هههههههههههههه صوتى هو الى مسموع XD

احساسك عالى وبيفرض نفسه على العمل

حُب البنت للأب أصدق وادوم واول حُب قلبها عرفه وبتفضل عايشة ع انها تلاقى حُب زى حُبها لبابا بنفس الاهتمامات والاحنية وكل حاجة :) ♥ بااااااااااااارب ربنا يديمه ومايحرمنى منه ولا من قلبه وحنيتو

منة كردى

كلمات : Abdelrahman Mohamed‎‏‏
www.facebook.com/abdelrahman.mohamed86

أداء : منّة كُردى
www.facebook.com/Kawkabmashy?ref=tn_tnmn

امي
بلاش تبصيلي البصة اياها
و متحضنينيش
حضتنك بقى كما دش ساقع
في عز البرد
وانا مبقتش حمل البرد
امي انا اصبحت زي التراب ع الارض
بتبعتره الاقدام
ومن حبة هوا بيطير
لكنه باقي كما الايام .. كما المشاوير
امي انا كاسرني السؤال
وكاسرني زيف المعاني
امي .. متغنليش
مبقتش حمل الاغاني
صوتك الدافي معادش بيلصم
امي متتضخضيش
من من صفار وشي
وشيب شعري
امي انا مكسور
كما وزن القصيدة في شعري
امي انا تعبان من الوحدة ..
من الزحمة وكتر الناس
و انا قلبي ياما انداس
وياما لم .. من صحبة و اغراب
امي .. انا بس نفسي تفهمي
فرط الحنان بيعلم القسوة
فرط الحنين بيجلب الغربة
بيخلي قلب الواحد كما التربة
بتلم ناس ياما .. وتضم ناس ياما
في حضنها .. لكن رفاة
وااااه يامي ع الوجع
لو تحضني الاموات
اموات يا امي .. يشبهوني تمام
امي .. سبيني انا عايز انام
و بلاش تبصيلي البصة اياها

البصّة إياها _عبد الرحمن محمد _ منّة كُردى

تتجوزيني؟ 
من ديوان ضحكة طالبة التأشيرة 
كلمات : Mostafa Eltelwany
https://www.facebook.com/mostafa.eltelwany.5?hc_location=timeline

https://www.facebook.com/pages/%D9%85%D8%B5%D8%B7%D9%81%D9%89-%D8%A7%D9%84%D8%AA%D9%84%D9%88%D8%A7%D9%86%D9%8A/309842119043025

أداء : منّة كُردى
https://www.facebook.com/Kawkabmashy?ref=tn_tnmn

_ تتجوزيني ؟
 _خايفة تفارق زيهم 
 _طب توعديني ؟
_ الوعد للأحرار وبس
وانا قلبي مربوط بالوجع
يمكن يكون قُربَك ونَس
لكن أكيد بُعدك شقا
خايفة العشم يقلب مقَص
لأي فرصة ف اللُقا
_ لو تحضنيني!
_ مش عايزة آخد ع الدفا
مش عايزة أشرب ضحكتَك
تفضى كاساتي ف غُربتَك
أعطش وملقاش ضمِتَك.
_ لو تسأليني ..! , أصلي بحب الفضفضة, يمكن أغيَر نظرتِك, يلا أنكُشي فيا بضمير, يجوز نغيَر ما مَضى.
_ ازاي تنول ضحكة قبول من بنت خايفة من الوجع, قول لو جدع!
 ............_

