භාවනා තත්වය
-----------------
සතිපට්ඨාන භාවනාව කලක් ප්‍රගුණකර ඇත ධාතුගුණ දැනේ

ප්‍රශ්ණය
----------
ගෞරවනීය ස්වාමීන් වහන්ස ,
මම ඔබ වහන්සේගේ උපදෙස් පිලිපදිමින් සක්මන් භාවනාව දැනට මාස 8 පමණ කාලයක සිට ප්‍රගුණ කරනවා .නිදිමත ඉක්මවූ මා හට මුලදි සක්මනේදී ධාතුගුණ හොඳින් දනුනා .මෑතකදී සිට ධාතුගුණ දැනෙන්නේ අඩුවෙන් .සමහරවිට දැනෙනවා සමහරවිට නෑ.නමුත් කය විවේක වූ සෑම අවස්ථාවකම හා නින්දට පෙර ශරීරය පුරා ස්පන්දන රිද්ම හිරි ගති හොඳින් දැනෙනවා .එවිට මම ඒ දෙස ඔහේ බලාසිටිනවා.එය ප්‍රියමනාප හැඟීමක් බව දැනෙනවා .

දැන් දෙපාවල සතිය පවත්වා සක්මන් කිරීමේදී නොයෙකුත් සිතිවිලි ඇතිවෙනවා.හිත කතාකරන ස්වාභාවයක් දැනෙනවා .ප්‍රශ්නකාරී සිතිවිලි ඇතිවෙනවා .භාවනාව පිරිහී ඇතිබවක් සිතෙනවා .භාවනාව එක තැන නැවතී ඇතිදැයි සැක සිතෙනවා .සතිමත්ව සක්මන් කරනවිට බොහෝ අවස්තාවල තද නිදිමත ගතියක් දැනෙනවා . එවිට මම භාවනාව නවතා දමනවා. සමහර අවස්තාවල සතිය නොපවත්වා ඔහේ ඇවිදිනවා.මෙහිදී දෙපා තබනා රිද්මය බඩ පපුව උකුල ආදී ප්‍රදේශවලින් දැනෙනවා .එවිට ඒ ගැන අවදානය යොමුවෙනවා. එය දිගටම පවතින්නේ නෑ.සිතිවිලි ඇතිවෙනවා .

මෙසේ නොසන්සුන් වන මම දින දෙක තුන සක්මන නවතා ගෙදර දොර වැඩකටයුතුවල පමණක් නිරත වෙනවා .(මම ගෙදර දොර හොඳින් වැඩකටයුතු කරනා කෙනෙක් )දින දෙක තුනකින් නැවත සතිය පවත්වා සක්මන් කරනවා .මෙහිදී මුලදි සක්මන හොඳින් කෙරුනත් පසුව සිතිවිලි වලින් පෙර ආකාරයට සිත නොසන්සුන් වෙනවා .

ගෞරවනීය ස්වාමීන් වහන්ස මාගේ භාවනා තත්ත්වය සලකා බලා අනුකම්පාවෙන් උපදෙස් පතමි .මෙවැනි අවස්තාවල හරකෙකු මෙන් ඇවිදීම හා නිවසේ වැඩකටයුතුවල නිරත වීම භාවනාව බහුලීගත කිරීමට උදව්වක්ද?

එසේ කෙතරම් කාලයක් කලයුතුද? නැවත සතිය පවත්වා සක්මන් කලයුතු නැද්ද ? ඔබවහන්සේට තෙරුවන් සරණ පතමි ..

Medamawatha - QA Forum

Stage02_ForumQA 16 : 2020-06-28

https://medamawatha.lk
youtube.com/c/medamawatha/videos
facebook.com/medamawatha

I am re-posting the best ones out of what I have listened.

Stage02_ForumQA 16 : 2020-06-28

මැදමාවත - Medamawatha