භාවනාව සම්බන්ධ ගැටලූ යොමුකිරීම
========================
සතිපට්ඨාන භාවනාවට ආධුනිකව පිවිසෙන්නෙක් හෝ ගරුතර ස්වාමින්වහන්සේ පැහැදිලි කරදුන් ආකාරයට සතිපට්ඨාන භාවනාව කලක සිට ප්‍රගුණ කරයි නම් තමා කරන භාවනාව සම්බන්ධව පැන නැගුනු ගැටලු සහගත තත්වයන් medamawatha.lk වෙබ් අඩවියේ "ගැටළු සහ විසදුම්" යොමුවට පිවිස අදාළ ගැටලුව ගරුතර ස්වාමින්වහන්සේ වෙත අන්තර්ජාලය ඔස්සේ  දැන් යොමුකිරීමට හැකියාව ඇත.

යොමුකරන ලද ප්‍රශ්න සදහා පිළිතුරු එකී වෙබ් පිටුවේ පහලින් "භාවනාව සම්බන්ධ යොමුකල ගැටලු සදහා පිළිතුරු" යටතේ ප්‍රශ්නෝත්තර දේශනාවක් ලෙස ශ්‍රවනය කල හැකි වේ.

ප්‍රශ්න යොමුකිරීමේ දී * ලකුණින් සටහන් කර ඇති සියලු දත්ත සිංහල යුනිකෝඩ් හෝ සිංග්ලිෂ් ක්‍රමයට පුරවා එවීම් අනිවාර්ය වේ. එමගින් ගරු ස්වාමින්වහන්සේට ප්‍රශ්න සදහා පිළිතුරු සැපයීමට පහසු වනු ඇත. පුද්ගලිකත්වය සලකා පිළිතුරු දේශනාව තුල ප්‍රශ්නය යොමුකරන්නාගේ නම සදහන් කරනු නොලැබේ.

ගැටලු සහ විසදුම්,පිළිතුරු  යොමුව : medamawatha.lk/qaform/

ගැටලු සහ විසදුම් යොමු කල යුතු ආකාරය පිළිබද ගරු ස්වාමින්වහන්සේගේ මූලික දේශනාව : https://soundcloud.com/medamawatha/qa-introduction

ආධුනිකයන් සදහා සතිපට්ඨාන භාවනා පුහුණුව (දෘශ්‍යපටය) :
 www.youtube.com/watch?v=q5TYPmtIioU

සක්මන් භාවනාව නිවසේ දී සිදුකරන්නේ කෙසේද ? 
https://soundcloud.com/medamawatha/sets/2016-walana-temple

අතිපුජ්‍ය එල්ලාවල විජිතනන්ද හිමියන් සක්මන් භාවනාවට ප්‍රමුඛතාවය දී පුහුණු කරන්නේ ඇයි ?
https://soundcloud.com/medamawatha/imp_sakman

බුද්ධ දේශනාවට අනුව ධාතු ගුණ යනු කුමක්ද ? සක්මන් භාවනාවෙන් ධාතුගුණ හදුනාගන්නේ කෙසේද ?
https://soundcloud.com/medamawatha/06-dhathu-guna-arthakatanaya

සතිපට්ඨාන භාවනාව පුහුණු කිරීමේදී බුදුරජාණන්වහන්සේ කෙරෙහි අප ඇතිකරගත යුතු ශ්‍රද්ධාව කුමක්ද ?
https://soundcloud.com/medamawatha/07-budunwhanse-kerehi-shraddawa

පිළිතුරු හඩපට වර්ගීකරණ නාමාවලිය
---------------------------------------------
Stage01_ForumQA  - ආධුනික
Stage02_ForumQA - සතිපට්ඨාන භාවනාව කලක් ප්‍රගුණකර ඇත ධාතුගුණ දැනේ
Stage03_ForumQA - සතිපට්ඨාන භාවනාව කලක් ප්‍රගුණ කර ඇත ධාතුගුණ දැනී පසුව සියුම්ව පවතී හෝ නොදැනේ

ඔබ සැමට තෙරුවන් සරණයි !!!

