسطى انت اتهزيت زي كان البيبسي

لو هتعملها بمساعدة الكل
هاعملها انا لوحدي واكولها
باقولك يا كوتش انت منين؟
لسه هاتشوف في الكرنيه؟

بعمل عليهم كماشة بلاش الكلام لو مش: تحت امر معاليك 
واللي بيستهبل باصطاده بسهولة مستنيله غلطة شغل تلاكيك
اهلا بيهم وبيك انا قاسي
للدرجادي انا فاضي؟ 
هافضب راقد لكو حتى بعد ما شعري يبيض زي وائل ابراشي

العاشرة مساء
حاسب… هنا مسافة
انا عامل جو
فتحس ان هنا سفاجة

لاقت اسمك على الشاشة وقالت فاكس
لو عجباني هتقل مش بحب اعاكس
سايق.. على فايد  
مش عايز حد يتضايق

فقولتلكوا من الاول

اني مش مسؤل
متجيش ذلوقتي تقول مغرور

شوف الكاريزما قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا وكذا 

اصلي اصلي اصلي
متادور
متادور

marwan moussa - meem meem مروان موسى - ميم ميم

الاغنية رقم 4 من اللبوم كوكب الغرب
تقدر تشوف الفيديو من هنا 
https://www.youtube.com/watch?v=rhK7LBquNPY
follow here >> 
https://www.facebook.com/hesham4g 
https://www.instagram.com/heshamraptor

الكلمات تقدر تشوفها هنا
https://genius.com/Hesham-raptor-3ady-ana-fay2-lyrics

Raptor - 3ady ana fay2 | عادي انا فايق ( Prod by Rashed musik )

شبابيك 🏜

(verse1)
اتكعبلت ووقعت
تعبت من اللعب
هربت ورجعت
اكتب لي سعر

للوقت اللي انا مش لاقيه
الوقت اللي انا مش لاقيه

قلوب وبتنط
بتقولي انه حب
ببرودي باصد
أسلوبي بيخض

انتي فاكرة اني هاقدر اسيب
وجودي بدونك مستحيل

سكتك كلها مطبات
باغير رأيي في اللحظات
مش عايز أكمل خلاص

ما تستاهلينيش
ما بتسمعيش
بنقفل وبنفتح وبرضو حنعيش
هنلتّ وهنعيد
خلاص ع الحديد
مين مستفيد؟
محتاج شبابيك

إفتح! مخنوق
بافتح واشوط
لأ، مش مخضوض
كله مردود
كله مردود
ماكانش المفروض
أديكي فرصة كمان
مع الوقت كله هيبان

(المقطع الثاني)
أزرق ع الجلد
حب إلا تلت
عزّلت عزّلت
في الآخر زعلت

ع الوقت اللي انا مش لاقيه
الوقت اللي انا مش لاقيه

من قلبي باصُب، طوّلت في الغُطس
بامنتج واقص، طب ليه ما بتظبطش؟
مالِك م الصبح؟
مش حابب أشك واتعامل بخُبث

هو انتي فعلا فاكراني هاسيب؟
ما استوعبتيش الموقف أكيد
وان انا عنيد
دا مش جديد
غلطانة انك ما ركزتيش ع الطريق، وما لا حظتيش

سكتي كلها مطبات
غيّرتي رأيِك خلال لحظات
مش عايزة تكملي خلاص

ما استاهلكيش
ما باسمعكيش
بنقفل وبنفتح، ولأ مش حنعيش
بنلتّ وبنعيد
مين مستفيد؟ 
محتاجين شبابيك
افتح! مخنوق
نفتح ونشوط
لأ، مش مخضوض
كله مردود
ما كانش المفروض تديني فرصة كمان
مع الوقت كل دا بان

marwan moussa - shababeek مروان موسى - شبابيك

Produced, Mixed and Mastered by Eldab3
Lyrics by Abbasquiat and Eldab3

الكلمات

الضبع:
الدنية صعبة لازم أنشف 
نيتي سودة لازم أنضف
بحول أعدي
ساعات بحس اني مش هعرف

