سايكو - مروان موسى

توزيع: أبيوسف

ممنوع الاقتراب او التصوير طريق اتجاه واحد ورا والمشي باليل بيكون
خطير انا مش بطير ساعات بشتري ريدبول
سايق ميكروباص لقيت العفاريت ركبو 
ايه يا رجاله علي فين؟ 
قالولي امشي يابني كنا مشينا بدري تلتايه هيفوتنا مطش الاهلي

مروان وبشير مروان وبشير مروان عدى وفات
كابتن سؤال هو في منك معلبات؟ 
وضع الثبات مع اني يوم السبت ببقا مأجز
مأجل شغلي عشان اطلع معاش قبل اما اعجز
قاعد بتعارك مع الهكسوس دا مش كابوس
جاي ادوسهم باللانسر رمسيس سيبني افوت
اشطا ضيعتو الدنيا شويه مش بأيدي
*انتو تعابين البحر بس بالانجليزي *سيس* 
شغلك فيك وبصراحة حاسو صيني
شغلي الماني متقفل في مصر مرسيدس 

تلعب بنش؟
مابيبانش
بيقول مفيش معلبات اشطا طب هاتلي كانز 
علي اخر الزمن انت اللي هتتكلم
يابني قولتلك ابعد عن الزفت هتتزنب
ايام المدرسة مفيش مدرس بيفهمني
غيرك انت يا صلاح يا عاشور حبيبي تسلملي

في رابر اسمعه اقول يا بخته *لأ مفيش* 
طب في البوم نزل يتسمع لاخرو *لأ مفيش* 
حاجه اتشهرت ف المجال دا غير وساخته *لأ مفيش* 
حد جاحد *لأ مفيش* ولا حتا واحد *لأ مفيش*
طب في تراك نزل شدك *لأ مفيش* 
طب تيجي حفله تشوف الواد ده *لأ مجيش*
طب مفيش حد فيهم يتصدق *لأ مفيش* 
حد عدى *لأ مفيش* ولا حتى أدى *لأ مفيش*

بشوي لحم حمير علي لهيب الانفجار 
استغلالي بس بسيب الاختيار 
اشتريت قصر جديد جمب المطار 
معرفتش ادي بقشيش معاك فكه مليار

فاضلي شويه واقفش المجال لنفسي 
فارد نفسي عالسطح واخد تان رسمي
ابيضاني واشقر طويل ورفيع 
عالبيت انت بيض جبتلك بوهيا تتبيض

بعت لابتوبي للقرصان بطلت ابقا بروديوسر 
جبتلك بغبغان.. اعملي بيت يا يوسف 
زي الموس اللي بتحلق بيه 
احلم انك توصل للمستوى حياتي فيلم فا متحرقليش
 
متحزنليش ارجوك 
لبنة بزيت زيت زيتون 
اتجوزت البيت الواد دا مقليش مبروك 
انت مدلوق عالبيت فيرسك مش مظبوط 
انا بتبقا فجر اكتر ليه عشان داخل ببرود
 
مبروم علي مبروم ..ميرولش
لو مدايق هشكك زي القنفد
منتج، ف البيتات كل حاجه حلوه زي جروبي
انزل اركب عربيتك وكمل دغري
 
لحد اقرب حيطه البس فيها وخلص نفسك
تنافسني بس للاسف مزيكتك سكا
 
رونالدينيو انا رونالدينيو
Alien مزيكتي معموله من واحد 
 بترجمله

في رابر اسمعه اقول يا بخته *لأ مفيش* 
طب في البوم نزل يتسمع لاخرو *لأ مفيش* 
حاجه اتشهرت ف المجال دا غير وساخته *لأ مفيش* 
حد جاحد *لأ مفيش* ولا حتا واحد *لأ مفيش*
طب في تراك نزل شدك *لأ مفيش* 
طب تيجي حفله تشوف الواد ده *لأ مجيش*
طب مفيش حد فيهم يتصدق *لأ مفيش* 
حد عدى *لأ مفيش* ولا حتى أدى *لأ مفيش*

شاب حاول يدخل الاستديو قفلت ف وشه الباب 
لو انت كنت مخرج كان اسمك هيبقا محمد خاب
خلي بالك من انيابي
انا قرش بيتلكك تحت الميه بيقول حادي بادي 
بس دلوقتي انا شبعان
صحابي مالصعيد وصحباتي من لبنان
بشوت من بعيد وبجيب ف التسعين يامان اسف
قومت الجماهير عملت داب وقمت كاتت