Medamawatha QA Forum

අති පුජ්‍ය එල්ලාවල හිමියන් විසින් 2016 ඇසළ පුන් පොහෝ දින (2016-07-18) පානදුරේ වලාන පන්සලේ දී සිදු කල ධර්ම දේශනාවක කොටසකි.
අදාළ මුළු දේශනාව පහත යොමුවෙන් ශ්‍රවණය කල හැක .
https://soundcloud.com/medamawatha/sets/2016-walana-temple

.

Medamawatha - Walan Pansala

QA 44 - සක්මන් භාවනාව නිවසේ දී  සිදුකරන්නේ කෙසේද ?

** ධම්ම සංයුක්ත තැටියේ අඩංගු දේශනා
** 2017 සැප්තැම්බර් මස 13 දින මාලබේ සුසිලාරාමය හීදී සිදුකල දේශනා කොටසක්

Vedananupassanawa -  Malabe 13-09-2016

බුදුරජාණන්වහන්සේ කෙරෙහි අප ඇතිකරගත යුතු ශ්‍රද්ධාව කුමක්ද

** ධම්ම සංයුක්ත තැටියේ අඩංගු දේශනා
** 2017 ඔක්තෝම්බර් මස 22 දින කොළඹ ජාත්‍යන්තර විපස්සනා භාවනා මධ්‍යස්ථානයේ 
     සිදුකල දේශනාවක කොටසක්

Dharukkhandha Sutta @ vipassana

බුද්ධ දේශනාවට අනුව ධාතු ගුණ යනු කුමක්ද

අතිපුජ්‍ය එල්ලාවල විජිතනන්ද හිමියන් සක්මන් භාවනාවට ප්‍රමුඛතාවය දී පුහුණු කරන්නේ ඇයි ?
 
"අතීතයේ වැඩි රහතන්වහන්සේලා නමක් බිහිව ඇත්තේ සක්මන් භාවනාව තුලිනි.
එම නිසාවෙන් ආර්ය සංඝරන්තනයට ගරු කිරීමක් වශයෙන් මනාව  සක්මන් භාවනාවට ප්‍රමුඛත්වයක් දී භාවනාවේ යෙදෙන්න".

සක්මන් භාවනාව පුහුණුවට උපදෙස් : 
https://www.youtube.com/watch?v=q5TYPmtIioU

QA 47: අතිපුජ්‍ය එල්ලාවල විජිතනන්ද හිමියන් සක්මන් භාවනාවට ප්‍රමුඛතාවය දී  පුහුණු කරන්නේ ඇයි ?

අති පුජ්‍ය එල්ලාවල විජිතනන්ද හිමියන් විසින් සතිපට්ඨාන භාවනාව සම්බන්ධ ප්‍රශ්ණ යොමුකිරීම අරබයා සිදුකල මුලික දේශනාව.
ගැටලු සහ විසදුම්,පිළිතුරු  යොමුව :  https://medamawatha.lk/qaform/

Medamawatha - QA Forum

Q&A Forum - භාවනා සම්බන්ධව ප්‍රශ්න යොමුකිරීමට උපදෙස් සහ වැදගත්කම  : 2020-04-01

භාවනා තත්වය
-----------------
ආධුනික

ප්‍රශ්ණය
----------
මුලින් භාවනාව කරද්දී හොඳින් ධාතු ගුණ දැනී පසුව ධාතු ගුණ දැනීම සියුම් විය. මෑතක දී උදාවූ තත්වයට පසු (කොරෝනා)මහා කම්මැලිකමක් දැනේ. වැඩිපුර t v බලන්න සිත්වේ, එසේකරයි. භාවනා කිරීමට කම්මැලි කමක් තිබුනි.

මීට දින 4කට පෙර මම බලෙන්ම නැවතත් සක්මන පටන් ගතිමි. සියුම් වී තිබු ධාතු ගුණ දැන් ,බොහොම හොඳින් නිතරම දැනෙයි. සක්මන් භාවනාව කරන වෙලාවට පමණක් ධාතු ගුණ දැනීමක් නැත.අනෙත් හැම වෙලාවේම විටින් විට ධාතු ගුණ දැනෙයි.