تتجوزينى _ مُصطفى التلوانى _ منّة كُردى

كلمات : عمرو أبو زيد 
https://www.facebook.com/amr.a.zeed

من ديوان : نوفمبر شهر ملائم للموت

أداء : منّة كُردى
https://www.facebook.com/Kawkabmashy?ref=tn_tnmn

موسيقى : أنين الناى جلال الدين رومى 

الكلمات : 
يقول واحد من المرضى
لا مش هرضى
ومش ميت
سيبوني لبعد رمضان
أقلّه أموت وأنا مِعيَد
و يخبَط دمعه في الشمبر
مسبب دوشة في العنبر
فيصرخ فيه مريض تاني
بصوت ناصح لكن مكتوم
مافيش ملجأ من المحتوم
صراخك ده مالوش داعي
مادام كشف السفر مختوم
واسمك وقته متقيد
فموت راجل
ده أكرملك
عشان حتى التاريخ يكتب
ده عاش مذلول
ومات سيد
وبعدين هي دي عيشة؟
بذمة أهلك الموتى..
هتخسر ايه؟
هتخسرنا؟
ياعم بلاش تحسرنا
وحق سريرك الدايب
ماهتشوف دنيا غير بالموت
لولاش بس النظام خايب
وأجِل دوري للأخر
ماكنت فضلت فيها حي
ياريت كان دوري هو الجيّ
عشان ياكل شقايا الدود
ياريت الكشف يلمحني
فيمنحني أمل منشود
قوم افرد ضهرك المحني
عشان ماتمُتش غير مشدود
ولو خايف جحيم مثلا
ماهيش فارقة
دي نار ودي نار
وفجأة النُصح صوته يضيع
في صوت عاصف لدق الزار
وييجي اتنين تمارجية
ينادوا الميت المُختار
يجروه لعزرائيل بره
وقبل ما يخرجوا يشاوروا
بإيدتينهم على الناصح
يقولوا تعالى بالمرة
زحامكم أصله مش جيد
فيصرخ لأ ده مش دوري
ومش ميت
طب ألحق حتى رمضان
أقلّه أموت وأنا مِعيّد



أكذوبة الموت والراحة_ منة كُردى_عمرو أبو زيد

كلمات : مصطفى سعيد 

https://www.facebook.com/Never.Try.Never.Fail

أداء : منّة كُردى

https://www.facebook.com/Kawkabmashy

اول نظرة لبابا شوفته مز وقمر 
ومش بقول قمر عشان هو بابا وكده 
بس كان مبسوط بيا لما شافني
 لدرجه خليتني ابقى مبسوطه 
وانا اصلا معرفش يعني ايه مبسوطه 
بس اتبسطت .. 
حسيت اني كنت تايهه 
مع اني ماكنتش لسه توهت قبل كده 
بس مجرد ما شفته حسيت اني اطمنت 
برغم اني مكنتش قلقانه
 واتأكدت اني مش هاعرف القلق قبل فتره كبيره .
اول ما وصلتله كنت عارفه مكاني فين 
في حضنه 
أول وأجمل حضن
 له طعم مميز وبيفضل هو هو فعلا نفس طعم الحضن من أول مره 
مش بيتغير مهما اتغيرت او اتعلقت بحاجات 
هايفضل هو الحب الأول 
وحضنه هو الحضن اللي حتى لو كنت بابعد عنه دايما لما اتزنق اتخيلني فيه .
رجعنا البيت واكتشفت ان بابا في حياته حد تاني 
 اللي هي  ماما 
فكرت كتير لحد ماوصلت لطريقه اطفشها بيها
 طول ما احنا قاعدين بتلاعبني وبتأكلني صاحبتي وحبيبتي 
مجرد ماتجي تنام معانا انا وبابا حبيبي
 ابتدي ازن لحد ما تاخدني ونبعد ..
 أي نعم مش بأكون مع بابا 
بس برضه هي كمان مش بتكون معاه
احلى حاجه السيطره 
كان احساس جميل وانا مفعوصه كده ومشيبه البيت 
صوتي هو المسموع 
كل حاجه بتتعملي والأول كمان ..
 محدش ياكل الا لما اكل 
ومحدش ينام الا لما انام 
حتى في الخروج لازم اجهز انا الاول 
ده غير انه مجرد مانروح لحد او حد يجيلنا بأكون اول واحده يتسأل عليها 
ومع ان بابا كده كده بيحبني ومش محتاجه ألفت انتباهه بس كنت كل يوم عن التاني بشوفني في عينه احلى .
فعلا كان نعم الحبيب 
وقف جنبي كتير وساندني في بداية حياتي ... 
ومش ممكن انسى دعمه ليا لما كنت امشي خطوه واقع خطوه وهو بيشجعني 
وسهره عشاني وانا تعبانه 
ده كفايه لما كان يحط ايده على جبيني كده ويحس حرارتي 
اللمسه دي كمان ليها طعم ملوش وصف
وبتدّي كمية احساس بالراحه 
لدرجة اني كبرت وفضلت برضه اتلكك واروح اقوله ممكن تشوف حرارتي عليت ولا لأ 
عشان بس احس بلمسة ايده .