بشرب بريل وقلت للشباب انها بيره
قلتلهم اني باكل بيتزا ف الحقيقه فطيره
رجعت ف الزمن حطيت ف جوجل خمسه ليره
وانا هناك قابت دونالد ترامب وقولتلو يابني سيبك 

واستكنيص واسمع ام كلثوم
وقلت ابتدي عزف عالانون 
اتغديت وشربت ينسون
حليت بجيلاتي طعم الشطه والليمون 
مسكت الموبايل لقيت رنه من ابو الهول
كلمته وقولتله يا معفن سايبلي missed call
قالي طب انجز عايزين ننزل النهارده
اعتذرت عندي date مع Kim karkashian جنينه مول
 
قاعد قعده كشاك
انا ومايكل بالاك
قاعد بهايبر رحنا هايبر جبت قهوه بلاك 
بسايفر فيديو ابيض واسود لابس 100 لون 
حسام حسن اني اسجل يعني اجيب جون 
عرفنا ان انت مش حقيقي انت كارتون 
محدش بيسمعك بجد انت كول تون 

حاولت اخد منشطات ومنفعتش
 مزيكا تفكرني بايام ما كنت triple h
 *مزيكا تفكرني بايام ما كنت صغير *جامد*
 بنوع بس عمري ما بتغير

في رابر اسمعه اقول يا بخته *لأ مفيش* 
طب في البوم نزل يتسمع لاخرو *لأ مفيش* 
حاجه اتشهرت ف المجال دا غير وساخته *لأ مفيش* 
حد جاحد *لأ مفيش* ولا حتا واحد *لأ مفيش*
طب في تراك نزل شدك *لأ مفيش* 
طب تيجي حفله تشوف الواد ده *لأ مجيش*
طب مفيش حد فيهم يتصدق *لأ مفيش* 
حد عدى *لأ مفيش* ولا حتى أدى *لأ مفيش*

marwan moussa - la2 mafeesh (prod. abyusif) أغنية "لأ مفيش" لمروان موسى

قربت منها سيكا وقلت جُملة شيك
زعلت مني، جبت ثلاث تفاحات من بورسعيد
قلبي ميت، مرحوم ادفنوه
في جنينة الحيمومات حطيت أفيون للاُسود

مش هاقول أمنياتي للجني خلاص ده وعد مني
نفسي بس في ساعة سويسري مصنوعة من معدن هندي
مفصول في أوضة الانتظار واللي جنبي قاعدة  ترغي
بسمع الهضبة وهي بتسمع بوتشيلي

فأخدت حماري ومشيت
أخدت كليوباترا بار ورا البيت
بتقولي أنا عايزة انفصال مش cocktail
طب عليّا الطلاق اتخضيت

كهربت الجو بنظرة ڤولتات؛ عينيّه شاحن
برينس في المزيكا منذ 1901
إيه يا ساحر؟
ريحة الارنب في البورنيطة فاحت
دماغي جابت وش سليندر، الشخصية ساحت

إنسى غيرك
الكذب خيبة
والطول حتى لو بتشب هيبة
قلت لها: دوبي في الهوا ماليش في الكتمة
ليه تقارنيهم بالمستر؟ مافيش معادلة

هاتهم بالحب لو ماجوش بالضرب
كنا هنتصالح بس ما وافقوش عالشرط
إديت لك أصفر رغم ان المفروض كان طرد
انتو حرين، إدوا بعض بالجزمة.. مبروك عالأرض
_____________
ما فيش داعي
أحكي عن كل اللي شاغل البال

ماليش
مش.. مطلوب أكون حقاني 
عشان كل ما أقول الحق بيتحداني

وآديني آهوه
باعلمّ نفسي الكذب ثاني

Verse 2: 
ابتديت اتبسط رجعوني من الأجازة
في المكتب بازهق فبتفرج على روبي في الخباسة
سخنت، قلعت تشيرتي رموني في التلاجة
غرقت، بالغلط وانا باشرب لمون من الازازة

البت بارزة برة الدايرة، زي ال OPEL
اعجبت بيكي وبعد الفحص شايفك موديل
بانجز في شغلي، اسرع من Arjen Robben
وحتى الآن لم أحصل على جايزة نوبل

جات بالصدفة
شفت وردة اقطفها
أظرفها like وأكتب لها: بجد لُقطة

بالنسبة لي الـ crush: ستافد كراست، او شوت ويسكي
كانت طالبة مني شوكولاتة، قلت لها: اتوكسي