ගෞරවනීය ස්වාමිවහන්ස, නිවස තුල මම දැන් සක්මන් භාවනාව පැය භාගයක් පමණ දවසට කරමි. මේ අනුව දැන් මම සක්මන් භාවනාව කරන විට යටිපතුලට අවධානය නොතබා නිකන්ම සක්මන් කිරීම සුදුසු වේද ?

තවද මෙයට මාසයකට පෙර හිසෙහි කැක්කුම් ගතියක් සමග , කන් නහය උගුර ගිනියම් වූ ගතියක්ද පපුව දනවා ගතියක්ද එකවර ඇතිවී, එය පැයකට අඩු කාලයක් තිබී - එකවර සේරම නැතිවී ගියා. මෙය ධාතු ගුණයක අත්දැකීමක්ද ?

Stage01_ForumQA 01 : 2020-04-08

භාවනා තත්වය
-----------------
ආධුනික


ප්‍රශ්ණය
----------
තෙරැවන් සරණයි ස්වාමින් වහන්ස!  මෙල්බෝන් හි පැවති වැඩසටහනට සහභාගි වීමට නොහැකි වූවත් ලැබුනු අත් පොත කියවා භාවනාව කරගෙන යමි.  සක්මන් භවනාවෙදි යටි පතුලට සිහිය යොමුකලද අවට වටපිට ඇසෙන දෙයටද හිත යයි. නමුත් හිත බලෙන් ගැනීමට නොයන අතර ක්‍රමයෙන් නැවත යටි පතුලට යොමු කරගනිමි. මම මේ භාවනාව කරන ආකාරය නිවැරදිදයි දැනගැනීමට ඔබ වහන්සේගෙන් උපදෙසක් බලාපොරොත්තු වෙමි

Stage01_ForumQA 02 : 2020-04-09

භාවනා තත්වය
-----------------
ආධුනික

ප්‍රශ්ණය
----------
සති දෙකක පමණ කාලයක සිට සක්මන් භාවනාව කරගෙන යයි. සක්මනේදී හා වෙනත් අවස්ථාවලදීත් ඉතාමත් සියුම්ව මස් නටන ගති, හපුටෝ විදින්නාක් මෙන් ගති ඇතිවේ. මේවා නිතරම නොදැනේ. කලාතුරකින් දැනේ.  මේවා ධාතු ගුණද ?

සමහර අවස්ථා වල භාවනාව පිළිබද සැක ඇතිවේ.  මේ භාවනාවෙන් සංසාර විමුක්තිය ලබා ගත හැකිද? මේ භාවනාව බුද්ධ දෙශ්නාවක්මද ? මමත් මේ භාවනාව කර ප්‍රතිඵලයක් ලැබේද ?  යනාදී වශයෙන් සැක පහලවේ.
භාවනාව ඉදිරියට කරගෙන යෑමට උපදෙසක් ඔබවහන්සේගෙන් බලපොර්ත්තුවෙමි

Stage01_ForumQA 03 : 2020-04-13

භාවනා තත්වය
-----------------
ආධුනික

ප්‍රශ්ණය
----------
දැනට සති 3 කට පෙර භාවනාව ආරම්භ කලෙමි. දැන් පෙර මෙන් ධාතු ගුණ දැනීම අඩු වී ඇත. සක්මනේදී කමටහනේ සතිය පිහිටීමද අඩුවී ඇත. කමටහනේ සතිය පිහිටන අවස්ථාවල ධාතු ගුණ දැනෙන්නේද නැත. අනෙක් අවස්ථා වල හිටිගමන් ධාතු ගුණ දැනේ. 

දින 2 ක පමණ සිට එක දිගට වම් පාදයේ  මහපට ඇගිල්ලේ හිරි ගතියක් පවතී. භාවනාවට පෙර මෙන් හිත නොයෙදේ.  පෙර යටපත් වී තිබු රාග සිතුවිලි වරින් වර සිතට නැගේ. භාවනාව ඉදිරියට කරගෙන යෑමට ඔබවහන්සේගෙන් උපදෙසක් බලාපොරොත්තු වෙමි.