الحضّانة 2 _ منّة كُردى _ مصطفى سعيد

كلمات : رامى وفا 
https://www.facebook.com/ramy.wafa?fref=nf

أداء صوتى : منّة كُردى
https://www.facebook.com/Kawkabmashy

Background : موسيقى بنتين من مصر

الكلمات : 

واحدة زيي تحب ليه ؟
و تحب مين ؟
و إزَّاي تحِب !
و إزَّاي تسلِّم قلبَها المقفول لقَلب 
أهلي لسَّه بيضغطوا .. 
و بيبنوا سور ورا سور 
و انا لسَّه عارفة أشوف النور .. 
و عارفة أشِب 
- سنِّك كِبر 
= حاضِر 
- هتعنِّسي 
= ماشي 
- فيكي العِبَر 
= حاضِر 
- و هتتنِسي 
= ماشي
بتستَهبِلي .. 
شاوريلي على عيب بس فيه 
يخلليكي رافضة تقبلي 
و عمَّالة تجري ورا حلمِك المجنون 
مُستقبَلي !
و مقدَرش أشوف مُستَقبلي 
لمرَّة أولى ف الصالون 
شايفاه زبون .. 
جاي يعاين البضاعة أو يدوقها 
واحدة زيي .. 
عُمرها حتَّى ما خدِّت أبسط حقوقها 
واحدة زيي .. 
كل يوم مرايِتها أتعس م اللي قبله ... 
و كل يوم ببعت رسايل .. 
للي مفروض إنِّي اقابله
واحدة زيي .. 
كفَّها متحَنِّي غُربة 
قلبَها متحَنِّي غربة 
جِسمها بتكره معالمُه 
و اللي آلمُه .. 
فيه خلايق لسَّه عايزين يشتروه .. 
شايفينه حَي و أرض صالحة تبقا تُربة
واحدة زيي 
بطَّلت تسمَع أغاني .. 
بطَّلت تكتِب معاني 
بطَّلِت كل الحاجات 
إلا الأرق 
لسَّه ليها اصحاب زمان 
بس ولا شيء مُشترَك 
بطَّلت بُكا ع الريق
بطلِّت تختار طريق 
سابت الحِلم البريء
و الأهم .. 
بقالها فَترة مبطَّلة تصديق 
أي حاجة .. و كل حاجة 
زي سكران تاه عشان 
ما شرِبش حاجة 
و لسَّه ماشي وسط الناس يقول 
كلُّه ... 
كلُّه كِدب 
واحدة زيي ..
تحب ليه ؟
و تحب مين ؟ 
و إزَّاي تحب !


واحدة زيّى _ رامى وفا _ منّة كُردى

بمناسبة عيد الحب أغنية ‫#‏ابعاد‬ كل واحد يقعد مع حبيبه ويشغله لها لأنها الأغنية الرومنسية للعشاق، تم تسجيلها بأمريكا باستديو ميدوسا قبل سنتين وفرقة So Intense الأمريكية أهمه اللي وزعوها. غيتار: ماثيو. بيانو: بيل. درامز: مارك. بيانو ألحان وكلمات وغناء: ‫#‏ايماشاه‬ ‪#‎Emashah‬ 

استمع الى البوم ايما الجديد على اللنكات المبينه واخبرنا عن رايك 
In Love 💖 Soft Piano Music for Massage, Relax, Yoga, Sleep,  Meditation, Romantic, Restaurants and hotels... 2 Hours Relaxing Piano, Soft Piano Music for Massage, Relax, Yoga, Sleep and Meditation. 2 Hours Relaxing Piano

Spotify ♬ https://spoti.fi/3gg0rmM
Amazon ♬ https://amzn.to/3disKiq
 Google ♬ https://g.co/kgs/1rcjVN

لطلب رواية لوبسيدا اول كتاب من تأليف إيما، النسخة المطبوعة من مكتبة بلاتينيوم الكويتية. التوصيل في جميع انحاء العالم
https://platinum-book.com/product/lobeseda/

لقراءة رواية لوبسيدا على امازون كندل
https://amzn.to/3r1TkTr

الالبوم دخل الاسواق الصينية واليابانية، التايوانية، هونغ كونغ، ماليزيا وسنغافوره
  https://www.kkbox.com/hk/tc/album/n2nTs6c-9HEG90F3LldL009H-index.html
لقراءة اخر الاخبار عن الالبوم
http://www.aljarida.com/articles/1559564915298398100/
https://sleepysongs.se/spotted/spotted-ema-shah-first-kiss/
https://tometotheweathermachine.com/singles-cruise-06-28-19/