المخرج قال لي إيه اللي انت لابسه دا، اللي موش من سنك؟
فحلقت شالابي مع مدحت، بالصدفة شفت منة
يانهار اااااابيض، وقف بينّا، خُش سِنّة
خليته يسيبنا، ركبنا الـ verna وللصبح سهرنا

بُست الاميرة.. طولت لساني...
بقيت ضُفدع، موش هاستخدم tinder ثاني
يا ريتك كنت اخترت كرامتك
ما قدرش يمسك نفسه، كَل الطَرْب في المطبخ

بدلْ بدلة ببطة، عشان سيء في إدارة الصفقة
تعمل نفسك fighter؟ سايبك في الحرب بتتشقلط
مهما تدي نظرة شر في بطاقتك
عمرك يا اسطى ما اتخطيت مرحلة المراهقة
_____________
ما فيش داعي
أحكي عن كل اللي شاغل البال

ماليش
مش.. مطلوب أكون حقاني 
عشان كل ما أقول الحق بيتحداني

وآديني آهوه
باعلّم نفسي الكذب ثاني

Verse 3: 
لوجو باتمان على توكة الحزام
حبيبي سرحان صورتك من زمان
إمضي لي، أنا فان
هاتيلي تعبان
اقليلي بذنجان
إقريلي الفنجان، في تركمانستان

بُقين على سيراميك
لوكيني لما باسبيك
يا ابني كفاية رغي، صدعت والناس اتهرت
وش: فيه وش وضهر، دي كتابة ملك

المشرف قال لي ترفع ايدك، آكلك بسناني
فرفعت صباع ديناميت، نط من الدور الثاني
ولعت فيهم بالاغاني؛ جبهة نار
أيوة مارو نُص ألماني.. ودا استعمار

مازالت محاولات الخصم منخفضة
موش بنختلط، هجهضك زي بنت مرتبطة
إنت صفر باكرهك، بالقسط اوضبك
دايرة اصحابك: هاحطك، في الوسط وانتقدك

جريمة قتل والأداة مش طلقة، دا سيخ 
شكلي كدة هاطلب بقى، مش طالبة طبيخ 
بص، Mac انا معاك او Take away من Tikka
رابر لسة طري زي Pizza و هي بتسخن

انش جه وانشراح، موش مطلوب اي اقتراح
احب اقدم لكم مشروع الجاية جراح:
اخذت قطمة فينو وحطيت نضارتي عالكومودينو 
 الـ verse خلص مفعول الحباية راح 
_________
ما فيش داعي
أحكي عن كل اللي شاغل البال

ماليش
مش.. مطلوب أكون حقاني 
عشان كل ما أقول الحق بيتحداني

وآديني آهوه
باعلّم نفسي الكذب

marwan moussa - el kezb heiba (prod. marwan moussa) أغنية "الكذب هيبة" لمروان موسى

Marwan Moussa

Kiki - Marwan Moussa كيكي - مروان موسى

مصر الجديدة

بحر عالي موجه شديد
شايف الشط من بعيد
مية مالحة في صدري
الفرصة بتهرب مني

بس مافيش يستاهل
4 ميسدات صحيت عليهم ولسه فاكر
لما الشبكة في موبايلي كانت م العناكب 
مش باغرق انا باعوم

لو وقعت بارجع اقوم
مش هسكت انا هاقول 
لا بالف ولا بادور

في عيد ميلادي جالي هدية
()بس اللي جابها مجهول
كلميني بكرا لو عايزة
بس احتمال أكون مشغول

فين فين فين؟

في الشوارع المخيفة
قمت معدي م التفتيش عشان الشنطة كانت خفيفة
ويييييي… 

ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة

نقطنا بسكاتك
الثانية بتفوت وبتروح في الزبالة
ف انا هاسيبها لك
الشُهرة قلابة
والضحكة كذابة
انا باهرب واتدارى

من غير ما أبقى خايف
السرعة بتقل طول ما انا مش سايق
 مش حِمل كماين
جيت م المستقبل وفي إيدي جوايز
وجايز ما ارجعش لو ما فضلتش فايق

انا مصحصح
ليه كل الناس دلوقتي جاية تصاحبك
على راحتك
الحمل اللي انت شايله دا لمصلحتك

ـــــــــــــــــــــــــ
مفيش حد يستاهل الاتنين ميسد كول
اسرار في موبايل اتفتح من غير بين كود

