V1 . abdelrahman gad
وحشانى يا بنت قلبى تعالى
سرحان بفكر فيكى وسط مولد عادى 
وشوش وزحمة صوتك فقلبى عليا غالى
انا واحد ميت لما يشوفك قلبو ينبض تانى
 مش ببالغ بس مفيش كلام يوسف احساسى 
بحبك كلمة تافه ف بحر عيونك بالنسبالى 
موال كبير لما بحلم بيكى يا بنت الناس 
وحيات غلوتك اخاف افتح عينى يخلص لقاءنا 
اكمل ولا فاكرة لما كنتى تنامى على صوتى
غرقان فى عشم فرصة تجمع بنا قبل موتى 
ضحكة مكسورة عيون مكتومة دموع ملياها 
دموع تنزل عشانها عنين تنطق تقول عيزاها 
عاشق غلبان ملوش الوان بديلة عشان يتعالج
مشتاق لحضن يكسر ضلوعك وربك شاهد
والله ادمان محتاجة مصحه عشان انساكى
سمعانى ولا انا عند وعدى و هستناكى
-----------------------------------------------
v2. Nour Youssef 
بفتح عينى للواقع والباقى من سنينك 
بعرف انك حلم مات ونهايته كان حنينك 
ابعدى عنى الذكريات فا بلاش  تقربى 
ده الموج عالى ارجعى بلاش تهربى    
ايوا انا اللى  اخترت ابعد علشان احميكى 
استنى اسمعينى تعبت وانا بناديكى    
بعدى عنكى مموتكيش ده قواكى 
لو فكره الورده دبلت فبستانكى حماكى

انا وانا وانا اللى مات من الانين 
ده الحنين لكلمه منك بتموتنى سنين  
وسنين بتالم وانا لوهمى عايش فى جوفكى
لو كلمة بحبكى ياعنى هتقلل من خوفكى

 احساسى بيموتنى وانا مظلوم 
فابحاول ابعد فيزيد الجرح و  الهموم
احساسى بيشدنى ليكى من تانى
ارجعى لو لسه ياقلبى عايزنى
---------------------------------------
v3 fady mano 
نبض قلبي كان بيدق بيكى و دموعى بتنديكى 
بس خلاص وله انتى ليه وله انا ليكى 
كان نفسي تكونى فى يوم ام عيالى 
و فى عز همومى تكونى راحة بالى 
انا فى حبك انا كنت اوفر دوس 
انسان متعوس على اعز الناس ليه بدوس 
صرخت و قولت مجروح بصوت منبوح 
انسان مدبوح بكرهى ليكى ببوح 
سلام يا زهرة دبلت فى البستان 
قلبي فرحان و اللون الاسود عالفستان 
دمعتى بتسود فى دمى الكحول يفوت 
بدمى اسمك مكتوب و يمحى اسمك الابسليوت 
عالعادى حبك ليه مجرد ذكرة 
و الذكرة تبقا بكرا بالنسبالى مجرد فكرة 
كنتى صورة حطات عليها شريطة سودا موتى 
فتبوت و قبر وللاسف قبرك اوضتى
-----------------------------------------
REC. mix &  mastering | Nour Youssef 
https://www.facebook.com/Nour.jooo
@nour_joo
#Nour_Youssef_Home_studio




قلبى وعقلى - abdelrahman gad FT Nour Youssef FT Fady mano

انا من زمان كنت بحب اسمع راب بس الموضوع كبر فى دماغى من حوالى سنتين او 3 سنوات وبتدات انى اكتب  وابتدات انى اغنى لوحدى وبعد كدا دخلت باند شياطين من طين devils _of_clay_band 
والسبب انى اكمل واحب الموضوع اكتر انى بوصل رسالة وغير كدا انى فى بلد الفن والفنون الاسكندرية بالتحديد من العجمى (عجماوى)بس بعد كدا حبات انى اكمل لوحدى <3 ☺


قلبى وعقلى - abdelrahman gad FT Nour Youssef FT Fady mano

Mano Mc ✪