ايما كويتية تعيش في الكويت كل يوم تفعل اشياء جديدة مرة تمثل ومرة تغني ومرة ترقص، تسافر، تلعب، تفكر وتوثق حياتها

Emagination

Ema Shah Dimensions Arabic Love Song ايما شاه اغاني عيد الحب والعشق - تبوسني وابوسك عالخفيف

ابتسام - اللى بستغربله

كلمات : شروق نبيل 
https://www.facebook.com/profile.php?id=100001492402355&ref=ts&fref=ts

أداء : خلود إيهاب ومنّة كردى
https://www.facebook.com/505a.koka?ref=ts&fref=ts

https://www.facebook.com/Kawkabmashy

الكلمات : 
ﺧﺎﻳﻔﺔ ﻳﺎﻣَّﻪ ..
ﺯﻱ ﺑﻴﺖ ﻭﺣﺪﺍﻧﻲ ﻭﺍﻗﻒ
ﻭﺳﻂ ﻏﻴﻂ ﺩﺧﺎﻥ ﻭﺿﻠﻤﺔ
ﻭﺳﻂ ﻏﺎﺑﺔ ﻣــِ ﺍﻷﻓﺎﻋﻲ
ﺯﻱ ﺣﻲّ ..
ﺣﻲّ ﻛﺎﻥ ﻣﻠﻴﺎﻥ ﻳﻔﺎﻋـَـﻪ 
ﻋﺠّﺰﻭﺍ ﻣـِ ﺍﻟﻮﺣﺪَﺓ ﻳﺎ ﺃﻣَّﻪ
ﺯﻱ ﺧﻮﻑ ﺍﻟﺒﻨﺖ ﻟﻤّﺎ
ﻋﺮّﻭﺍ ﺭﻭﺣﻬﻢ ﻣــِ ﺍﻟﺮﺟﻮﻟـَﺔ ﻭﺇﺳﺘﺒﺎﺣﻮﺍ ﺭﻭﺣﻬﺎ ﻟَﻤَّﺔ
ﻓﻲ ﺍﻟﻤﻴﺪﺍﻥ ﺍﻟﺰﺣﻤــﺔ ..
ﺧﺎﻳﻔﺔ
ﺯﻱ ﺃﻭﻝ ﻣﺮّﺓ ﺑﻤﺸﻲ
ﺯﻱ ﺃﻭﻝ ﺑﺼّﻪ ﻣﻨّﻪ ﺟﺖ ﻓــِ ﺭﻣﺸﻲ
ﺯﻱ ﻳﻮﻡ ﻣﺎ ﻟﻢّ ﺭﻭﺣﻪ ﻣﻦ ﺿﻠﻮﻋﻲ
ﺣَﻂ ﺃﻭﻝ ﺧﻴﻂ ﻓﻲ ﻧــَﻌﺸﻲ
ﺑﻌﺘﺮﺗﻨﻲ ﺍﻟﻮِﺣﺪﺓ ﻳﺎﻣَّﻪ
ﺯﻱ ﻣـَﻄﺮﺓ ..
ﺑﻌﺘﺮِﺗـﻬﺎ ﺳﺤﺎﺑﺔ ﺳﻤﺮﺍ ﻛﺎﺕ ﻣﺨﺎﺻﻤﺔ ﺳﺤﺎﺑﺔ ﺑﻴﻀﺎ
ﻭ ﺃﻣﺎ ﺟﺖّ ﺗﺼﺎﻟﺤﻬﺎ ﻳﺎﻣّﻪ ..
ﺑﻌﺘﺮَﺗﻨﻲ
ﺯﻱ ﺧﻮﻓﻚ ﻟﻤَﺎ ﻫـَﺪّ ﺍﻟﺤــُﺰﻥ ﻣـَـﺘﻨﻲ
ﻟﻤﺎ ﺷﻮﻓﺘﻲ ﺍﻟﻔـَـﻜﺮﺓ ﻣَﺮّﺓ ﺭﺍﻭﺩَﺗﻨﻲ
ﻋﻦ ﺟﻨﻮﺣﻲ ﻳَﻢ ﻣﻮﺗﻲ
ﻗﻴّﺪﻳﻨﻲ 
ﻗﻴّﺪﻳﻨﻲ إن ﺷﻮﻓﺘﻲ ﺻﻮﺗﻲ ﺗﺎﻧﻲ ﻏــَﻨّﻲ
ﻋﺮّﻓﻴﻨﻲ !
ﻫﻮّ ﻟﻴﻪ ﺍﻟﻠﻪ ﻧﺰﻋﻨﺎ ﻣـِ ﺍﻟﻨﻌﻴﻢ ﻟﻠﻐﺎﺑﺔ ﺩﻳّﺎ
ﺭﻏﻢ ﺇﻥ ﺍﻟﺨــُﻠﺪ ﻋُﻤــﺮﻩ ﻣﺎﻳﻮﻡ ﻏﻮﺍﻙِ
ﺣﺘﻲ ﺃﺑﻮﻳﺎ ﻣﺶ ﻣﻌﺎﻙِ
ﺷﺠﺮﺓ ﺍﻟﺘﻔﺎﺡ 
ﺑﻌﻴﺪﺓ ﻋﻦ ﺩﻳﺎﺭﻧـَﺎ
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..!
ﻟﻴﻪ ﻧﺰﻋﻨﺎ ﺍﻟﻤُﻮﻟﻲ ..! ﺭُﺩّﻱ ..!
ﻟﻴﻪ ﺭﻣﺎﻧﺎ ﻭﺳﻂ ﺧــَﻠْﻖ
ﻳﺎﻛﻠﻮﺍ ﻗﻠﺐ ﺍﻟﺤـَﻲّ ﻳﺎﻣّﻪ ..!
ﺧﺎﻳﻔﺔ ﻣﻨﻬﻢ
ﻏﻤّﻲ ﻋﻴﻨﻲ ﺟﻮّﻩ ﺣﻀﻨﻚ
ﺩﺍﺭﻱ ﻛَﺴﺮﺓ ﺿﻬﺮﻱ ﺩﺍرﻱ
ﺇﺳﺘــُﺮﻳﻨﻲ
ﺧﺒّﻲ ﺭﻭﺣﻲ ﻣﻦ ﻛﻼﺑﻬﻢ
ﺩﺛّﺮﻳﻨﻲ
ﺩﺛّﺮﻳﻨﻲ
‫