Stage01_ForumQA 04 : 2020-04-19

භාවනා තත්වය
-----------------
ආධුනික

ප්‍රශ්ණය
----------
ගරු ස්වාමින්වහන්ස මම කමටහනේ ඉන්න වෙලාවක සිත හිතාගන්න බැරි තරම් සතුටක් දැනුණු මොහොතක් ආවා. ඒ මොහොතේ මම කමටහනේමයි හිත තියාගෙන සිටියෙ. මමත්වයෙන් වුනු ජීවිතයේ කවදාවත් විදල නැති සහනයක් දුන්නා. ඒ සතුට හිතාගෙන ගියවිට සුළු මොහොතකින් එක නැතිව ගියා. මේ මොහොත ගැන මට පහදා දෙන්න ස්වාමින්වහන්ස ?

Stage01_ForumQA 05 : 2020-04-23

භාවනා තත්වය
-----------------
ආධුනික

ප්‍රශ්ණය
----------
මැදුම් පිළිවෙත (මධ්‍යම ප්‍රතිපදාව) යන්නෙන් අදහස්වන්නේ කුමක්ද ?   
මැදුම් පිළිවෙත සැකෙවින් පැහැදිළි කර ඇති යොමුව : https://medamawatha.lk/news/a8maga/

Stage01_ForumQA 06 : 2020-04-29

භාවනා තත්වය
-----------------
ආධුනික

ප්‍රශ්ණය
----------
මම ගිය වසරේ ආධුනික වැඩටහනට සහභාගී උනෙමි.

සක්මන පලමු වර කිරීමෙදී වම දකුණ ලෙස සිතමින් කලෙමි. පසුව එය නවත්වීමට සිතා එසේ නොසිතමින් පාදය පොලවේ වදින විට දැනෙන දෙය පිළිබද අවධානයෙන් සක්මන් කලෙමි. මෙසේ කිරීමෙදී, සිත තුලින් පාදය තබන විට යම් හඩක් සිතෙන් නිරායසයෙන් මතුවේ. මෙය මෙසේ තිබියෙදීම පාදයට අවධානයෙන් සක්මන පැයක් පමණ කරමි. විනඩි විස්සක් පමන යන විට මත් ගතියක් දැනී පහව යයි.   වම දකුණ ලෙස සිතීම නවත්වන්නේ  නම් ඒ කුමන තත්වයක දැනීමෙන්ද ? අනුකම්පාකර පහදා දෙන්න.

ඔබ වහන්සේට නිදූක් නිරොගී චිරජීවනය පතමි.

