تحفة يا منة بجد اية الفوجر دة وهميييييييية 

المـيوزك دي بتاعت مين ؟

احمد عثمان اشعااااااارك تُحترم Respectedd :]

صوتك حكااااااااااية ^_^ ♥

صوت الموسيقي أعلي مغطي علي جمال الكلام واﻹلقاء


عااشش ليكيي بجدد+استمري🙂🌸

كلمات : أحمد عُثمان
https://www.facebook.com/myt.7y

أداء : منة كردى
https://www.facebook.com/Kawkabmashy?ref=tn_tnmn

زاهد أنا
و لحد ما يشدو السما على جتتى
هفضل أعاود الانتحار
و ألضم مواتى ب ضحكتى
وأسمع غناوى الانتظار
وأشرب بواقى القهوة لما تغلى بين صوابعى
واقلع الليل من مكانه
ترتعد فيا الغناوى م القساوة
والعطشانين للمغربية الضامة تفاصيل كدبتك
يتسغربوا
إن السما مكفهاش كل المطر
دا القلب بقى اشبه بالزوابع 
عند طراطيف المحيطات اللى مليانه بشر
عجبى عاللى داق النومة على كتفى 
طاله الطريق قام هَرَب
من بعد دود الارض ما عضنى
ضربْ العصا مبدأ
فيا من عصيتم فهمونى 
اذا كان طريقكم مبيرتعشش
من نظرة الزيف للسما
واجب على الدراويش يملّو عينيهم الحاضره
ويرتعشو
على صراطك يابو الحواديت
يا موت واصل من الغيطة اللى بتضلم فى عز الضهر
لاخر سكة بتنور على العميان
يا حبة تأويلات تايهه ف قلب ميدان
عجزى فى صبرِك منتهاش
زاهد أنا زهده مجاش
ولا خد خبر
لما أنتظر 
كل الساعات إتأمموا
وجعى لوحده كان ضمير غايب اوى 
اما وجعك فعل امر 
و استحال م المعجزات
دا الزهد اشبه ب الوجع
اما الوجع 
ف طريق واشبه باللى فات
بتكسرى عضم الرصيف
بتغيرى ف صوت القمر 
بتلبشينى لما دمى بيرتعش
ف افرد عينيا فى الوطن
واركع لتأويل الزمان
لو كات عيونى ملونين 
كان الطريق هيحنلى 
رغم الشجن
لكن سمارى ازعجه 
ف أصر تغيير المكان

#
أحمد عثمان

تأويلات الزهد والوجع - منة كردى

هنا مش مكان لـ معلومات وتفاصيل روتينية مُملة ...
بس أقدر أقول انى بحب هنا ..

Comments

WOLVARINE ELMDFA3

rahma mohsen

Mohamed Osama 707

MuHamMaD HaSSan

Keep Around

Keep Around

MuhammaD HassaN

adel etman

Mohamed Ali Elkassas

Menna kordi