خايفة يامّة _ منّة كردى _خلود ايهاب

مصدقها .. بصوتى كلمات /سماح سعيد

سنتين عدوا ف بعادك سنتين ومش هنساك
سنتين و لسه مكمل أد عمري هستناك
سنتين وبدعي ربي يوم ما اروحله اكون معاك
سنتين وصورتك حيه وقلوبنا مستنيه
سنتين وجمله بعدك رافضة تكون جمله بدائيه
سنتين وليالي بطولها تفوت عليا ومش عايشها
لو روحي هترجعك خليها تمشي ومش عايزها
مش ناسي خوفك عليا دة انت يا خال اصل الحنيه
انا فاكر يوم ما قالوا أدعي ليك و أتمني الصبر
عايش أنازع شبح الموت من لحظة م قفلنا القبر
بس مين عليا يهون يفضل جنبي واقف معايا
ومين ع البر يشد لما الخوف سكن جوايا
أه وسيرتك تحكي عنك مش محتاجة ان افصلها
سم بعدك ضخة جسمي جمله بعدك بفسرها
بس وعدي مني ليك أول أبن يحمل أسمك
كفت حبي والله ليك توزن دهب تقل جسمك
بس تعرف بعدك عني زادني لحنين لفيلم ماضي
شايف منة مشهد واحد بس باقي الفيلم فاضي
كل بطوله جوة عنيا وكل صورة شايفها واضحة
كاس المر شربته ف بعدك بروي بيه كل صفحة
فاكر يوم ما قالوا رحت لما ساعتها جسمي أتشنج
لما وقعت ع الارض وعقلي يومها راح واتبنج
اه دة مهر القرب صعب كنت ألمة لو تتمني
بس قربك شايفة صعب م انت دوقت طعم الجنه
مفتكرتش يوم فراقك بس تصدق مش نسيان
معترفتش انك موت صورتك ساكنة كل مكان
مرت سنه تشد ف سنه وكل شهر يجر يوم
أيوة انا الشخص المصتنع الي ضخ قلبة سموم
مت بعدك الف مرة وكل مرة موتة أسوء
أبطء مني شبخ الموت أسرع منك أه لو أسبق
بس تعرف لسه فاكرك كل ذكري منسيتهاش
نفسي بس لحظة أشوفك لو تمنها اروح ببلاش
كم حب ليك بشوفة كفيل يصبر قلبي سنين
ساكن قربك أبعد عنك جوة مساكن ميتين