Stage01_ForumQA 07 : 2020-05-04

භාවනා තත්වය - ආධුනික
ප්‍රශ්ණය
----------
ගෞරවණීය ස්වාමීන් වහන්ස,
මම වයස අවුරුදු 32ක කාන්තාවක් වෙමි. අවිවාහකය. මීට වසර පහකට පමණ ඉහත මාගේ මිතුරෙකු විසින් බුදුදහම පිළිබඳ කරන ලද මනා දේශනයකට ඇහුම්කන් දීමේ ප්‍රතිඵලයක් ලෙස මා දිගින් දිගටම දහම් පොත පත පරිශිලනයටත් ධර්ම දේශනා වලට නිරන්තරයෙන් සවන් දීමටත් පෙළඹුනෙමි. මා එවිට විශ්ව විද්‍යාලයේ ඉගෙනුම ලැබීමෙන් අනතුරුව එහිම සේවය කරමින් සිටියෙමි. නිරන්තරයෙන් විවිධ ධර්ම ගැටළු මතුවන අවස්ථාවලදී හෝ ධර්මයේ නොදන්නා තැනක් ඇති බව දැනුණු විට වහ වහා පිළිගත් දහම් පොත සොයා යමින් (උදාහරණයක් ලෙස රේරුකානේ චන්දවිමල මහා නා හිමියන් වැනි ) ඒවා නිරාකරණය කර ගත්තෙමි. පිරිත් සුත්‍ර පවා මා තේරුම දැන දේශනා කල අතර මනස තුළ ගොඩ නැගෙන මහා ශක්තිය, ආත්ම විශ්වාසය මම නිරීක්ෂණය කලෙමි. තවමත් මාර්ගය හසුනොවී යැයි යන හැඟීම සිතින් ඉවත් උනේ මා පළමු වරට මහා සතිපට්ටාන සුත්‍ර දේශනාවේ අර්ථය ශ්‍රවණය කල දිනයේදීය. එය ඒකායන මාර්ගය බව මට පසක් විය. එතැන් පටන් මා සෙව්වේ සතිපට්ටාන භාවනා ක්‍රම පිළිබඳව ය. පාසලේදී පමණක් බුදු දහම උගත් මට, ජිවිතේ කිසි කලෙක නොලද කිසිවකට සමකල නොහැකි මහත් ධන සම්භාරයක්‌ හිමි වූවා සේ මා දිගින් දිගටම ධර්මය මෙහෙහි කරමින් බොහෝ සමබර ලෙස අනිකුත් වැඩ කටයුතු වල නිරත වූයෙමි. ඇසීමෙන් හෝ ධාරණය කර ගැනීමෙන් නොනැවතී සිතට පැමිණෙන කෙලෙස් සිතුවිලි ඒ මොහොතේම, ක්ෂණයකින් හදුනා ගන්නා තැනට පැමිණියෙමි. මුලදි ආයාසයෙන් පුහුණු වූ නමුත් ඉතා කෙටිකලක් ගතවූ විට නිරායාසයෙන් මෙන් ඒ ඒ කෙලෙස ප්‍රහාණය වන කුසල් අරමුණු ඇති වන්නට විය. උදාහරණයක් ලෙස තරහ ඇති වන අවස්ථාවේ මෛත්‍රී සිතුවිලි ඇති විය. මිනිස්සුන් පිළිබඳව පමණක් නොව සතාසිව්පාවා කෙරෙහිද මෙම මෛත්‍රී සිතුවිලි පහළ වූ අතර 
*** ප්‍රශ්නය දිග වැඩි නිසා සම්පුර්ණ කොටස සදහා https://medamawatha.lk/qaform/ වෙත පිවිසෙන්න ***


මීට අවුරුදු දෙකකට පමණ පෙර ඔබ වහන්සේ විසින් ඉතා විශාල පිරිසක් සඳහා BMICH හිදී පවත්වනු ලැබූ ආධුනිකයින් සඳහා වන දේශනයකට මම සහභාගී උනා. ආනාපානසතිය හා සක්මන මා දැනටමත් සිහියෙන් කරමින් සිටින බව මට එහිදී අවබෝධ වූ අතර එය තව තවත් වඩා නිවැරදිව සිහියෙන් කලයුතු ආකාරය මා දැන ගත්තා. ඉන්පසු ඔබ වහන්සේගේ වැඩසටහන් වලට සහභාගී වීමට මට නොහැකි උනා. මම කිසිදු ස්වාමින්වහන්සේ නමකගෙන් කමටහන් පිළිබඳව පෞද්ගලිකව විමසන්නට අවස්ථාවක් ලැබී නැහැ.


ගරු ස්වාමීන් වහන්ස,

මා මේ විස්තරය යොමු කරන්නේ කමටහන් ලබාදෙන කල්‍යාණ මිත්‍රයන් වහන්සේ නමක් ලෙස භාවනා අත්දැකීම් ඔබ වහන්සේට ප්‍රකාශ කිරීමටයි. මා මින් ඉදිරියට පුහුණු කලයුතු යමක් වෙතොත් හෝ පුහුණුවේදී නිවැරදි කල යුතු යමක් වෙතොත් කරුණාවෙන් පෙන්වා දෙන සේක්වා.

Stage01_ForumQA 08 : 2020-05-06

භාවනා තත්වය
-----------------
ආධුනික

ප්‍රශ්ණය
----------
අපේ හාමුදුරුවනේ, මම තවම භාවනා වඩන්න පටන් ගත්තා පමණයි. භාවනා කරන විට සිත එක අරමුණක තබා ගැනීම හරිම අසීරුයි. සිත එක අරමුණක තබාගෙන! සිත ද්‍යාණයක් කරා ගමන් කරන්නේ කෙසේද ?