العيب اللي فيّا
مش باجيب غير مية المية

ورجعنا نفس الشارع
كنا فيه من نص ساعة
لسه بيننا نص حالة
مستني الإعادة

العيب اللي فيّا
مش بغيب م المسؤلية

بالاقي نفسي في انفراد
ثواني قبل ما بتتشاط
قوام بيتفك الرباط
واكون ع الأرض

لسه فاكرين ولا نسيتوا؟ 
ما هو دا العيب اللي فيكوا

ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة
ـــــــــــــــــــــــــــــــــــــــ

معلش ما ردتش
كنت بادي درس الفيزيا
ساوند كلاود ستيشن روبابيكيا
جايزة أفضل رابر في افريقيا
مش هتفيدني في بيتس ولا فيتشر

انا متكااااامل… بوجبة
ثانية… في الدفاتر اشوف لك
اوبا!
طلعت جاية معاكو صدفة

سيني سيني سيني سينيمائي… سينيمائي
محتاج اركب عدساتي… على الهادي
دماغي نضيفة في الاغاني… دا اساسييي 
حراق فعلا دا مش كنتاكي … دا وسابي
لسه بتقول لي كاني ماني… وبتهاتي
هبيتك في دواساتي… دي اخلاقي
شايفكوا دايما على شمالي… عبد الشافي
حاسّ اني سايق كواساكي …كواساكي
شوف البلاوي جوة شاتي… دي حياتي
الأغنية دي لولادي… وأجدادي
رجعتي تتدلعي تاني… بتتشاقي
خليكي عندك انا هاجي… في ثواني  

لو مش عارف تسمع الاغنية جرب تشمها
لو مش عارف تبدع جرب تشفها
ايوة رجعنا نتكلم تاني بس دا من الزهق
بنت تافهة بس بتجنني لما بتهزها

اتنين في الدرج وواحدة على اللاب
انا مش انسان انا حيوان  
دوّب المجال في طبق الشوفان
واخد المدام وطالع اليونان

…صعبة
ماشي مع واحدة شاقطها من المعرض
ثانية ثواني مالك مش على بعضك؟
فين المنافسة والله ماعرف

اوكيه! دي لقطة
سوري ماينفعش تشوف المطبخ
اوكيه! دا مقطف
 هانتكلم بعد ما تتثقف

معايا العدة
معايا العدة
مش بنعدك
مش بالكترة
ولا بالشدة
هات الفكرة
وانا هدرسها 

مش هتاكلوا معايا عيش
بتقاوحوا معايا ليه
بلسع زي الزيت
نازل زي السيف

عادي لما زهقت وقمت جايب من الاخر
لما سخنت إتمدت إيدي ع المشاكل
عايزك تبعتي لي الصور بالفلاتر 
واللوكيشن عشان لو عُزنا نتقابل

GPS
فكريني نسيت الاسم
بديكي الاذن
لما توصلي سيبيلي ميزد

آه بانوّع بس عمري ما باتغير
رشيت المية كنت عامل فاير

marwan moussa - masr el gedida - مروان موسى - مصر الجديدة

اغنية "ميم ميم"
توزيع مروان موسى/produced by marwan moussa


انا مش مسؤل
متجيش بعدين تقول مغرور

شوف الكاريزمة قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا كذا كذا كذا

اصلي اصلي اصلي
ماتادور
ماتادور

ساكت ليه ماتقول….ساكت ليه ماتقول
هاجي نص ساعة وهامشي على طول
والمضيفة عايزة تضيفني ع الانستا
لابس قميص عامل زي الفريسكا

دا مقلم
سعد قال لي يا المعلم 
عملت شقلباظ لقيته مبلم

كباية القهوة باصة ع السحاب
ولقيت دموعكو نازلة بتمسي ع المسحات

مفيش مني اتنين ولا حتى واحد
طلعتها من دماغي لقيتها ساحت
انا لوحدي مش محتاج لحد يساعد
لو بتحبيني اكتبي م.م. على دراعك

لو بتحبيني حطي ايموجي البتنجانة جنب اسمي
ماينفعش تكون قطتي غير لو خربشتني
ماينفعش تزعل مني غير لو خدت اذني
ياسطى انت اتهزيت زي كان البيبسي

لو هتعملها بمساعدة الكل
هاعملها انا لوحدي واكولها
باقولك يا كوتش انت منين؟
لسه هاتشوف في الكرنيه؟