وعد تبقي رمز ليا واحكي عنك كنت بطل
لما افتكر ايه كريمة كف الاذي وكف الخطر
دوقت الذل بكل نوع واصعب نوع الاشتياق
بوادر المر خطوط الموت بين ضلوعي جوة سباق
اه م الموت وخوفة منا لو شجاع مكنش أتخفي
دة يكدب دة بصدق كانت هتطب نفس الكفه
بس مين يطيق فراقك مين الي عرفك يوم وكرهك
دة انت داء وكل دوا كنت احب الموت لو سمك
وعد ف كل ركعه أدعيلك و أمسح دمعي أن يومها سالت
بس عارف أنك ف الجنه أه من بعدك عيشتي مالت
لسه عايش شخص وحيد وانت ساكن خلد ربك
بس قولي اعمل ايه لو أله الكون دة حبك

Fe Al smaa - في السما

من مسلسل "شيخ العرب همام"
أشعار عبد الرحمن الأبنودي

مع السلامة يا رفقاتي

نَص يُحكى في مارس مصطفى حمادة

"بائعة المناديل" 
هدوء مش عادي في وسط زحمة يوم
لا عارف اعاتب مين ولا على مين ارمي اللوم
واكيد مش هرمي اللوم على شقيان
عامل في قطاع انتاج تعبان
يتهد الهدة الصح فيوم
ويرجع بيته مقتول غلبه النوم
لا هرمي اللوم على تاجر غلبان
ساعة ساعتين ده الوقت الفاضي في يومه 
ورزقه المتقلب حط النعش في نومه 
لا هرمي اللوم على الميكانيكي والزبال
فكر يوم في همومهم بتهد جبال
لا انا هرمي اللوم على صاحب لقمة حلال
عرقه      صنع فيوم أبطال

لكن برمي اللوم على دنيا بحمل التقيل
ياما خلت فرح الطفل نهارا يقلب ليل
وكتير ب تزّود وتقسّي على حد جميل
كبنت المترو اياها واقفة بتبيع مناديل

قاعد وبعد همومي وبتحسّرْ
و الحالة ديه قليل فيها اما اتأثّرْ
عدت وحطت مناديلها 
ورجعت اخدتهم من غير ما تفكّرْ
مشيت ورجعت تاني وانا بناديلها 
يا شاطرة تعالي 
صبي همومك على حالي
ده حالك احلك من حالي 
همومي اللي انا قاعد فيها بنظّرْ
دابت، بوجودك فخفي الحزن شوية 
وتعالي 

عزلتني اكيد  عن كل الجالسين
وفثانية مشهد معظمنا الناسيين 
اتكرر كالعادة
وشوفت بنفسي بنت سبع سنين  
تشيل هم اللقمة وحمل تقيل
وتقف في عز الحر تبيع مناديل
ده انا وفي عز شبابي
جسمي مرخم وتقيل
فالألم اتملا تاني بزيادة
قربت
وملامحها البريئة موجودة 
الاطفال ليهم طلة  
قليل بتأثر فيها الدنيا السودة
كان وشها هادي و مألوف
صعب تقول فيها  ذرة خوف 
كأن طعامها يوماتي خروف 
ونمشها اخد من البخور عود 
بيعطر ملامح وش بريء
واوعى تحط لدا حدود 
ده عقل البنت رايدة
ان كانت او مغصوبة جريء
شايلة الهم وحمل تقيل 
وواقفة في عز الحر تبيع مناديل 

شعرها حرير مسدولْ
وعيونها الساكنة اللي بتخطف بتقولْ
بلاش شفقة وبلاش حبتين المسكنة دولْ
لا بتعرف همي ولا خذلان عمي 
ولا شيء عن امي،
و رمي في عز الحر شهر و حولْ
فوفر حبتين المسكنة دولْ 
وخدلك من مناديلي علبة
واديني نصيبي وقولْ
يا  نفسي كفاية
كتير مني هنا واتكيفنا خلاص
ديه مش نهاية 
فخدلك علبة وسيبني اعدي
كلامك الصابر بامانة ان الدنيا تاخد تدّي
جارح، فوفر كلمك وسيبني اعدّي 
يمكن دنيا تبوظ وفيوم تدّي