يمكن الفتحة محتاجة تكون أعرض
أقدم من ال إنت تعرفو ده أعرق
سطحي جداً من بعيد شايف أعرك
غاران فالتفاهة مش هساعد لو أعرف 

قلي تاني يمكن مفهمتش أصدق
عايزك في جملة تديني خلاصطك
بسيط لتحت علطول إفتكرتك
بألك سنة أعد تحفر ف أبرك

بتكلم من غير فلاتر
بتعلم من اخطائي الفاتت
موقف وعدى بس أنا فاكر
كله متسجل عندي في الدفاتر

شايل مسؤلية وحاسسها خفيفة 
هقلبها حرب بنهاية عنيفة
هكسب بسهولة انتو عالم كفيفة
هضرب قذيفة ف قذيفة ف قذيفة 

صعب أقع أنا أصلي وجهة
أنا باقيت إنت بتقول لسة هبقة
طب ثانية وحدة
دماغي بتلف والدنيا وقفة

مش هطلع طول ما إنت موجود
عيني عل هدف أدها وأدود
المستقبل بالنسبالي مجهول
بس أنا فاهم اني أخر العنقود

شايل جوايا و بتعامل ببرود 
باصص للسما و الضلمة بتسود
عايش حياتي ف منتهى الغموض
بس أدمكو أنا سور مش عمود

بقالي سنة بقالي فترة
مش عارف أنا مين من الخضة 
الأمل اتبنى و اتكسر
مش هقعد ابني تاني مستخسر

عباسكيات:
عجباني لم بتلبس تشرتي 
قالو خرجتي إمبرح و إتدشملتي 
قضيتي الليلة بتجيبي سرتي
السكوت علامة الرضه و بدعيلك يا رب ترضي 

حياتي حفلة و الافترايه ف قبري 
حابس الوحش ده جوا القفص الصدري
أحلامي كبيرة فالسرير مش مقدي
صاحبتي من الدنمرك وبتسميني مستر قدري

برج إيه قلتلها ايفل 
طب تاكل إيه حاجة خفيفة 
عجباك ف إيه عشان مصيبة
محبكش البوسة و انا ف وسط ماتش FIFA

عايزة تفتح صفحة جديدة بس أنا رميت الكتاب
يا زمان على فين هتودينا نفسها ف اسمها في تركك 

بضيع و مش خايف من التسديد 
عندنا نفس الحلم بس الفرق فالتنفيذ 
فرق فالتنظيم فرق فالتوقيت 
فرق فالتحليل فرق فالطخطيت 

دمي تقيل نومي خفيف 
دي أمشاه وده حديدي زي لميس 
بأدي في باريس زي ما بأدي ف رمسيس 
أنا الزرع البيطلع من طوب الرصيف 

من ساعة ما قلت مش سائل هي علطول بتلغيني 
مبدورش على المشاكل هي علطول بتلقيني 

الضبع:
مش هطلع طول ما إنت موجود
عيني عل هدف أدها وأدود
المستقبل بالنسبالي مجهول
بس أنا فاهم اني أخر العنقود

شايل جوايا و بتعامل ببرود 
باصص للسما و الضلمة بتسود
عايش حياتي ف منتهى الغموض
بس أدمكو أنا سور مش عمود

بقالي سنة بقالي فترة
مش عارف أنا مين من الخضة 
الأمل اتبنى و اتكسر
مش هقعد ابني تاني مستخسر

Eldab3 ft. Abbasquiat - El Far2 Benna الضبع و عباسكيات - الفرق بيننا

Propaganda

Marwan Moussa - Matar (Official Audio) مروان موسى - مطار

تراك شمس نظر من تراكات ألبوم "بروباجاندا" اللي مانزلتش

maly☔مالي

marwan moussa 👑 مروان موسى

Recent comments

𝓨𝓐𝓜𝓔𝓝

wa'ad hamada

Ahmed Reda

Mohamed Samer

Related tracks