بعمل عليهم كماشة بلاش الكلام لو مش: تحت امر معاليك 
واللي بيستهبل باصطاده بسهولة مستنيله غلطة شغل تلاكيك
اهلا بيهم وبيك انا قاسي
للدرجادي انا فاضي؟ 
هافضب راقد لكو حتى بعد ما شعري يبيض زي وائل ابراشي

العاشرة مساء
حاسب… هنا مسافة
انا عامل جو
فتحس ان هنا سفاجة

لاقت اسمك على الشاشة وقالت فاكس
لو عجباني هتقل مش بحب اعاكس
سايق.. على فايد  
مش عايز حد يتضايق

فقولتلكوا من الاول

اني مش مسؤل
متجيش ذلوقتي تقول مغرور

شوف الكاريزما قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا وكذا 

اصلي اصلي اصلي
متادور
متادور

marwan moussa - meem meem مروان موسى - ميم ميم

Shata2er - Marwan Moussa (Official Video) شطائر - 

شطائر_مروان موسى

Propaganda

Marwan Moussa - Matar (Official Audio) مروان موسى - مطار

Abu Hashima - Marwan Mousaa | ابو هشيمه - مروان موسى

matar (remix)(مطار (ريميكس

الكلمات:

(Chours)

جت بسرعة...جت بسرعة...اه
جت بسرعة...جت بسرعة...اه اه
حاجة واحدة في دماغي
نص فرش افغاني
لسه ماشي ع التاني
جت بسرعة ع الهادي
روووح
جات بسرعة ع الهادي *4
روووح
جت بسرعة ع الهادي *4
جت بسرعة...
جت بسرعة ع الهادي

(ابو الانوار)

جت بسرعة امبابي
جوب في ايدي ملاكي
شنطة جوتشي عنابي
قول للـ دوك مش هاجي
لسه عامل العاملة
دوا الكحة في الفانتا
لسه جايلي مستورد كله ينزل التنداه

(مروان موسى)

كله منزل التنداه
سروك احلى بالمانجا
ابو الانوار خليك عندك وانا جاي هديك رنه
*Brrr*
*انت فين*
خط قطع اسانسير
شنطة سودا من ألبير
نديها مايه طول الليل

(ابو الانوار)

خط رجع مود اتظبط
صب تاني يا ابني مش هسقط
كاس وتلج التكيله وملح نضارة شمس سلسلة فضه
عملت هيت ع الراسي
عملت هيد في مراسي
عملت سيند لوكيشن
جت بسرعة ع الهادي 

(Chours)

جت بسرعة *4
اه اه
حاجة واحدة في دماغي
نص فرش افغاني
لسه ماشي ع التاني
جت بسرعة ع الهادي
روووح
جات بسرعة ع الهادي *4
روووح
جت بسرعة ع الهادي *4
جت بسرعة...
جت....جت
جت بسرعة ع الهادي

(ابو الانوار)

جت بسرعة بهدوء
تلت ساعة وتفوق
فودكا روسي مـ السوق
مازة مانجا برقوق
دماغي بره صندوق
انا اوكيه...انت اوكيه...هما اوكيه
مارو ع البار صب شوتين واعزم عليه

(مروان موسى)

صب واكسر وكتر
خلي الشمس تتأخر
عايزك انتي مش اكتر
بكرة مش هنتذكر
قمامير
في كل حته شايف قمامير
احنا ما بنقفش في طوابير
سته الصبح سامع عصافير
ايه.....

(ابو الانوار)

سته الصبح ومكمل
لسه فوق ومش هنزل
رقص وناس هتتجنن
عادي كله متهندل
اخر شوت ونسافر
متسألش مش فاكر
وصلت ال AUX بموبيلي
قومت معلي ع الاخر

(مروان موسى)

جت بسرعة ع السماعات
رصت بيرة جوا التلاجات
شوفت كذا مرة في اعلانات
وفي نفس الحفلة دي من شهر فات
قاعدة حلوه في العالي
ازازة خلصت هات تاني
طلبت غيرها بأشارة
جت بسرعة ع الهادي


(Chours)

جت بسرعة *4
اه اه
حاجة واحدة في دماغي
نص فرش افغاني
لسه ماشي ع التاني
جت بسرعة ع الهادي
روووح
جات بسرعة ع الهادي *4
روووح
جت بسرعة ع الهادي *4
جت بسرعة...
جت....جت
جت بسرعة ع الهادي

marwan moussa - la2 mafeesh (prod. abyusif) أغنية "لأ مفيش" لمروان موسى

marwan moussa 👑 مروان موسى