Stage01_ForumQA 09 : 2020-05-08

භාවනා තත්වය
-----------------
ආධුනික

ප්‍රශ්ණය
----------

සතර සෘද්ධිපාද වඩනවිට එර්දියක් නොවීමට ගන්නා වූ වීර්යය හා සම්මා වායාමය අතර සම්බන්ධය කුමක්ද? ෙතරැවන් සරණයි !

Stage01_ForumQA 10 : 2020-05-19

භාවනා තත්වය
-----------------
ආධුනික

ප්‍රශ්ණය
----------
ස්වාමින්වහන්ස,
මාසයක පමණ සිට සක්මන් භාවනාව පුරුදු කරමි.කයට දැනෙන ස්පර්ශය තියුණු ලෙස නොදැනීම, හිරිවැටීමකදි දැනෙන ලෙස දැනීම භාවනාවෙ දියුණුවක් ලෙස සැලකිය හැකිද?

Stage01_ForumQA 11 : 2020-05-27

භාවනා තත්වය
-----------------
ආධුනික

ප්‍රශ්ණය
----------
මාගේ මුණුපුරා 7 හැවිරිදිය. දිනපතා උදේ සක්මන් භාවනාව කරයි. සමහර වෙලාවට ඔහුගේ කකුල තද වී කකුලෙන් ශබ්දයක් ඇසුන බව පැවසීය. විටෙක ඔහුගේ ඇග පුරා හිරි වැටීමක් සිදු වූ බව ද පැවසීය. මේ හැම විටම ඔහු ඉතා බියට පත් විය. සත් හැවිදිරි දරුවෙකුට භාවනා කිරීම සුදුසු දැයි කරුණාවෙන් පහදා දෙන්න.

Stage01_ForumQA 12 : 2020-06-04

භාවනා තත්වය
-----------------
ආධුනික

ප්‍රශ්ණය
----------
අවසරයි ස්වාමින් වහන්ස,
භාවනාව මම මාස හතරක් කරගෙන යන්නෙමි. වර්ෂ 40 තිස්සේ පැවතුණු Depression සහමුලින්ම නැති වී ගොස් හමාරය. මම සිය දිවි හානිකර ගන්නට දෙවතාවක් උත්සාහ කර තිබේ. (වයස 10-12 කාලයේදී )
මට අතිශය මානසික සුවයක් දැනෙන අතර භාවනාව දිගටම කරගෙන යමි.
ඔබ වහන්සේට නිදුක් නීරෝගී සම්පත්තිය ලැබේවා.

Stage01_ForumQA 13 : 2020-07-19

භාවනා තත්වය
-----------------
ආධුනික

ප්‍රශ්ණය
----------
තෙරැවන්සරණයි ! ගෞරවනිය  ස්වාමීන් වහන්ස ,
හිස්භාවයකින් යුතුව පර්යංකයට හිදගතිමි. එලඹි මොහොත එතන එතන දැනගනිමින් සිටිනාවිට  නින්දගියා වැනි ස්භාවයකට ගොස් සිටි බව දැනගතිමි. නැවත මෙ මොහොතට සතිය එනවිට කලින් මොහොතේ සිටි ස්භාවය දැනගනිමට නොහැකි වු නිසා නින්ද ගියා වගේ යැයි සිතේ. මෙසේ හිස් ස්භාවයට අවදිවිමත් නින්දයාම වැනි ස්භාවයත් කිහිපවරක් පැයක්තුල සිදුවිය. නින්ද යන ස්භාවය එන විට බෙල්ල පහත්විමත් යලි එසවිමත් දැනගතිමි. පර්යංකයෙන් නැගි සිටිමෙන් පසු  නැවත ඉපදුනා වැනි සිතට කයට සැහැල්ලුවක් සුවයක් මහත් ශාන්තියක් දැනුනි. අවවාද අනුශාසනා ලබාදෙන සේක්වා!

Stage01_ForumQA 14 : 2020-07-19

භාවනා තත්වය
-----------------
ආධුනික

ප්‍රශ්ණය
----------
ධාතු ගුණ නොදැනේ.

Stage01_ForumQA 15 : 2020-07-19

https://medamawatha.lk
youtube.com/c/medamawatha/videos
facebook.com/medamawatha

Medamawatha QA Forum

මැදමාවත - Medamawatha