قدوم البنت بنفس الروح الهادية غريب
فسهل تفكر انك مش اول مرة تشوفها
وانها اختك او بنتك وانها حد قريب
فتصيبك الربكة اياها وتحتارْ
تكسر حدودها اللي اتقالت 
من وقت قريب
ولا تسيب الدنيا زي ماهي
مانعة حقها ان تختارْ
وتسأل نفسك ببسذاجة
هل عدا عليها يوم 
من غير نقص وحاجة
يعني احلامها زي بقيت الأطفال 
وفيوم فكرت زيي زمان
انها تطلع كابتن طيار
ولا فيوم تكبر وتبقى بطل الابطال 
اخاف تكون الاحلام بهتت
وقضى عليها سيف الفقر البتار
فانحسرت انها  تدفى في عز البرد بشوية نار 
او تسكن عن لعن الليل بطلوع يوم بنهار
فتكتم لعانتها وتبدأ يوم جديد و طويل
هتشيل فيه الهم وحمل تقيل 
وتقف في عز الحر تبيع مناديل

اخدت المناديل وعيني ما فرقتهاش
راحة الدنيا خلاص غابت
  بتمن كانت او ببلاش
فاكيد نظرتي ليها بحنية 
لا هتفرق ولا هتأثر ع الدنيا 
انها تمنحها لحظة هنية 
ومع ده القدر كان هين بيا
، لدرجة انها هي
قعدت قدامي وسرحت 
كتير لحظات من العمر اتسرقت 
وبوجود الروح الساكنة امامي 
هربت من السارق ومن تاني رجعت 
فندمي أكيد أني لا أملك شيء 
لا هاخد البنت معايا تكون وسط اخواتي 
ولا هي  ترضى اننا نوصل للحاتي 
مفيش غير حق المناديل وشوية فكة 
ملعونة الدنيا اللي بتيجي بحمل تقيل وملهاش سكة

طَوّل سراحنها بشكل غريبْ 
وعينها اتركزت على شيء جنبي 
ايه ممكن يشد البنت، شكله مريبْ
فبصيت زيها ع الشيء جنبي 
فجانبني صواب التفكير 
ام شايلة بنت متتخيريش عن بائعة المناديل 
ففقدت لوهلة قدرتي عالتعبير 
ان كان المال فعليه يمكن قادرة 
ان كان الحال فسواده خلاها نادرة 
لكن كمان حضن الأم أكيد ده كتير 
لا تقولي بدل السقعة  تنام في سرير 
متغطي بصوف كان او بحرير 
او تاكل أحسن أكل 
او تشرب افخم نوع لعصير 
او تسكن عن بيع مناديل 
او تتحمل شفقة ناس 
مظهرش ليهم غير تقصير 
لكن حضن الأم ده مياه فبير 
تعطش زي ما تعطش فوجود بحر الدنيا 
ولا تتروي غير بالحضن ده خيره كبير 
ان كنت متكبل بهموم الدنيا 
ده هيخليك طاير ولا اجدع طير 
ومن ان البير مائه قليل
مش هتحس غير انه مياة نيل 
يعينك ان كنت شايل
هم الدنيا وحمل تقيل 
او القدر كتب عليك 
انك فيوم تبيع مناديل

قصيدة بائعة المناديل - عبدالرحمن عبدالمنعم

ياوعدي ع الأيام - أحمد منيب - حميد الشاعري
عزف وتوزيع بندر خالد 

ياوعدي ع الأيام - عزف وتوزيع بندر خالد (Cover)

A7la El Msha3er - Mostafa Mahmoud

Lyrics by : Ahmed Beshier
Composer : Mohamed Rabie3
Music by : Dr. Marco Wahid
Produced By : Music Wave Production
===============================

أحلى المشاعر - مصطفى محمود

كلمات : أحمد بشير
الحان : محمد ربيع
توزيع موسيقي : د/ ماركو وحيد
إنتاج : Music Wave Production

A7la El Msha3er - Mostafa Mahmoud | أحلى المشاعر - مصطفى محمود.mp3

روقان جامد

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

الحضّانة 2 _ منّة كُردى _ مصطفى سعيد

Menna kordi

Recent comments

Yazan Hasan

princess NoNa ♥

ahmed elkhateeb 4

Nawar 🍂

Related tracks